翠園 (新都城中心二期)

营业中

休息中

出品稱不上大酒家，但味道同出面的茶餐廳差不多。今晚叫左個鮑魚大花蝦二人餐，食物味道尚可，服務確實很差，價錢比同區貴！相對環境算好，衛生程度可接受。服務員人手不足，不能兼顧所有顧客，光是找人收集用過的碟子和碗就等了很久，唯有堆曬在檯面！叫工作人員補充茶或熱水，要等長時間才會有人添加，向店員要求結帳，手舉得快要麻了，都沒有人理會。最終都係搞自己走出去櫃檯埋單，投降了！總括嚟講新都城翠園，服務差，食品唔算好食，價錢唔算平宜，真的很失望，招呼又談不上，性價比極低，不去都沒有損失，唔會推薦！唔會再幫襯！

食物質素不錯、但多年來有同一個問題、就係人手不足、成間酒樓樓面、喺早上時分、得兩個或者三個、要招呼全場！而家可以用手機落單、問題唔係好大、只係冇人加熱水！問題嘅重點係、如果你想埋單、就難過登天、第一冇人理你、第二要等好耐張單先嚟到、因為最多得一個人埋單！ 如果趕時間、就千祈唔好去翠園集團飲茶！垃圾服務！

多人等，唔執枱，唔叫飛，垃圾安排。識叫位可以直入，祝佢早執早著。大家唔好幫襯。想幫襯，識人好過識字，唔想做生意不如早啲執咁佢，一個人霸大枱當睇唔到，想食翠園，同知客打好關係先啦

天氣唔好無北上向寶琳飲茶一定會係去翠園因為呢度點心水準唔差茶葉質素都唔差價錢都唔會好貴可能幾個月無黎食個menu 都多左幾樣野但個牛腩腸粉唔夠味，麻麻地其他點心都幾好食😋

今日嚟飲早茶，叫咗碟香煎芋頭糕，點知上枱時見到嘅様真係俾佢嚇咗一跳，嗰幾件糕好明顯係唔新鮮，仲要唔係煎嘅，係倒落油到炸嘅，變咗炸到啲糕嘅外表燶哂兼好硬，完全唔食得，我又唔醒起搵個經理拎去換咗佢，希望下次唔好再發生同樣嘅事情啦！

🌻同屋企人飲茶🐱假日同屋企人去飲茶，近近地去咗新都城嘅翠園，呢一間係我哋都幾經常會去幫襯嘅酒樓，坐得幾舒服，同埋店員態度好好。各種食物質素都唔錯，我特別鍾意食佢嘅煎腸粉，除咗煎得焦香之外，豉油中沾滿咗每一條腸粉的裡裡外外，我真係超鍾意食，同時其他嘅菜式例如係菜苗餃、流沙包，燒賣蝦餃嗰啲都係超正嘅！📍 翠園 (新都城中心二期) (將軍澳)將軍澳寶琳貿業路8號新都城中心二期1樓1033-38號舖⚡️為食貓：😻😻😻😻⚡️氣氛貓：😹😹😹😹😹⚡️翻食貓：😸😸😸😸

作為新都城呢一頭嘅長年住客，呢一間翠園餐廳都叫做食咗幾多年下啦。但係呢，晚市尤其上菜真係好慢，仲要上錯兩次煲，又好明顯人手不足，服務真係不足。根本都已經唔係滿座，都做到踢曬腳。餸菜比較鹹，溫度亦不算非常熱，錯漏真係百出，可見餐廳workflow有深層問題。環境其實都算係不錯嘅，而呢個衛生亦算係幾好。但係做都做唔切單生意，仲好意思係今成日做promotion派coupons出去俾人，做好服務先再講啦。

1. 餐廳職員服務態度非常差點單時，幾樣菜式都售罄，再問職員有咩菜式有，職員答：「你嗌嗰幾樣嘢冇囉。」態度非常惡劣。我哋叫咗片皮鴨•鮑魚•龍蝦超值回饋宴，套餐有椰汁馬豆糕，後尾上甜品時，職員聲稱椰汁馬豆糕已售罄，要轉咖啡糕或杏仁茶。 我哋一開始就已經點咗呢個餐，唔係應該已經留起比叫咗套餐嘅客人咩？點解會話賣哂？會預唔夠份量？再者，我哋要求要同店長傾，職員講：「你叫店長都冇用㗎啦！」咖啡糕同杏仁茶我哋真係唔啱食，問有冇紅荳沙，職員再講：「今日啲紅荳沙唔靚，食咖啡糕啦！」呢啲究竟係咩態度？餐牌嘅嘢食貨不對版，19:30嚟到已經有幾樣菜式話賣哂，食到最後竟然連餐嘅馬荳糕都冇！個餐一早已經叫咗，竟然話賣哂，而且態度仲要咁差。2. 嘢食份量少又唔好食我哋今次一行9人，叫咗12人嘅片皮鴨•鮑魚•龍蝦超值回饋宴，原本諗住食唔哂就打包，點知我哋食完個餐，都完全唔覺得飽，之後再要散叫多2個飯同一個餸先頂到肚，佢個12人餐份量會唔會少得可憐⋯⋯個餐啲嘢食味道仲要好淡，個雞絲羹仲要怪怪地味，真係飲唔落。中肯啲，散叫嘅嘢味道就還可以，但個餐就完全唔掂呀！總之今次體驗非常差，請我去都唔會再去！

