翁記上海館 (已結業)

鳳凰村的美味齋叫是我們家的飯堂，可是美味齋光榮結業，也令我們失去了一個吃便飯的好地方。除了美味齋外，消防局對面有也有一家詠藜園的，但也不及最近慈雲山的翁記方便。 翁記小本經營，已經開業半年，以上海小菜為主。 一共點了幾款食物，以家庭小菜來説也是個不錯的了。 花雕醉雞中，花雕味道不算太強，是一種淡淡的，而雞塊吃起來夠滑嫩。 雞絲粉皮是個開胃的菜式，把青瓜和雞切絲，混入粉皮，再加上醬汁，帶來清爽的感覺。 現在很多上海店都標榜皮薄餡靚的小籠包，到底皮薄或是皮有點厚度較好？其實也沒有一套準則。翁記的家庭式經營沿用有點厚度的皮製作小籠包，讓夾起小籠包時不會容易弄破。湯汁在小籠包內，讓吃小籠包時把湯汁一併吸到口中，十分喜歡這種濃郁熱烘烘的湯汁在從小籠包擠出來。 乾煸四季豆伴飯一流！ 這個散叫的晚餐，來得真不錯。 翁記上海館慈雲山慈華里3號地舖

我間中會上男朋友婆婆屋企食飯，今次係附近發現左一間新開嘅上海菜館，見有好多街坊客幫襯！座位不多，應該係家庭式經營，價錢亦非常經濟實惠。呢幾日天氣轉涼，飲返杯熱豆漿暖下身先，豆漿入口順滑，豆味香濃，但對我來說偏甜。食上海菜無理由唔叫小籠包！$24/4隻真係非常非常抵食size仲比一般大！以為包皮好厚但食落又覺得適中，一咬就爆汁小籠包肉餡鮮美，湯汁滿滿，呢個價錢真係超水準男朋友叫左口水雞，同平時食到嘅有少少分別，除左辣油竟然加入麻醬，所以只有輕微辣度。雞肉肉質是意想不到的嫩滑，皮爽肉鮮，加上濃郁芝麻醬更開胃！午市套餐選擇好多，最後揀左燻魚菜飯，送老火湯、豆漿或熱飲。燻魚份量不少，賣相對辦，可惜鯇魚魚味較淡，醬汁亦不夠濃稠。好耐無食炸饅頭，諗返起細個嘅時候媽媽都會炸俾我同家姐食。饅頭炸得金黃香脆吸引極了！重點係瘋狂滾煉奶鬆脆饅頭配甜蜜煉奶真係人間極品！如果可以無咁油膩就更好。叫下叫下就成枱食物，飽到頂住個肚都只係每人$100，真係好平！

週五是一個很特別的日子，因爲翌日不用上班，所以便會不惜四處找好吃的⋯⋯這天同樣是約上好友一起去吃晚餐。要知道，若自己一個吃飯，即使食物有多好吃也不及跟好友一起吃來得開心。這回去的翁記上海館位於慈雲山中心對出，雖然店面比較小，但很好找。晚飯時分，我們看到店裡店外也近乎滿座。大部分一兩位的食客也需要搭枱，我們也不例外。二人一落座，第一件事就是看餐牌。這裡的餐牌有已過膠的這張。也有方便客人取走的外賣紙。光看餐牌，已經看到很多小食頗吸引的樣子。奈何人不能眼闊肚窄嘛⋯⋯幸好我有一位食量很不賴的好友～故此，我就放肆地點菜了！首先是冷盤類：手拍小青瓜（小辣）其實我們並不是吃得到辣的人，所以也挺怕說是小辣但實際會很辣⋯⋯幸好，這裡的小辣名符其實也。入口是淡淡辣味，適當地刺激味蕾，咬一口小青瓜便是爽脆的「啪」聲，吃著吃著不自覺便見底了。然後還是冷盤類：脆皮素鵝。光看照片便可以看到那腐皮有多香脆，包裹著冬菇。咬一口，其腐皮外層鬆化香脆，內層則較軟，而且一層層腐皮連帶餡料讓味道富有層次感。再來是點心，這是阿翁上湯小籠包。哎⋯⋯由照片會看到籠裡有些湯汁滲了出來，那是我不小心夾到的⋯人家送來時可是包得妥妥的XP

