翠湖(嘉爵)園林酒家

营业中

休息中

今年冬至食飯，喺翠湖(嘉爵)園林酒家嗌左6人盆菜。 回家後注入酒家熬製、味道鮮美的秘製醬汁一起享用，香氣四溢吃，很方便。有齊原隻鮑魚、頂級金蠔、嫩滑白切雞、燒鴨、花膠、瑤柱、灼蝦、髮菜、花菇、腐皮魚肉卷、下層鋪滿紹菜、豬皮、枝竹、蘿蔔吸汁。等14款食材，$688就食到。盆菜以原個鑄鐵鍋盛載，享用過後可保留重用。 

是日為家母生日，一家人去了附近酒樓慶祝生日吃晚飯。點了芥蘭炒臘味$108炒得幾香，芥蘭爽脆新鮮，臘肉臘腸份量也多。龍蝦伊麵 $388晚爐燒鵝皇 例抵食推介！大大隻龍蝦啖啖肉，伊麵也多。例牌燒鵝竟然有大大隻燒鵝髀😲😲😲整體來說，肥瘦適中，外脆內軟。西蘭花炒雙蚌 $138大大碟，西蘭花很翠綠，珊瑚蚌很多很爽口，不過另一個蚌有啲偏苦。金銀菜燉白肺湯 $298好大煲！可以裝到十大碗，可以見到好足料，也入味！鮮菠蘿拔絲咕嚕肉 $118呢個我覺得最好食。新鮮菠蘿唔酸，咕嚕肉粉很薄，啖啖肉，拔絲帶脆感，但唔會太多變到太甜太膩。蒜蓉聖子皇 $210五隻，好大隻，無沙，好多蒜蓉，好惹味。黑椒金菇牛仔骨煲$108呢碟係全場敗筆。牛肉很多但太多太多的梳打粉令牛肉的質感味道全失，難以下咽。跟部長反映後，部長很爽快取消了這道菜。態度很好。整體來講，食物大大碟，味道也不錯。職員很主動換碟、勘湯、影相，上菜也很快。

隔咗一排又過嚟飲茶，今次同爸爸兩個人（有睇我上一集寫嘅食評, 都知道地方較嘈, 所以今次冇帶bb --- 交咗畀屋企人幫手） 星期六12點嚟過一次，要等兩張枱，行陣晏晝1點半，兩個人直入不用等位。唔想等位嘅朋友就留意下時間啦雖然人比較少，不過都係搭枱。點心落咗單之後，十五分鐘內就有得食畀繁忙時間等半個鐘頭以上，時間化算好多天鵝芋卷：終於有得食啦！人多嗰陣時成日走單，經典中嘅經典💖係老老實實嘅一嚿芋頭蓉，非常好味。每次都係必食！粉果：（我無食，因為唔中意粉果）雪山叉燒包：熱辣辣又多餡,咬落去個麵包鬆軟春風得意腸：兩個人食比較大份,如果四個人食就啱啱好，真係好好味。燒賣：好熱，多豬肉同多蝦燒味飯：燒味同埋叉燒，兩樣肉都係肥瘦參半，新鮮可口，大讚兩個人埋單都唔使300蚊，非常之抵

摘咗三個月去咗兩次 都係朋友請。 早到就有位泊車第二次晏咗過去 要等 一陣先至有位泊。兩次都係包房， 坐得舒服食得開心。 樓面員工 態度非常好。 上菜快， 味道唔差，價錢合理。如果住喺大西北真係 一流的選擇。

同埋朋友帶埋一個b，星期日嘅早上當然係飲茶啦 ！ 藍地想食中菜以前只係有季_紅，開咗翠湖之後多咗好多人出嚟飲茶，證明呢一區鍾意飲茶嘅人真係好多每樣點心都係新鮮熱辣見到姐姐拎出嚟嘅時候有四五十六籠，好似表演雜技感場面震撼不得不讚係點心主要都係四件為一籠。 粉果蝦餃燒賣足料，腸粉同埋包點類唔係爆料，但係都交足功課，話曬1熱就遮三醜。今次食嘅點心都好普通，主要家常便飯類型。下次會試埋佢特別少見嘅例如鹹水角， 香芋之類再寫食評 【媽媽視線】留意番餐廳喺地下，通風系統係良好，不過冇地氈吸音效果比較差，相對係嘈。。。仲有推bb車一定好唔方便

