翠華餐廳 (已結業)

去了沙田翠華，見到午餐係鐵板脆皮雞扒(磨菇汁)好似幾正咁，就叫咗呢個，點知……個羅宋湯味道係ok的，只係唔知點解好多油，再等咗十幾分鐘，個主菜來了，賣相幾好，淋汁上去開始食，首先係冇預期的“渣渣”聲，再切了一嚿去食，咦？！塊雞扒凍嘅？裡面係干嘅，皮係淋嘅，說好的“脆皮雞扒”呢？佢應該係好耐之前預先煎定，有客叫就燒熱塊鐵板放上去，塊扒上面完全係凍的，連室溫都冇，只有掂到鐵板的位置才有少少暖，嗰個磨菇汁好多磨菇，但係完全唔知咩味，真係難食到冇朋友，真係以後都唔敢再叫”脆皮雞扒“食了……

近11點先到沙田，想食粉麵早餐真係唔多選擇。見翠華早餐供應至11點半，二話不說就入咗去。侍應叫我嘟完安心出行同針咭就自行入座，入座後餐廳經理又話要有餐廳職員安排先得，好混亂。而家啲集團餐廳都係要自己掃QR code落單，而且想要杯水都係自助形式。希望長者幫襯會有職員可以代勞，始終未必個個識字/用手機落單，而且字又偏細睇唔清楚。叫咗B餐($39)沙嗲牛麵，配牛油餐包及滑蛋，飲品我要咗茶走。沙嗲牛肉味道唔錯、牛肉肉質亦夠冧。滑蛋都真係幾滑，份量亦比集團式快餐店多。茶走我覺得太多奶、唔夠茶味，而且唔夠熱，有啲失色。餐廳冷氣唔係好夠，已踏入秋天，但都一路食一路流汗。而且抽風可能都麻麻，一直都聞倒煮嘢食味。

19:35 經手機落單，點左鐵板串燒脆滑雞 (紅酒磨菇汁)配野菜蒽炒薯，配黑椒汁另上。註明係要薯菜。飲品係凍蜂蜜檸檬茶。問題：1. 叫左薯菜，黎左白飯2. 白飯又乾又硬，似煲底飯3. 紅酒磨菇汁冇紅酒味，啲雞面頭冇汁，食完啲雞都只係搵到一細片菇類物體 (我係為左個菇先至入黎食嘅)4. 叫侍應換走個飯，佢地收走完成盤野又原封不動送返埋黎，叫我可以唔洗郁啲飯，由得啲飯留在鐵板上 (墊在𦛏串下面)，佢會另外上過啲薯菜俾我。啲飯太大份，而且我平時係戒飯，晚餐盡量唔食飯，佢而家叫我留住啲飯在盤上，又唔拎走，咁我淋汁咪俾啲飯索走哂啲汁囉，咁啲雞串又點保持有暖嘅汁黐住呀？5. 啲雞串和黑椒汁勁咸勁咸勁咸勁咸勁咸勁咸勁咸勁咸勁咸勁咸勁咸6. 食食下隔籬枱個食客都話啲飯有問題，想唔要，成碟飯好似冇咩食過咁7. 另外送來嘅薯菜原來係紫薯，冇其他菜了8. 鐵板上本身有啲類似椰菜和洋蒽嘅物體，但味道似韓國嘅醃菜，又酸又辣，更離譜嘅係，連洋蒽皮都炒埋俾個客食，根本咬唔開9. 全餐最可以入口嘅係蜂蜜檸茶和紫薯，但呢兩樣係唔洗廚師技術都識整嘅全餐盛惠$92，19:30入座時，餐廳半滿，冇人等位。

