翡翠拉麵小籠包 (已搬遷) 新店位置

9-1-09(五)有一段時間沒有吃翡翠拉麵小籠包了。多年前常去太古城的那間，是翡翠拉麵小籠包在港發展的起步點，無論服務和出品，都值得等位。後來也試過銅鑼灣和尖沙咀的店子，總覺得沒有老店的好。是日經過沙田，離午飯時間尚早，不用等位，就試試看。五香牛肉拉麵：牛份量都不少，但味道很普通，不入味，又有些硬，紅彤彤的顏色令人有些不安。拉麵則很好吃，保持到水準。嫩雞煨麵：很夠份量又熱騰騰的一碗麵，雖然雞肉不怎麽樣，但很適合冬天吃，味道清淡，不錯。上海小籠包：小籠包是招牌貨，皮薄餡靚又多汁，保持水準。無錫蟹殼黄燒餅：很好吃，又香又鬆脆的外皮，不過小心內裏熱得燙口。久別重逢，也算滿意了。

年初三最後決定黎呢度食野，等位等左好耐。入到去可能係假日所以好嘈，嘈到個頭都痛埋。小籠包 - 一路都覺得呢度既小籠包唔差，但今次我竟然好似樓下所講，有隻係冇湯既。鮮肉鍋貼：鍋貼煎到好脆，但唔夠熱。都好味，又有肉汁。海鮮雜菌炒麵 - 有幾件海參仔，食果陣都覺得好油，但食到最底ｄ油真係好嚇人。回鍋肉跟薄餅 - 一定要食得好快，因為我地食到最尾果塊已經硬左，包唔到。其實幾好味，不過都係太油喇。總結，佢ｄ野食太油，下次都係食番小籠包，鍋貼果ｄ，真係做得好既。皮又薄，又有汁！最後，雖然大家都好忙，但都會不停加熱茶，呢一點要讚下。

一入到店,問你幾多位的服務員已經 "鞋口鞋面"..."歡迎光臨" 都無句... 地方不大,服務態度真麻麻點了4個菜 ...1.上海排骨面 (排骨食得出有 "雪"味應該是剛從冰箱取出來炸) 2.雞火炒飯 (好味)3.小籠包 (很一般)4.銀絲卷 (很一般)吃完後約23:00, 尚見有數位客光臨坐下order. 穿黑衫的短髮女子 (應是經理) 走過來要求我們先結帳 , 我笑笑口表示 : 我尚未叫結帳呢! 但黑衫經理無禮地回應 :我們是時候要結帳埋數,你俾$ 先啦! wow!!!!!!!!!!!!! 咩.....態度先??..先結帳不是問題,反正都要俾...黑衫經理可否有d禮貌, 話哂都穿經理衫ar...公司有無Training架.用現金 結帳，結帳後講 "多謝”的指定說話都無講....所以我一個仙小費唔會俾!!!總結 :服務態度差! 無禮貌, 食物麻麻很一般,份量較少. 要求服務好的食客千其其唔好去

下午茶.... 3點3到，星期日，少少多人。水煮牛肉拉麵-- 辣，超好食！牛肉好fresh 同tender. 鍾意濃味野既人一定要試呀！小籠包-- 皮薄，多油，ok la. 冇乜特別，淨係知道等左好耐！追左單都冇人理你，連有冇落到都唔會有人覆你。離譜到極呀！醉豬手-- 好食wor!! d 皮好有咬口呀，係一個肚餓必叫既野食！點解？因為一早整定ga ma, 等d wiaters得閒攞俾你就有得食ga la.我對jade group有好感，因為同一層既翡翠小炒好好食。但係！但係今日o係翡翠拉麵小籠包得到既服務同成間野既atmosphere都令人好唔會返轉頭。唉！做左咁多年，估唔到一搬之後會咁失敗！1. 個場好迫2. 如果你坐邊邊位，d waiters 會同你好distant, 哈, 冇乜人會埋黎理你ga la...3. 而旁邊睇完戲又或者觀完禮 or whatsoever 既人都會可以好近距離咁，審視你既choice of food. 唔好諗住會有 privacy...4. 叫極埋單 (收錢wor) 都冇人理，問點解仲話我地冇叫過.............. 咁好啦。一定無下次了，再見了！

05-12-08經過門口, 永遠都好多人排隊.好彩07:00P.M.去拎左飛先, 08:00再睇下叫到咩NUMBER, 過左7個NUMBER , 好彩叫多幾張TABLE佢都比返我地入.環境 : 好迫 , 講真, 真係唔好坐 , 但可以一邊食一邊睇住佢地整小籠包.食物 : 蟹粉小龍包 - 有隻冇湯 , 肉好淋 , 味道好.鱔糊炒拉麵- - 賣相一般 , 色比較深 , SALT左小小菜肉雲吞 : 整體OK .高力豆沙-- 唔夠甜 .菜上好快,好趕咁 .