話說有日去慈雲山探個朋友 佢搵左間上海餐廳 翁記係巷仔入面 的確唔太起眼個晚7點左右去到 都已經排哂長龍 🙈🙈等左一陣 終於入左去了 先叫左杯熱豆漿 豆味超級濃 仲有陣腐竹味tim香濃非常😍😍😍 乾癟四季豆- 呢隻係小菜黎既 上盤大大碟 四季豆加上上海既欖菜翁記又夠獲氣 炒起上黎好香口😍紅油炒手- 去親上海舖 一定食紅油炒手呢度既紅油炒手 好有驚喜😍😍😍炒手咬落去仲熱既 加上自製既辣油加上蒜油酸辣程度調較得非常好仲足足有5隻咁多🙈🙈上海式炒米粉 - 其實上海式有咩咁特別呢但係火氣十足 好夠鑊氣🔥🔥🔥米粉好乾身 重點大大碟🙈兩條友食咁多野 同木台既姐姐都嚇親但非常抵食 只需要100一個人咁既時勢 你邊度揾😎😎😎

翁記上海館正宗上海菜餐廳，仲要性價比夠高已經買少見少🤔，呢間位於慈雲山既上海菜館以正宗上海菜作招徠，雖然位置較偏，但性價比十分高👍🏻，可以一戰！-奶油雲腿津白（$58）奶油濃得黎夠甜，同時食到雲腿既香😋，加上津白份量夠多，抵食之選！小籠包（$24/4隻）有做到皮薄餡靚，一咬開湯汁多到滿瀉！因為新鮮出爐，仲有啲燙口添，大家食個陣要小心啲😂。湯汁有香濃嘅肉汁味道之外油脂香味重，點少少醋伴黎食一流。擂沙湯丸（$22）司令對擂沙湯丸有種執著，次次都會係唔同糖水舖搵擂沙湯丸黎食，但好多時候都會中伏😂。不過今次呢個擂沙湯丸尚算滿意，咬入去有滿滿黑芝麻餡，靚而不膩，加上外層包滿擂沙粉，作為飯後甜品就最適合！

今個假日同老公突然想搵間懷舊既小籠包店黎食,上openrice 一睇, 就見好多都推介慈雲山既呢一間翁記上海館…晚上7:00去到座無虛席, 好彩岩岩有對情侶食完我地就有位啦..去到我地叫左上湯小籠包 (8隻), 水晶肴肉, 雞絲粉皮同埋五香牛展同京醤前啼….因為我同老公實在太肚餓啦所以叫左好多野食^_^水晶肴肉唔係度度都可以食到, 黎到呢間慈雲山小店竟然可以見到,上菜時見到佢光滑晶瑩就知應該唔錯,食落口好fresh, 肉質口感層次鮮明配埋佢比既鎮江香醋食更加能夠把鮮味提升, 呢個菜真係不得不試!雞絲粉皮又係一道必點既上海菜, 呢碟冷盤小菜簡直係我最愛! 食極都唔會厭, 因為芝麻既香配上雞絲同粉皮味道好夾, 所以每次到上海店我都忍不住叫五香牛展同京醤前啼都係切片上, 食落口好彈好QQ, 牛展既醤汁係甜甜地既, 而前啼就係咸, 2個既配合岩岩好唔會撞左味道…總之呢個菜又係必食啦~~上湯小籠包 (8隻) 小籠包是上海經典小食, 黎到上海店 呢個菜一定係必食啦~ 基本上食左甘多野已經好FULL, 不過見到個小籠包黎到, 真係忍唔住同老公一人一籠食晒! 小籠包皮薄餡多, 一口就可以放落口食晒,

