翠河餐廳 (已結業)

很久沒到美孚了,經过翠河,覺得它環境不錯,便在這觧决晚餐,味道不錯,價格適中,不过有一事很奇怪,晚餐后,冷飲的冰塊没有了,便叫服務員請她加些冰塊,但所得的答覆是加冰塊要收伍元,冷飲己是加了三元,加些冰塊要另加五元,做生意錢是!要賺,但不可太過份呀

有些時候沒有來這兒晚餐，上次來這裡感覺普通，是夜叫了一客晚飯小菜套餐，是紅燒豆腐，包白飯一碗及一例湯，收費$52，價錢尚算合理，但菜及湯要待改善。例湯是木瓜瘦肉湯，水汪汪，無料，不喝也罷。白飯用米頗佳，落水適當，又大碗，唔錯。紅燒豆腐細細碟，用料不夠新鮮，味精落手稍重，不會再叫。這裡專做街坊生意，但食客數量每況愈下，餐廳應求改善。

今天和妹妹來提早吃晚餐，我們都點了紐西蘭西冷扒拼腸意粉。意粉好大碟，西冷扒很有牛味，肉有點肥；腸原來只有半條，皮很硬很難咬；燒汁夠多，味道不錯！$37晩餐連熱飲，相當抵食，我花了一小時來吃此晚餐呢！

翠河今次去叫左茶餐，五香肉丁公仔面配豬仔包，配熱杏霜。五香肉丁面上面好多油，食之前撇走左d。公仔面太林，無咩咬口，不過五香肉丁幾好食。anyway，其實叫呢個餐我都係想食個豬仔包姐xd 好中意食翠河既豬仔包，真係做到外脆內軟。得外面果薄薄一層皮係脆，好精緻，你會feel到真係有好脆薄薄一層，但咬落去又係冧的，因為入面d 豬仔包完全無受影響，保持麵包既鮮軟。 配合煉奶，睇落會覺得唔夠，但食落就會覺得岩岩好，太多既話，個味覺就會比煉奶主導左，忽略豬仔包本身。翠河既杏仁霜足料，夠濃。出面D茶餐廳落好少粉，好多水，都唔知飲乜。翠河既就有dd太多粉，好濃，飲完會飽，但好味既。

今天在美孚吃晚餐，知道翠河的下午茶時間至六時半，可以去吃個茶餐。翻看餐牌，選擇甚多，好像什麼都有得吃似的，但沒有鐵板餐而已。我點了沙嗲牛肉麵加奶油豬仔包半個。見落單後過了十多分鐘還未有食物，於是我請侍應跟進。過了一會兒，食物終於來了。奶油豬仔包烘得很熱辣，又軟又脆，十分美味！但沙嗲牛肉麵較咸，麵質偏硬，不算熱辣。我一邊吃一邊等二妹來，知道二妹差不多抵達，我便請侍應加單，想替二妹點瑞士雞翼撈公，怎料侍應説沒有雞翼，因雞翼已售罄，實在有點失望。二妹來到後，她只好點和我一樣款式的茶餐。雖然餐廳菜單中食物選擇多，但實際上餐廳未必能夠供應，未免令人有點失望。幸好餐廳的下午茶時間較長，讓我們下班後仍能享用下午茶，算是很不錯了！

沒記錯的話，這個金寶湯雞排焗飯大概是＄43左右，包一杯飲品。落單後大概等了十至十五分鐘，因為需要時間焗~這個飯面頭的芝士十分多，雞排也好大塊，很好吃也很抵食！那時午餐吃都覺得太多飽了~女生的話兩人share就差不多吧～

下午一点二点間餐厅得5成滿，一入去已經知道可疑。食物5分鐘內上枱，快非常快。一睇賣相，大鑊：-炒公仔面-面都未熟仲係硬嘅。犀利，個厨師今日可能輸左馬。個焗意粉，變左焗飯。原來個落單伙記同個㕑一齊輸，仲夢遊緊。話俾佢聽黎錯左，竟然反問咁我啱唔啱食。好嘢。換左之後，質素都係衰過大家樂。茶記嘅質素都未達，認真失望。三個月內將執笠。

其實，嚟過依間「翠河」食早餐，不過，嗰次無帶相機，個食評就費事寫，除非好差，反正總有機會再嚟。以早餐而言，晌美孚區咁多間快餐店、茶餐廳嚟講，小弟覺得翠河嘅質素可算中上，值得翻兜嘅食肆。不過，補充多句，午餐嘅水準就飄忽啲，前後嚟過幾次，有好有唔好。今早兩公婆行遠少少過到嚟翠河，都喺想食好少少個早餐。對比起區內其他茶記，以及附近嘅太興，翠河嘅環境喺最好，樓底高，又光猛闊落。早餐一個餐牌A-I共9款前後睇晒，點配點選，乾脆俐落顯示清楚，仲供應到去12:00pm先完，定價為$24-$30，其他店嘅早餐都喺咁上下價錢，至多都喺差幾蚊，所以，翠河都唔算點貴。早餐B $29老婆要米粉，配料選煎蛋、雪菜肉絲及美式蘑菇腸。米粉跟配料都鋪得滿滿，初時仲以為啲美式蘑菇腸喺一條條，原來喺一片片，老婆最欣賞啲雪菜肉絲，因為無過鹹嘅通病，而湯底只喺一般嘅雞湯底，無話好好，亦無話差。早餐I $29小弟嘅意大利蕃茄濃湯薯仔早餐通粉亦可以揀兩款配料，卒之點咗美式蘑菇腸及豬柳漢堡。蕃茄濃湯好濃郁酸香，內有唔少薯仔同蕃茄，豬柳漢堡雖然細塊咗啲，但感覺又唔會得嚿粉咁，清晒成碗喺非常飽肚。蒜香牛油多士由於翠河隔離個鋪位兼做埋麵

晌美孚區，又多咗一間茶記進註，就喺連鎖店嘅「翠河」。其實間嘢都開咗一段日子，但就一直懶得行過去試，因為離屋企距離遠，啱啱一頭一尾。不過，總有機會嘅，就趁一次返完教會，老友揸車直接返嚟美孚，咁就索性建議嚟試翠河。對比起前身嘅鴻福，翠河當然有朝氣好多，門面招牌霓虹光管綠字，已經寧舍搶眼，而且又喺新裝修，份外新淨。室內環境，以卡位居多，裝修時尚明淨，光猛企理，感覺舒服得多。有幾款套餐餐牌，都喺以「是日精選」最實惠。由A-K共9款選擇，有無留意，佢唔喺叫咩午市套餐，因為由午市，到下午茶，及至晚市都有供應，只喺價錢上嘅分別。午市時段（11:00am-2:00pm）賣$40，下午茶時段（2:00pm-6:30pm）賣$35，晚市時段（6:30pm後）再次賣番$40，而套餐只包例湯或熱飲。此外，仲有啲常餐（$38）、馬來咖喱餐（$45-$52）可揀！其他餐牌就無特別去留意。A款 - 什錦炒河粉份量超大碟，橢圓形長碟堆滿河粉，兩個女生都夠食。單睇賣相，河粉炒得唔太「勻巡」，所謂「什錦」，都只不過喺啲肉片、火腿、銀芽，炒埋一堆加個茨汁，朋友話好普通。D款 – 芝士焗肉醬意粉小弟都好耐無食過依款意粉，所以