翠苑餐廳 (已結業)

今日(15-8-2015 Sat)同男友起身後去食o野,由於大雨,落車後男友話行到第一間就入去啦,啊,咁即係呢間啦.o黎到冇乜人,估唔到可以俾我o地坐卡位,睇o左好耐,男友決定要$43.00o既B餐,鮮茄班腩飯,要中湯同熱檸水,我要$35.00o既魚蛋墨魚丸紹菜米線,加$8.00要熱華田.冇耐,中湯o黎到,見到有菜乾紅蘿蔔,亦見到都幾油,是但啦.男友先飲,好熱.我都飲,鹹淡適中,OK.味道: 3分然後兩杯o野飲到o黎,我唔加落糖住,杯熱華田都已經夠甜.味道: 3分之後男友o既鮮茄班腩飯同我o既魚蛋墨魚丸紹菜米線陸續到o黎.魚蛋墨魚丸各有三粒,先食米線,口感腍o左啲,魚蛋墨魚丸口感就正常,湯o既味道就唔算好濃.味道: 2.5分而男友o既鮮茄班腩飯呢?班腩大大舊,外面仍脆,汁o既酸甜度都o岩o岩好,唔錯.味道 : 4分環境:我o地o黎到,見到有花牌o係出面,咩事?又冇改名,入到去坐仁仁低,啊,原來有小裝修,啲凳原來整o左,改o左軟墊.而且今日重要係裝修後第一日重開.抵食係2.5分

前日(10-5-2015 Sun)母親節,男友話去睇養母,我又買衫,咁我o地早去早回啦,出發前食個早餐,想去大家樂,但太多人,於是食第二間,翠苑?佢o地會安排座位個喎.男友話只要唔係o個個門口位都冇乜問題.啊.我o地入到去,o岩o岩卡位,亞姐亦都俾我o地坐.我覺得奇怪,唔係要搭枱咩?睇吓周圍,原來唔多客,鬼咩,啲早餐貴大家樂咁多.男友要$30.00o既仿鮑魚絲火腿絲通粉,配西煎雙蛋同牛油方包,加$2.00要凍好立克.我要$32.00o香茅豬扒公仔麵,加$2.00要凍鴛鴦.冇耐,兩杯o野飲到o黎,印象中,我呢生人o係茶餐廳飲凍鴛鴦只有一次,呢次就係第二次, 鴛鴦俾我o既感覺係淡o左唔苦o既咖啡,茶味欠奉,呢次都唔例外,不過咖啡味唔太淡,質地亦夠滑.之後男友同我o既食物到o黎,我塊香茅豬扒大大件,大過大前日o係威威食夏威夷菠蘿豬扒配薯菜o既豬扒.由於件豬扒浸o左o係湯,所以外面腍o既,而香茅味都唔太濃,口感鬆軟,其他o野食o既味道口感都正常.最重要o既係,我食完呢個餐都飽o左好耐.抵食係2.5分

今天與老公去城門水塘行山，回程要到千色店買東西，因較早前小龜參加了爬行比賽，贏了些禮券，買東西前，先找個地方歇一歇，隨便入了這間餐廳。我要老公減肥，只點了一份下午茶餐和他share，揀了薑蔥雞扒撈公仔麵，連熱奶茶。奶茶好滑，夠熱，茶味濃，好好飲。薑蔥雞扒撈公仔麵，有一碗上湯另上，雞扒煎得皮也香，雞肉也夠滑，醃得入味，薑蔥香口惹味，撈麵食好合適，上湯有甫魚的味道，有幾粒蔥花，好味。少吃多滋味，兩人歇歇腳，休息一會，很舒服。後來發現這裡價錢比附近的沙爹王和莎樂美略貴幾元，但又不是天天吃，無所謂喇！

