翠園 (新都城中心二期)

营业中

休息中

其實睇咗啲食評都覺得呢度福福地但係又成世人未嚟過，諗住嚟翠苑試吓啦！因為佢開呢頭，又冇乜酒樓選擇，點知真係性價比勁大得個軀殼！服務其實都有啲參差呢度價錢絕對唔平，係比得上高價或者有啲酒店嘅價錢！但係整體而言都係好油膩！見到佢有牛雜，因為出面少見啲嗌一個嚟試吓，點知超多油，其實佢可以刮過啲油先出！調味就好粥，有落足夠嘅香料譬如八角香葉等等，但係真係非常非常自由！份量亦都唔係大另外試咗個海蜇螺片， OK吧合格帶子腸粉，個腸被不及海港夜，帶子都新鮮，但係比較多油出，而且個皮厚諗住嗌過花膠浸菜苗，點知唔知做乜整出嚟超多油囉！呢個真係好失望唔想食！好地地清清地做乜落咁多油，類似係雞油咁， 但係又冇計油香金錢肚唔錯幾大塊大，喺下面嘅係柚皮，幾特別嘅！不過又係朔左勁多油！我喺海港食金錢底下面嘅蘿蔔都唔會咁樣嗌咗好多內臟，如圖所見仲有牛柏葉，明明佢唔係好似牛雜咁樣會出油，都有最多油喎搵熱水沖幾次都仲係咁多油仲有咖喱土魷，呢個就唔錯份量OK調味OK唔算話好多油仲有一個麻辣蕉豬大腸，因為我唔識腸，所以淨係試咗一啖配料嘅汁覺得OK啦，但係！同樣的問題非常非常多油！最後嗌咗個燒味拼盤，點知佢建議我嗌例牌但係擺

經過好多次, 終於有時間嚟試吓. 環境不錯，下午食晏時間都好快有位，空間闊落。2個人叫咗五碟點心：燒賣 牛肉球包汁鳳爪鮮蝦腐皮卷魷魚鬚整體來說, 一個字”鹹”。 全程要飲好多茶。鮮蝦腐皮卷好似中咗輻射，望落去OK脆身，但一夾起嚟就好林啤啤，佢仲包左兩層炸過嘅皮，完全咬吾爛。 鮑汁鳳爪個汁比較杰，可以凝固起嚟。 本身都想食埋入面啲花生，但真係太鹹所以冇食。燒賣同牛肉球就比較正常。魷魚鬚就一般唯一值得一讚辣椒醬好出色！夠辣！

魷魚鬚又干又凍叫部長換過都一樣係。。又干又凍最後都都係放棄唔食算了，失敗蝦餃皮一夾就爛晒啲蝦又梅又唔新鮮，失敗春卷皮就林晒既好似隔夜賣唔晒，之後攞返出黎，放入微波爐再叮返熱咁，失敗呢啲咁既食物質素都敢比人食好過份囉街邊啲點心舖好過佢多多聲今次係第一次食呢間亦都會係最後一次囉絕對唔會再去第二次完全失敗失望將軍澳咁多食店之中第一次食到呢啲咁極品既點心父親節本來想應下節開開心心同阿仔去飲餐茶點知會攪到咁掃興

星期日同屋企人飲茶，因為呢間可以係online 拿位，所以揀左去佢。出發前係屋企拿位，去到就門口岩岩好，勁正，唔使餓住等。我地叫左好多點心，但唔係款款都有影。1.魷魚2.羅白糕3.蝦餃4.小心流沙包點心正正常常，冇特別驚豔，但有得online 拿位，唔使老人家係門口排隊

