翔龍拉麵小籠包 (已結業)

兩個人去食set Lunch.. 一入到店都不用等位而且人不多.. 所以就揀左呢間試一試.. 叫一個麵食包埋一份小食.. 坐位都坐得舒適又不太嘈吵方便傾計.. 黎得呢度當然唔少得叫個担担麵.. 不過略嫌太多油.. 味道都夠香的.. 麵都幾幼身硬硬地.. 食左大半就會覺得有啲'流'.. 但都不錯值得一試.. 我覺得蕃茄魚柳湯麵好好味.. 湯底夠鮮甜.. 蕃茄味都濃.. 而且加埋滑身魚柳.. 配合得天衣無縫.. 真係想連湯都飲埋.. 不過食埋個小食都好飽咯.. 生煎包夠熱就已經好好味.. 個底都脆卜卜.. 確實幾吸引.. 最後送左個雞絲粉皮醬料太多太濃.. 基本上食少少都頂不住了.. 多人一齊食會好點..

午餐一個人去左食上海野，第一次來呢間食野，環境幾舒服，感覺上價錢唔平。鍾意食辣野嘅我就叫咗個lunch set，個set有一碗麵同兩隻小籠包，但就唔包飲品。小籠包上枱果陣應該岩岩蒸完，熱辣辣！層皮唔會太厚，裏面都有好多汁，咬落去幾juicy ，而裏面既餡料就係普通既豬肉，味道幾香～跟餐叫左碗麻辣擔擔麵，首先份量係幾大碗，擔擔麵上面就有d蔥花同肉碎，無其他伴菜...麻辣既味道唔係麻而辣，唔食得辣既要小心擔擔麵幾有口感，幼得黎幾有質感。另外叫左一碗酸辣湯，湯有d稀，味道偏淡，不過配料都幾多，但係辣味就唔夠！而且價錢偏貴，唔值得試總括呢間既食物一般，價錢偏貴。

2大3小,當然要搵個坐得比較舒服既餐廳食飯,見翔龍拉麵小籠包 既位都比較寬敞,人又唔太多,就試下醉雞份量唔多,但同價錢成正比,花雕酒味重,雞肉算嫩翔龍小籠包（$35-4粒）皮薄,肉汁充分鎖住,肉味不錯.依個價錢算唔錯.擔擔麵麵既分量多.花生醬味出,只係偏油上海粗炒味道一般,可以接受,麵同菜絲分量正常,肉絲少得可憐牛肉餅熱熱的,牛肉汁多,皮唔會太厚咕嚕肉小朋友至愛,脆脆的肉配上酸酸甜甜的.味道正常

今晚和老公來到愉景新城吃上海菜，我們叫了很多食物。首先是醉雞。很香花雕酒味，雞肉尚算嫩滑，不俗。另外我們叫了一個酸辣湯。湯夠酸但不夠辣，而且木耳豬肉不夠多。另外我們叫了一個孜然羊肉包叉子。羊肉不太騷，而且和青椒、洋蔥爆得很香。可惜叉子超級硬，所以我們每人吃了一件就沒有再吃了。最後我們點了一個番茄湯韮菜餃子。蕃茄湯裡有少許蕃茄蓉，幾好飲。最後一提，這裏的服務很不錯！在埋單的時候，我本來是想用現金付款，但是服務員溫馨提示我，有沒有揸車。因為如果需要免費泊車是需要用電子貨幣付款的。多得他提一提我，我就慳了幾十蚊的停車場錢。

愉景新城係多左野行既，好多林林種種既大型店鋪都有，想經濟啲食平啲，咁就係呢間「翔龍拉麵小籠包」！我地今次叫左幾樣野食：「翔龍小籠包$32/4件」、「上海粗炒$62」、「欖菜肉碎炒飯$65」、「蔥花家常薄餅$42」、「鮮肉鍋貼$35/4件」。「翔龍小籠包」一籠有四件，都算係薄皮既，湯汁同肉質鮮味，但唯一不足就係唔夠熱。「上海粗炒」份量都適中，但比較油膩，味道麻麻。「欖菜肉碎炒飯」不錯之選，肉碎味道好入味，唔太油膩，好有口感。「蔥花家常薄餅」呢個唔太油，芝麻味好香，熱騰騰好軟身，好味。「鮮肉鍋貼」一碟有四件，煎得唔錯，唔會太燶底，好鮮味好好食。

同屋企人食下午飯，點知服務態度非常差，個個黑口黑面，十問九唔認，叫D嘢食又唔好食，價格又貴，以後都唔會去！最後問D服務員要停車場優惠有咩方法，我自己都食左四百蚊，以為我喺乞衣咁黑口黒面！

自從愉景新城大裝修後, 都未有真正行過, 今日放假得閒就四圍行下個商場, 多左好多鋪頭同食肆.差不多到晚飯時間, 都係早D食, 3樓呢間翔龍記得以前響地下, 原來無執, 而係搬左位, 地方一樣幾大, 好多位, 環境唔錯.翔龍小籠包$35/4個, 皮唔算太薄, 頂部過左氣有少少硬, 包著既湯夠熱, 餡料豬肉都幾嫩滑.冬菇毛豆百頁炆雞$68, 之前都食過呢款雞, 一來百頁一卷卷, 索左D汁好好味, 但而家變左一條條, 掛唔到D汁所以無咩味. 另外炆雞唔入味, 而且好多骨既部份, 唔係得幾多舊食.可能太耐無黎, 以前既師傅轉左, 下次都係食其他.

