翠園 (新都城中心二期)

营业中

休息中

新都城向來都唔多茶樓，不過有質素既茶樓就真係唔多前排翠園新開，要等成二百個位真係好鬼誇張星期六日或者夜晚都仲係好多人但係原來平日下午茶既人流唔算多所以就襯平日放假同呀爸呀媽去飲下午茶平時既前菜要收錢仲要唔好食但係呢到既酸菜又真係幾好食wor$12都幾抵比呀！如果平時或者夜晚去食真係好鬼貴不過原來下午茶又幾抵雖然得個幾款點心做優惠，但係個幾款已經夠好味粟米魚肚粥又煲得幾綿wor連埋d卜卜脆好好食同埋都算幾大碗下呢款唔係優惠既菜苗餃真係麻麻地賣相已經唔開胃d皮穿哂窿咁食落入面d料又唔夠好似食皮咁！呢個價錢呢個質素唔ok囉不過值得一like既係佢既奶皇包真係好流心又香口因為太好食，唔記得影相整體黎講，食物都ok既下午茶既價錢就會去食囉正價就真係唔抵食服務就真係好普通唔似高級茶樓囉

一班老朋友食飯其實食中餐都係一個唔錯既選擇，今次同識左十幾年既朋友食飯，一於就近近地，揀反間中餐黎食。見到餐牌有個六人餐，貴就貴左小小，1490 如果六個人都差唔多300蚊，不過就幾多野食。雖然我地四個大人同一個小朋友，但懶得再逐樣單點，所以就決定叫個六人餐。其實每一樣餸既份量都幾多，龍蝦伊面幾足料，好多龍蝦，伊面夠淋，夠汁同入味。竹苼燴燕窩炒帶子桂花蚌炸鮮奶，炸到好香脆，值得一試。一條蒸魚燒雞，皮脆，但肉有就小小嚡，可能係因為熟左小小。其實食哂上面D 餸都已經好飽，仲有一個荷葉飯根本就食唔硒，所以最後要打包個荷葉飯，唔好哂野。

期待已久既翠園開幕，一心諗住有間有水準既點心！點知..........真的比預期差！主因之前去過九龍灣同黃大仙店飲過！對此品質有好大保証！所以唔知係咪好多茶客同我心態一樣！去開其他店！諗住會一樣！點知.....中伏下次情願食番附近既酒樓！呢間咪攪!

8月2日去食午餐，叫左個燒腩飯俾小朋友，結果來到碟燒腩其實係佔左4/5肥膏，最頂癮係個傳菜阿姐一來到仲話碟燒腩幾靚！我當堂🔥都黎埋，叫個部長來幫我去換過，個部長連做都唔去做就即刻講啲燒腩係咁樣！幾經要求佢先扮下野去試下，但唔夠幾分鐘就行返過來話師傳俾佢睇左舊燒腩成舊都係咁肥喎⋯⋯！大人還可以將就，但小朋友就唔係有其他野啱佢食！如果舊燒腩真係成舊都咁肥，咁就係翠園（美心集團）既買手以至收貨、出品等各環節負責人都有失職問題啦⋯⋯！另外，由11:26am第一個落單既蒸飯要三催四請至12:20pm先有，真係唔知點先叫效率！最離譜係食到中途，酒樓部長竟然將已經枱貼枱既隔離4人枱變成坐7人既中枱，我地將枱4人用餐，佢係我地食緊中途就移我地將枱貼埋牆邊，然之後硬將一塊枱板加上隔離將4人枱上面，跟著再圍著塊7人枱板係咁插多幾將櫈！攪到我地逼到坐埋邊既人都出唔到來！咁樣不單只唔尊重我地，而且過份插針，十分危險⋯⋯萬一有咩事要走火警時會禍及食客！

喺新都城新開嘅翠園，成日都有好多人排隊，趁住星期日就同屋企人一齊試吓去飲個早茶九點半起身就用app拎位，一直等等等，最後到我張飛嘅時候已經係十二點 😳等咗咁耐，真心好好奇點解有咁多人，因為其實翠園嘅點心款式唔係特別多，又唔係特別好食，又唔係特別平，除咗因爲佢係新開，我真係諗唔明點解可以咁多人 🤔

這新店剛在新都城立足,假日都見到等待中的人潮, 早一星期,12點拎飛仔,估唔到要等成200張檯號, 當然轉去其他地方食啦,心諗番檯幾多次才能到我地呢?!故今次,做最早的一群客人,一定不用排長龍啦,7:30開門,絲絲然揀無風位坐下,嘆下茶啦.一行2大1小,揀左鳳爪, 菜苗餃,鵪鶉蛋燒賣,蝦米腸,蘿白糕及春卷.春卷十分正常,熱騰騰,很香脆,小朋友都讚好.鵪鶉蛋燒賣,鳳爪,都唔錯,是正常,但與價錢不合比例.蘿白糕,菜苗餃 , 一食落口有好大陣胡椒粉味, 師傅太重了. 質疑係食材不新鮮想"pig"味呢?其實都不明白翠園同屬美心集團,食物何解差那麼遠.員工都唔少,但盡責而又有heart的未能遇見, 行行企企,晨早流流吹水, 高談闊論各自午餐食第幾輪,幾時收工.食過便算了.

