翡翠拉麵小籠包

营业中

休息中

今日去翡翠拉麵食下午茶分別叫咗：菜肉雲吞湯拉麵，湯底清新，一飲已經唔停口，菜肉雲吞大大粒🤤👍🏻酸辣湯拉麵，湯底酸酸辣辣好開胃，辣度適中👍🏻不過唔食得辣嘅建議唔好試喇。😃炸銀絲卷，切開咗四件，可以大家開心share。點埋煉奶，甜甜地。正啊🥰

翡翠拉麵小籠包二人套餐優惠價$328雞絲粉皮 (上) 老壇酸菜魚片(下) 京醬肉絲配薄餅(左+右)醒胃嘅前菜雞絲粉皮， 花生醬好多好好味， 但略嫌唔夠凍。材料有蔥，青瓜，京醬肉絲同薄皮食落個味道同片皮鴨好似， 只係無冇咗片皮鴨個種油香， 但整體其實冇乜分別， 好食配菜有蘿蔔同韭菜呢個酸菜魚嘅味道唔夠重， 酸味同辣味都爭咁少少， 魚片都夠厚但係冇乜味道。雪菜肉絲炒年糕食落同個酸魚一樣都係好清淡， 冇咩特別。上海小籠包呢個上海小籠包就真係好好食喇， 一咬落去勁多汁必曬出嚟， 好好食， 而小籠包皮唔係特別厚。凍桂圓杞子雪梨茶(左) 檸檬薏米水(右)套餐連埋餐飲整體嚟講呢個套餐一般般，嘗算合格。

今次同老婆嚟食叫咗一個潮州炒飯，內裡有蝦、菜粒、菜脯，飯炒出嚟一粒粒夠乾身沒有油，味道很好。炸銀絲卷外皮夠脆內裡鬆軟，再加上最喜愛嘅練奶非常好味。 仲有一份鍋貼，外皮煎得好靚，肉鮮及有濃湯味道。員工服務態度很好，不停為我們添茶。

今晚同爸爸嚟食上海菜 約咗必要嘅小籠包 好夠湯好濃郁 鍋貼入面都有少少湯 皮薄涵靚 我叫咗雲吞麵爸爸叫咗鹹肉粥兩個都好夠味雲吞超級新鮮 另外有新會員迎新優惠 即刻登記做會員就送兩杯野飲 超抵食

今晚萬聖節老公提議出街食，我到屯門市廣場逛住等他，心諗萬聖節梗係食西餐，點知老公話牙痛要食粥，牙痛就唔好出街食喇，真掃興😒 我地最後去左「翡翠拉麵小籠包」貪佢有粥粉麵飯選擇多。老公菜牌都未睇真就叫皮蛋瘦肉粥❨大佬呀，專登出嚟食皮蛋瘦肉粥，唔係嘛😑❩, 我給他黑面唔理佢，自己叫左酸辣湯拉麵❨超大碗，因淨酸辣湯$50, 加拉麵$64好抵❩，小籠包❨有水準❩，佢之後自動改左蝦球肉碎潮州粥❨味道好，蝦球超大❩。這間食店一直保持水準，所以客似雲來。

之前一直都未試過食Ｄ高級少少既上海菜經朋友推介試過其他分店，上次口痕黎左屯門呢到食兩個人叫左小籠包，上海粗炒同埋肴肉小籠包黎講呢到既皮同其他分店差不多，但重點係佢既肉汁係濃味過其他分店！一咬落去真係有幸福既感覺！！趁熱食吸晒湯後，成舊肉入面都仲係有汁，真係好好食。粗炒個人就覺得無乜特別。肴肉又係我覺得呢間分店整得最好！！佢個湯同肉既比例係最好！！！Ｄ肉絲切到好細好細，咬落去係平均分佈的！　我有試過某Ｄ分店食落去，個味係一樣，但有時凈係食到肉，有時凈係食到個湯呢到係暫時食過四間最好的一間！！

想食上海菜，在屯門市中心不超過5間，今天食呢間，因為方便，呢度一樣可以用apps攞飛，非常方便唔使特登入去到門口。 呢間餐廳座位都有好多。今次要食一些未叫過的菜式，多D新鮮感,，宮保雞丁，素菜炒飯。素菜炒飯，讚! 啲米抄得好乾身，宮保雞丁，腰果新鮮，脆口，口感好好! 素菜炒飯炒得好乾身，雖然係素菜，但係其實材料入面都好豐富，嚟呢度食飯平時都係上海麵小籠包。今次就改咗去食惹味宮保雞丁，味道唔辣，配合炒飯，正!