要不是來找舊朋友，我相信很少踏足慈雲山這舊區，朋友想試開業不久的翁記，7時多來到已人頭湧湧，幸好2個人相當容易有位。價錢十分親民，未知味道又是如何呢？點了套餐，酸辣粉+4粒小籠包只是$48，當然還有擔擔麵其他選擇。小籠包一點不小，比平日食的大50%...好擔心厚皮呢誰不知外皮相當薄，哎開有不少肉汁流出，小心燙咀，而豬肉餡肉香濃郁，有點另眼相看。酸辣粉同時也來了薯粉比平日食的較粗，質地較腍，未夠QQ，至於辣度都屬於中，朋友吃得津津有味，而我先覺得太辣XD生煎包 $24生煎包只有底部煎得金黃色沒有燶，整個不會太油膩，包子十分鬆軟，而內裡豬肉餡也是有肉汁，做得好好。上海排骨菜飯 $38炸起後即上檯，香口鬆脆，而菜飯也是鬆軟適中。又平又美味，怪不得吸引好多人光顧吧。

慈雲山不嬲都多野食，各個國家嘅菜都有，但就係少左上海菜，記得幾年前都有間上海餐館，可惜結業已久，不過最近開左間翁記上海館，就係慈華里，絕對唔難搵，身為慈雲山人，當然就要去幫襯下，試下水溫。新舖開張，而且價錢親民，吸引左一班人去，我地一家人7點去到都等左幾個字先有位，小餐館地方淺窄，坐得逼小小，不過都預左。阿翁上湯小籠包 $24一籠有4隻，岩岩好夠我地一家人食，呢度嘅小籠包比外面食過嘅大，啱啱蒸出來熱騰騰出哂白煙，好吸引，夾起個時真係要好小心，感覺到湯汁係入面好重，好易夾爛啲湯汁漏哂出漏，細細啖係上面咬一口，先飲哂啲湯汁，再繼續食，滿香濃嘅湯汁味，加小小醋更加可以提味。上海生煎包 $24又係一客有4隻，仲要個size幾大下，影相睇唔到，但個底係煎到香脆金黃，肉汁滲左入包入面，但又唔會濕哂。雞絲粉皮 $38粉皮好滑，醬汁份量岩岩好，加左芝麻好香。蔥油拌海蜇 $42海蜇爽口彈牙，味道稍微有小小淡。雲呑雞 $48好大碗，份量好夠，雞肉嫩滑，個湯同菜都好甜，用泥撈飯好正。乾煸四季豆 $40四季豆甜甜地，面豉又有鹹味，味道濃用泥送飯真係可以食到幾碗。銀芽炒鱔糊 $68除左上海菜嘅炒鱔糊，我其他地方

                        話說 其實我都喺一個迷信寶寶嚟～ 個日去完黃大仙 我就問我朋友 究竟有咩好食點知一個屈尾十 佢就帶咗我搭小巴上慈雲山食野😧啊姐 我咁大個女第一次去慈雲山就俾咗佢🤦🏻‍♀-雞絲粉皮 ($38)都喺個句 有睇開我之前嘅文 就會明我對雞絲粉皮嘅狂熱呢到嘅雞絲粉皮落花生醬絕不手軟而且雞絲份量又多 粉皮又夠滑 合格有餘👅-阿翁上湯小籠包 ($24/4隻) 平時食開啲小籠包都喺走的骰路線估唔到今次呢個小籠包 真心令我驚喜～本身以為大大隻 個皮唔會薄得去邊 點知又okay 喎 重點喺入面十級多湯汁🤤-紅燒獅子頭 ($40)我另外加咗$3 轉菜飯 仲隨餐附送熱豆漿對我嚟講 食獅子頭 最重要就喺個汁 今次個汁唔會好杰身同油膩 一啖肉一啖飯 撈埋汁食 真喺perfect 池隨餐仲要有住家靚湯 - 西洋菜湯送👅-香露醉雞湯麵 ($38)由於見隔離枱食酸辣粉食得好過癮 所以我又跟人加咗$8 轉酸辣粉估唔到真喺幾好食 酸同辣夠平衡 唔會俾是但一邊搶咗紅薯粉夠滑溜彈牙 又唔會咬極唔斷 正啊😍

