翡翠拉麵小籠包

营业中

休息中

媽咪很喜歡這家的泡菜炒飯,2016開年第一頓午餐當然要來吃了! 一行四人點了一飯一面,四點心及一甜品,簡直飽飽飽!今天的泡菜飯不似平時辣辣的,味道剛好,四人份量絕對足夠.木須炒面看似簡單的菜式但出奇地拉面非常彈牙啊,個個都讚不絕口!羅白絲卷是我推薦的點心,羅白滿滿的,不咸,脆皮香口;炒菜苗就略嫌油太多;例牌鹵味拼盤水準一如既往魷魚彈牙,鵝肉大大件的,我想是扺食首選.最後是炸饅頭,其實肚子已經滿滿的了,不過仍然是首推的點心,雖不是什麼特色但勝在夠簡單及特別啊~

週五下班路過屯市，想吃頓晚餐也不容易。不少餐廳門外已有人龍，惟獨翡翠拉麵小籠包仍有位子。  有一段時間沒有光顧此店了，帶位員沒有查問下就帶我倆到鄰鋪的翡翠小廚，雖然可點的菜式都是一樣，但最少也應問一下客人意願吧。  看過兩邊的餐牌，邊主打上海菜，一邊主打港式粉麵。還是不點麵食了，隨意點了些主食、冷盤和點心。  鎮江肴肉老公愛吃的關係，吃過不少精緻的肴肉。 相比之下，這肴肉無論是用料或味道都相當一般。用的不是原片肉而是咸肉碎，賣相差了一截，肉也太稔身了。湯凍爽口得過了頭，沒有高湯的味道，口感更像在吃魚膠粉做的湯凍，不推介。  鱔糊炒拉麵黃鱔絲份量不少，混入韮王與芽菜，與拉麵同炒。黃鱔絲當然不會是鮮貨，但口感嫩身，不過魚味較淡薄。 炒拉麵用上濃甜的醬油同炒，味道像上海粗炒，不過拉麵幼身又彈牙，掛滿汁醬，比上海粗炒更佳，味道十分不俗。 菜肉雲吞湯底用上金華火腿，也有一點味精。一客六顆，雲吞似乎是擱了一段時間，雲吞皮有點黏糊，白菜鮮肉餡有點死實，欠肉香，只屬一般而已。煎窩貼窩貼底部煎得微微金黃，再煎久一點便更佳。外皮口感一般吧，內餡有點點肉汁流出，感覺比雲吞的肉餡新鮮，算是不錯吧。作為連鎖飲食

上星期想食小龍包食唔到, 今天再接再厲, 今日去番穏陣的翡翠拉麵小籠包, 竟然唔使等位喎, 好好, 入去都半滿以上的人在用餐啦, 餐廳環境都幾靚及舒服, 裝飾都幾吸引的. 枱上已一早有兩杯茶及餐具, 唔使等唔使叫已經準備好. 我們兩人點左一客小龍包, 一碟紅米炒飯, 雙拼卥水(墨魚拼鵝肉).  食物上菜速度好快, 我們完全唔使追單的, 先嚟卥水拼盤, 賣相幾吸引, 墨魚片好爽口, 好味呀, 都有五片左右, 鵝肉都好好味, 好淋及好香的, 唔肥, 有五塊的, 卥水味道唔算好濃好重, 不過都好香入味的. 下面還有些豆腐的, 所以仕應都話不用點豆腐.小籠包一客四隻, 熱辣辣, 皮好薄, 湯汁都足夠, 肉都唔算. 好味呀, 加埋些醋一齊食, 係好夾的味道, 好滿足呀, 終於食到小龍包.紅豆炒飯, 好豐富的賣相呀, 份量唔算好多, 但入面有松子粒, 粟米粒, 菇粒, 蝦米粒, 瑤柱粒, 紅米飯的比例都好多的, 啖啖都係紅米, 好有口感, 炒得好軟身, GOOD.

