翠華冰廳 (已結業)

全新品牌嘅翠華冰廳登陸喺荃灣廣場作為翠華嘅忠實粉絲梗係要去食啦！見到佢個餐牌都改頭換面有啲全新嘅特色菜，感覺上比較新派同埋貼近潮流，而且個地方都好寬敞可以坐得好舒適。我哋叫咗個激烈咖喱牛腩飯，咖喱同埋白飯分開上，咖喱牛腩炆得好腍，咖喱有少少辣，加埋熱辣辣嘅白飯，好開胃呀！售價只係$72。留意到佢哋呢度都有好多唔同嘅常餐，一般嘅價格都係由30幾蚊至到40幾蚊不等，所以真係算幾抵食㗎。最後叫咗杯熱檸茶，茶味甘香保持到原有水準。

去咗翠華茶餐廳。一間本地最出名的茶餐廳。出名係菠蘿包。但要係外買才可以享用買2送1服務。我去食中午飯。我點咗秘製豬軟骨漢堡配拼薯條。加一杯即磨咖啡。再加一份堅素牛魔王炒滑蛋漢堡包。個包太高關係，我要先分開個包同個配料。個豬軟骨好軟，入口爽夾滑。個包好食。薯條配一包獨特蕃茄醬。好脆同滋味。個即磨咖啡好苦。我唔係好識飲咖啡。我之前去過Green Common食素牛包。翠華買$58。Green Common買成$98。翠華個素牛包素牛份量好少。佢地加入大量滑蛋去造料。價錢平可以吸引一般人去食素牛包。我都係第一次食到蛋多過素牛比例既包。新嘗試，值得推介。總價$120。用咗優惠卷額外要付$20。

Weekend晏起身就必然架啦，過咗早餐時段仲想火腿、蛋、多士加蕃牛通，翠華常餐就fit曬啦。翠華每日11點後供應常餐，有4款選擇，全部都拼火腿、炒滑蛋、牛油多士。今日就揀咗最經典嘅濃厚鮮茄生滾牛肉通粉 ($56)蕃茄湯底唔會太酸，牛肉片都幾厚身，肉質嫩滑，雞蛋炒得幾靚，半生熟食落夠香滑，牛油多士烘得岩岩好，香脆鬆化。飲品方面，宜家只要讚好＆打卡就可以免費升級紅豆冰一杯， 知慳識儉嘅我當然唔會錯過啦。

話說之前嚟過呢間翠華冰廳食lunch，覺得啲嘢幾特別，味道又唔錯～今日lunch 再次來encore❗️試下上次想食又冇食嘅嘢🤩.光鮮亮麗嘅門口比到人乾淨、有質素保證嘅感覺❣️上次可能太肚餓都冇留意到佢個Menu，原來呢間翠華冰廳係打輕健康路線😲有啲菜式專喺比蠶豆症人士➕小朋友❗️有啲菜式係不含7大致敏源❗️仲有部份菜式係專比素食者嘅添❗️真係好貼心❣️全家人都可以嚟食💕今日突然氣溫驟降，當然要食返個鐵板燒炒公仔麵啦🤓.嗌咗個餐廳推介嘅板上XO醬乾炒juicy豬扒即食麵 $68竟然有兩大塊豬扒咁多❗️差啲食唔晒🙈鐵板底部，有部份麵條仲有啲脆口嘅感覺添💕豬扒煎得好香，口感實在而唔硬❗️明顯調味料唔多，所以味道較淡，同時相對健康❣️豬扒同炒麵中間加入咗唔少椰菜、青椒、紅椒、黃椒等蔬菜類～麵條XO醬味好濃🤩 用醬方面一d 都唔小器🥳每條麵條都好乾身好入味😋 值得一讚👏🏻情懷紅豆冰 $25紅豆煲得夠溶夠淋👍🏻篤多兩篤，紅豆同椰奶融合得更均匀❗️真係有幾分舊式茶餐廳嘅風味☺️