星期日，諗住同家中老人家出去食下飯。朝早打電話問有冇得訂唔答，叫我5:30walk in, 5:40去到話full 晒，咁我問下要等幾耐啦，又唔答。仲話佢叫我5:30黎，而家5:40分啦喎！擾樣完一輪，俾張4人檯我地5個人坐，呢樣冇問題。7:30前還檯都冇問題。坐低嗰刻開始我以為自己去左大排檔，服務同美心中菜既價錢完全唔成正比。聽到我唔要湯就黑面，點菜點完第一樣要咩，隔左10秒左右再講第二樣，個阿姐話：「等陣，講慢d，我寫唔切」唯一服務好嗰個係埋單時笑晒口既店長。總括黎講係我食過最差既美心中菜，令我忍唔住要寫comment!!! 食物方面比較鹹，但還算正常及可接受。大家要選擇呢間翠園既話就降低期望啦，唔可以同一般美心中菜比，可能比美心低檔次酒樓既服務更差。

趁着假期和家人去飲茶，但由於假日太多人，所以我們早已12點多在foodgulu取票排隊，到2點多便有位可以吃個下午茶了。前菜$12是一些鹹酸菜、花生和黑木耳，看上去很辣，但實際不但不太辣，反而帶點酸香。奶黃包$32沒有留心，味道還好。帶子菜苗餃$32看不出也吃不出內裏有帶子，但看得到也吃得到一絲一絲的菜苗。蒸粉果$30是敗筆，因為我完全吃不出它是粉果，可能是因為內裏沒有花生。豬肚燒賣$36，賣相有點差，豬肚不會太硬，味道還可。車仔豬腸粉$35，是傳統街頭小食的風味，表面佈滿甜醬、麻醬，還有豉油，味道不過不失。迷你筒仔飯$30，味道不俗，內裏有雞肉和冬菇，滿有鹹香。但份量也頗少，大約有四個湯匙的份量。叉燒酥$32，這個你一定要品嚐！因為它外脆內軟，裡面的叉燒餡被香濃的叉燒醬包圍着，入口不會太乾，非常美味！鑊仔煎三寶$36，也是一個必吃推介！無論是豆腐、紅綠椒還是茄子，每一件也不會過於油膩。而且表面的魚肉、蝦肉、豬肉也煎得非常香脆；尤其是豆腐那件的蝦肉本來也煎得非常香脆，連豆腐本身也是外層香脆，內面香軟，令人一試難忘！

熱切期待翠園終於開幕，我選擇了於一個週末晚上試餐。我對翠園的食材一向有信心，至於服務，於銅鑼灣的經驗就不大好。這裏環境還算舒適，可是清潔就有點如茶餐廳，地下不時見到食物及送菜紙。服務員可以背著你跟你說話，邊說邊走。枱面用完的碟無人理會...中國餐館一向環境不是平靜。這裏內部裝修多以木材及玻璃為主，進食時除了有背境音響外，還有嘈吵的人聲，夾雜著刺耳的服務員整理碗碟聲音。如此繼續下去，不消一個月碗碟損耗肯定不少。因時間不早，服務員不懂得說不好意思要先結賬，只懂得把賬單放於面前說出銀碼......可能今時今日真不能對客戶服務多作要求...翠園只是另一所食材不錯的食店而矣...

尼間翠園開左1個星期左右，今朝起身就用The GULU攞飛，尼樣就比其他酒樓更勝一籌。好啦！講返正題先，入座之後先發現，11:30離座先可以以優惠價價錢埋單😔跟住就叫左上邊既野食，滿心期待。第一樣黎既係炸雲呑（可惜冇影）賣相唔錯架，可惜係凍左d ，而且粒蝦肉又細粒同冇味。之後數個點心一齊黎。總括而言，食過一次就夠啦，比我想像中差👎🏻，除非轉左點心部，我都不會再返去一次值得一提係，樓面既服務係非常好既，每人工作都好到位。最後還是考慮緊，應唔應該試尼度既晚飯。

第一次黎..我只係覺得好嬲首先由拎票開始..櫃台姐姐叫到我no.我已經行到去想話show號碼比佢睇..點知佢掛住望下一個號碼而且好快手比左張台佢 我呆左 明明我已經係到 但佢一眼都無理過我我又要企多10分鐘終於有位 咁即刻比單佢 1031分已經落左單...叫左四樣野..最後一樣1125先到咁我想話趕係1130前走人有優惠仲有一兩舊食完 想話叫佢埋單 張單黎到咪食完走人..點知個服務員一啲都唔醒目唔明我意思 佢見我台上仲有野 唔肯幫我埋單........最後走時仲要比張長到拖曬地既枱布kick住我隻腳 差啲拉曬枱上面啲餐具落地下..隔離啲人望住曬 攪到我好尷尬所以我成餐到最後都只得一個字..嬲