翠園 (新都城中心二期)

营业中

休息中

通常的酒樓，總是把枱凳擺得密麻麻，背䀡背，沒有距離，隔離講什麼都聽得很清楚🙉在翠園食飯飲茶，環境比較闊落，空間較多，坐得舒服 ! (當然價錢比一般酒樓貴20～30%)昨天下午來飲茶，叫了：香煎腐皮卷，煎得夠鬆脆，足料。潮州粉果，味道正常，雖然細一點，但有四個，都唔錯😄鳳凰煎糯米雞，底面加了鹹蛋黃，然後香煎，外脆內軟，第一次食感覺特別😋滑蛋牛肉炒河，牛肉沒有拿得太鬆，蛋熔煮得很均勻，河粉夠滑，好食 !

未齊人卻很肚餓，幸有冷盤充饑。冷盤中有花生，雲耳，鹹酸菜，可惜辣，並不「老少咸宜」。雖然乳豬拼盤是頭菜，卻是上湯龍蝦伊麵先上桌。麵很碎，味又啖。龍蝦殼比較腍，很難咬裂。不過龍蝦份量充足，每人能分兩件。龍蝦伊麵吃了一轉，乳豬拼盤才到。乳豬皮夠鬆化。拼盤還有叉燒、雞、海哲等，但每款的份量不多。花枝蚌片上桌時又忘了照相，只記得蚌片太少，西蘭花和其他配菜卻充足。金菇瑤柱翡翠 菜苗爽脆，爽得令我懷疑不夠熟。瑤柱汁則很好味。原鼎姬松茸竹絲雞湯 湯料十足，有花膠。湯也好味，鹹甜適中。原隻鮑魚扣花菇除了乳豬拼盤外，碟頭都很足。因此這龍躉斑上桌時，大部份人已經夠飽了。從這條魚開始，後面的幾道菜上得超級慢。脆皮豉油雞的雞皮不脆，味道一般。荷葉飯挺好吃，肉很多。紅豆沙很稀，不合格。今日老人家慶生，所以另外叫了壽包。壽包縮了、皮皺皺的，很奇怪。蓮蓉質感軟垂，會漏出來的樣子，似「漿」多過似蓉。

昨天下午和太太來到翠園飲茶，叫了鐵觀音，茶味甘香，食物方面點了三個點心和一個炒飯：1. 山竹牛肉，有牛肉味和陳皮味，但略嫌牛肉有少許根膜 ！2.鯪魚球，夠彈牙，味道正常，加少許豉油和胡椒粉，Perfect ！3. 香煎蘿蔔糕，有蘿蔔絲，但少許淋 ，如可在煎脆點，味道更佳 ！4. 杬菜肉碎炒飯，飯夠乾身，粒粒分明，好食！總括來講，這裏的點心，精美好味，炒飯炒麵，夠乾身不會油淋淋 。來這𥚃飲茶是不錯的選擇，雖然較其他酒樓貴少少，也是值得，但一定要坐耐D😄

翠園既價位一向比較高，媽媽行經見到有個超值套餐$238有兩餸一湯(星期一至五)就好想食，講左幾次，今日襯佢唔想煮飯就同佢黎試試。有2款湯可以揀，老火湯平時飲得多，所以我地揀左竹笙海皇豆腐羹，材料有少量既蝦、竹笙同菜，味道好淡，所以豆腐味好突出。另外我地揀左例牌燒鵝皇同埋乾蔥豆豉雞煲。燒鵝皇味道不過不失，皮唔脆。而乾蔥豆豉雞煲鋪滿青椒，平時食開既雞煲係好惹味，蔥頭同蒜頭都好入味，食唔停好開胃。但係翠園呢個真係比較失色☹️，連蔥頭都唔入味。

