翡翠拉麵小籠包

营业中

休息中

第一次食拉麵，就係去翡翠拉麵館，覺得嗰度好好食，地方又舒適，又夠大眾化，一諗起食拉麵就諗起呢間麵館，所以一直認為翡翠拉麵館係拉麵專門店！翡翠拉麵館開完一間又一間，分店遍佈全港九，食拉麵就越嚟越方便，但係價錢就越嚟越貴！！四喜烤麩 （$56-）呢個前菜係我嘅至愛❤️鍾意佢健康得來又夠野味，麵筋好有豆味，而且索咗好多汁，伴埋木耳，筍和豆一齊食，甜得來又唔醎，簡直食到停唔到口，可惜前菜通常好細碟，次次都覺得唔夠喉！蒸素菜包 （$31-）素菜包係即叫即蒸嘅，所以上枱時熱辣辣，包身軟綿綿，咬落去啲素材餡塞滿成個包，雖然係素菜，但係都覺得好滿足，好好食👍酸辣湯拉麵 （$66-）湯底勁稠，稠都夾起啲麵時麵同麵之間都黏著酸辣湯，沒有滴下絲毫，簡直「杰笪笪」！食落只覺辣而沒有酸味，而且對我嚟講係勁辣，可能辣味蓋過酸味，我覺得這個拉麵絕對不是我杯茶！👎🏻三鮮鯊魚骨湯泡飯 （$82-）湯底係用鯊魚骨熬製的，非常濃郁，感覺好有骨膠原同鈣質，飲落好好味👍餸料方面則見到有蝦、魚、冬菇、靈芝菇、白菜，好似仲見到有海蔘絲（唔知有冇睇錯，因為又幼又少）。以為價錢是一窩，但原來只是一碗的份量！覺得吾係幾抵食，好彩整個泡飯嘅

差不多吃完才發現我們所order的兩碗拉麵的碗底是非常骯髒，經理說這是十分正常，不是骯髒，還嬉皮笑臉，態度十分令人生厭，我看不正常的人才會相信。請大家看清楚這是不是骯髒。

我覺得這間翡翠拉麵小籠包，雖然是昂貴些，但是都很好吃；今天我都去咗這間吃中午餐來進食，但是這個服務員的態度不好及沒有反應，我想今天可能是母親節及比較忙著，所以我都想點餐來吃午飯，不過等很久先至論到我要點餐，點完餐之後及吃飽了；我就想結算就多少錢？我要舉手的時候，其他員工就沒有反應，好像當我是透明就看不到我，我想很久先來一次及兩次都沒有反應，我上一年都是這樣沒有反應及慢速去到我處點餐；如果心想我都不要幫襯他們做生意，我取他們的單是因為我想要結算我自己比幾多少錢；希望沒有介意我取出單；對不起，你們以為誰人取出單據。

今日星期六同男朋友係一個少d大陸人既商場輕輕鬆鬆咁行下街中途行到top shop感到少許餓便走入去食我最愛既小籠包男朋友叫左 牛肉湯麵我叫左 口水雞撈麵仲有小籠包同炸饅頭我個口水雞撈麵好辣 個雞肉肉質鮮嫩但可惜既係小籠包皮太薄 汁漏哂岀黎 好唔開心

今日同事提議食小籠包， 但之前曾經要等過大約半小時，所以有點卻步。因為在商業區大家的午膳時間差不多，而且只有一小時， 但後來同事告知有一個apps，可以預早先行攞位， 所以今次真的很快只需等五分鐘便能入座。我們點了一個小食就係梁溪脆鱔。 非常脆口不膩，但就食不到有鱔味，反而有點似食薯條, 脆卜卜！當然唔少得皮薄餡靚嘅小籠包啦，非常多肉汁。喜歡食麵嘅我就點了一個嫩雞煨麵，比較清淡一點點。雖然好想要那個泡菜炒飯，但同事不吃辣，所以叫了雪菜鹹肉炒年糕。但味道一般有點失色！輕輕鬆鬆一小時嘅午飯時間過得特別快， 每人盛為港幣110。

招牌小籠包皮薄肉嫩又多汁，宋嫂魚湯太淡冇咩味道，糖醋青魚柳夠入味，魚柳好滑炸粉又唔會太厚剛剛好，蘿蔔蘇絲餅好鬆脆，仲熱辣辣，環境舒適，服務員好好見我地有小朋友，主動俾杯水俾小朋友飲。

