翡翠拉麵小籠包

营业中

休息中

和太太去中午到金鐘辦事，二時許到此店。我們經常到它們將軍澳分店，那兒水準一向都很好，心想今次第一次來這分店試，應該也不賴。桌上有單張推介蟹肉蕃茄冷麵，我們見圖中菜式極其吸引，於是叫了一客，另叫了北京水餃和上海生煎包。冷麵備上時我們以為來錯了，急急拿圖作比較，只歎他們的攝影師拍得好，或可能拍攝時的菜式的食材有很大分別？ 三條蟹肉幼得像綿花棒尺吋相約，食材胡亂舖上冷麵就成為推介菜式。 失望了。北京水餃和上海生煎包則保持水準。 但始終有點食不味兒，給冷麵打了折扣。

这家翡翠拉面小笼在金钟廊一风堂对面，每天中午十二点以后基本都要排队蛮久的，店面不小，环境适中。最大的特色就是非港式，吃多了港式餐饮来试试这家不错的。点了水煮牛肉面，海鲜炒饭，上海小笼包。感觉口味还是不错的，中规中矩，说不上多有特色。分量也还行。胃口不好的时候吃一碗酸辣汤拉面棒棒的。就是二人桌竟然没有调料。人多的时候五个人得挤四个人的位置，用餐体验不太好。要拿旁边桌子上的，实在是尴尬。餐厅的服务还行吧，比一般的港式饭店好。

老正興和一品香象徵的老式濃油赤醬上海食店，早已結束。新派的，以此店為代表。皆因此店標榜以少油少鹽，來取代濃油赤醬。其次，匯集百川，把京川滬盡融一店，適合香港人的兼味習慣。此店現推出下午茶優惠，平日15:00至17:30拉麵和上海點心75折。正如店名，此店以拉麵和上海點心為主打，值得久別重逢。此店的拉麵是蘭州拉麵，不屬京川滬菜系，有其獨特性。湯底是老雞，火腿，豬骨煲成，濃稠如日本拉麵的豬骨湯。久別即扣分!我點選擔擔麵，湯麵上油脂甚多，十分肥膩，不配合少油少鹽的風格。入口全無花生味，不香! 性價比低!小籠包風格依然，勝在湯汁澎湃，濃郁鮮甜，如拉麵的湯底是如此，便合我意。但皮不算薄，豬肉未夠鮮嫩味腴。價格則合理，平均10元一粒。窩貼則是少油，但底部欠焦香，未算佳品。茶位8元一位，收加一費，結數每人72元。

-上海小籠包😋（$40）薄薄的外皮包著豬肉，一咬開就流曬肉汁出嚟，十分juicy👍🏻-櫻花蝦炒飯💕（$98）飯粒炒得好乾身，粒粒分明，櫻花蝦份量都算多，食落幾香🤗，金黃色嘅蛋炒飯 配上 粉紅色嘅櫻花蝦係飯面，色香味俱全，真係唔錯❤️-雞絲粉皮😎（$60)雞絲粉皮味道幾好，將青瓜🥒同雞絲切成幼細狀，粉皮厚身而且好滑😋，淋上好多濃郁嘅花生醬汁，食唔停口😆 但份量比較少😌-花雕醉雞 🐥（$74)依個花雕醉雞 真係好香酒味😍上菜果陣已經聞到陣陣酒香，肉質十分嫩滑，好好食😀同樣，份量比較少😌-京蔥爆牛肉🐮 ($95)依碟小菜十分香，牛肉食落鬆軟，牛肉份量都算多，牛肉炒到色香味俱全👍🏻十分入味❤️-櫻花綠茶🍹（$28）有幾片櫻花花瓣係飲品中，十分漂亮😋綠茶味比較濃，味道不錯☺️-檸檬薏米水☕️($20)味道酸酸甜甜☺️，十分清新，好開胃👍🏻-酒釀丸子😍（$33）酒釀丸子嘅酒味好重，十分香，而丸子好煙韌軟腍，好好食👍🏻份量好多，仲有桂花😆食落更清甜，十分推薦依個甜品😍必食💕-薑茶湯丸 👍🏻（$33)薑味十分突出，唔會太甜。有2粒大大粒嘅湯圓，咬開湯圓，好香芝麻味😋，好多芝麻餡料，湯圓皮好厚又煙韌，有口感，食落