已有一段時間無來幫襯，可能是星期六晚，門口滿是人在等位，我們等了約20分鐘入座。菜牌多了選擇，但最後還是選了匯豐卡二人套餐冷盤選一款，包點選一款，小菜選二款，還有主糧一款。我們選了雞絲粉皮，生煎包，咕嚕青魚柳，金銀蛋浸菜心，纓花蝦炒飯，兩杯檸檬薏米水。食物質素都只是一般。

本身想試下新既上海野食咁岩行街經過見到呢間雖然開業都有一段時間但從來未試 所以就同左朋友去食有芝士既小籠包 味道好特別 其他店舖好少會有 試過番尋味 值得一試酸甜魚柳 酸酸甜甜 好開胃海蜇做上海菜的前菜一流蛋白炒蟹 清清淡淡 送飯一流櫻花蝦炒飯 正正常常總括而言 整體味道不俗 份量岩岩好 款式亦多 好多款式也未試 下次會再黎

說翡翠拉麵小籠包是屯門友的「飯堂」並不為過，這家跟翡翠小廚份屬同一集團的關係，食客可點選兩家的粥、粉、麵、飯，因此很受開飯食客的歡迎。在屯市餐廳當中，翡翠出品水準只屬不過不失，不過偶爾想以粉麵作為主食，這家仍屬可以考慮之列。平日晚上雖然不用排隊，但在晚市高峰期仍相當爆場。陳醋西芹黑木耳($52)，小黑木耳吃起來較有脆感，跟清爽的西芹是不錯的搭配。近來嗜辣，加上向來喜歡這家的水煮牛肉拉麵($75)，屬每次到翡翠必點的麵食，可惜的是味道已今非昔比。厚厚的紅油雖然肥膩，但正是水煮川辣的特色，可呷一口紅湯感覺不太對勁，川麻味道顯得不太自然，只有濃重的味精感，吃不出絲毫的肉香。而且那麻勁辣得過了火位，吃至一半嘴麻得了無知覺。浸發過的牛肉已無肉味，只餘下那手工拉麵仍維持一貫水準，這麵吃到一半便要棄箸投降了。相對水煮牛肉拉麵，鯊魚骨湯真菌拉麵($72)味道正常得多，湯底有股魚湯的濃鮮，菇菌、魚肉配搭十分健康，不嗜辣愛清淡的可以一試。菜肉雲吞湯($50)一客有六隻上海雲吞，每隻雲吞相當飽滿，菜肉料豐帶點肉汁。末了追加一碗薑茶湯圓($38)，沖刷那被麻得發燙的舌頭。薑湯甜度適中，芝麻湯圓很大的一顆，未有

個人一直是翡翠的忠實粉絲，多年來水準依然保持到，每到星期六日都很多人排隊呢。是日平日晚上來到，可以直接入座，安排坐卡位，夠闊落～星期一至四會有匯豐信用卡的優惠套餐，不過還是選擇散叫點了以下6樣東西：肴肉 - 好夠味，好食醉雞 - 雞肉充滿酒味，而且夠滑，好食金銀蛋浸波菜 - 沒想到味道不錯上海炒年糕 - 份量再多點會更好上海粗炒 - 水準依然，不會炒到過淋小籠包 - 皮夠薄，不會全是肥豬肉，好食還有侍應姨姨密密加水，又超好禮貌，而且平日用匯豐信用卡可以會有9折呢～

凍冰冰，又帶點唔舒服！老公就帶我去屋企附近食晚飯！口淡淡，又無乜心機！老公話去食清淡啲！但去到，好多野都好想食！無辦法，真係好唔舒服，所以我只能食粥！我們叫左小籠包呢個一定要食而春卷係老公獨食，我無份食之後叫左兩碗粥，兩份食！係好好味既小籠包，皮薄肉鮮，汁多且甜，配上老陳醋真係一絕！脆皮春卷，係新鮮即炸，熱辣辣，好脆口！艇仔粥，粥煲得夠綿，十分足料，好味！及第粥，不愧係生滾粥，熱辣辣，粥底濃味，厚切豬潤，勁足料！

坦白講，依間野我覺得味道一般，價錢就更加唔使講啦，但我都唔太明點解種有禁多人排隊小籠包小籠包就中等啦，唔係特別好，但都好味的炒年糕炒年糕，炒年糕雪菜味唔夠香，而年糕又太過淋，所以失敗担担麵担担麵，麻麻地，麻醬味唔夠重，又唔夠辣湯底又唔夠味，簡直失敗坦白講，我應該唔會再來食🤣🤣🙈🙈

今晚想清清地，選了中菜。近來吃肉類太多了， 想清一清胃口。小吃先點了個皮蛋豆腐， 很愛皮蛋的鹼水味，豆腐也很滑，醬汁甜甜鹹鹹的。這茄子配上同一醬汁， 夏天吃起來非常清涼。生煎包底部煎得夠香脆， 內裏肉很甜。好久沒有吃年糕，很掛著這年糕，煙煙韌韌加上雪菜及鹹肉的鹹香，我喜歡加上點點辣椒油，微微的辣令年糕更加吸引。隨後點了手抓餅， 一次比一次煎得硬，有點食紙皮的感覺。只怪自己愛吃手抓餅，中伏再中伏都會點來吃。每次來吃上海包點，都要看當日幸運不幸運，會否與到高手做包點，今次又落空了。

本身想去飲茶，但等唔到位，諗住食另一間，又未開門，最後去了翡翠拉麵小籠包，剛開門沒多久，已經有人了，我們叫左小籠包，等了一陣就來，小籠包皮薄，入面好多湯汁，好味呀，啱啱好的味道，唔會好咸或甜，只係頭頂個皮較硬身。金銀色莧菜，好多咸蛋皮蛋雞蛋，蒜子，草菇，湯汁夠鮮甜，莧菜又好鮮嫩，好好味，健康的感覺。上海鎮江小排骨，唔算太大碟， 味道好好，夠淋，又好味，同埋好入味，排骨算瘦身的，個醋甜甜酸酸好開胃簡簡單單也是美