我最鐘意食上海菜 約左朋友家打牌之前揾食 去左慈雲山既慈華里間上海菜小店 門口企晒人 要等位 不過都係等左幾分鐘就有位 心諗呢間咁多人既 即時覺得應該唔會差 好彩食後覺得價錢同食物味道成正比 家庭式風味 最後坐近門口露天的枱 必試小籠包 一籠四粒 但係上枱時見到係大籠包先啱 比一般一隻一口的標準為大 湯汁較多 皮薄 餃肉就軟淋 點醋食更能提升味道 還大隻過湯羹 冷盤 醉雞 入味之餘 竟然係皮嫩肉滑 還有雞皮同雞肉中間還有一層Jelly透明狀 精華所在 very yummy蔥油伴海浙 質地爽脆 陣陣蔥油香 還有加埋青瓜絲 口感清新奶油雲腿津白 奶油香濃 加上雲腿蓉 食落鹹香兼配合軟淋既津白 上海炒年糕 比一般的年糕較彈牙 厚切濃郁醬油香 有肉絲同埋菜同炒 非常有鑊氣 配埋杯豆漿 埋單除開 人均約百零蚊左右

首先招呼好似唔憂做咁，餐牌都要問先拎，拎杯水都要問左三次先拎叫凍菜蜜一個應該係"負責人"覆左單，過左十幾分鐘食緊野要追單先同我講無菜蜜，一開始無菜蜜又唔講。老火湯個碗有漂白水味小籠包穿既，啲汁流晒出黎，個魚係無魚味，仲有個雲吞雞無影到，呢個就無咩特別。主要係啲態度真心唔得，後來埋單個陣，有個女仔本來預約左位，但根本就無留位比佢地，都係要等人走，咁唔知預約黎做咩呢。呢到啲食評，係點既問心啦。

細細個係慈雲山返學，聽講近年呢頭改變咗好多，今晚放工上去故地重遊，成個慈雲山好似唔同晒咁，行經見到呢間叫做翁記嘅上海菜，舖面幾光猛，望入去又好似幾乾淨咁，一於入去食個飯啦。食上海嘢當然唔少得食個小籠包，我哋兩個人叫咗四個，望落去係好似比平時食開嗰啲大少少，心諗算啦粗野食住先，又唔係出名的上海餐廳不必挑剔咁多，但食落先知完全係睇小咗呢幾個小籠包，皮簿又靚當然係啦，而裏面嘅豬肉十分之香滑，經過高溫嘅蒸煮，小籠包都充滿肉汁，覺得啲肉汁有少少黐黐地，因為豬肉的膠質都溶咗入去，想不到小店之中的小籠包可以咁出色！唔知其他人會對呢味口水雞嘅接受程度去到邊度，因為除了辣油花生粒仲加了芝麻醬，但係我個人就認為加左芝麻醬係無得輸，因為芝麻醬甜甜地又香滑，好多人都好鍾意芝麻醬拌沙律做冷盤，而翁記就好大膽創新咁用佢落在口水雞呢味冷盤之中，而且有朋友唔係好食得辣嘅時候，其實芝麻醬有少少奶的質地，係可以解除左辛辣對舌頭嘅刺激，我同我朋友好快就食晒成碟雞。一碟京蔥爆羊肉只係$78 ， 仲想點！羊肉香，京蔥又香，佢哋兩個係天衣無縫的激情組合，呢味餸係連埋窩窩頭的，但係店員話窩窩頭已經賣晒，可以比我地揀饅頭或者銀絲卷，