舊同事升職請食飯，請我們去新都城翠園晚飯。原來用匯豐咭簽賬有優惠。雖然我們只有5人，但也叫了一個998元♡圓桌六位匯豐閒日餐♡食物相當豐富和足料！先來一酌鮮橙汁，接住就開始上主菜了。第一味：芝士上湯焗大花蝦伊麵芝士味道香濃，蝦很夠大隻，食落很滿足。第二味：豉蒜翠玉爆駌鴦雞翠玉瓜和彩椒很新鮮，但不知為何叫駌鴦雞。第三味：煎蓮藕豆皮卷這道菜很吸引、很特別。把蓮藕和豆皮捲作一團來煎炸，再切件上碟。菜式有創意又美味。第四味：鮮冬茹扒翡翠鮮冬很香，我吃了多件，生菜也很爽甜。第五味：錦繡冬瓜盅 (沒有拍照)這款湯很適合夏天飲用。清熱、解喝。冬瓜盅有合適配料，每人有2大碗呀！第六味：金銀蒜原隻吉品鮑剛巧有10隻，每人兩隻，很大隻呢！值得一提，吉品鮑配菜是蒜茸粉絲，非常好味道。第七味：花膠蝦乾浸翡翠苗這款菜苗煮得較硬，可能食材本身不夠嫩。配料的蝦乾和花膠都不錯，只是不是太多。第九味：黑白胡椒雞半隻這款雞味道不鹹，主要是胡椒味道，很香口，雞肉也很嫩滑。最後喇，有叫上的甜品○柚子伏苓糕○這個時候，飲飽食醉，傾偈太慶起，竟忘記拍照。這款伏苓糕味道有些似龜苓糕，它糕面沾上韓式柚子蜜，原來這樣混合來吃是如此美味

提早慶祝父親節唔洗食貴餐第一次食呢間翠園..坐位比其他分店迫..基本上一起身就會撞到隔離叫左信用卡優惠的六人餐..都算抵食..係繁忙的星期五佢上菜速度 同服務都算幾好味道都保持到始終係美心集團質數都有保證下次試下飲茶

唔識講，的餸淡到好似唔落鹽咁個龍蝦面清淡無比油雞都可以唔好食既粟米魚叫做好的其他唔形容啦係我唔識野定記錯左 翠園乜唔係美心集團最好架咩？點解會唔好食到咁既唔會再去食啦，飲茶都唔會

其實都好少去好少會揀到去翠苑食晚飯，因為都知佢啲價錢唔算平，同對我倆來講都係唔多揀嘢食，但今次咁啱有人俾咗幾張cash coupons俾我咁，又四月尾到期，不如今晚再試下，俾多次機會佢 😝揀揀揀⋯⋯終於揀咗一個有湯嘅餸，一個餸再揀多一個小食，就剛好用晒啲橋旁加幾十蚊就得喇😆 就算唔夠好食，呢餐飯都只係50幾蚊 😁✌🏼啲餸送開始到，個小食炸豆腐到先，個樣就幾好喇，好可惜真，係超級麻麻哋好食👎🏼👎🏼呢個炒鴨肉都唔錯，但就油咗少少仲有呢個豆腐鍋，好味呀！我覺得😁 鐘意清清地嘅食家，應該都鐘意食嘅😋😋 今次唔好意，價錢唔係好記得，全部應該係三百多元😅

自從美國白金咭優惠縮小左之後，都已經有一段時間冇呢一間酒樓食飯，佢以前一直都好好，我哋差唔多每個星期就去食，今日夜晚走去食飯，六點鐘入去，個場唔係好多人，我哋比安排喺最角落頭嘅四人枱，可能見我哋有小朋友，想我哋坐埋一角角落唔好騷擾到其他人，不過我哋點餐嘅時候舉手舉左好耐，不停嗌人都冇人理我地。我哋有小朋友，所以唔係叫好多嘢食，我哋叫咗個薑蔥叉燒撈麵，一個例湯，一客蒸班頭腩。上菜嘅時候，有個侍應分緊湯，個傳菜亞姨就咁大叫我用手接住碟撈麵，真是好地道大牌檔風味好有人情味，我爭啲要流着行眼淚多謝佢畀我有份參與的機會，侍客合一的境界。回過神看一看個撈麵，和網購的感覺一樣，照片只可作參考，它跟照片相似度有百分之十，就是有麵，叉燒碎碎的已經看不出來，被滿滿的鼓油湯蓋過。吃一口，嘴裡只有濃濃醬油及薑味，忽然很想到九龍城粉麵檔走一轉，那𥚃才知道甚麼是正宗薑蔥撈麵，就是讓客人自己撈，和照片上的一樣，多薑少薑自己話事，忽然又想起電視上的廣告「等等，要同唔要，由我話事」。到蒸頭腩上枱的時候，味道算是可以，只是魚塊可能放了很久很久很久很久很鯹，仔女吐了出來，因為未打好鱗，還有很多鱗片跟在一起。

見到呢間美心集團做緊一席及半席優惠，諗住同屋企人去食晚飯就 book 咗半席試下。 當日起菜第一味係上湯龍蝦伊麵，麵就 ok, 但龍蝦係殼多過肉，其他花枝丸及拼盤都可以，但蟹丸就比較硬少少，個雲吞雞湯就雞肉整得唔夠淋，雲吞還可以，條鱈魚係炸，如果係蒸魚會更好，只係服務叫好過其他酒樓，總結食物係一般。