今次嚟到翔龍搵食！早2日提起好想食兩面黃～今日途經翔龍竟然見到有得食～就即刻衝入去了！一坐低店員就俾咗張coupon我哋～話有八五折～又幾抵喎！（不過優惠到6月30日咋）茶芥 ($8)杯茶聞落去好香～我以為係松子茶～但店員話係蕎麥茶～點解好似同平時嘅唔同不過真係幾好飲～飲咗成3、4杯（笑）鱔糊炒兩面黃 （$72）點解！點解唔係我想食嘅兩面黃！！！我以為係點醋同糖嘅兩面黃嚟㗎呢個只係個普通嘅鱔糊炒麵⋯⋯太失望了…不過黃鱔數量幾多～麵都夠脆！但相對地比較油膩～個底好似油浸麵咁…翔龍小籠包（$35）層皮非常薄！不過個湯唔夠濃味～肉味都不錯！不枉係主打小籠包的！皮蛋伴豆腐 （$42）呢個奉勸大家唔好叫！餐牌上皮蛋明明係切片～點解係切粒㗎？仲要得好少好少！豆腐不夠滑～個汁好濃味！都唔知自己食咗咩…不推介！整體上味道普通～不過喺愉景新城內算是少數抵食餐廳～有機會可試吓其他食物嘅～

上海菜很受港人歡迎，但出色的上海菜餐廳在香港比較難遇到。翔龍拉麵小籠包算是近年為港人熟悉，無它，分店多，價錢合理，座位舒適 今次午餐只點了三款食物，包括擔擔面$50、酸辣湯麵$48和牛肉餅。擔擔麵在餐牌上是打著翔龍的旗號，即管試試。擔擔面可選擇辣味或不辣，這次點了小辣的味道，辣味不霸道，亦不會蓋過花生味道，算是不錯。但湯底味道不太濃郁，而且較稀，湯底的掛麵能力不高。麵質方面，不會過淋，而且麵條曲曲的，口感不錯。酸辣湯麵的麵與擔擔麵的麵質一樣，但分量比較多。酸辣湯的味道比較曖昧，不酸也不辣，即使配料的木耳、荀、蘿蔔絲和豆乾分量足，但也差強人意 牛肉餅小食算是有驚喜。上枱時溫度很足，十分燙口 而且內裏的牛肉汁很多，牛肉餡料內有爽脆耶菜，甜甜的。但外皮比較厚，尤其是收口位置，需要改善。

今日星期日 都預左周圍都好多人但兩個行行下黎左呢到食左間唔會再食既野首先一黎要等位 都預左架啦我地都好快入到去坐底睇完餐牌叫完野食 就開始黎啦首先 我地隔離坐左4個人落野食既侍應去錯隔離同佢講係我地既 唔好意思都無聲放低就行走我地叫左3樣野 嫩雞煨面 小籠飽 手撕雞冷面女朋友叫既嫩雞煨面 利申我未食過呢樣野 所以唔知佢會1 pat野到禁 個味道就好似一煲滾左好耐既面咁小籠飽係加分既皮薄 好食手撕雞冷面唔記得影相等左好耐都未黎 我舉手想追單啦 一個著黑色衫既侍應好大聲叫我你等陣然後就行左去 喂大佬我黎食野架 唔係比你喝架佢地可能真係好急 好多時都十問九唔應又好大聲汁檯又盛最後 講多次 唔會再黎

最愛食豬手，翔龍拉麵既豬手，蚊到特別好食，每次都要食一隻先開心， 原因蚊到夠晒火喉，入晒味，唔會太淋，而且有種入口即溶化既感覺，甘香美味，最重要食晒一隻都唔會漏晒，食唔到其他野，首推之選

