翠華餐廳 (富東廣場)

营业中

休息中

黎開東涌買野，通常都會落翠華食個lunch,或姐dinner,基本上邊一區有翠華都會入去食。食物質素的確不及從前。入親去都係情意結。話說今日又過黎東涌，就一定行過去翠華入到去坐底，我印象中，電話接收訊號好似麻麻地，佢有講用wifi,落單我相信今時今日連wifi,落單，或姐掃碼落單應該難唔到每一位顧客搞左一陣，都落唔到單，叫個靚姐埋黎，幫幫手一埋黎叫我，你連wifi 落單啦我so 埋比佢睇，邊個wifi 都連唔到，連到，都入唔到你個QR Code,圖補上跟住佢就發老皮，你早啲講，你掃唔到，我咪拎部機比你落囉跟住我就覺得，食百令蚊個lunch,可能唔係啲乜我客客氣氣叫你幫手落單，仲要比你啲兇悍眼神，極為惡劣態度。我真係覺得自己應該離開唔好比佢影響到今日既情緒Anyway,可能係我一個人既不幸。希望該公司見到此留言，會改進一下貴公司服務。或許你唔介意小一個我呢啲既本地客

佛誕紅日嘅東涌都幾鬼熱鬧😅一個人被安排搭張四人枱，坐咗四個唔識嘅人😂呢度嘅裝修都幾時尚，座位都算舒服👅焗豬扒飯賣相望落吸引，豬扒好大塊👍 食落口感算腍，但有啲乾🙈底下嘅炒飯粒都幾香蛋味，但個汁味道有啲寡欠缺層次，欣賞佢加左西芹粒增加口感，不過單點都要$78其實幾貴下😅

富東翠華重新裝修，用上木系顏色做主調，加上湖水藍撞金色份外顯赫，東涌分店位於通向富東廣場天橋入口，味到正門已被其金黃色字體的霓虹招牌吸引住。餐廳主打少鹽少油、仲有無肉餐單提供，打正香港特色茶餐廳旗號，難怪每晚經過都見到座無虛席。設有卡位雅座，用上QR Code 快捷下單又環保♻️。冠軍焗豬扒飯：mozzarella cheese 做到拉絲效果，豬扒厚切，係最愛的黃金炒飯底！配上大滿足的啖啖肉豬扒，蕃茄醬🥫味濃郁而且混合粒粒分明炒飯，完美😍 難怪話係冠軍焗豬！瑞士汁雞翼：瑞士汁入味得很！不會過咸而且味道細膩，雞翼炆到脹卜卜，最厲害是保持肉汁，熱辣辣好好味😋。麻酸辣秘製豬手米線🍜：米線有咬口較煙韌，不會過焾。豬手充滿骨膠原，軟糯的豬皮搭配著豬筋位，一口咬緊，層次感十足帶有黏稠感。可以調節麻辣度，麻而不辣，可以再加辣。附帶酸菜中和辣度，香得很，呷一啖湯頭配掛汁的米線，好正。凍奶茶🥤：香滑順口，黑白全脂淡奶與濃厚茶底融合撞擊，互相發揮所長。熱鴛鴦：奶茶+咖啡☕️，咖啡味比較清淡不會搶走奶茶味，多奶是基本，用上翠華signature 杯呈上，吸引力大增。總結：麻酸辣秘製豬手米線出色湯頭調配得合適

約朋友喺東涌見面，去咗翠華食下午餐🥣下午茶款式好多，價錢唔貴，難怪吸引唔少人前來光顧👍神之叉燒飯🍚翠華招牌必食之選👍燒味之中我最愛食叉燒😍叉燒好大塊，選用五花肉製作提升豐膄口感，半肥瘦肉質，啖啖肉配以熱飯、滑蛋、多蔥、淋上自家製濃口甜豉油，好滿足！瑞士雞翼撈麵🍝🥢鷄翼口感嫩滑，瑞士汁味道夠濃郁而入味！配合煙韌麵條，成為大家都鐘意港式經典美食！經典脆“嘩“奶油豬外皮酥脆，一撕一咬搭配奶油香氣，我每次必食之選...香脆炸雞槌🍗配薯條🍟大大隻炸雞槌酥脆可口配厚切薯條吃下去非常香口令人食唔停口✌️-想在東涌平平哋食港式地道美食這裡都係一個好選擇～

香港茶餐廳的，這間真的一點也不陌生，食物種類多，有麵、有飯、又有鐵板扒類吃，每碟也均是大大份，很足料～珍寶蟹柳吉列蝦海鮮雜扒～十分足料，有齊豬扒、牛扒、雞扒、吉列蝦、粟米及蟹柳，蟹柳及吉列蝦均炸得十分香脆，而雜扒類每件都很大件厚肉，保證夠飽～冠軍焗豬扒飯～豬扒非常大塊，足以遮蓋整碟焗飯，厚度也有半吋厚左右，吃起來鬆軟，而飯底是雞蛋炒飯，加上了大量雜菜的番茄汁及芝士焗製，份量十足～鮮橙汁～是濃縮橙汁加水的，但味道也很好喝，沒有冰的～