尋日(22-11-2014 Sat)等男友放工後去荃灣整o野,所以都o係荃灣食個晏,佢先到就o係呢間坐低先,佢要$41.00o既黑椒雞扒飯,要中湯,加$2.00飲凍檸水,我要$42.00o既常餐,飲熱檸水.o係等o既期間,我先試佢o既;中湯,湯渣中有紅蘿蔔同唔知咩瓜,個瓜好腍,湯熱同味道好濃,但小不免加o左精.而雞扒呢,雞皮唔脆,應該係烚熟而且冇煎過,黑椒唔辣,成個只有鹹味.之後我o既常餐到o黎,首先係意式奄列同牛油方包,意式奄列裡面有咩呢?先唔切開住,但一睇,已經見到餡料唔多,只有o個少少拱起o既,切開睇,有汁o既,但唔係蛋汁,餡有番茄同蘑菇,食落,蛋已全熟唔係滑,食食吓,原來餡料唔止呢兩樣,竟然重有紅腸,乜紅腸係意大利咩?咁都得?牛油方包牛油就塗得好多,多到好甘香.之後沙嗲金菇肥牛湯意粉,金菇唔多而且幼小,肥牛有四片但冇肥o既部位,意粉好腍,沙嗲湯味道亦唔算濃.最後o既熱檸水,我只落一茶匙糖都好甜,正.衛生:有烏蠅.環境:上篇講過,我o地坐卡位坐有玩o緊搖搖板o既感覺,今次重另一張卡位,唔係玩搖搖板,而係彈起.睇o黎佢o地都要整整啲卡位喇.

尋日(1-10-2014 Wed)決定同男友去行鹽田仔,出發前食個早餐,男友先到,我後到,去到,男友開始食佢$29.00 o既B餐,有沙嗲牛肉公仔麵配火腿煎蛋改炒蛋,牛油方包,加$2.00要凍檸水.我就要$29.00o既A餐,有仿鮑魚絲火腿絲通粉配西煎雙蛋改炒蛋牛油方包,要熱檸水.,我叫完後,男友俾佢o既我食啲,我就食公仔麵啦,軟硬適中, 沙嗲湯味道好濃,濃到我覺得有啲哽.之後我o既早餐到o黎,仿鮑魚絲唔多,通粉同樣軟硬適中,湯一樣係濃,但濃得o黎舒服討好.而炒蛋呢,熱騰騰o既,係o岩o岩’炒’起,不旖o衣o家有啲唔明,點解會變o左庵列蛋?而牛油方包就正常冇問題.至於熱檸水,唔知係咪又係水溫太高,澀o既,就算我加半茶匙糖都係.但男友o既凍檸水就冇事.環境:我o地坐卡位,坐卡位o既好處同壞處個個都知,而我坐o既壞處多o左,就係後面o個個郁少少都會被佢影響到,有時重有玩o緊搖搖板o既感覺.

15-6-2014 (Sun)朝早同男友起身後食早餐,又要繼續買餸,又落荃灣,今次o黎呢間,由於都好早吓,所以冇乜人,都有卡位坐.我同男友揀o左同樣係$29.00o既金牌早餐A同D,分別要凍熱好立克,凍要加$2.00,落完單冇耐,男友o既熱好立克到o黎,好快到我o既凍好立克.然後係我o既仿鮑魚絲火腿絲通粉到o黎,通粉口感正常唔太腍同唔太硬,仿鮑魚絲火腿絲都冇問題.之後係男友o既羅宋湯螺絲粉到o黎,睇到螺絲粉唔多,但有洋蔥,薯仔同紅蘿蔔,我又食吓,螺絲粉同樣口感正常唔太腍同唔太硬,薯仔腍晒同好甜,我甚至以為佢係番薯o黎,而羅宋湯酸辣度都好均衡,溫和,唔錯.之後到我o既西煎雙蛋同牛油方包,西煎雙蛋煎得幾靚,而且係半生熟蛋,我最愛;牛油方包OK正常冇問題.最後係男友o既迷你牛油豬仔包,睇到牛油塗o左唔少,我即食半件,仍舊好脆口,一咬好多麵包碎跌落o黎,牛油o既甘香亦好足夠.最後至飲我o既凍好立克,睇到冰有好多,我攪o黎飲,重係熱同甜,攪勻晒後,佢一路凍,味道就一路淡,淡到只飲到冰水o既味道,要男友右佢o個啲o黎至有返啲味,注意,只係有返啲,男友飲晒佢o個杯後,我見重有啲渣,都要倒埋入去至得.