前菜首先有海蜇，夠爽口，不過味道欠奉。小籠包皮薄，餡肉香甜，肉汁豐滿，用筷子夾起仍會呈水袋狀。不錯！生煎包肉餡鬆軟甜味，還好是煎得微焦的包底。雞湯清澈鮮甜，夠火喉，加上湯料入味而不鬆散。大致上，不過不失。

2個人lunch去屯門翡翠拉麵小籠包，叫咗個2人歺,坦白講應該唔夠2個人食，有皮旦豆腐，小籠包，菜肉雲呑麵，有碟菜，2杯飲品，$168。肚餓少少應該不太夠，所以我都加咗1個小食。雖然份量係小咗D，但味道都👌的。

翡翠拉麵小籠包的小籠包，以前試過好幾次，味道不錯。偶遇四色小籠包的宣傳海報，便中途轉軚，點選試試，味道實在令人「意外」！黑色、綠色的包子尚算ok,黃色及橙色的「騷」味極濃，慘過食羊。最令人覺得不值的是價錢差不多是普通小籠包的兩陪，以後都係食舊菜色較穩妥。

從它開舖到現在吃過幾次，都知質素每況月下。但今次食完真的非常嬲！新春期間換晒新春菜牌，完全沒茶味的茶要8元一位，也都不是問題，但價錢與食物質素完全不相符！小食要了個醬燒牛夾餅，得4塊牛，承惠65元，而且醬亦只是淋上去，根本看不出何來"燒"！再來炒麵和糖醋魚，尚算正常。最後叫了個干煸四季豆，索價68元，但由於係我最喜歡的菜式，幾乎每到吃上海菜的地方都會叫，所以也就叫了，誰不知就中伏！！！四季豆煮到淋晒，兼且一陣水味！ 成碟野幾乎感覺唔到有炒過，似係烚熟撈埋 最嚴重係辣椒沒放，反而放了很多很多的生蔥，一陣戥味！本來唔想浪費，但真係食唔落，無奈地成碟放棄。感覺上好好一札四季豆，就給它糟蹋了。唉～整整大半碟，疑似經理的人將它收走時也無動於衷，只想快手清場入下一枱。對客人反應沒留意，對食物出品沒要求。這樣沒誠意的食肆，難怪這麼難吃了

自公司搬到屯門後，多了很多機會與好友共聚於這區。始終我唔熟屯門，食乜就交比朋友發板。黎到「翡翠拉麵小籠包」反而無食小籠包，我總覺得小店的小籠包會比連鎖式店鋪好吃=_=所以我都懶得在這裡試小籠包。生煎包煎得底部脆卜卜，總算合符我的要求，包內亦有熱辣辣的肉汁，肉質不過不失，始終暫時最好吃的生煎包，都是旺角的「上海生煎皇」^_^錦鹵雲吞這個令人太失望，上檯頂盡我只可說你是包得較靚的炸雲吞吧，配的只是甜酸醬，完全與錦鹵雲吞沒關係啦，人家錦鹵汁是要用多種材料和茄汁煮的，絕不是這現成醬囉，激氣被騙了。雙面王我最愛吃脆卜卜，以前在王家沙吃過雙面王是脆炸麵餅，可蘸醋或砂糖吃的，眼見這個其實我帶點失望，一來之前吃過的不是用幼麵炸的，二來這幼麵餅最多只能說是煙韌，絕對和脆卜卜無關=_=素鵝份量相當大，腐皮包著一些齋菜在內，味道不過不失沒什驚喜。這餐我只能說普普通通，要再來的機會實在不大，絕不是難吃，但好過它多的是，而且我覺得食物有點貨不對版囉=_=

見D食評好少推介乾䓤油拌拉麵！一於要寫一下！翡翠上海小龍包的擔擔麵一向不是我的口味，湯太杰，太麻。縱使麵質蠻好。反而乾䓤油拌拉麵的確值得推介，蔥油香，而且附有乾䓤，拌住有彈性的上海拉麵，太好味！更不油膩！縱使無肉不歡嘅男友也大讚好味，價錢也合埋！大家可以一試！

