翔龍拉麵小籠包 (已結業)

久不久會去依間食，食物尚算ok,價錢唔係平，我一個都食左418。食得開心，價錢無太大所謂。服務員很有耐性，幫我諗埋小朋友食咩好。又唔嫌我地成9點半才入坐，一直介紹我食咩。咁岩老闆都在，傾左幾句，老闆都好有禮貌很客氣。我見經理好照顧下屬，可能老闆搞到遲收工，細細聲同下屬話補番俾佢。下屬又樂意說好吖，而不是黑面。因我坐在收銀處旁的位置，所以看到真情流露時刻。傳菜，落單既員工都笑容真誠，今星期食左三間荃灣店，依間贏晒。加油！

難得行下愉景新城，見到呢度唔算多人就去排下啦，等左10分鐘左右就有枱都ok吖我地兩個人叫左四道菜有干煸四季豆，翔龍炒飯，黃金蝦球同埋孜然羊肉呢個干煸四季豆，d肉碎太咸同埋有浸騷味，仲衰過自己整👎🏻👎🏻黃金蝦球，我差d以為自己嗌左黃金脆肉瓜，d蝦球得幾粒入口仲要完全無蝦味，有d失望😞翔龍炒飯，即係雞肉同蝦炒飯，d雞肉同蝦食落又係無味個炒飯又有d𤓓味，收88蚊有d過份囉😒孜然羊肉跟叉子燒餅，味唔夠而且太夠油啦同油浸無分別，另外個叉子燒餅好似翻叮咁又韌又硬一d都唔似燒餅整體黎講係又貴又唔好食，應該都唔會再黎👎🏻👎🏻👎🏻

之前一直聽朋友講呢間上海野好好食,叫我一定要黎試下,於是上個月就搵日去左食!位於荃灣愉景新城都算易找,一入到去環境都OK,店員就拎左本MENU比我地睇,我地點左幾樣菜式,本身想食黑松露小籠包但好可惜店員同我地講賣晒叫我地點小籠包,呢個小籠包定價也合適~ 只不過，皮厚左一點點,但係湯汁都算濃郁之後,就到必點既擔擔拉麵出場..店員跟我們說擔擔面會辣,(不食辣既人,可以走辣)於是就叫個擔擔麵試下啦,擔擔麵湯底香濃，但麵質略嫌欠了咬勁....有少少失望總括來說,餐廳服務是很好的,但食物方面希望能改良~~~

夜晚喺隔離體育館睇完佢打比賽，完勝後同佢屋企人喺對面哩度食晚飯9點30過黎都要等一陣，証明食物唔會差得去邊哩度定價都不貴，而且份量買好。不過佢圖文不符唔會違反商品說明咖咩？小籠包一籠4個，佢餐牌就6個，奇奇怪怪不過真係好一般。個皮好厚，上海控嘅我對皮嘅厚度係有啲要求。不過啲湯都太油，真係唔係好好味，不值推介。哩度嘅麵嘅麵底特別，而且都扺食呀嗌左個雞絲撈冷麵麻醬撈得份量剛剛好加上手撕雞絲份量夠！4個人分一人一碗哩個又圖文不符啦牛肉份量小左啲我覺得不過個京醬炒係幾香，稍油跟薄餅無乜特別喇，不過覺得硬身左啲，唔夠軟熟。嗌左個雪菜肉絲湯年糕，還可以喇，不過份量多，年糕煮得淋味道不錯，不太濃味，清清地仲有哩度嘅菜特別，有好香煎米味有heart! 4個人埋單$300幾，平食推介！

同朋友去愉景新城買完野，見到間間餐廳都好多人等位，得返呢間人少少就諗住試下...2人檯等三張諗住好快但點都估唔到反而要一個鐘囉😖！一坐低淨係覺得好嘈，可能因為樓底矮而且好多細路仔，加上啲侍應勁粗魯放啲碗碗碟碟勁大聲😅，連落單都要repeat左三次😑😑😑。不過好彩落完單啲嘢食勁快就到但係就唔夠熱囉...食上海野必點小籠包，明明menu 幅圖有六粒但上到黎得返四粒，有少少覺得俾人呃咗😒😒😒。而且可能因為晚巿關係，廚房一早蒸定，成粒啪落口都唔覺得熱😅。不過繁忙時間都無得要求啲咩了🤷🏻‍♀️另外叫左翔龍招牌炒飯，讚位啲飯炒得粒粒分明，但係得蝦BB同埋有胭脂蟲嘅蟹柳😂😂😂，價值＄88有啲貴...而且份量2個女仔食應該都爭少少😕...干貝賽螃蟹真心唔推介🙄，說好的干貝呢！😭😭，$88💸💸而且人地加魚係為咗增加口感，但佢啲龍脷柳碎好勁雪藏味，加左醋都食到😖😖😖，畫蛇添足放棄！另外仲有一碟回鍋肉炒年糕，個醬不過不失但年糕同糊仔無分別，咬落1 pat而且豬腩肉煮太耐太硬🤢。總括黎講，以呢個質素價錢偏貴，份量偏少，失望...