.難得疫情下農曆新年😎🎊🎉可以同屋企人一齊食飯🥳我地🏡一家人18個聚埋一齊為媽咪👩🏻‍🦱慶祝生日🎂，翠園特意為我地提供VIP房🥰🥰🥳………….🌟乳豬🐷乳🐷好香脆，配上包皮，有消濟嘅感覺，感覺好搭！😍………….🌟蚌片炒帶子✨蚌片好爽口👍🏻🤩帶子小朋友都好鍾意食😆😍…………🌟湯丸紅豆沙🍡見到芝麻湯圓即刻❤️❤️眼嘅我🤣食左3碗🙈………….🌟甜點笑口酥同埋類似叉燒酥嘅甜點作結尾🤣❤️暖暖地咁食好好食❤️🤩🤩✨………….整體感覺翠園嘅中菜做得幾好，價錢又親民!!!!平時同家人短聚食餐簡單飯都唔錯😆✨…………..味道：🌕🌕🌕🌕🌑4/5價錢：🌕🌕🌕🌕🌗4.5/5性價比：🌕🌕🌕🌕🌑4/5衛生：🌕🌕🌕🌕🌑4/5服務：🌕🌕🌕🌕🌑4/5整體：🌕🌕🌕🌕🌗4.5/5…………..

話說拿佐位，一直企系門口等，怕miss佐自己個號碼，等位等一個鐘個數字都未郁過，但就不停叫番之前d檯號，原來係佢不停咁俾番d之前走開佐果d人！有無搞錯，走開佐miss佐，唔係要等較4張後先可以入番咩？同前台叫Sheung既女士講，點知同我地講係啊，無辦法，佢知唔知自己講緊咩？！簡直唔知點manage！同佢講嘢都顯得自己無質素！簡直唔可以理解點解佢可以咁做嘢！強烈建議大家唔好再幫襯！去商場裡面其他茶樓！

今天（14/09/21）08:30 hrs. 去到新都城2期商場翠園門口㩒飛仔排隊等候入座，等咗一輪到我哋入去已寫咗枱號張枱時，見到有一男一女喺度，我於是搵個女侍應問吓，點知個女侍應叫我坐第二張枱，我問點解佢哋唔使攞飛排隊入嚟，個女侍應話佢只係打份工，叫我直接問經理，嗰一男一女見到咁嘅情況焗住行咗去第二張枱，讓番張枱俾我，見到呢啲環境底下，我諗我都唔會再嚟幫襯啦！

翠園是美心中菜旗下一個高級品牌，不論質素與味道都較一般酒樓好。但是，新都城翠園的服務態度與表現，完全令人嘆為觀止，奉勸各位小心為上。話說翠園11:00前有中茶優惠，11:00前入單，11:30前結帳方有優惠。於是10:15到場等位，初時見尚有15個號碼，於是耐心等候…..點知去到10:30酒樓內開始好多人結帳，枱亦開始多，當時尚有5個號碼的我，自然想像到可以準時入坐。時間一分一秒地過，去到10:45枱越來越多，但卻零叫號，於是詢問門口呀嬸，為何有枱不入，早茶快到。得到一句：夠鐘都無辦法。一下才恍然大悟，酒樓唔做早茶迫你食午市，一貫零良心做法，如果係咁，不如唔好做優惠，我亦大可幫襯其他酒樓，難怪整個集團「無良知」提醒各位，小心依間店

第一次吃呢間分店既翠苑，坐位舒服寬敞，同隔離抬有一定距離，但d味道麻麻地。今日開始無做折扣優惠，咁真係唔係幾抵食蘿蔔糕口感軟熟，粉多，蘿蔔少，味道一般鵪鶉蛋燒賣，粒蛋蛋皮硬身，燒賣餡淡口棉花雞 味道正常海蜇螺片，又鹹得制三色豆糕（鷹嘴豆紅腰豆眉豆）不過不失落單後，因無一樣點心即加單點另一樣，珍珠雞，等等等等到吃晒，等等等都未來成大半個鐘，最後來左糯米雞...........都唔知係自己講錯定佢聽錯............popcorn分店吃過幾次，感覺個邊好食d