今日黎到，嗌左B餐沙爹牛肉麵，煎蛋沙爹牛肉麵令人驚喜，沙爹同花生醬相結合，香味濃厚，面質彈牙，煎蛋有溫度且夠火侯（只可惜貴公司做唔到熟蛋被迫選擇煎蛋）杯野飲（熱茶走）茶香味十足，而且不苦澀。朋友就嗌左歐陸式早餐（凍奶茶）雖然冇食到但賣相真係定！下次再試過，抵讚👍缺點就係分店冷氣不足、無得選擇多士只有豬仔及無得選擇熟蛋，希望可以採納意見

First time here the food over all was ver very average. Decor was cute but that’s about it. Obviously a well established company but you would think the standard of food would be higher. Having said that it seems to be very busy with a lot of elderly clientele

今日出沙田買下D家品，幾年冇食過翠華la 今日叫咗個歐陸早餐松阪吉列魚柳、炒滑蛋、茄汁豆牛油豬仔一定要叫我最鍾意飲的凍奶茶魚柳燶咗啲，個牛油豬仔包好好食😋😋😋😋😋$52 一個早餐普普通通可接受凍奶茶就尖沙咀個間好飲D 🌟

坐低時 揮手幾分鐘先有人埋來，掉低張單就想走，叫佢落單都唔情願，啲野食已經貴過出面，俾啲咁嘅態度，上左市姐，啲態度差撚到咁。落單等左40幾分鐘，催促3次先上齊野食（大佬我趕時間話，真系俾你玩撚死）真心好日都唔食一次翠華，俾啲咁嘅態度，無下次！我食個普通茶記態度都比佢好！其次碗羅宋湯 飲左三分一就有隻小強系好燃大隻嘅小強！即刻無胃口。叫經理過來，無解釋原因，就光速收走佢，換碗中湯。好老實見到咁撚大隻小強咩胃口都無啦，換左湯就了左件事？我唔拍台發惡你就當完？Hea撚到咁？

早餐B$39沙爹牛肉麵+嫩滑炒蛋(轉煎蛋)+牛油豬仔包+餐飲🥢沙爹牛肉麵👎麵質軟硬正常, 牛肉質地唔算太梅太淋還可以, 不過沙嗲味唔濃但喺咸度就極濃🥢嫩滑炒蛋(轉煎蛋)👍蛋黃色偏橙好靚, 蛋黃亦香蛋味🥢牛油豬仔包👎豬仔包質地偏鬆, 無豬仔包應有的質感, 如果唔當佢喺豬仔包看待就無野囉☕熱咖啡👎咖啡味非常一般環境就坐得舒適舒服, 但係食物質素及服務態度就認真麻麻地, 不過唔使40蚊有個早餐就是但收貨喇😅魚堅總評性價比 3👍(以5👍為滿分)

今天下午叫咗一碗豬軟骨拼魚腐米線，來的時候只有小片豬肉（同五蚊銀差唔多大），問過領班，應該有2件，取回廚房去補返，但那個負責的廚師一路加番就一路講「俾哂佢」。點知我座得很近，全聽到了，咪破口大罵。領班軟皮蛇咁道歉，根本就唔覺得有心道歉的。翠華上市之後越做越差，食品和服務水準越嚟越唔掂，希望管理層努力做番好啲，我原本都十分鍾意幫襯，但現在要諗清楚先了。

☺️已經有一段時間冇去過翠華茶餐廳，今日下午茶時間好想飲一杯奶茶，所以揀咗翠華食個下午茶。..🍴先講下個環境，我覺得比較污糟，地下癡癡立立，感覺唔係好舒服。雖然服務員比較少，但係都算係有禮貌。..🍜魚片頭河粉 $44 包飲品❤味道一般，但係下午茶呢個價錢都算合理，因為嗌一杯奶茶都差唔多$20，所以我覺得都OK嘅。..🍝肉醬意粉 $46 (我另+$6轉飲蛋白杏仁茶)❤️呢個就差啲啦，一pat pat，唔係太好食，佢個餐跟個羅宋湯，飲咗一啖就唔飲啦。..服務： ⭐️⭐️⭐️食物：⭐️⭐️⭐️(因為杯奶茶先有3⭐️)💰$96 / 2人下午茶

