翟道翟 (已搬遷) 新店位置

 翟道翟睇個名好似跆拳啲招式， 原來係一間泰式餐廳 ，門面裝修都幾企理🥡今日得兩個人食飯，少少地試下個拼盤同三味魚就夠🙂呢個小食拼盤足足有5款唔同嘅食物 (炸蝦餅、炸魚餅、炸雲吞、炸雞翼、炸雞卷) 咁大份都係 $128咋， 同朋友share食一流😋 咁多款小食，我最鍾意就係雞翼，炸到表皮好脆，但裏面肉汁仲保留到，抵讚👍🏻👍🏻 泰三味魚分別係 甜、酸、辣，一入口係會食到甜味，諗緊一啲都唔辣嗰陣，辣味就慢慢出嚟，唔係麻嘅辣，係泰式辣，少少酸味，一碟魚真係做到三種口味，百感交雜🤣 不得不提啲芝麻好香口😉

本人最鍾意就係泰國野，江湖人稱調景嶺胡慧冲，食過既泰國野冇100間都有50間，身邊既親朋戚友都會黎諮詢我邊間泰國野好食。所以今日我就黎到觀塘試下我人生唔知第幾間既泰國餐廳。我叫左泰酸辣生蝦沙律同埋泰三味魚，兩道送都係188，份量都幾大，建議一家大細黎食。先黎左個生蝦沙津，拌碟幾攪靚，蝦肉爽脆，個汁辣得黎又襯托到蝦既鮮味，真係好正!之後再講下個泰三味魚，條魚係炸過既，再淋上酸辣醬。個醬就係「三味」既來源。酸、辣、甜撞上炸過既魚，除左好味之外真係諗唔到仲有咩可以形容。酸酸甜甜開胃得黎加上魚既鮮味同辣味刺激你既味蕾，真係極上既享受。Overall，呢間泰國野真心唔錯，高質抵食。可能有人會嫌貴，但係食好食既野就係要付出一定既代價先食到，呢個係世界既真理。推薦鍾意食泰國野既朋友去試下呢間翟道翟。

放工既時候係觀塘搵到間泰國菜餐廳，平時食泰國菜都係係九龍城食估五到觀塘都有唔錯既泰菜 ➿➿咖哩蟹➿➿好耐都冇食過，咖哩帶有小小椰奶香味，不會太辣。蟹肉很新鮮，咖哩汁也很多。我就叫左碗白飯黎撈咖哩汁，美味➿➿生菜包➿➿豬肉碎煮得很入味 ，有點辣🙈略嫌生菜比得五夠多😣所以我一塊生菜包住好多豬肉，食到跌哂出黎。➿➿芒果糯米飯➿➿點左一客芒果糯米飯做甜品芒果超級甜糯米飯蒸得很軟棉棉。糯米飯上配有椰漿。另外其實仲叫左碟生蝦。蝦很肥美新鮮🦐沒什麼特別，就是普通的生蝦

觀塘出名多好嘢食，最近就同朋友去開觀塘行街所以就嚟咗呢間泰國菜食晚餐，地方環境非常有泰國特色，座位之間非常舒適，同朋友一邊食飯一邊傾計最啱😍_咖喱蟹🦀食泰國菜咁就梗係要叫咖喱黎試吓啦，咖喱蟹非常香口惹味，蟹完全吸收了醬汁的精華，另外可以再加配白飯或酥油餅更滿足_馬拉盞炒菜苗出街食飯自己習慣會叫一碟蔬菜，呢碟馬拉盞嘅味道唔錯，食落去好香口，感覺非常清新不油膩_泰式生蝦刺身同朋友都好鍾意食生蝦刺身，呢個刺身做法都幾正宗，下次會再同朋友嚟試其他嘢

今日同朋友reunion嘅時候朋友介紹我嚟呢度食飯，我個人雖然本身唔太鐘意食泰國野(因為好多野食都偏酸) ，但係呢間餐廳真係有驚喜！菜式都算五花八門，好多野食可以揀，環境十分之乾淨企理，啲枱呀櫈呀都好新淨，所以可以比9分。我自己叫咗個咖哩蟹嚟食，雖然美道都算唔錯，不過美中不足就係個賣相唔係幾好睇，所以會扣少少分。但係最估唔到就係佢嗰個千層榚！甜得嚟唔係好"漏", 而且佢嘅價錢都好合理，絕對值得encore!