年初二，我們一般都會去荃灣。新春期間，很多餐廳都休業，我們本來選了另一間，但該店新春期間卻數加二，我進了去，家人卻在門外看到告示，他們把我叫住，加一還可以接受，加二實在太過分了。在沒有很多選擇的情況下，我們決定移步到這一間。馬年年初二在外吃的飯餐，算是開年飯吧。　　我們一行六人，本來想坐卡位，但因帶著了很多拜年的禮盒，坐得很擠，服務員給了我們一張六人桌，到了茶水都來了後，一張連沙發的餐桌，讓我們自成一角地坐著，而且位置比較寬敞，不會影響他人，覺得不錯。　　我們點了以下食物：１。冬瓜火腩飯　＋　熱奶茶　（粟米忌廉磨菇餐湯）２。常餐：叉燒奄列牛油麵包　＋　金菇肥牛湯意　＋　熱奶茶３。茄汁雞扒薯菜　＋　熱奶茶　（粟米忌廉磨菇餐湯）　　餐湯方面，一般，非常黏稠，麵粉放多了，像是槳糊一樣，很膠口。冬瓜火腩飯的燒肉十分多，而且偏鹹，燒肉也很肥，很多的肥膏。　　常餐方面，奄列叉燒，賣相不甚討好，不是那回事，只是未炒熟的蛋混了幾片肥叉燒而已，蛋白和蛋黃還沒拌勻，牛油麵包也一般。金菇肥牛的金菇不多，肥牛真的很牛，湯味道較淡。　　雞扒薯菜分量極多，我們當中有一位媽媽和孩子，恰好可以兩個人吃。　　食物味道認

今(2-3-2013 Sat)同男友起身後食早餐,佢話o黎呢間,我o地入到o黎o岩o岩有卡位坐,坐低後男友要$28.00o既C餐,低脂高鈣鮮奶麥皮配冰鎮菠蘿油或鮮油餐包,佢揀前者同加$2.00要凍奶茶.我要$28.00o既A餐,鮑魚絲,火腿通粉配西煎雙蛋同牛油方包,同樣加$2.00要凍奶茶.好快,所有o野都到齊.我先食啖男友o既低脂高鈣鮮奶麥皮,果然係難食,難食唔係因為佢o地做得唔好食,而係我自己唔鍾意食鮮奶麥皮.之後我又先飲啖凍奶茶,好甜但有茶味,反而唔差.然後我正式開餐,通粉份量唔多唔少,但竟然好淡,好似只用滾水煮咁,而且唔熱只係暖,明顯係一早已經勺定等人叫.男友食佢o既冰鎮菠蘿油,但見到個菠蘿包被壓扁有啲灰,我又試食吓,幸好菠蘿包重係暖暖地加返啲分.最後係我o既西煎雙蛋同牛油方包,呢啲冇難度o既o野正常冇問題啦.服務:唔知係咪人少,亞姐冇幫我o地安排坐位同冇趕客,只係出o左去畀o左錢收銀講聲多謝.咁至令人舒服啲o架嘛.上次食評: http://www.openrice.com/restaurant/commentdetail.htm?commentid=2261225

當天同媽子吃早餐,見個menu d套餐有興趣吃,咁就入去喇~我揀左B餐沙爹牛肉公仔麵, 公仔麵口感7分,又唔會煮得好軟,個醬汁有少少燒汁的味道tim~牛肉6.5分~唔算特別好味.....火腿好味~紅當當的! 另外荷包蛋也是好吃,一「吉穿」,蛋黃便滲出來, 牛油方包都幾厚身~軟軟的~美味餐飲熱好立克~很大杯,沒發現1 pai pai的粉末~另外加左1份 香脆奶油豬仔包 $8本身有個客想叫份set配mini豬仔包,點知賣晒....但個職員專登入來吃朱仔包,點知搞到佢地唔開心無得食..order果陣又無講,去到上菜果刻先講... ............我份豬仔包等左10min才上菜~幸好單叫就有~ 真係幾大個,2片已切開~好多煉奶,少少脆口~又唔覺oily!吃下去好幸福的感覺 上菜效率都幾高~職員有熱誠的service態度