試過 的飲茶好幾次了, 一直想試她的晚餐，今日機會到了，還早到達現場，大家來過 early dinner ，吃多了過也有足夠時間消化。熟讀餐牌後，點了以下菜式:前菜: 例牌叉燒麻辣豬手抵食套餐： 半隻燒鵝 加龍蝦伊麵龍躉魚兩食：龍躉魚片蒸粉絲、龍躉魚片炒西蘭花其他散餐: 紅燒豆腐鵝 麻辣豬手是我的至愛，由於要顧及朋友們的不同口味，所以厚切叉燒是最大眾化，味道不錯，不會太咸或太甜，最怕有子然味的香料。燒鵝的味道不錯，可以再大碟就更好。🤣🤣龍蝦伊麵中規中矩，碟頭取勝; 至於龍躉魚兩食，我比較喜歡龍躉魚片炒西蘭花，厚厚的魚片，有啖啖肉的感覺，好有口感，西蘭花新鮮，配搭得宜。😋😋總結: 足料、碟頭夠、合味道、飽飽~😋😋😋

今日真係由朝到晚都食佢。屯門區食店來講已經算非常之好食😋佢翻新咗之後做得更加好。朝早嗌咗幾個點心，個人覺得最好食嘅點心係燒賣，啲肉咬落去真係有汁吱出嚟。另外，腐皮卷真係又薄又鬆脆又好味，啲蝦又好食😋跟住又食蘿蔔糕同埋鳳爪，都唔錯。個人都比較鍾意嗰個麻辣豬手冷盤點心🧆豬手好彈牙同埋入味。至於嗰個椰皇灌湯餃，個人認為真係太甜啦，其實佢有兩種灌湯餃，建議如果大家叫要叫返正常嘅灌湯餃。最後嗰個蟹子炸兩腸粉，香軟鬆脆，個樣都幾靚，如果鍾意食炸嘢嘅，可以試一試嘅。夜晚叫咗佢個燒鵝同埋雞煲翅，燒鵝真係非常之好食😋好食過好多自稱係燒鵝大王嘅店，啲肉係彈牙鮮甜同埋有鵝味，同埋佢上菜隻鵝都係熱㗎，建議大家必食。至於雞煲翅係材料豐富嘅，不過略嫌個湯唔夠濃郁，係有進步空間，如果你以前未食過雞煲翅你會覺得好食。另外都有叫咗個龍蝦伊麵同埋炒生菜🥬，呢兩樣嘢都普普通通啦，都唔錯㗎啦。

平時好少去屯門藍地，由朋友帶我們到翠湖(嘉爵)園林酒家吃晚飯，位於屯門屯門青山公路21咪半藍地植園。 星期六酒家好熱鬧， 全場爆滿。晚餐🥢 ～ 燒鵝、龍蝦伊麵、蒜蓉蟶子、蒜蓉大元貝、西蘭花炒貴妃蚌 、紅燒豆腐。 ▫️燒鵝 ～ 皮燒得香， 肉嫩多汁。 ▫️蒜蓉粉絲蒸蟶子 ～ 粉絲充分吸收蟶子的鮮味和濃郁的蒜香味， 蟶子味道爽甜。 ▫️蒜蓉粉絲蒸大元貝 ～ 元貝大大粒， 蒸得剛剛好，鮮甜美味。 ▫️龍蝦伊麵🦞 ～ 龍蝦肉份量都幾多， 爽口好味。 ▫️紅燒豆腐 ～ 豆腐夠入味，口感嫩嫩的。▫️西蘭花炒貴妃蚌 ～ 味道普通。 最後酒家還送紅豆沙糖水， 圓滿的一餐😊。