觀塘一向都出名係工業區，而好多工業大廈一向出名多野食。呢日就去左試巧明街嘅一間叫翟道翟嘅泰國菜。一入到去就見到餐廳入面嘅裝修都好闊落，唔會好逼，梳化卡位都坐得都幾舒服。咁我地就叫左串燒拼盤，打算可以試多啲唔同款嘅串燒，咁佢都算多選擇，豬牛同雞每樣都有啲咁樣。之後仲叫左個必食嘅芒果糯米飯～糯米飯軟綿綿，口感非常好，芒果同埋椰汁都係甜甜地～～整體黎講非常好！最後就仲有泰式鮮蝦炒金邊粉，蝦肉份量都幾多，唔會話淨係得麵，整體份量算多，食完都夠曬飽。我仲叫左杯鮮蜂蜜蝶豆花，顏色好特別～～飲落都幾好飲。整體黎講，呢間餐廳坐得舒服，食物份量同味道都不錯！

觀塘工廈餐廳比較少泰國菜選擇， 呢間係少有的一間。夜晚做完健身上到去食客不算多，但餐廳裝修精緻環境舒適，侍應哥哥比左張大梳化卡位我地坐已經加分😁。人少少叫左紅咖喱雞同蒜蓉包，蒜蓉包熱辣辣脆卜卜連埋紅咖喱雞一齊食好好味。沙爹串燒豬亦有水準，唔會燒到太乾。最好味都係明爐冬陰公烏頭魚。冬陰公湯加上整條烏頭魚嘅魚汁鮮甜無比，烏頭亦樂嫩滑，啲湯都飲左唔少。以兩個人平均人頭兩百零蚊食到呢個水準加上環境我覺得尚算值得。

最近發現左觀塘有間餐廳個名好有泰國風味🇹🇭翟道翟, 英文名叫JJ market, 個名就同曼谷著名嘅市集一樣 , 咁顧名思義佢間野就一定係食泰國菜啦🙃-見佢有串燒拼盤, 諗都唔使諗就叫咗呢個😛因為拼盤有豬🐷、牛🐮、雞🐔, 每款2️⃣串, 咁就可以每款都試少少~~我地兩個人, 一人一串豬牛雞岩岩好😚-另外就叫左個乾炒牛河, 唔會話炒到太乾身, 我鍾意佢個炒河入邊加咗炒蛋🥚食落味道更好, 而且河粉嘅口感都唔錯,亦都十分入味, 依個真係幾好食呀👍🏻

一直以為觀塘工廠區得cafe嗰啲, 原來嗰到都有又抵又好食嘅泰國菜架, 同媽咪去食, 介紹下其中幾款先好鍾意食粉絲, 所以叫左海鮮粉絲沙律, 夠酸夠開胃, 份量2個人share嚟食就啱啱好, 鍾意食泰式沙律不妨考慮呢個小食拼盤, 雖然比較熱氣, 但次次食泰國嘢我都忍唔住會嗌! 雞翼同埋蝦餅係我最愛!! 有少少油膩, 不過炸嘢一定會係咁, 拼盤咩都有得試吓, 抵叫炸軟殼蟹原隻咁上, 睇到都流哂口水, 咬落好脆啊! 同埋個size都好大隻!!

今次去觀塘覓食，去食泰菜😏1️⃣燒豬肋骨炭燒味好濃郁，豬肋骨爽脆彈牙，肉汁鎖住哂，超正！🙆🏻‍♀️美味指數:7.23/102️⃣芒果🥭糯米飯🍚芒果🥭酸酸甜甜好惹味，糯米飯🍚煙靭有𡁻口🙆🏻‍♀️美味指數:7.34/103️⃣燒豬頸肉豬頸肉彈牙惹味🙆🏻‍♀️美味指數:7.43/10💡整體來講，好有泰式風味，好有去咗旅行🧳嘅感覺🥰😋😋😋翟道翟 (觀塘)地址🐾:觀塘巧明街104號巧運工業大廈1樓C室

最近觀塘又試到一間新餐廳🍽🍽因為嗰日晏晝食得太飽，所以嗰晚我只係叫咗一碟炒飯 ✨泰式香葉雞肉炒飯✨呢碟香葉雞肉炒飯入邊嘅材料除咗雞同埋飯之外就係九層塔，仲有紅椒。色澤比出邊嘅普通炒飯深色小小，味道唔會太鹹，反而我覺得尚算清淡。最香嘅就係九層塔嘅味道炒入咗每粒飯嘅裏面，所以呢個炒飯廚師冇落太多調味料，但我都食到好有味😋 食完之後仲可以食埋旁邊嗰兩塊青瓜，令口腔嘅感覺回復翻清新，呢間餐廳對呢種細節位處理得好好💡💡

