45
22
10
| 餐厅: | 翡翠拉麵小籠包 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
开饭介绍
餐廳以現代少鹽少油的烹調，重新演繹京、川、滬，三地特色傳統菜，選用新鮮食材，同時亦講究烹調，美食均是現場製作，以保質量。主打菜式有蘭州手工拉麵，拉麵由拉麵師傅現場即點即拉。招牌上海小籠包全鮮肉製造，皮薄餡靚。
继续阅读
营业时间
今日营业
11:00 - 22:00
星期一至日
11:00 - 22:00
*截單時間: 21:00
以上资料只供参考，请与餐厅确认详情
有关奖赏计划
相关文章
#德福廣場 今次同朋友嚟到九龍灣，突然想食啲暖胃嘅上海菜，行吓行吓見到呢間餐廳就入咗去，佢lunch menu做緊二人同行一人半價優惠，連埋茶錢，人均港幣$90。🧄蔥油乾撈拉麵蔥油味突出，拉麵亦都好有口感，成個面味道濃郁，對於唔食肉嘅朋友，呢個係一個唔錯嘅選擇。🍆宮廷醬茄子呢個凍食嘅茄子味道好有驚喜，醬油會令人想有一試再食嘅感覺，食拉麵食得悶悶地又呢個刺激下味蕾，整體感覺良好。🥬白灼時蔬每餐必定要食菜嘅我哋，呢個lunch menu會送埋菜，份量適中，菜亦唔老，加分加分！#香港美食 #香港foodie #九龍灣美食 #翡翠拉麵小籠包
继续阅读
今日香港奪得奧運第一面金牌，大家都好開心，我哋一家就出去食飯，沾沾喜慶！已經有一段時間冇嚟食呢一間餐廳,原因係曾經感覺退步了，所以就冇食啦。一年過去，今日突然想食上海菜,咁又試吓佢啦餐廳出咗一個夏天嘅系列，叫做夏酒菜，款式特別，佢將見到鳳梨板肉圖片好吸引，所以嗌咗嚟試吓。鳳梨板肉 $148豬肉係大里肌嘅部位，厚肉Juicy又爽，煎香左兩邊，唔會過韌，配合酸酸甜甜嘅鳳梨去解膩，入口嘅感覺好清新。砂鍋雲吞雞 $238湯底飲到用咗金華火腿熬湯，亦都唔係好鹹，半隻雞肉鮮嫩香滑，雞肉唔鞋。可惜雲吞俾佢煲到爛晒，甩晒皮，冇一隻係完整，加上滾太耐，雲吞肉冇乜味。侍應見到，立即入廚房，畢咗多幾隻完整嘅送俾我哋，新嘅雲吞有肉汁，鮮甜好多！鮮肉鍋貼 $55鍋貼香脆，唔會燶，鍋貼嘅皮都唔係好厚。每一隻形狀都飽滿，入面充滿肉汁，好好食！
继续阅读
星期六，週末晚飯時間客人流量正常，內有空枱數張。招呼入座嗰個四眼哥哥仔真係唔識做，一開始就帶去對正門口位（食完速閃走單好方便），朋友眼見入面有位，帶位哥仔仲話都一樣（好唔願意咁先至轉入面）。坦白講二人枱實在太窄，柯打四樣嘢擺到好迫。真係只適合速食，當快餐… 此地不宜久留。
继续阅读
🫖茗茶/水每位 $10🥜餐前小食 一碟 $8睇一啲花生個人建議可以唔要😂🍴花雕醉雞 $85 (6/10)酒味微香但係唔算好香濃，雞肉比較實同埋偏鞋口，一般。🍴上海小籠包（四隻）$45 (7/10)小籠包做到皮薄有汁，個肉正常冇鮮味。🍴上海生煎包（三隻）$43 (6/10)生煎包都係正常，個皮淨係似饅頭，肉比較少，冇爆汁。🍴蘿蔔絲酥餅（三隻） $45 (8/10)反而呢個比較出色，做到酥皮千層香脆效果，蘿蔔絲亦都好軟腍好足，好食！🍴上海排骨拉麵（加擔擔汁） $87 (7.8/10)揾咗好耐都冇有餸嘅擔擔面，原來可以喺其他拉麵度加擔擔汁，排骨大嚿，肉汁唔乾夠香脆完全好油膩，個面都比較細滑因為淡淡花生香濃同埋辣醬，真係好好食！🍴上海炒年糕 少油 少鹽 $90 (7/10)真係做到少油少鹽，食落去一啲都唔油膩，醬香味濃郁，但係唔會好鹹，年糕都幾滑，配咗好多唔同嘅蔬菜OK嘅！推薦指數: 7/10加入夜晚都好多人排隊，想食上海菜都可以試一試味道OK嘅，但有啲餸就普通！
继续阅读
很想食小籠包，於是便入店內進餐！餐廳沒有二人套餐，周日也沒有什麼特別優惠，所以只是散點，點了酸辣湯、雪菜蝦仁炒飯、小籠包及高力豆沙。小籠包都保持水準，皮薄多汁！高力豆沙軟綿入口即溶好味，只是略嫌比較細隻😂！整體而言，味道不錯！
继续阅读