荃灣愉景新城及鄰近商場8米半 (前中染廠)多了很多食店，但這家翔龍拉麵不算是新店，只是由地下搬了上來3樓。******************************蜜汁火腿 (推薦指數 8/10)一客有四份金華火腿及配料，肉質色澤鮮豔並且紅白分明。精髓在於甜甜的蜜汁，加上切得幼細的青瓜，每件配上薄脆，雪白的包皮，咸甜交織，夾在一起更是可口佳餚。******************************翔龍小籠包 (推薦指數 7/10)外觀尚可，薄皮,湯汁剛好(但不算多汁)，肉質鮮味但可惜熱度不足，沒有熱騰騰的燙口感覺。注意一籠只有四件，與相中的六件有分別。******************************冬瓜茶 (推薦指數 7/10)不算濃也沒有太甜，味道適中，加有一片檸檬，帶點酸甜的，解解膩也不錯******************************海鮮煨麵 (推薦指數 6/10)湯底是平常拉麵的雞湯底，拉麵太淋身並且濃稠，海鮮有蝦肉魚粒，但感覺不算特別。******************************生煎牛肉包 (推薦指數 5/10)包皮煎得香口，可

當日lunch time去到,無4人座位,坐長枱=搭枱近餐廳門口個天花唔太高...困住晒d聲,搞到好嘈吵..當日心情都有d沉重...搞到更加唔開心咁......食物質素係唔錯,不過又要茶芥又要加一,無套餐叫,所以唔算咁抵食呢~如果星期6,日都有套餐就好了~份量唔太多...味道唔錯搞到食完都無咩心機坐多陣...嘈丁好想快d閃人..唉~咁o既價錢,真的有d蝕

今天約阿哥午餐在愉景新城見open rice很多人說這裡很多人說這上海嘢好吃所以就決定試吓。十一點半左右人客不算多我坐下等阿哥所以先叫了一杯凍「甘筍蘋果汁」等咗十分鐘侍應說無問我會唔會轉其他？他不停在耳機問有無如「紅棗茶」我忍不住話咁「凍荳漿」！好了我叫東西：「葱油海蜇頭」侍應話無，「鮮蝦鍋貼」又話無只有鮮肉鍋貼！我心有些出煙…最後叫了午餐：雪菜肉絲炒年糕選了酸辣湯。散吃：小籠包、麻醬雞絲粉皮、鮮肉鍋貼、牛肉餅。可能叫想吃的東西無時所以不覺得特別好吃！之後我再叫杯荳漿…我等咗超過五分鐘我問侍應佢叫我等一陣好快…再等五分鐘我叫侍應問我杯荳漿仲末到和埋單。單很快到了但我杯荳漿仲末有！最後侍應自己去送杯荳漿比我…一口氣飲完我好想鬧人！

愉景新城嘅翔龍不嬲都係人氣店， 成日都係好多人排隊， 我哋六點半去到都要等咗半個鐘， 不過都值得嘅!食物方面有好多選擇， 有好多嘢想食，一次一定食唔曬。冷盤方面，我地叫咗個皮蛋豆腐同雞絲粉皮， 個皮蛋豆腐真係好正， 酸酸甜甜好開胃。 小籠包又點可以少呢， 貫徹一向嘅美味， 皮薄多汁。 牛肉麵都好香濃。仲有叫咗個京蔥牛肉， 加埋個包夾，味道啱啱好。當然一定要食甜品啦， 上海一定係豆沙鍋餅， 外脆內軟又唔係好甜，食完超級滿足。

星期日晚，兩個人攞飛果陣話等三張細枱.....點知，最後等一張二人枱等一個鐘。本身等到呆呆地都繼續等，反正我都係㩒電話，都㩒左45分鐘咯。不過就係唔抵望住我前一張枱號既嬸嬸俾個待應亞姐串，服務態度奇差。待應話係大枱啲人等得耐，鬧嬸嬸冇聽清楚佢叫枱號就怪佢。我即刻做左個測試，去拎一張六人枱既飛，點知等左唔駛15分鐘就有啦！但係我張2人枱仲未入到....原來呢間嘢係唔識拆枱既，大家唔夠多人都可以唔駛幫襯啦！嘢食係好食既，但食得唔順氣，下次都唔會特登黎幫襯！