今日同仔仔行街行到餓，經過見到呢間餐廳有兒童餐，就帶呀仔去食下先兒童餐：每次去到冰室，呀仔都會問有無兒童餐，其實好多兒童餐都無通粉食，對於做呀媽既，有d粉麵落下肚就緊係最好喇，又飽d，但唯獨呢間先有，仲要係呀仔至愛既🍅蕃茄醬通粉，仲有埋最邪惡既🍟薯條同八爪魚🐙腸條，又有🍡大福同🥛益力多做甜品，益力多都有心思，係少甜既，非常適合小朋友有兒童餐就緊係有媽媽餐喇🤣媽媽見到個餐蛋冶，因為有食lunch,呢個份量剛剛好，餐肉厚，蛋又滑，正👍🏽，而家like Facebook 同 instagram,飲品仲可以升級做紅豆冰🍹，紅豆冰既紅豆粒粒分明，唔會硬又唔會太淋，同埋唔太甜，好味👍🏽👍🏽

今日收工之後又經過荃灣返屋企，順個便食埋晚餐先返去😁係Aeon買完聖誕禮物之後就過咗對面既荃灣廣場覓食，奶油多癮又起就搵咗呢間冰廳😋當然我會點個奶油多先啦😂 望住個餐牌，見到有鐵板炒公仔麵，突然平時極少食公仔麵嘅我見到都忍唔住點左🙈🙈呢間餐廳有個大型開放式廚房感覺幾衛生，另外餐牌好貼心咁寫左邊啲嘢會食令人致敏，抵讚👍👍食物都係即叫即整，奶油係用厚方包， 黎到時脆卜卜，啲奶油俾得幾大方😁 解晒癮😂鐵板xo醬豬扒炒公仔麵都好大碟下， 以為得一嚿豬扒原來下面仲有一大嚿🙈 果然冇改錯名真係好juicy😂 xo醬唔算好辣但係好惹味👍 公仔麵唔會煮得過淋又唔會黐埋一嚿～茶餐廳嚟講坐得好舒服同埋店員好有禮貌，唔錯唔錯👏

今日去荃灣一田掃貨，掃到咁上下，超肚餓，拿拿聲搵間餐飯食完lunch 再去掃過。我地去左翠華冰廳食lunch ，上網search 原來翠華餐廳同翠華冰廳唔同，翠華冰廳菜式比較新穎，中西合壁，最意想不到竟然有卡邦尼意粉，仲有新鮮焗製既港式麵包。漏油菠蘿油（$15）麵包大大個，菠蘿油賣相吸引，菠蘿皮金黃蕉香，甜而不膩，夾著大大片牛油，目測有1 cm 厚，好好味卡邦尼意粉（$55）好大碟，意粉火喉剛剛好，軟硬適中，蛋汁順滑，醬汁好Creamy ，每一條意粉麵沾有醬汁。厚切午餐肉煎蛋飯（48）有3塊午餐肉，厚切，有咬口，煎得夠香脆，而太陽蛋夠流心。凍鴛鴦（$13）情懷紅豆冰（$25）好多紅豆，但紅豆偏硬不夠軟腍

原來荃灣廣場都有一間翠華，而呢一間翠華唔係翠華茶餐廳，喺翠華冰廳，個位都幾入要仔細搵先搵到！仲有麵包賣，做緊買二送一優惠～裏面餐牌選擇都算幾多，我哋鍾意食啲基本野，所以就算夜晚都係食啲粉面為主啦。濃厚鮮茄生滾牛肉通粉拼火腿炒蛋炒滑蛋牛油多士$56牛肉質素都算唔錯，最主要就係份量都幾夠多，蕃茄味道都新鮮，湯底裏面仲有啲胡椒香味。牛油多士夠鬆化，炒滑蛋味道清淡口感香滑。啱啱嗰個餐就包一杯熱飲品，我哋就揀咗熱奶茶都幾香滑，好飲過自己屋企沖好多㗎！另外叫多款澱粉質類秘製豬軟骨QQ米粉$45豬軟骨size比想像中大嚿好多，不過比較多肉所以可能食起嚟就硬身少少，同埋味道整體較為咸香，米粉質感就比較特別有少少似食麵，不妨過嚟一試。