又到一家人飲茶🫖時間今次嗌咗「韭黃銀絲細麵」清清地、專登嗌俾bb食、好俾面，食晒成碗😆「叉燒酥」外皮酥脆、裡面有叉燒，醬汁啱啱好「椒鹽脆豆腐」一口豆腐上面舖滿金蒜，食落啖啖香味「春卷」裡面包有豬肉、紅蘿蔔🥕、冬菇，香氣濃郁「馬拉糕」剛剛蒸起的馬拉糕，甜度適中「冰花炸蛋球」俗稱沙翁，好耐冇食過，令人想起細個同屋企人一齊食嘅味道整體服務態度較之前差咗味道亦冇以前好味同區太多酒樓了相比之下 性價比略為失色

之前食過翠園覺得唔錯，但係新都城呢間餸菜速度很慢，服務又不好，問問題表現唔耐煩，晚市客人唔多都有漏單情況出現，與價錢不成正比，又唔係特別好食，商場有其他更好的選擇唔駛特別食佢，唔會再去。

翠园的食物水准一直能够保持，例如将军澳新都城这一家已经开了五年有多，点心还是较同一商场内的其他酒楼的点心精致。当然，价钱也是比较贵。其中还有一个大好处，就是地铁站口一出来就是，不用再走来走去，带着老人家的而且确是比较方便和靠谱选择。可惜今天发生了一件不太愉快的事情，就是服务员没有将碗筷排列好，只是一堆放在中间。当我们询问时，服务员态度挺差，回话“你自己不会放吗？你要洗杯，我放好又如何？你还不是堆在一起洗杯？” 说罷转身就走了。翠苑随便一个小点心都是港币30以上，一个午餐每人差不多港币二百，但服务态度比不上消费二十元的麦当劳。

We went for dinner to celebrate family birthday.Worst service. Not many people, staff keep chatting and don’t pay attention to guests. Dishes are dirty, no one comes to change. No one refill tea/ water unless you asked them. After dinner we asked to change table to cut cake as table cloth was dirty. Staff refused, though most tables are empty. We asked tochange table cloth, staff changed to a used one with holes, marks and is totally disgusting. Totally unacceptable, non hygiene and worst experi

今天經過商埸見到佢嘅宣傳 poster 寫住五週年大優惠，於是等下午茶時段去幫襯下。下午茶1：45開始攞飛2：00開始入座，今天等候嘅入唔算多，好快已經可以入座。下午茶除咗點心有8折之外，仲有啲優惠孖寶可供撰擇，落單又係要 scan QR code自己揀，揀咗兩個孖寶A $42（陳皮牛肉球＋香菇雞包仔，另外一個係紫金醬金錢肚＋鵪鶉蛋 ）同一個柱侯牛腩蒸腸粉 $46有8折。鵪鶉蛋燒賣唔係度度有得食，燒賣有蝦同豬肉，味道唔錯，另外一款紫金醬金錢肚，個醬都幾特別唔會好濃味，下面墊底係柚皮，柚皮索咗啲汁好好味，金錢肚炆得夠淋又入味，好食。陳皮牛肉球，芫茜味較出，牛肉球都好彈牙，味道唔錯。香菇雞包仔，一咬落去好有羌汁味，包皮鬆軟，非常好食。柱侯牛腩蒸腸粉，有兩件牛筋同三件牛腩，下面啲腸粉索咗牛腩汁好好食，牛腩份量多又炆得夠淋，好唔錯。

今晚去將軍澳新都城翠園，叫了龍蝦 •花膠四位優惠套餐，原價$998 ，七折了$698。上湯焗加拿大龍蝦炆伊麵，大大隻龍蝦，蝦肉彈牙；爽脆海蜇拼叉燒皇，海蜇爽口，叉燒夠林；竹笙雞絲燴仿翅，竹笙雞絲就唔係好多；砂鍋蠔汁炆花膠，花膠都大隻，份量都算多，又有啲菜食下；菠蘿咕嚕肉，菠蘿、青椒、洋蔥樣樣有啲；咖啡糕唔係太甜OK啦。坐得幾舒服，六點去到就冇人，不過一到食飯時間之後就坐滿了。散叫有七八折，不過都係食套餐比較抵食，同屋企人食呢啲就比較方便，又唔使諗。

冬至前夕 想同屋企人食個簡簡單單嘅中菜 就揀咗屋企樓下既翠園 我地叫左poster既”龍蝦.花膠 四人餐” 見圖片好似好吸引😍💛上湯焗加拿大龍蝦伊麵 唔知係唔係好多人叫嘅關係 伊麵味道好淡 龍蝦亦唔係好新鮮🦞💛爽脆海蜇拼叉燒皇叉燒就反而水準之上 海蜇就正常 都幾爽脆😋💛竹笙雞絲燴仿翅我幾鍾意佢既味道 翅亦唔小 如果可以添多一碗就好👍🏻💛砂鍋蠔汁炆花膠花膠份量唔少 但我略嫌蠔汁唔夠濃味🍲💛菠蘿咕嚕肉炸出嚟唔會太麵粉 口感唔錯 🍍💛咖啡糕味道唔會太苦 好滑溜 正啊☕️