慈雲山開咗間新既上海餐廳叫翁記，星期日成家無人想煮飯，所以就決定落街試試新餐廳。翁記就開係食肆林立既毓華里既其中一條斜路，好容易搵到，係慈雲山食飯既好處就係呢度係香港所餘無幾既街坊地方，舖租唔會太貴，自然野食都經濟實惠。一落到去估唔到新餐廳咁快就爆滿，都等左成4個字先入得。雞絲粉皮$38呢個餸係我去親上海餐廳必叫既，粉皮滑溜溜，麻醬甜甜地分量又岩岩好，唔會過多令人感覺太漏。丄海生煎包$24一客有4件，我地4個人一人一隻，一咬落去好多湯汁，個皮又夠薄，底煎得香脆，無過火位無燶味，裡面既餡肥瘦適中，令個湯汁有richy感覺又唔會覺得好肥膩。上湯小籠包$24同樣都係一客4件，仲要好大粒好夠份量，湯汁係皮下浪下浪下，皮薄餡靚，一粒既湯都差不多有半個碗，好抵食。京葱爆雞肉配銀絲卷$68窩窩頭賣晒(8點炸喎)，所以用銀絲卷代替，京葱炒得好有穫氣，好少連配菜我都會食，濃汁鹹甜岩岩好用黎送銀絲卷，銀絲卷又夠熱夠鬆軟，配合得幾好。乾扁四季豆$40又係好夠穫氣，麵豉味重，甜甜地好好送飯，四季豆炒得乾身無渣，咬落爽脆，足一個客飯既份量。雲吞雞$48湯好白好濃，隻雞又夠滑，份量夠多，撈湯送飯好好食，唔多味精飲

今日去咗朋友度做野 至發現原來慈雲山有幾多幾得既小店依間上海野 我地七點幾黎到 門庭若市 多人食實冇死吧 再睇一睇 原來一個粉麵都係40蚊左右 唔會死錯人嘅豆漿 上海舖必備產物 但幾香豆味 我叫咗熱 一黎到豆味都已經漂緊岀黎 一飲落去 完全唔甜 仲好香濃 仲唔會愈飲愈口渴添 正！重慶酸辣粉查實我應該痴痴地 喺上海舖喺叫酸辣粉😂😂😂 不過堅係幾好食嘅 一上黎 陣陣辣味傳岀黎 勁香 飲飲個湯 較酸 算太辣 不過後勁有少少麻 所以又唔會冇感覺 但係又唔會辣到食唔落 好上癮 其實佢仲有擔擔麵 我都好想食 如果個胃大啲 就好啦🙈葱油大餅一共四件 餡料唔算多 但食落去幾香😂外面煎(？！)得好香脆 唔會太油 幾乾爽 自己一個食咗3件🙈🙈🙈🙈 認真 食飯都想好食啫 如果去連鎖度食頹食 不如撐下小店啦😀

朋友家住慈雲山，說最近樓下開了一間上海菜館又便宜又好吃，叫我這個「偽食家」去試一下。好，就來會一會這間「翁記上海館」。 店子不大，但總算光猛，不會坐得迫狹。 花雕醉雞 ($45) 酒味濃，雞件滑，雞皮不肥膩，滿足了我吃醉雞的三大要求。 糖醋魚柳 ($58) 我發覺這裡的魚都做得好，這個糖醋魚柳，魚肉很滑，糖醋運用恰到好處，很快就被我們KO。 上湯小籠包 + 重慶酸辣粉套餐 ($48) 小籠包可以配套餐，除酸辣粉之外，還可以選拉麵、擔擔麵等 (價錢略有不同)，各適其適。 店員一直向我們強調，酸辣粉好正宗、好辣，「恐嚇」得我們叫了「BB辣」。薯粉十分煙靭，麻辣度不高，反而酸味比較突出，不錯。 更出色的是小籠包，湯汁豐富，肉味香濃，慢慢吃，小心被湯汁燙傷！ 水煮魚片 ($68) 可以挑選辣度，我們選了BB辣，魚肉同樣好滑，啖啖肉沒有魚骨，鹹味與辣味掌握得好，而且價錢不貴，是晚飯小菜好選擇。湯內還有薯粉、芽菜、紹菜等，相當飽肚。 上海式炒米粉 ($40) 採用幼身的銀絲米粉，是我最喜歡的。米粉炒得入味，配以洋蔥、芽菜、蔥段、蛋絲等，增添了幾分爽口。 上海粢飯 ($15) 糯米煮得軟綿綿，