東涌翠華黑椒牛肩扒拼天婦羅大蝦 配薯菜 廚師餐湯 $121由牛肩部位切下肉片 肉質較為嫩滑黑椒香微辣味同牛肉好match牛肩相對較精瘦 筋會多少少🤏不過都咬到嘅天婦羅🍤夠脆 薯條係麥記果隻 唔錯唔錯生炸豬扒麵 太陽雙蛋、牛油豬仔生炸豬扒麵 太陽雙蛋＋牛油豬仔$71香港人一定食過嘅常餐 簡簡單單而美味有骨豬扒煎炸得幾香口 落啲辣椒油旅客中2食呢啲多過其他始終東涌呢到多遊客 有一定生意炒滑蛋三文治 $31綿密而滑嫩 厚厚一層

“神之叉燒飯”($78)“美式雜扒”($131)“醉FunFun濃情奶茶”($88)其實間唔中都會鍾意食茶餐廳😋今次去開東涌見到好耐冇去嘅翠華一於入去回味一吓😆入座後用手機落單夠哂方便首先點咗個神之叉燒飯厚切叉燒外面燶邊,食落夠哂肥美岩哂我呢啲鍾意食肥叉嘅人😍下面嘅滑蛋都超級嫩😚一個唔覺意就食哂成碗飯🤣另外點咗份美式雜扒餐一份有齊牛扒雞扒香腸煙肉意粉仲配埋翠華招牌香脆牛油豬仔🤤飲品方面見到餐廳同瀘州老窖合作推出咗醉funfun濃情奶茶第一次飲加咗白酒嘅奶茶估唔到又幾夾😚

好耐冇去過翠華餐廳食嘢啦！餐牌上多咗好多食物款式供選擇！環境光猛闊落, 掃QR code點餐, 非常方便！🧋瀘州奶茶 隨身玻璃瓶, 飲唔晒仲可以拎走慢慢飲～ 含有白酒成份, 一打開個樽蓋已經聞到濃濃酒味！🥢神之叉燒飯 叉燒肉質好肥嫩, 帶炭香同蜜糖味, 外層有少少燶邊！炒蛋好嫩滑, 蛋味香濃, 仲有蛋汁, 亦吸收咗少少叉燒嘅油香～ 另外會附上一小碟甜豉油, 落少少甜豉油撈飯會令成個味道昇華🍚！🥢至潮魚蛋片頭米線湯頭有魚嘅鮮味, 魚蛋同片頭有彈牙嘅口感, 米線夠爽滑, 份量剛好🥬菜心苗清綠脆嫩

好耐冇食翠華啦心思思掛住翠華嘅奶油豬🤤仲有熱奶茶晏晝一於去食個lunch🥢脆“嘩”奶油豬即叫即烘卜卜脆搽上牛油同煉奶，係完美配搭啊～🥢神之叉燒飯賣相好吸引，每件叉燒厚切啖啖肉叉燒半肥瘦最好食😏又唔會柴皮淋上自家製豉油同炒蛋拌勻，好滋味！加杯熱奶茶☕️最夾🥢鐵板燒汁脆皮雞扒香草豬肉腸配薯菜呢款配餐湯同飲品大大塊雞扒淋上燒汁，口感外脆內嫩最新推出醉fun fun 瀘州奶茶☕️加入白酒🍶一定要試吓茶味濃郁之外，白酒融入咗奶茶之中都好突出！

去完昂坪360落山後，我哋到咗翠華醫肚，而且仲有得坐近玻璃卡位，港式風味最啱口味之餘配埋舒適卡座位，真幸運！🥰必吃之選神之叉燒飯，是翠華其中一樣招牌推介。叉燒肉色澤紅亮，入口鮮嫩多汁，再配搭香滑炒蛋和秘製醬汁，每一口都充滿了好滋味。😋瑞士雞翼撈麵，每隻雞翼都脹卜卜，配上醇香的瑞士醬汁，帶來濃郁的味道。撈麵掛上瑞士汁，亦非常滋味。😋肉醬意粉，每一口都充滿了濃郁的肉香味，意粉本身煮得剛好，經典之選。😋蜂蜜檸檬茶，檸檬的酸味和蜂蜜的甜味完美平衡，特別清香滋潤。😋桂圓紅棗杞子茶滋味豐富而芳香，桂圓、紅棗和杞子的組合 暖胃養生。😋醉Fun Fun 濃情奶茶非常有特式，當中含有少量白酒成份，帶來一種獨特的風味。😋

神之叉燒飯 $78幾舊大大舊叉燒，非常肥美又甜甜的好正，炒蛋更加左香蔥，炒得非常香口而且滑口又重蛋味。當再加上醬油撈飯則更添香味，更加正呀！芝士焗窩蛋肉醬意粉$78意粉偏向硬身口感，太陽蛋勁流心好正又治愈，肉醬口味比較偏清淡的，肉醬都夠撈意粉。瀘州奶茶(隨身瓶)$88估5到白酒混奶茶都甘夾，甘樣max埋一齊令到白酒味冇甘濃烈（飲5慣白酒既人都可以試下）中意飲白酒又幾值得一試架凍忌廉咖啡+$3飲落非常creamy又香滑，好香濃既咖啡味。紅湯非常濃郁多菜好正呀～