屯門 的地方很大， 有室內泊車， 下雨天也不用開傘， 莫說濕身， 深受附近居民和外來人士歡迎， 主要她地方大， VIP房多， 大廳滿座後， 隨時安排入不同VIP房，環境和私隱度也不錯。點了幾個點心、炒粉和炒飯，上菜節奏好好，似足香港人， 快夾準!整體點心味道不錯，份量夠，貨真價實，客人一定受落，唯獨經典的鮮蝦燒賣有點重手，入口便感覺到咸，吃完要飲大量的水才可緩和口乾情況。 這餐的體驗: 環境舒適， 有privacy ， 味道OK ，今日勝出的是炒米粉和炒飯😋😋😋， 賣相最佳是燒賣。✌🏻✌🏻

十分推薦的中菜廳今日諗住同老豆飲茶，難得在藍地可以飲到如此高水准的中菜，馬拉糕非常軟熟，野菌上素餃非常新鮮，奶皇包笑得好得意。見到隔離檯都叫咗川汁豬手，也叫份來試試⋯，微微香辣，一口麻香味，值得再試！

呢度就係新開嘅藍地酒樓，咁就同啲長輩一齊去試吓啲點心好唔好食，入到去個環境都幾大，但開業期間，裏面都幾full，如果大家係一圍人嘅話可以打電話預約。-1. 燒腩仔飯飯就好大碗，不過佢啲飯就偏軟身同埋比較糊，但係燒肉嘅份量就好多，而且肥瘦均勻，皮脆肉香。-2.馬拉糕同埋叉燒包馬拉糕就係比較傳統嗰隻款，食落去好香，而且唔會太乾，而且好鬆軟，而且有杏仁作配搭。叉燒包個皮比較香園，而且叉燒好入味。3.燒賣蝦餃腸粉牛肉球首先燒賣皮好薄，而且有成舊蝦喺度，而且仲有肉汁，蝦餃個皮比較晶瑩剔透，蝦都幾大，腸粉好軟滑，牛肉球有四粒比坊間多，牛肉嘅份量都好充足。-4.鳳爪同埋生煎包鳳爪啲肉都幾多，而且啲汁唔會死咸，好有骨膠原而且會想繼續食嘅感覺，生煎包個賣相就好特別，裏面有菜肉餡，而且個包都好脆。-仲有其他幾款，不過就同其他酒樓大同小異，埋單都係$700唔使，10個人一齊食都幾飽，人均都係$70，同喺出邊食個午餐差唔多價錢～

早兩日有個Auntie打嚟話喺佢屋企附近有間酒家新開張，所以就特意約我們一家去飲茶！一坐低我們就即刻攞張點心紙嚟睇吓揀選邊款點心嚟食？一睇發現原來他們有多款創意點心，所以就即刻叫咗嚟食！首先係哩個千島醬薄餅，金黃香脆嘅薄身配埋蟹柳、紫菜、芝麻再加上醒胃嘅千島醬一齊食，真係好正呀！而且感覺相當和風，唔諗過會喺中式酒家都可以食到哩種和風味道！而哩個水煮牛肉片腸粉亦都令到我們好驚喜，因平日食開通常都係蝦腸、叉燒腸、牛肉腸或炸米網腸，但哩個水煮牛肉片腸無諗過會咁好食，因腸粉嘅質感非常煙韌軟滑，包著鮮嫩嘅牛肉片，再淋上秘製嘅醬汁，效果出奇咁夾，令到我們有種食完再想要叫多一碟嚟食嘅衝動！陳皮牛肉球雖然唔係新款創意點心，因值得一讚嘅係平日食開嘅牛肉球通常都係得三粒，但哩度竟然有四粒，所以感覺好抵食！最後到咗重點推介嘅係哩個食得睇得靚花瓶，一上碟嗰陣我們都一齊嘩⋯⋯因個造型賣相真係超級精緻吸引，而且味道極之清甜，令人有種透心涼嘅感覺，再加埋喺底部嘅粒粒果肉，令到口感更加豐富，精緻度加創意度滿分！