有時候選美心總是因為可能會有位星期五晚同埋有特價套餐大大份又不是那麼想食得精緻入場已經幾乎可以決定因為價錢合理普普通通炒西蘭花肉類醃製過雪就雪吧！龍蝦E 面正如所有美心這個價錢套餐的質量有龍蝦食完飽波士頓淡口龍蝦面OK 燒味最穩陣海哲燒鴨好吃可以收貨炒鮮奶可以當甜點炸花枝丸都算彈牙湯水有味要求不高可以這個是有點奇怪的藍鱈魚因為質素一般不知為何叫鱈魚油浸遠不及本地荀殼魚鮮滑魚油浸老了但邊邊脆脆地貪口感魚質就係雪硬的魚900元咁多樣菜式大家都不宜幻想太多最後都係因為有咸蛋王壽包歡喜散場

對上一次食翠園，比我印象係幾好。但今次黎就有少少失望😟🌯《脆皮龍鳳大春卷》$48今次黎都係要食呢個😛外皮又薄又鬆脆，餡料豐富😋🍚《羊城鳳凰煎米雞》$45外面係咸蛋黃，但唔夠咸香，而且岩岩上枱都唔熱😑糯米軟糯但略乾，餡又麻麻，不值呢個價。🍛《一品砂碢飯》$128好難食，勁濕勁油，又好重鴨腥味，料又少。🦐《招牌瑤柱海皇腸》$48呢個都OK，但係炸兩唔脆，瑤柱好似唔係好食到，淨係食到雞肉同蝦仁😳 性價比好低，差左

屋企人生日，設宴於翠園。見有龍蝦、龍躉宴套餐，連甜品有十道菜，約$2700元，算經濟實惠，一於試試。整體上每道菜份量算多，一定夠12位食用。味道方面，算中規中矩。龍蝦伊麵味道一般，龍蝦件數算多。XO 醬炒帶子象拔蚌味道不錯，帶子及象拔蚌有咬口。沙律百花蟹鉗算最出色，生果沙津清新，蟹鉗彈牙。瑤柱海皇羹略差，比較少材料。炒龍躉球及蒸龍躉頭腩亦不錯，肉非常滑及啖啖肉。蟲草花炒幼苗普普通通。豉油雞不俗，雞肉非常滑。荷葉飯材料豐富，味道適中。杏仁茶甜度剛好。這套餐以價錢來説，算不錯。

將軍澳寶林新都城竟然開了翠園，以前新都城的商戶也是比較親民價位的 ，看來將軍澳居民的收入高了，消費力也高了。平時母親總是去樓上的海港，所以今次帶她來試試。位置就在二期中庭，一上地鐵的扶手電梯便見到。由於新開張的關係，裝修及杯碟也是新的，十分企理。也不用等位，食物賣相不錯，可惜味道方面有很大的改進空間。翡翠餃子，皮很厚，又硬硬地。。。黑金流沙包，流沙中帶少少咸蛋粒，提升咬感。春卷脆脆地。ok蝦腸入面的蝦算足料。特地叫了這個四式燒賣，有小鮑魚，太子，鵝肝，鮮蝦。算ok吧，家中長老也 impress, 不過對於鵝肝，個人比較喜歡燒，不是蒸。整體合格，但在新都城開這種中高價的餐廳唔知做唔做得住。而且聽到翠園之名，會自然期望更高的味感享受，所以今次算是有點小失望。

本人一向是翠園擁躉，今天滿心歡喜到將軍澳新都城翠園飲茶，點之原來中伏，入去無人帶位，自己尋枱號，坐低至11:15想落單，見隔離枱有位服務員收點心紙幫隔離枱落單，我便舉高張點心紙示意叫她收埋我張點心紙，她望住我，之後就走左，心諗：無野呀！算！找另一個攞住成疊單的樓面幫我收張點心紙，等下等，見隔離枱已於11:30已開始有點心及炒面送到，我等到11:43收到張電腦單（點菜單），原來我張單從收單起計算，超過20分鐘才入機，都算！叫左酥皮濃湯拼春卷，個湯只是微暖，黎碟蒸牛肉，送菜亞姐無攞喼汁，叫佢轉個頭攞黎，哦左一聲，唔見左人。落面唔夠人，明白嘅，但叫人幫手加水好似繁到佢地咁，所以大部分茶客都自己去加水，埋單都係無人理，又係自己行去收銀枱俾錢，真係不知所謂，無第二次！