平時聽啲朋友話幾好食，就趁星期六同屋企人去試下。食1930，都吾洗等好奈就入左，6個人食嗌左十一二樣野，買單都係9百幾，雖然聽落價錢ok，但係其實吾飽。份量小就預左，但少到每份每人一舊就冇就真係。。。個醉雞苦到喊、鵝片啲肉係莓、碟炒飯淡茅茅、擔擔麵啲麵淋得濟。得個梅鍋肉同小籠包食得過

當你看到門口有十人左右，以為又要等半個小時的時候，怎料到，取票後在旁邊看看餐牌，不消五分鐘便有桌了。之前在灣仔，銅鑼灣分店吃過，還有點優雅的感覺。今次坐在卡位旁邊的四人桌，分拆成兩張二人桌，加上現場嘈雜，立即變得街坊平民化了。回鍋肉配薄餅有點兒肥膩，那腩肉半肥瘦的，熱吃或放在薄餅上吃還好。冷了才吃，肥肉就會顯得很油膩。配薄餅較特別，薄餅光吃沒味道，香氣欠奉，但醮太多汁又會太咸，實在尷尬。早知應該一早多點個白飯，那就不用待後半碟，薄餅吃完但還剩肉和菜，空口吃太咸的窘境。擔擔麵真的是各家自有擔擔麵的煮理方法，有酸的，辣的，花生的，稠的。翡翠的擔擔麵最像夏麵館的，有點兒酸味，像湊和了酸辣湯於一身，花生粒花生醬甚少，麵條不太彈牙。而我較鍾愛葵芳一品軒跟上海婆婆的，湯較稠，麵條較煙韌，微微花生味。生煎鮮肉鍋貼兩只多汁，兩只少汁，肉還算新鮮不乾不鞋，皮不太厚，還屬可以一試。茶錢$8位，這種快速餐廳而言，即使不停加茶，其實吃個晚飯也只是個多小時。平日晚上上酒樓吃飯的茶芥才$10，可以坐很久，聊天樂透半天，便顯得這兒收$8茶芥太貴了。現在翡翠拉麵已變成拿拿淋快快趣快餐店，但價格卻高於快餐店，點餐後不用

今次去到翡翠拉麵小籠包晚餐，平日晚上又唔洗等好耐位!睇佢呢間裝潢好靚，manual 仲要大大本好厚tim! 但唔知係咪希望愈大，失望愈大呢!!1/雞絲粉皮雞絲粉皮係我好鍾意食既頭盤。估唔到…我未食過咁差既雞絲粉皮。粉皮好膠質，膠到完全不能入口。麻醬整得都唔好味! 我真係食左少少就停口…入唔到口!2/ 上海擔擔面賣相不好，以下副圖係碗野一黎的的樣子!! 好似格離抬食剩拎過黎咁...我覺得真係好求其! d湯過稀… 麵質都麻麻! 最不可接受係碗野唔夠熱。估唔到比咁多$係食呢個質素…3/ 上海小籠包皮不夠薄，但味道都不錯... 都算係OK 既!去到呢個時候都冇咩心情再食.. 4/ 上海生煎包OK可以! 味道正常! 總結: 因為有2款食物真係好難食... 所有原本諗住叫埋糖水食的諗頭都打消了。下次都唔會再黎食喇!