..翠華又有新搞作😍今次聯名瀘州老窖出左個新產品!! （$66)配方：淡奶；香滑奶茶；瀘州老窗紫砂大麴茶味香濃，酒味香醇👍🏻..神之叉燒飯翠華名物!! 每次黎都一定會食嘅，叉燒肥瘦適中，配上翠華自家製醬油，醬油比較濃厚，偏甜，炒蛋香滑😍..穀飼牛板腱扒牛板腱扒牛味香濃，配翠華另一名物牛油豬仔包，豬仔包香脆，牛油味好香👍🏻..地址：翠華餐廳 (富東廣場) (東涌)東涌富東街6號富東廣場1樓101號舖..

疫情後至通關差不多一年，都無出過街食茶餐廳早餐，記得以前翠華早餐係好食之選。今日打算回味。 點知叫個火腿仿鮑魚絲通粉餐，首先炒蛋凍的，茄汁豆直情是冰的，個脆豬仔包尚可但不能叫「脆」，個通粉湯底味精到不能，加埋一大陣胡椒粉味。雖然預咗出街食實有味精，但都唔洗咁勁呀，仲成日標榜餐廳主打健康。 個通粉碗邊仲要沾到啲類似辣椒油的汁，唔知係咪位職員執完枱又去上餐。真係核突至極！職員普遍都借左隻聾耳番嚟，得一個執枱姐姐比較有禮，其他的都目無表情可言。一早起身滿有心情食個靚早餐，點知真係掃興到一個點。落餐，攞熱水，餐具全部都自助，其實都好嘅。請少啲員工，反正啲員工都唔想番工，番到嚟乜都聽唔到，又顧住係度傾計，擺到明一副唔想番工的樣子，咁唔請人咪好囉。唔洗一早出街番工，係屋企係咁同朋友傾計上網乜都得了。唔洗做係屋企幾舒服。

🔸神之叉燒飯 $78好鬼靚嘅叉燒，燶邊整得好好，下面嘅滑蛋炒得好滑，可以食到有啲牛油嘅香味，加埋蔥花真係好啱撈飯食！🍚🔸醉FUNFUN濃情奶茶 $88嘩，呢個真係第一次試！飲完呢樽奶茶真係覺得有啲wing wing地，唔係講笑㗎！但係個奶茶味又真係幾正，加埋少少就酒味，成件事真係意想唔到地夾！🔸鹹牛肉炒蛋潛艇 $42第一眼睇見個滑蛋🥚已經知道咩料啦！😆😆入邊嘅鹹牛肉都好足料，雖然幅相睇唔到咋，但係我食嘅時候淡淡都有鹹牛肉，最正係個包唔會整得太腍，脆得來啱啱好！🔸至潮魚蛋片頭河 $39相比其他菜式，呢碗魚蛋河感覺好似普通咗啲，不過幾性價比高㗎，有四粒魚蛋兩塊魚片，全部大大粒大大塊，食完撐住個肚皮真係好夠飽！🤭🫃🏻🤰🏻🟧🟧🟧翠華餐廳（東涌） 🟧🟧🟧東涌富東邨富東廣場

得知翠華重新裝修，用上木系顏色做主調，加上湖水藍撞金色份外顯赫，東涌分店位於通向富東廣場天橋入口，味到正門已被其金黃色字體的霓虹招牌吸引住。餐廳主打少鹽少油、仲有無肉餐單提供，打正香港特色茶餐廳旗號，難怪每晚經過都見到座無虛席。神之叉燒飯：呈上時十分驚艷！叉燒肥瘦均勻，適量油脂肥膏配合，伴隨着焦香部分，加上香甜蜜汁，特別豐腴，咬落好有層次不會有豬騷味。滑蛋用上牛油起底，特別香滑帶牛油香，把甜豉油蘸上飯粒當中，每一粒帶飯香同時又品賞到叉燒油脂。完美😍！皇牌馬來咖喱牛腩飯：炆咖喱牛腩不可以直接用咖喱來炆. 咖喱醬味道太嗆，會完全蓋過牛肉的味道.。牛腩炆到半腍，再加咖喱醬來熬煮，牛腩不會過韌同時保留到牛肉香味。薯仔做伴碟，都輕輕過冷河，食落外皮會比較脆身。咖哩整體加了咖喱醬有一層油脂但不辣，比較稀，好啱香港人口味，要用汁配飯，雞肉每一舊都肉質嫩滑。香滑奶茶🥤：隨身樽裝飲吾曬都可以帶番屋企。茶味香濃特出，配合煉奶起底，甜而不膩，入口順滑！瑞士雞翼：最美味的當然是色澤通透香甜滑溜的雞皮，雖然脂肪多，但膠質也多，有助補充膠元蛋白，令肌膚保持彈性。且雞肉強腰健胃、溫中益氣，瑞士汁調味較甜，每一隻都炆