今天在金鐘約了朋友吃飯，因為沒有訂位子，要知道在金鐘午餐找餐廳是很難的。而最後我們就選擇去等翡翠拉麵小籠包，我們就有點傻傻的沒有用那個gulu 的App，當場去排隊了，我們大概等了差不多25分鐘吧，才可以進去餐廳。餐廳的流量是非常的高的，我們進去就快速地點了一個小籠包，一個醉豬手，一個炒飯，一個老火湯，一個雲吞雞湯，然後還有個毛豆百頁。餐廳的水準是有一定的保證的，那小籠包的皮很薄，汁很多。炒飯也很乾，吃下去味道很不錯的，老火湯的味精味道不是很重，飲落去還是幾舒服的。唯一一個覺得點錯了就是那個毛豆百頁，味道有點淡，下次可以用其他蔬菜去代替。我們最後還點了一個高力豆沙做甜品。最後我們三個人吃了＄500左右，價錢在金鐘來說還是合理的。如果下次午飯去的話就要早點去排隊，那早點進去就會舒服一點。

最近轉左係金鐘返工, 金鐘lunch 真係唔多選擇。或者咁講, 金鐘太多人, 好多時都要排隊等位, 所以我多數行去中環或者灣仔食野。平日返工食lunch 時間, 呢間店都有好多人排隊, 唔知同五一假期有冇關係, 今日經過見冇人龍咁就同同事行左入去喇。我叫左個嫩雞燴麵, 好好味!

每一次食翡翠拉麵小籠包都一定用APP拎定飛先，如果唔係唔使旨意有得食。今日又係12點左右拎左飛，大概一點鐘有位，LUNCH真係好趕，基本上一坐低都要叫野食，好在我地都叫慣叫熟，唔使研究個菜牌太耐。我地4個人叫左5樣野，加埋每位$8 茶芥，最後每人比$100。算正常價錢，不過留意返收錢姐姐既服務係零，都明白多人既，不過都冇必要食飽之後再食東南北麫。五香牛肉拉麵 $73有5大塊牛肉真係幾抵食，可惜個湯真係太清，完全冇味。好似食緊病人餐咁。糖醋雞球 $82呢個係見到隔離枱叫所以心思思叫左既糖醋雞球，其實即係咕嚕雞，呢個好香好味呀，酸酸地又夠熱，仲要因為係雞球完全冇骨，啖啖肉，又好味又好方便。上海炒粗麵 $86翡翠拉麵小籠包裡面既上海粗炒真係做得好出色，我未食過失手，份量多，麵多椰菜多肉絲多。椰菜唔會炒到好硬，麵又唔會林BB，重點係個汁好野味，小小偏咸，整體黎講都唔算太油,，可以接受。佢地份量係足以我地4人每人一碗半!!勁!!上海小籠包 (4粒) $40上海生煎包 (3粒) $40

4點零覺得餓餓地，2條友想食少少野，咁就食下小龍包啦，金鐘呢間地方呢個時段，人少少，慢慢坐都冇所謂1.小龍包皮薄多汁2.紅油抄手皮夠滑，調味足夠，正！3.麻辣牛肉麵呢個有驚喜，好好味呀，牛肉夠晒滑，又有肉味，湯底唔算太辣

今晚又是一個ot的晚上頭痛痛 身重重 唔太舒服只想食點清淡晚餐然後回家睡覺去公司附近的翡翠拉麵小籠包encore 二人套餐 （匯豐信用卡7折）$298+10% 包括6個菜點了以下食物一個前菜：黑木耳兩個主菜：薑蓉蒸小黃魚 和 紅燒獅子頭兩個麵食：嫩雞燴麵 和洋蔥蝦乾撈麵（唔記得個名）小食：北京水餃（6隻）整體來說 食物水準都OK最有驚喜係水餃 皮薄 咬開勁多汁蒸小黃魚不錯食 肉質好滑 唔會腥獅子頭就麻麻地 好干 只是揉成球裝既豬肉另外叫多杯熱豆漿$20好香豆味 不過不太好太甜既我覺得少d糖會好d因為有信用卡優惠 埋單三百幾蚊 都算抵食記得用app登記定先 排隊都唔使等咁耐啦

地點方便convenient, service 亦無乜 expectation啦。講味道，算中上，最好味始終係小籠包，蛋白蟹OK，但四季豆係調味重手啲，但整體 overall okay. 價錢今時今日亦唔算貴, okay。