Tsui Wah is well known in Hong Kong for the comfort food they serve. They recently opened a new concept restaurant in Tsuen Wan, not only it serves vegan food, it also has some fusion flavor! Evironment is very spacious and clean, filled with people during weekends, even during afternoon times. we ordered the cheesy tomato pork cutlet rice 🍛 lots of cheese on top of the big piece of pork cutlet! Sunny egg was cooked well too. yummy! Portion was great for one person. they also invented this new m

今日放工之後出面好混亂，但肚仔又肚餓，經過荃灣呢頭，尚算平靜，由於想正一正，在女友不再嘅情況下，想做返個真男人，試吓一下做返個麻甩佬食吓麻甩野，於是就揀咗間冰室去試吓，咁啱呢度有一間翠華冰室，唔係係餐廳架冰室等於冰廳兩個互相捏合就成為一間特別餐廳，我喺外面睇一睇餐牌見到都唔錯，有可能因為某D原因，人客都比較少，我見價錢合理就入咗去！坐低義不容辭就叫咗個鐵板餐，今次就嚟咗一個豬扒鐵板加紅豆冰，在免費配上餐湯同餐包。不夠5分鐘就先來左杯紅豆冰，其實都有少少奇怪，正常應該係嚟咗餐湯同埋餐包先但今次係嚟咗紅豆冰就唔係太過好啦！你杯紅豆冰嘅紅豆住得好， 紅豆爛晒，配上香濃嘅花奶，混合相愛係一杯好出色嘅紅豆冰！不過改善空間就係佢啲返嚟到晒出嚟唔單止令到張枱污糟左，我係拎杯野嘅時候都整污糟埋隻手，你個可能需要改善一下啦！再等左2分鐘，竟然係嚟咗個鐵板餐先，我問問職員個餐包同餐湯，佢就話唔好意思留咗，但作為一個馬老又唔係太過介意呢啲嘅！呢個鐵板餐熱力四射！豬扒好鬆軟！意粉亦都唔係好難嗰隻，配上香濃嘅牛油蘑菇菌再配上香濃嘅西蘭花，味道比花園餐廳算得上！隔咗2分鐘餐湯同雪菜嚟到喇，呢個羅宋湯用了唔錯亦都好

週末睇戲前，經過翠華見唔算多人去食個靚早餐。見menu都幾多選擇既，一人order左一set 早餐加多份脆豬！早餐當然唔少得要飲柸「茶走」。奶茶夠香夠滑唔會太甜，幾有水準☕️蕃茄牛通蕃茄湯味夠濃帶微酸夠，牛肉岩岩熟透肉質諗身入味而且加左黑椒幾野味，不錯😋火腿、厚多士及炒蛋炒蛋應該加了奶夠滑有驚喜，厚多士鬆脆😋簡單美味！秘製豬軟骨QQ米粉豬軟骨大大塊，入味腍身味道特別帶有小小沙茶醬既味道，QQ米粉既口感比一般米粉爽口！奶油脆豬焗得外層酥脆，入面鬆軟，口感很好加埋奶油既香甜，有水準呢！好食😋

又到係荃灣同同事搵嘢食嘅時候喇！今次去咗荃灣廣場見到有間新餐廳，原來係翠華冰廳！呢啲港式茶餐廳最啱我食啦！所以我哋就入咗去！佢真係有常餐同埋最普通嘅港式嘢食，但佢種類都唔少，都有啲特別嘢食，有啲扒同漢堡咁！我就叫左個常餐，濃厚鮮茄生滾牛肉通粉，常餐梗係要有火腿炒蛋同埋多士配埋啦！佢嘅蕃茄湯底真係唔錯，真係好濃嘅蕃茄味！佢好好既係可以加錢轉樽裝牛奶！完全可以配合所有唔同人嘅需要！都唔係好同事都叫咗個扒餐，都真係唔錯㗎！