翡翠，由中學時代已經開始食，一直都有幫襯，雖然唔係好頻密，但一唔知食乜或周圍都要等位既時候，就會揀翡翠，因為水準有保証。仲有，細個個時，就係因為佢既小籠包，慕名而來，記得當年要齊人先入得，同埋對一個中學生黎講真係好貴，但都要食，就係因為個保証。但我諗呢個保証，從今次起已經－消－失－了！！！又係食晚飯時間，又撞著周圍都多人，鍾情於中菜既我，睇一睇水牌，原來附近有間小籠包，二話不說，就去排隊。等１０張檯，見佢都多檯，ＯＫ！等左２０分鐘左右，入得，都算快～坐底，原來有特別介既餐牌放左係隔離檯，無人同我地講過，叫晒原本份ＭＥＮＵ既餸，算啦～都叫左咯，不過要扣分！叫左個宋嫂魚羮，百頁結豬肉，清炒蝦仁同一籠小籠包。宋嫂魚羮，唔錯，水準不失。跟住上清炒蝦仁，份量少得可憐，連集碟都放唔滿，見到碟底，連一向細食的女友都忍唔住話好細碟，不過事實証明佢俾多我都冇意思，因為咁細碟都冇食晒。第一夾，放入口，暖既，都唔似即炒出黎，個熱既程度就好似超市買兩餸飯用個Ｄ爐輕輕慶住咁。。。當大家都笑某飲食主持雞有雞味既時候，我諗慢慢地，雞有雞味真係已經成為左食神既標準。因為碟蝦真係可以完全冇蝦味！簡直好似分子料理既素蝦，

平時返工已經好辛苦, 晚上的個餐我會好好補償自己, 而且會叫埋家人一起食, 每日上班時間, 對住同事既時間仲多過對住家人!!晚上的時間要好好珍惜!屯門市廣場係一個進餐既地方, 我會擇呢間翡翠拉麵小籠包上海菜, 惹味之餘又精緻, 是令自己滿足的一個好選擇!小籠包係上海菜必食之選有湯, 皮厚左D, 新鮮唔係好記得佢全名, 好似叫咩蟹肉煎餅味道都OK既, 下次可以試其他菜式呢碟都應該係上海菜必食之選名字真係唔記得, 如果想落order, 餐牌有圖示~呢個菜在於佢精緻, 肉片經細心處理淹製, 最重要是要夠簿, 要香口你見到佢有三樣東東, 肉、鮮青瓜、香炸脆片三個原素夾埋一起, 再點上橙色甜汁醬料~味蕾感受到的是汁的香甜, 肉的濃郁有趙頭, 加上脆片配搭, 成個人都好滿足~經典上海業甜品, 高力豆沙球夾著聞到蛋香, 咬下去熱熱的軟諗諗~又有少少彈性~其實這店除了上海菜, 在它旁的另一邊廂是一間提供比較類似廣東菜的, 而且亦有甜品所以若入店後發現上海菜唔岩胃口, 可以有其他選擇~

不足一星期前才光顧杏花村分店吃午餐, 是夜又再幫襯無他的, 母親大人指定的, 一定奉陪想不到平日二人枱亦要等位, 可見屯門市中心的人流確不少等了大約十五分鐘後入座, 是可以接受的因為下午茶吃得太飽, 於是只點了三款食物兩人分享, 分別是雞絲粉皮, 擔擔麵和生煎包侍者細心詢問擔擔麵是否需要走青和轉小辣, 我們怕太辣就聽他的意見要了小辣雖然點菜後侍者交代需等候約十五至二十分鐘, 結果十分鐘不夠, 全部食物已一同上枱本人是粉皮的DIE HARD FANS, 無論麻辣還是麻醬的粉皮都喜歡吃是次的雞絲粉皮維持一貫水準, 不過份量略見縮水我很怕吃太黏口的麻醬, 因為會容易覺得膩, 不過太稀的又不能掛在粉皮上這裡的麻醬濃稠得宜, 份量亦足夠每塊粉皮沾上, 不錯擔擔麵沒有因為選了小辣而變得淡味, 相反辣味和花生醬味都足唯一一個問題就是湯頭過稀, 少了點擔擔麵應有的濃郁先前在杏花村分店的食評提到不知店家是否轉換了麵條的來貨, 這晚吃的又沒有過腍的問題, 回復正常質素生煎包比上次吃的更熱, 應是午市和晚市的分別這次的包底同樣十分香脆, 好吃埋單共$133, 在屯市要找價錢合理, 水準穩定的食肆, 這裡是其