金鐘搵食甚艱難!今日約左3個老友係金鐘LUNCH, 12點3已經用APP拎飛!!1點鐘去到都仲有4,5個先到我地, 結果大概1點2入到去!太誇張, 如果冇得用APP拎飛即係要等45分鐘!打工仔點可能!!!> <時間關係, 都冇咩點睇過MENU, 求其每人叫1樣野就算!上海小蘢包(4隻) 必點⭐️⭐️⭐️每一次去上海舖頭都會叫小籠包, 一人一粒岩岩好, 熱辣辣, 一咬啲湯就爆出黎, 一定要辣到條脷先安樂!!翡翠拉麪小蘢包係唔應該唔好食架!!=]雞絲粉皮芝麻醬就係粉皮既最佳拍擋!!粉皮尚算爽口!!不過整體咸左少少!!四川擔擔麪湯底好喊啊! > < 不過拉麪好煙UN, 唔會太軟或者太硬, 美中不足既係明明講左要剪麪, 但係好似冇剪到咁, 分起上黎有啲鬧搞~~雪菜鹹肉抄年糕我本人就覺得呢好差, 有陣怪味, 酸酸「叔叔」, 又腥腥地咁, 朋友就話可能係啲雪菜味係咁~~🙅🏻🙅🏻上海粗炒呢個例牌菜真係唔會死人!炒得好好味!!棷菜好多, 麪都好多!!唔算太油!!保守菜式~~起碼叫左一定唔會唔夠飽先!!

放工後同朋友係金鐘搵間餐廳食晚飯，見到好耐無去過的翡翠拉麵小籠包便入去試返！首先叫左個醉豬手，豬手呢樣係我的至愛，再加上一陣陣酒味，十分開胃。之後叫了個四川醉辣湯，酸酸辣辣，對於呢幾日咁寒冷的天氣，飲完䁔下個身體非常好。主菜我叫了兩款餸：第一款係韭王炒鱔糊，又係我喜愛食物之一。鱔糊好肥美，韭菜又多，每一口都好滿足。另一味叫百頁結烤肉，呢味餸個人認為一般，主打的肉有些「un」，汁的味道又一般，所以不太推介。

去完AIA，諗住近近地去金鐘食我最愛既小籠包……點知，原來呢間分店係全線最難食，服務最差既分店！一直支持翡翠既我都忍唔住要俾劣評佢！肴肉入口有即溶感覺，但同其他分店唔同既係，呢間分店異常地咸，冇曬肉味，得個咸字！咸到一個點，你食完應該要狂灌1L水！小籠包皮薄，唔易穿，汁多，肉唔鬆散，但都係同一個致命傷：咸到爆炸！食落冇曬肉味，得個咸字，真係好難食！同其他分店冇得比！茶香燻乳鴿正正因為呢個乳鴿，我忍唔住要喺呢度打劣評，因為真係好難食！聞落唔香，食落直頭似食緊肉乾，仲有燶味！好明顯overcook左，咁都可以serve俾客人食？佢唔咸，但亦冇乳鴿味，質感勁乾，零肉汁，好鞋口！原本打算食完3樣再嗌其他食，但食完宜家寧願埋單走，出去再食過！服務好差，order野時都係5點幾，明明全店冇乜人，但可以冇人理我，倒左4次茶，但每次啲茶都係凍！係咪因為頭先一直冇客，所以啲茶放凍左，要盡快倒曬啲凍茶俾客人再裝熱茶落個水壺度，所以無視左我地都需要熱茶？同佢講想要熱茶先至俾熱茶，但佢望一望你就走左去，應一句好都懶。如果我第一間食既翡翠係呢個質素，我唔會再幫襯任何一間分店！

其實我好想話比大家聽，全線翡翠拉麵小籠飽的食物水準整體下降到讓人汗顏的地部，可恨是他們還厚顏無恥地收取高價。一年前我們一家去金鐘廊個間分店，點了小籠包和煱貼，似是用微波爐翻熱，乾硬柴皮。向他們的侍應反映，他卻冷漠地不置可否。我決定以後都不再去翡翠拉麵！ 其實好唔明點解咁大間飲食集團，用咁貴租金在黃金地段開鋪，連最基本的食物水準都做唔好，那麼開鋪來做甚麼呢？做好食物水準和員工的部訓真的那麼困難嗎？我認為無用心、無Heart才會做不到。現在水準如何已不知道，因為如前所說，我一年前已經發誓不會再去，也不會再去！

幫襯過幾間翡翠小龍包既分店，始終最愛金鐘廊呢間，一直都保持到水準前菜梁溪脆鱔，每次必點的，脆鱔炸到脆卜卜，再沾上甜甜地既醬汁，。但記得趁熱食，凍左始終會有小小惺味。囝囝點了佢最愛既雞火炒飯，炒飯配料簡單，雞肉碎，雞蛋，蔥碎，看似平平無奇，但炒出黎既飯粒粒分明有光澤，每一口都香噴噴，真係慾罷不能😂小龍包仍然係皮薄餡香，可以湯千秋，咬落去湯汁充滿口腔，好滿足脆皮春卷可以唔使叫，無特別鮮磨熱豆漿20蚊杯係有d貴，但絕對飲得出香濃豆味，唔會重人造糖希望繼續保持水準，長食長有