雖說小的出街食飯首選並非中菜，不過作為結結實實的中國人，每隔一段日子，骨子裡總會心絲絲地想起不同種類的中式料理。週日早晨相約同區鄰居飲飲茶，既然住在附近，當然選擇樓下的商場。將軍澳區的居住人口愈來愈多，假日的餐廳食肆均其門如市，想飲茶嗎？煩請盡早等位。幸好咱們時間靈活，犯不著與公公婆婆老人家爭上晨早時段，午市在正午12:00開始，於是咱們便於11:00左右的空檔成功增取位置。美心集團旗下有許多不同的品牌，是日咱們便在翠園用餐。這一陣子，餐廳剛推出了懷舊主題：老點家老菜。特製的精美餐牌上提供了許多歷史悠久的廣東點心美食。鄰居朋友喜歡懷舊菜式，這一下巧合的緣份實是正中下懷。至於小的也饒有興緻地在餐牌裡細閱精挑，在朋友未到前預先揀上幾道菜。沒多久人齊，咱們隨即點菜。阿嫂一向喜歡瘋狂喪點，有趣的是她點完以後卻是自己不吃迫人吃。以前舊時代資源缺乏，多弄些菜式招呼賓客吃到有餘有剩是禮貌。然而今天香港人生活富足，愛惜食物，食得曬，先好嗌；食唔曬，咪亂嘥。要是不能吃不完兜著走，點菜最好適可而止。經歷了多回浪費的經驗，這次小的學乖了。只作個樣稍稍地點了一、兩道菜，把其餘的全留給阿嫂拿捏。結果，咱們四個人

見到Openrice逢星期五有建行信用卡半價外賣自取優惠、即管試吓！朝早10點300個Quota瞬間即逝一味Loading俾錢嗰一刻顯示冇半價，點知半個鐘之後訂又有喎。揀咗2:30pm攞二人午市點心燒味餐！⬇️折上折實付$97.9、講真翠園點會有咁平！套餐包括兩款點心、一份燒味、一份菜、再加一個炒粉麵，原價就$195.8外賣自取價。準時去攞已經準備好，仲要真係熱辣辣點心啱啱蒸起 ⋯ 返到屋企仲有出煙！兩款點心揀咗棉花雞同鮮竹卷、鮮竹卷好好味而棉花雞就淡咗D。燒味揀咗例牌燒鵝，我估有八件某啲位好肥但個味道係好既。⬇️炒粉麵揀咗榨菜肉絲炒米、佢仲有乾炒牛河或者炒飯。個炒米粉冇乜味偏淡，加咗燒鵝啲汁落去成件事好食好多！最後白灼翡翠苗附上一包豉油，都好味嘅。⬇️講真$97.9我真係冇投訴、係比較淡但係新鮮製作而且包裝不錯再入埋紙袋俾你。不過最後呢個半價應該係銀行Promotion比既，翠園應該係實收$195.8！唔理咁多、食咗先哈哈！

今年對飲食界都係艱難嘅一年。包括連鎖大酒樓。這間酒樓其實之前在剛開業時已經試過早茶。早茶感覺都幾舒服。當然價錢就比同區酒樓略高。因為此中係高格調酒樓。但點心食材和做型都幾精細。今次就試食佢地的晚市。因為最近有7折。以下係本人今次點選的茶式：首先當然要點這個特價孖寶但我問咗經理這個係無折的。因為其實已經折實咗。但都值得一試的。龍虾都幾大隻，肉都幾多和好味。但伊麵份量較少。如果大食人士真係要叫返碗白米飯。雞都肉質都幾鮮美，但那些做法就略微可以再改善。味道唔夠濃還令食客覺得油膩感好重。一家人只係叫個孖寶就當然唔夠。屋企人比較老派。就想試一試這裡的燒味功夫。老實講賣相還可以。但試完後真係可以以後唔試㗎啦。因為只係食到鹹味。燒鵝嘅脆皮佢地係做唔到的。當然價錢折咗之後都唔算貴。可能之前試過將軍澳站那邊的陳記。同這邊一比之下真係要用差來形容。但份量都還可以的。最後這味菜就真係比較新派的健康菜。紅色嘅淮山炒牛肉。口感都幾好。份量剛剛好。折咗後就幾平。唔折就就真係唔抵食。今次的經歷都算愉快。因為坐位都算舒適。服務都接受得到。當然再好服務就更開心。人手就其實唔太足夠。因為有折扣所以大量居民都會來這裡一試。