是日下班後在下刻意遊走荃灣，再一次在荃灣尋覓美味好吃的東西。在下於公司裡面已經找到了目標餐廳，好讓在下立即前往，以免浪費了尋找餐廳時間。來到「翠苑餐廳」，在下對於這裡的出品是一半一半的，但是已經來到，不如入內試試看，不吃過的，始終都不死心。在下安頓以後，看看四周，發覺這餐廳都是佔用兩間店舖，而坐位間卻有點狹窄。看看餐牌，原來有很多中西食物，包括碟頭飯，鐵板餐和各式小菜，滿足不同顧客的需要。然而在下點選的，還是是日午餐--咖哩雞扒飯跟紅湯及熱咖啡，這才是在下的午餐。稍等一下，紅湯已經上桌，單看表面，色水已經對辦，內裡有紅蘿蔔和蔬菜。呷一口紅湯，酸甜度適中而且還帶有辣味，不過這辣味不太辣，是剛剛好的辣度，紅蘿蔔和其他蔬菜也很腍，是很不錯的湯。主菜還未上桌，阿姐就說飯煲壞了沒有飯，問在下是否可以改意粉？在下聽罷當然要轉，不過在下心想，不是吧，意粉怎能撈咖哩汁呢？況且在下也未曾試過咖哩撈意粉，但是最後端上的是白飯，在下暗笑著：不知道是好笑定好嬲？無論怎樣，飯是已經來到就說說飯罷。單看咖哩汁是呈淡黃色的，不是平常看到較深色的黃色，而且雞扒都幾大件，看來有點像在酒樓吃的白切雞，或炸子雞般的大。然後

今(1-10-2012 Mon)朝同男友起身後食早餐,我知道荃滋味執o左後開o左間新餐廳叫莎樂美,於是同男友o黎試,點知o黎到係未開市,因為只由午市開始做.咁我o地冇得試喇,於是行去兆和街,但兆和街又被翠華壟斷晒,男友話太興,不過見太興有人排隊等,所以又唔去.我話翠苑,佢話翠苑咪一樣係翠華.冇錯,不過感覺有啲唔同.入到去,剩返一張四人枱o岩o岩走,我o地就坐低,男友要$27.00o既C餐,係低脂高鈣鮮奶麥皮配冰鎮菠蘿油或鮮油餐包,佢揀前者同加$2.00要凍奶茶.我就要$30.00o既美式扒早餐,要煎雞扒配迷你牛油脆豬仔包,茄汁豆同煎蛋,要熱好立克.好快,我o既熱好立克同男友o既低脂高鈣鮮奶麥皮到o黎,影完枕相凍奶茶又即到,之後係冰鎮菠蘿油.冰鎮菠蘿油原來係用冰鎮住啲牛油,等你自己放入個菠蘿包o度,真係第一次見識,件牛油咁細要用咁多冰鎮住,而且我o地o岩o岩坐o係冷氣機底,被風吹到正一正,啲冰會更快熔,所以我叫男友快啲食o左呢個先,唔係啲牛油同冰混埋一齊都唔知點算.佢食o左後話估唔到個菠蘿包幾好食,有驚喜.而我就加一茶匙糖到我杯熱好立克飲,嘩!咁甜o既?熱飲唔係自己加糖o既咩?之後我o既

今(14-7-2012 Sat)朝同男友起身又去食個早餐,男友話去Pokka,,我話唔好喇,又貴又要等,而佢又趕時間,去翠華姊妹店翠苑啦.入到去搵到位,我o地就要$26.00o既沙爹牛肉公仔麵,配火腿煎蛋牛油方包,不過男友唔要煎蛋,亞姐就幫佢改要兩片火腿,加$2.00要凍奶茶.我要$26.00o既羅宋湯鑼絲粉配迷你牛油脆豬,要熱阿華田.落完單後,好快,我o既羅宋湯鑼絲粉同熱阿華田到o黎,快到咁?之後男友o既所有o野都到齊,我影好相後準備開餐,至發覺我o既早餐得咁少o野咋咩?(雖然鑼絲粉多o左牛腩)睇睇餐牌,啊,係有迷你牛油脆豬,記得佢o地未o黎先.之後見到o黎o緊o勒,又影埋相就開餐.我o既羅宋湯鑼絲粉味道係酸酸辣辣,辣味係由tabasco發出,越食喉嚨就越辣,鑼絲粉好腍,係過腍,顯然煮o左好耐,冇乜人叫叫個餐,而牛腩就唔夠腍,我叫男友試,佢話羅宋湯合格,最後佢飲晒啲湯.不過我覺得都係o係寶石大廈執o左o個間金銀島o既羅宋湯o既味道好啲.迷你牛油脆豬,面o個層係夠脆,不過我嫌佢太薄,牛油塗得僅僅夠.而男友o既呢,我就食半件牛油方包,揭開睇,嘩!牛油少到喊,只係薄薄咁塗一下,不如淨係畀方