水煮羊肉拉麵—　辣到要飲茶。羊肉質感叫做"多肥但肉嫰"，入口都幾有彈性。酸辣湯—　一人份量，只有燉盅咁大。價錢　＄32　又唔係好貴，但當我地理所當然地以為有一大碗個時，燉盅咁大的酸辣湯真係令我地好失望。而且材料不是太多，辣又不夠，酸又不夠！真係唔識形容係點囉！小籠包—　皮薄肉嫰，內裡載滿很多湯汁，但我相信以　＄26　呢個價錢，出去上海鋪食，一定好食好多。炒鱔糊—　好油，而且唔熱辣辣！有咩理由咖？＄５８蚊　左右既價錢，真係好唔值！新鮮唔見得，好味更加唔見得，唯一的是蔥多！一入到去其實見到有好多人，但個場好迫，好明顯係想做多ｄ生意而令到人夾人咁！而且我地想要一張椅子去放袋，佢都要拎走我地張椅，咁大間店唔係咁少椅呀？真係食到嬲嬲地，話一定無下次！！！

呢間翡翠拉麵小籠包係新開的, 舊鋪係隔離。新鋪, 係大左, 人係多左, 不過水準就差左好多。9點去到, 好多人。9:20入到去, 都算ok 啦。不過, 好迫呀坐得! 講返野食先~ 叫左3 樣野:1) 粉皮 ($42), 勁細碟囉!!!!!!!! 收人咁貴比d 咁既野人食。d 粉皮, 硬的, 不好吃....2) 木須肉炒拉面 ($45), ok 啦, 無之前咁好食。不過, 都幾多油下。3) 北京水餃 ($28 x 6隻). 我成日覺得d 肉係小籠包果d, 都好多汁, 脹卜卜。不過, 係大有分店食過, 人地d 水餃排得好靚的, 唔明點解沙田既個賣相...... 2個人食左$145~ 總結, 唔係唔好食既, 不過咁既價錢, 咁既質素... 好可惜佢keep 唔到水準, 其實佢可以做得好的, 真係可惜~ 走既時間同友人決定唔會再去, 要食, 去上海婆婆食, 好好多~~~

睇返自己寫食評的back up~原來我用34D這個a/c的第一個食評就係翡翠拉麵…oh~都兩年幾三年喇！今次舊地重遊，純粹因三人中有一位想食上海野，而我就本想食西餐的，我相信我只要話食西餐自會有另一位撐我，不過適逢今天睇到這店擺晒花牌重新開幕就憑著過往留給我的印象令我覺得可以不妨再試，姑且看看它三年後的今日水準又如何，因為yata那邊的嚼江南我不見得又經濟又好味，即使有小南國明顯我對故友念舊就所以今回又再「hi~翡翠baby我又黎喇！」。水煮牛肉拉麵—三級辣。表面叫水煮，但來到時湯底呈辣椒油般的褐紅色。牛肉質感尚算少肥肉嫰，入口帶彈性。至於在玻璃櫥窗看到廚房裡師傅是怎樣製作拉麵，即使不看x-ray式的廚房，但食落口都感到麵身非常爽，爽口索汁之餘就不像坊間食肆一樣帶著一股梘水味。辣就固然的了，不過我覺得此湯底就辣得欠缺靈魂，除了只有火紅的辣油，就是嘴唇邊圍繞著像麻辣的火炙感，所以我喜歡食沙嗲多於麻辣火鍋，言下之意辣不是我強調的重點，而是我喜歡香辣惹味那種辣多一點。五香牛肉拉麵—二級辣。這款比上面那款美味，喜歡辣的朋友可自行叫侍應另按比例加辣。牛肉就是像燻蹄那種肉片，夠五香味，整體由湯到麵