一個人去開荃灣廣場，見到4樓有間新開翠華，無住呢邊太耐無黎了，可能開咗一段時間。裝修都幾靚，廚房係有玻璃，食客清楚見到入面廚師，我覺得呢啲設計幾好，透明度高。見到餐牌我覺得好有心思😱竟然會remark 邊啲菜式G6PD食得、不含七大致敏源等等⋯⋯仲有啲hastage 好特別。雖然個女無黎，但見到有兒童餐、bb high chair 幾啱小朋友黎。我就點咗板上XO醬乾炒juicy 豬扒即食麵，同一杯椰果忌廉溝鮮奶，黎到見到碟嘢咁大嘅😍，雖然等咗一陣但覺得幾吸引，豬扒足足有兩塊，肉質唔un，啱啱煎起好香😍椰菜磨菇炒公仔麵，側邊仲有煎蛋，好似韓燒咁，好好味呀！$68絕對值得，另外特飲椰果忌廉溝鮮奶不過不失啦！😆

早前同事去完荃灣廣場新開的翠華冰廳，話有創新漢堡可以試下。正好今天沒有帶飯，那就去試一試那個漢堡有幾創新。餐廳門口有賣即造麵包蛋撻，當然亦可以堂食啦。餐廳樓底高，枱與枱有相當的空間，十分舒適。原來這間翠華有一個特別之處，就是會特別關注蠶豆症及對個別食物敏感人士。餐牌上會有特別標明「蠶豆症人士適用」及「不含7大致敏源」，照顧不同客人的需要~~~餐廳亦有手機APP點餐。同事介紹有創新漢堡，當然要試下啦。如果漢堡類，有「堅素Cheezy牛魔王炒滑蛋漢堡」、「淚光麻辣鹹牛深海爆蛋號」、「宇宙秘製豬軟骨漢堡」。的確，只是名字已經十分創新，因為我不太食辣，早餐又已食了蛋，所以最後選了「宇宙秘製豬軟骨漢堡」。宇宙秘製豬軟骨漢堡餐，配翠脆薯條 + 熱檸水 $62擺盤簡單卻不求其，漢堡SIZE有一定的份量，眼見最少3-4件豬軟骨。外層漢堡包輕微烘焗過，表面香脆，內裡軟熟。裡面的豬軟骨十分淋，軟骨部份不會硬，醃得十分入味，味道香濃，肉汁豐富。漢堡包內有一層沙律醬，但不會太多，這樣才不會蓋過豬軟骨的味道。下層有生菜及蕃茄﹐十分新鮮，生菜爽脆，蕃茄Juicy多汁。翠脆薯條是我喜歡的薯條，炸得外層香脆，內裡不會

星期日，休息日，同老公撐下枱腳，行街，買冬天衣服，咁就渡過這假期，現在平淡平安就是福。來到冰室，人也不是太爆，可能荃灣廣場多食店，比起眾安街，這裏更舒服，更開揚。老公叫了極濃芝士厚cut豬扒煎蛋焗飯+熱檸茶，我就減肥中，就選經典奶油多+熱檸茶。嘩，豬扒飯真係好厚切，芝士味好濃，飯當然炒過，豬扒肉質Juicy, 味道適中，正，喜歡吃芝士的，這個真係無得輸，價錢$68，都算ok,如不用補＄加飲品，咁就更超值。原本想吃奶油豬，已賣完，只好吃奶油多頂上，一如以往，外脆內軟，我只吃了半個，夠了。這間翠華在商場內，行街買嘢，極之方便，下次下再來。