失驚無神想据扒﹗記憶有限下只記得在荃灣据扒只有莎樂美餐廳和歌德美式餐廳酒吧，找不到前者，而後者的餐價閒閒地要上百，放棄之際行到附近的茶餐廳求其吃個飯吧...點知原來這間好似翠華實際是叫翠苑餐廳都有鐵板餐供應喎令我高興之餘也O了咀店子也幾大間，不過正好是食飯時間，人氣也不少，內堂只餘幾張枱，不過因為好焗熱，所以出返門口那卡位坐，起碼門口一開也有陣涼風輸送。鐵板餐由$74起，當然不合口味也有是日晚餐﹑碟頭飯﹑湯粉麵﹑小炒小菜等，多類到不得了。這也正是茶餐廳的方便之處。我們都點鐵板餐，每個餐的配套都不少，首先有餐湯，羅宋湯味帶辛辣，亦不乏酸甜之味，加上大量菜蔬，正合我口味。餐包竟然是迷你牛油豬仔包，比多士和餐包更加有誠意呢﹗豬仔包烘得香脆可人，牛油量也不少，被熱溶在包中，很難不好味道啊。不是說笑吃到此也有三成飽，然後鐵板餐也徐徐送上，熱燙鐵板上的汁滋滋咋咋起哂波波，熱氣和白煙瞬間包圍著我們...汁醬選擇好彈性，即不用跟足餐牌指定架。我要洋蔥汁雞扒，超級兩大塊雞脾肉非常有看頭肉嫩亦很多汁(油來的吧)，平時不太愛吃汁的我也給這洋蔥汁吸引，真的用上好多洋蔥絲來煮，熟後的洋蔥又軟又香，勁好吃﹗至於友

新春拜年, 酒樓太多人, 轉下食西餐好過。親友介紹,話這間都唔錯, 泊得住附近出名的茶餐廰, 坐下叫個午餐試試。點了一個午餐, 包括紥肉炒河、一杯熱奶茶、一個例湯。下午1:00, 不用7分鐘已全部送上。份量都幾多, 河粉清清地, 紥肉都幾多,幾大件, 一碟論賣相、味道真的不錯, 最緊要食得安樂, 碟底不多油, 都算健康。而杯奶茶, 茶味都很濃, 是我至愛, 夠熱,茶香, 正例湯味道不差, 但可能味精略重, 飲完感口渴, 而配料有肉有瓜, 有得食下。茶廳人流都算一個接一個, 侍應都頗為快手。

今(20-1-2012 Fri)朝同男友起身,同佢食個早餐辦年貨,o黎呢間吧.入到去,o岩o岩門口有張卡位吉o左就坐低,男友要o左$25.00o既金牌B餐,係沙爹牛肉公仔麵配火腿煎蛋同牛油方包,加$2.00要凍檸茶.我要$27.00o既美式扒早餐,要豬扒飲熱奶茶.不久,男友o既沙爹牛肉公仔麵到o黎,其實個碗使唔使咁大呢男友畀o左一件牛肉我食,都幾鬆軟啦.兩杯飲品到o黎,我o既熱奶茶茶味唔係好夠,但竟然有啲澀.男友o既火腿煎蛋同牛油方包都到o黎,但點解得一隻蛋o既睇相係兩隻o格,睇清楚menu上o既文字先,啊,係煎蛋,冇話係煎雙蛋,點解張相唔影返一隻呢最後我o既豬扒,迷你牛油豬仔包,茄汁豆同煎蛋到o黎,茄汁豆份量唔少,牛油脆豬仔包唔係迷你size,所以畀o左半個.好,食喇!件豬扒同樣係炸唔係煎.好鬆軟同夠味,其他o野都冇問題,而牛油脆豬仔包o既牛油塗得夠好甘香而且脆口,唔錯.其實今次男友仍想叫上次o既”自選雙併麵早餐”,而凡只因感冒初癒,所以唔叫雞扒,否則就極有可能叫返同上次一模一樣o既餐.環境:其實都幾驚坐門口位,因為道門成日開關同有冷氣風口位,會攪到時凍時熱,但幸好呢日冷氣唔係開得太