我平時唔會去工廈食飯，因為覺得佢地收得早又無野行，但我喺平安前前一晚先去訂枱都有位，咁唯有一試啦～見佢啲評語都不俗，同埋我同我呀媽都想食生蝦呀嘛Btw....女朋友仔其實唔太食濃味野同生野，佢都乖乖陪我媽一齊食，巧抵錫（最愛的都在身旁，就是幸福，就得滿足）其實生蝦就不過不失啦，咁期待係會有點影響嘅，我地一點，佢上得好快，一早整定，一分鐘都無就拎來食落口感亦唔算好新鮮，但都ok！另外點了海鮮冬陰功，呢個正正子，因為好足料，入味，一路用火熱住保持溫度，飲完暖笠笠，一個細的份量都夠3-4人享用再點了椰汁青咖喱雞另叫薄餅配認真，我食唔到咖喱味，應該話真的很微，椰味好重！所以你想食咖喱就建議點其他試～薄餅亦都一般⋯兩串雞腎，都係雪藏味多兩串豬肉，好過串雞腎咁囉🤷🏻‍♂️🤷🏻‍♀️一碟金邊粉，炒得太太太乾身咁所以正體來說優點：可預訂！冬陰功係正嘅！職員有禮！多卡位、環境算寬敞！（傾偈談心不錯呀）So far食物質素不算突出，所以都不會吸引我好想下次再光顧希望將來見到你地會再進步同有更多的選擇啦

最近好鍾意發掘一啲地點比較隱藏嘅餐廳，我覺得呢啲餐廳嘅嘢食質素都會好啲✨🧐今日去咗觀塘嘅一間樓上鋪泰國菜餐廳，一上到去就聽到泰文歌，真係好泰國feel🧐蝦控嘅我叫咗兩道蝦嘅小食😆😋 泰式生蝦刺身生蝦最緊要新鮮，佢哋嘅生蝦刺身有6隻，好大隻好鮮甜，不過略嫌隻數少咗啲。。 柚子鮮蝦沙律鮮蝦球好大粒，配搭住柚子汁，酸酸甜甜加上香葉，甘荀，仲有鮮蝦球，非常清新開胃。食材嘅新鮮配搭着比例好好嘅沙律汁，果然冇嚟錯呢間餐廳

觀塘區越來越多美食， 近期俾我發現一間 位於巧明街工業大廈的泰國菜～ 翟道翟， 預早我已經在openrice訂位， 我們一行三人準時到達餐廳， 店內環境舒適，有很多卡位， 店員安排我們坐在窗邊卡位位置， 跟住我們很快就點了幾款菜式，青檸明爐烏頭$188， 炭烤沙嗲串拼盤$98， 泰式鮮蝦炒金邊粉$88， 馬拉盞炒椰菜苗$78， 原個芒果糯米飯$68。青檸明爐烏頭～ 好喜歡吃泰式烏頭，酸帶點微辣好開胃， 烏頭肉質紮實，口感新鮮甜美。炭烤沙嗲串拼盤～ 豬牛雞三款串燒都做得唔錯， 燒得剛剛好， 每一款都鎖住肉汁，不會感覺很乾， 沙嗲醬好惹味， 值得一試。泰式鮮蝦炒金邊粉～ 份量超多的金邊粉， 三個人食極都食唔完， 味道甜甜酸酸， 鮮蝦爽口。馬拉盞炒椰菜苗～ 馬拉盞炒椰菜苗味道惹味，青綠的椰菜苗入口爽嫩。原個芒果糯米飯～ 最後有點少得芒果糯米飯， 糯米飯熱辣辣軟綿綿， 配上甜美的芒果和椰汁， 是我最喜歡的泰國甜品。整體而言第一次到翟道翟感覺很好，對這裏食物質素，員工服務態度和餐廳環境都很滿意。因為網上訂位的關係， 可以享有全單九折， 三個人埋單只需要$520， 非常抵食！

今晚小弟同朋友嚟到觀塘買野，順帶去左附近一間泰式餐廳食晚餐。由於係閒日，人流不多，不過要讚係每張座位都幾闊落，坐得幾舒。餐牌內的食物選擇多，都幾豐富，基本都有齊。馬拉盞空心菜，泰式熱門之一的食物。就嫌馬拉盞味道唔夠出，而空心菜好像炒得有點過火，太腍了，味道不過不失。原個菠蘿海鮮炒飯，份量都幾多，將飯放入半個大菠蘿中，入面有腰果、三色豆、青口、魷魚等，飯就不夠入味，如果上面的肉鬆放多D就更好。而配撘的腰果，令層次感豐富菠蘿都算甜。不過海鮮再多小小會更好。