愉景新城最近全新裝修，整個商場以親子作主題，吸引了很多家庭客前來探過究竟。筆者也被網上介紹的活動及設施吸引，特意攜同家中細細前來玩樂一番。抵達商場已是午膳時間，在玩樂前先吃過午飯。正值午餐高峰期，各大食肆也人頭湧湧。是日到訪的餐廳「翔龍」也不例外，筆者也要在門外輪候了十數分鐘方能入座。作為親子商場內的餐廳，設施配套上也有相應配合。例如門外有停泊嬰兒車的地方；小朋友有特別的青蛙餐具... 餐廳主要提供上海菜式，先點兩碟經典點心「翔龍小籠包」及「鮮肉窩貼」。翔龍小籠包皮薄多汁，肉餡見香滑，水準不俗。鮮肉窩貼與小籠包一樣以香滑肉餡作餡，並貫以一定份量的湯汁。相比小籠包，窩貼香煎製作固然更香口，但想細意品評肉餡肉汁的真味，還是小籠包稍勝一籌。 蜜汁火腿是夾餅的食材之一，以蒸至滾熱的中式包皮包裹鹹香甜潤的火腿及脆口的炸腐皮，口感味道俱佳。金湯腿蓉浸冬瓜是製作需時的佳餚，冬瓜炆得腍身入味，清甜中又帶有腿湯的點點鹹香。翔龍炒飯以店名冠名，整體食味稍稍鹹了一點，普通。嫩雞煨麵是筆者太太的至愛，嫩雞份量過少，嫩感一般。煨麵入口見滑，但同時過於腍身，不是筆者那杯茶！整體來說餐廳的食品也算不錯，可以一試！

早陣子吃完好德來的美味小籠包後心中經常想念它,身在荃灣的我路經翔龍拉麵小籠包心癮難耐也不理好醜舂咗入去解一解單思之苦!!裝潢風格較摩登一入店內有一個較開揚的位置靠近商場,如怕醜的朋友可選擇行入少少的用餐位置私隱度會較高^0^環境擺設唔講還以為去high tea呢haha~左揀右揀見到醉雞又想食見到生煎包又想食,擾攘一輪終於諗掂食乜嘢但係前面那兩樣都冇叫喎哈哈女人真的好難捉摸架!!{四喜烤麩}$48,索盡汁醬的烤麩咬下像海綿般軟淋富彈性,味道鹹中帶甜頗好吃^0^{翔龍小籠包}$32外型都幾四正,夾起冇穿底賣相pass啦~小籠包皮有點厚,咬開後有少許湯汁可惜不夠熱燙,肉球有點鬆散可幸肉味還是有少許的！！｛鱔糊粗炒｝＄６８黃鱔份量不少都算幾足料，初上檯時味道質感也十分對版但吃了少許後竟然變了一氹水的在碟底水流流的看見都唔開胃啊！

之前這間店初在愉景新城開業時，它是在地下那層，還記得那時每逢午市晚市時段，都有很多人堵在門口等位，我都幫襯過幾次，質素確係不俗。自從商場大裝修後，知道它搬到了三樓，一直未有機會再試，今天剛巧在愉景搵食，記起呢間餐廳，便打算重溫食好西，點知奶哂嘢，中伏！其實到門口時，時間是平日的午餐時段，應是各餐廳最忙的，但這裡當時目測入座率不足四成，和之前門口總有幾十人等位的情況相去甚遠，其實咁嘅環境我應該臨崖勒馬，但正所謂是福不是禍，是禍躲不過，上天係要我遭此一劫，唔知點解我仲咁勇咁對門口的姐姐講，一位，唉.....他們的午市套餐有兩款玩法，一係一個點心加一個麵，或者客飯，一個餸加一個飯，仲有個湯。今天我點了一個椒鹽排骨客飯套餐配酸辣湯，而上天可能嫌我奶得未夠應，我竟然追加多一客鍋貼。先來的是酸辣湯，老老實實，好一般，佢完全忠於自己的名字，得酸味同辣味，即係煲滾啲水，勁落醋同辣油，加個生粉水整到杰撻撻，蒙起你對眼，其實個味道就同呢碗嘢一模一樣。但人係應該知足，喺我一路食一路炳呢碗嘢的時候，我又點估到，呢碗嘢正正係我今日午餐中最好味嘅呢。我有啲後悔當時不懂感恩！罪過....跟住黎的椒鹽排骨，我先撥開面

舊店好耐之前去食過，食物水準絕對有。上次去開OUTBACK..見佢由底層搬左去outback隔離舖依日又去試下..食店環境開揚左，不過商場大裝修，坐入D比較無咁食塵。依晚點左個"京蔥回鍋肉"即叫即炒..食物夠熱，醬汁濃稠度剛好又好惹味。京蔥配回鍋肉份量好足，肉質嫩京蔥切得夠幼細，整體配搭+味道都好好"水煮桂花魚"我地本身好鐘意食水煮香辣食物，係其他食店都食唔少。依間水煮既水準唔得，汁底唔夠香唔夠麻又唔夠辣亦欠惹味度，條魚就好新鮮配料唔豐富，只有依款口感軟bad bad..完全唔滑又唔煙韌既東西"鮮肉鍋貼"皮薄..底脆上軟，肉質嫩有少少湯汁包裹整體食物除左水煮魚，其他都好味，服務都ok添水好主動+密手，上菜時間亦很快。