*得個 貴 字*食物質素差過以前好多*居然要自助拎水 拎餐牌 😶呢間野真係越做越差，唔好見佢多人食就以為係好食啊，對佢D食物真係好有保留。嗌咗 五香豬扒小蔥蛋炒飯 同午市套餐嘅 冬菇炆豬手。五香豬扒小蔥蛋炒飯 啲飯嚟到嘅時候碟邊有好幾粒飯，賣相一般，啲豬扒煎到燶咗少少，食落有陣燶燶哋嘅味，啲豬扒好似無醃過咁，得豬肉味，輕輕食到少少孜然味🤔，完全無鹹味，基本上可以話係無味，同埋啲豬扒不單只薄，仲煎到好乾，而冬菇炆豬手味道正常，豬手炆得幾淋，啱老人家食。基本上除咗帶位之外，都冇乜服務可言， 居然要客人自己走去拎餐牌同埋熱水，似乎係因為餐廳啲人手減咗唔少🤔。 btw斟咗兩杯熱水返到座位之後，發現兩杯熱水表面都有層油，應該係個杯洗得唔夠乾淨😐。普通一個午市套餐都要成六十幾 七十蚊，以一間茶餐廳黎講都算貴，其實貴都算啦，重點係唔好味先唔掂！😓

極度不滿你公司員工，我叫杯檸蜜，因為員工落單錯咗嚟咗杯蜜糖茶，跟住藍色制服戴眼鏡肥肥地話自己新來做嗰位職員竟然審犯咁問我咁你係咪要蜂蜜檸檬水，我話總之咪檸蜜，佢話我講錯咗應該係講蜂蜜檸檬水，因為公司冇菜蜜，想問貴公司員工係咪玩嘢，我入嚟用餐，係唔需要知你公司用乜嘢字眼，佢三番四次都唔肯走要我講返係咪蜜糖檸檬水。真係食到我火都嚟！

1個餐包＋1碗雪菜肉絲蝦米米粉, 盛惠38蚊, 有d貴, 好好睇睇都加多個炒蛋, d蝦米1隻手數得曬, 餐包都唔加下熱,加上舊牛油都係凍，食落口感覺一般般, 早餐選擇唔多, 得4款, 食完好似無食過咁, 比起一般茶餐廳, 無論在環境, 食物品質都差一大截, 差評

今日又一個人去翠華食早餐，一入門口，已經量完體溫，scan埋安心出行, 仍又俾人側問要填紙scan 安心出行😡埋到位，自己例行用消毒紙巾抹枱，張紙巾上滿佈黑點又有奶茶漬😩仲有落單不只一次，明明講得清楚，但就經常聽錯嘢，攪到次次要重複講😰嚟到份餐又唔係擺喺你面前，係擺喺對面個位。份餐件多士又唔脆，奶茶又唔熱😱果個四眼短髮藍衫樓面又嘈嘈閉，經常大驚小怪咁嗌，講嘢大聲到全場都聽倒😫如果唔係就腳，真係唔會幫襯......

今日叫咗個菠蘿油套餐，包一杯凍奶茶， 超級幸運 ，菠蘿包新鮮出爐， 個皮超脆， 一啖咬落去仲係有聲㗎 。 非常脆 ， 而且個酥皮唔會太甜。 配一個冰凍嘅牛油，口感好正。 牛油好滑配上鬆軟 暖笠笠嘅包 一流。但個包唔會太淋 ，係好傳統菠蘿包嘅質地。 第一次食咁新鮮嘅菠蘿包，真係非常難忘 。 等位超耐， 好多人，地方好大不過坐位座得好迫。 一張長枱，會坐喺陌生人附近。 服務員嘅 態度真係非常需要改善，態度唔好，有啲貼錢買難受嘅感覺。食得不開心。