住家商場新開了家「翠園」，在新厠所的效應下其門如市。小的也一同湊熱鬧，與同區好友相約齊齊品嚐。老伴工作堆積如山，本打算是晚開夜，誰不知晚飯日子臨時更改，遂決定於晚上八時始享用晚膳。老伴本以為即使自己八時半到達，咱們先坐好用茶兼選菜，時間便配合得天衣無縫。小的親身到翠園訂檯，諮客表示由於人滿之患，八時留位亦須稍作等待，讓第一輪食客完成後方可安排入座。小的心想這樣更好，可令老伴有更充裕的時間趕回。晚上六時半，老伴忽電，竟告訴小的毛毛太經已抵達。甚麼？不是八時嗎？小的給殺個操手不及。收拾整理，十多分鐘後老伴再次追魂，表示毛毛叔都來了，勒令小的立即出門迎客。來到餐廳，原來毛毛太今午致電訂檯，諮客表示七時半經已客滿，不接受訂位，只可親來等候。結果毛毛太下班後便馬上趕至。太概是因小的親身訂檯，兼之時間定在八時，諮客認為已有機會安排第二輪入座，故反應有所不同。七時半左右咱們點了菜，老伴隨即趕及，於是馬上叫起。可能是廚房的落單有點混亂，咱們等了好久仍未有菜上，追了又追始出場。老火湯乃雪梨煲豬𦟌，在這炎炎夏日正好消暑滋潤。熱湯入口帶出微微酸氣，未知是雪梨沒有去心，還是某些藥材的反映。酸性的藥材一般有助寧

在這樣的社會環境同氣底下,本來都諗住同xmas,new year eve 一樣唔出街慶祝，但困住實在太耐，抱住博一博的心態,諗住近近地揾間酒店食個情人餐，可惜因為全數pre pay 時出了些問題，乜mood都冇晒，最後就求其食個中式套餐。😑家人話食住先,當俾住息，遲啲還本金先食好啲選擇翠園除咗近屋企，水準比較穩定，價錢亦尚算合理。二人套餐包了我最爱的鐵板义燒,肉質夠腍，肥瘦適中，伴碟的懷舊蠔油豆更加唔係成日食到，百吃不厭。(不過今次淋上面嘅汁略甜)套餐仲有海鮮豆腐,足料味鮮。有炒帶子,帶子好大粒。蒸海班，蒸得好靚，緊緊熟，又大條。唯獨薑汁炒芥蘭稍遜，似烚多D，冇乜鑊氣，薑汁味亦唔濃。我地仲加咗一隻BB鸽，純粹送酒，夠入味，味道有D特别，有少少似五香味……甜品係紅豆沙，略甜。唔知係咪情人節，特登整甜D呢？埋單八佰。咁多嘢食，算合理啦。ps,唔係性別岐視，總括女部長同傳菜員比較nice,同好聲氣，有禮貌。

初七人日同男朋友屋企人黎到翠園食晚餐，叫左好多野食。首先會送上前菜，以酸菜，黑木耳，花生為主，偏鹹。跟住係我最期待既海蝦大良炒鮮奶，結果令我好失望。炒鮮奶好粉好杰，完全唔嫩滑，冇奶味，唔好食。南乳炆粗齋有粉絲，白菜仔，豆，黑木耳，茄子，菇，硬豆卜等，都多料但偏鹹。蟹肉鳳尾蝦多士唔夠脆，少少粉，唔係好食既蝦多士。羊城伴五秀有蓮藕，馬蹄，紅蘿蔔，西芹同菇，都係偏鹹。鐵板叉燒雖然幾油，但尚算好食，肥瘦適中。金菇瑤柱扒豆苗唔錯，只係芡汁偏鹹。清炒桂魚絲既西蘭花幾爽脆，桂魚絲冇骨，幾好食。重頭戲脆皮糯米豬，我食左四件，好滯，但估唔到糯米同乳豬都幾夾，唔錯。最後仲有我鍾意紅豆沙作為甜品。提一提一定要洗乾淨碗碟，筷子同杯，因為目測都幾污糟。