上海野來講我都幾鍾意食擔擔麵，但因為本身唔食得辣，所以好怕有啲擔擔面會太辣，不過問咗店員話可以走辣，所以我就放心叫個擔擔麵試下喇。走咗辣之後真係完全辣，花生醬味都好香，而且湯底都幾杰身，好掛麵。但係個上海排骨就好敗筆喇！排骨好明顯翻炸再翻炸，炸皮好厚，而且好硬身，好多都同肉分開左甩晒出嚟😟

上星期為向到港的親友洗塵，便邀約到此店進餐。這食肆不設訂座服務，要提前取籌，入座時更要過半數，否則仍是要耐心等候。此店便吃招牌小籠包，皮薄汁多，要在香港吃到有水準的小籠包，此店是不二之選。店員推介新出片皮鴨二食，於是點了一隻試試。鴨片帶肉，沒太多油脂，因此美味而不油膩，加上薄餅真的名符其實夠薄皮，不知不覺間吃了幾件，唯一美中不足之處是青瓜葱片配料再加添要收20元，實在有點兒不合理，有那麼多鴨片，但配料只有一小碟，因此加添要收費是不恰當的做法。鴨殼斬件加豆腐津白滾湯，鮮甜可口而絕不油膩，更可吃到鴨肉的鮮味。再加一個酸辣魚鍋，魚件嫩滑，湯底微酸帶少許辣味，滋味無比，連不嗜辣的親友也讚不絕口，實在不容錯過。再來一客孜然羊肉配叉子燒餅，同樣是香脆可口，肉味豐腴；海鮮滑豆腐同樣出色。最後來一客酒釀湯丸，令這餐劃上一個完滿的句號。

小籠包皮薄肉汁正，其他地方食小籠包好多時都會辣親嘴，即使已經嘆左陣先食，呢間落到枱可以即刻放入口，感覺上係計好時間，嘆岩温度先比客人食，非常好見到枱枱客都叫，果然係好野黎！我地食完仲補叫多籠！仲叫左“松子黃魚”同炒“四季豆”都好好食！啲包都係即蒸既，有質素有水準，而且價錢合理,聖誕人流多，仍保有良好服務態度！唯獨個“雲吞雞湯”咸左少少！差啲唔記得提，杯茶，好好飲！呢間有下次

食物味道真係一般。服務質素都叫過得去。今日同屋企人三大一細去食晚飯。食物落單後大概10分鐘開始上菜。我地食到一半我發覺有一個火腿津白未上。我就問個侍應我d菜上齊未。佢話上齊左。我以為佢唔記得落單。我見我地都食到差唔多都冇叫佢加返單。但係當我叫埋單睇單既時候見到個菜有落單。我就同佢講冇黎。個部長話去睇下係咪冇黎。過左五分鐘左右佢就過黎話個菜整緊好快上。我話我地都食到差唔多啦。可唔可以取消。但當我講緊既時候個菜就黎左啦。個部長一直解釋依個菜係要整比較長時間。一直講唔好意思。最後我地都係食埋先走。其實一開始我冇確定有冇唔記落單係我既錯失。但係其實由我落單到個菜上最少有30分鐘。我落單既時候侍應都冇同我講依個菜要煮比較長時間。依樣野有待改善。

今晚入荃灣探朋友新居入伙，晚餐朋友帶我們到樓下商場食晚飯，這間食店都是第一幫襯，試過後覺得好得喎！同大家分享一下。摩登間隔，座位非常寬躺新派裝潢感覺年青人氣推介，除此外仲有好多必食精選。麻醬菠菜靈魂在醬汁，菠菜就略嫌老左少少，好有咬口！麻醬腐皮卷腐皮包著紅蘿蔔木耳絲，食落好清爽，配合自家調配醬汁味道一流雪菜肉絲炒年糕配料比較少，味道非常清淡，適合淡口人仕。四川口水雞皮爽肉滑不鞋口，辣醬料咸咸香香帶微辣干扁四季豆有鑊氣，略嫌多油！翔龍小籠包皮薄肉心半肥瘦份量剛好不會油膩的感覺擔擔麵麵質煙韌有口感，有咸香蝦米粒同花生粒配上麻醬香濃！