大年初五下午來到金鐘廊的「翡翠拉麵小籠包」都非常客滿，但又剛好有四座位，我們可以安座品嚐著名四川麵食擔擔麵。四川擔擔麵要具備五種味道-甜、酸、麻、香、辣，五味，但這碗擔擔麵只吃到微酸、微麻、小辣，極之美中不足。雪菜毛豆百葉是帶甜的上海菜，特色之一也是較清淡，我們這份雪菜毛豆百葉味道的確很清淡，也吃不到有甜味。濃油赤醬是上海菜的特色，這裏的上海粗炒麵，味道不濃，但也不淡，完全港式化！上海小籠包是此店招牌菜我每次必吃，尚算皮簿餡靚，肉汁濃郁。豆沙鍋餅外脆內軟，吃得心頭暖暖的，這一款甜品也不錯。人均消費$90，品質和價錢有少許不成比例。

知客是啞的，本人有帶BB拿到入去我要開口問佢才講要擺出外面，帶住小朋友去廁所唔問唔講響邊。收人8蚊茶錢不會自動添茶。小朋友飲水別的分店不收費，呢間問就黑口黑面話茶水茶水收費嘛。部份伙計加部長黑口黑面。去過沙田青衣ifc及機場間間旺過你七倍都無這樣態度。食物方面平平穩穩，但此店已被列入本人黑名單。

有時候會一個人到公司附近的餐廳享用午餐。 如果可以早放lunch的話， 我便會選擇這間jade， 因為晚了出去的話要等很久才能拿到位。 聽說用foodgulu也可以拿飛， 那便不用等了。我點了這個是上海清雞湯拉麵， 湯我拉麵是分開上的。 湯內有雞肉， 湯很清。 你可以把湯倒在面裏吃， 也可以相反，把面沾在雞湯裏吃。 我習慣把湯倒在面裏吃，然後再喝湯。 雞湯很鮮甜， 配上拉麵和蔥， 清淡得來， 十分滋味like不夠飽的話我會配上一籠小籠包, 沾上醋吃， 十分滿足

今天到了公司附近的翡翠拉麵小籠包用午餐。人很多，等位等了大概15至20分鐘才能進去。這裏的雞火炒飯雲吞麵很好吃， 我們也是慕名而來的。雞火炒飯內加有火腿，而飯粒粒粒也炒得很乾新身，加上一點點葱，很香口， 真的很好吃。這裏的茶時免費任添的，吃完炒飯可以多喝幾杯😊

下午茶時段人客唔多坐得舒服~ 但無餐無優惠就唔太吸引😝新出芝士小籠包~ 芝士好香呀~ 又多湯汁~ 好味道😁個回鍋肉味道唔錯~ 但肉少菜多~ 跟既簿餅好厚皮同好硬~ 蘿蔔絲酥餅好好食~ 醉雞比較鞋~ 但酒味好濃~ 份量都幾多~

跟女兒轉了返灣仔的playgroup，下課後來到金鐘廊午餐，想起很久也沒吃翡翠了，又不用等位，太好了。點了嫩雞煨麵，雞嫩菜爽囗，湯底也清甜。口水雞/醉雞也是每次必點菜式，今次則選了口水雞，麻辣味適中，醃得亦入味，雖然雞皮不健康，但我超喜歡連滑滑的雞皮一起吃，中間的脂肪變了jelly狀，好吃。最後當然要食招牌小籠包，皮薄得來又不易穿，豬肉嫩滑，十年來都一直保持水準。

北京水餃大路的水餃，餡料有湯汁不會太乾身。肉味唔算濃，偏清淡。奶油津白加了少許火腿粒，有一點火腿咸味來吊味。津白火喉唔錯，夠軟菜亦唔覺起渣，選料上乘。上海小籠包餡的湯汁都幾多，食的時候要小心熱。鯊魚骨湯海鮮拉麵 拉麵麵質軟硬適中，湯中加了昆布食落有口感，幾好的配搭。芝麻棗泥酥比較好驚喜的一道菜，芝麻好脆好香口，棗泥比想象中好吃唔會有膩感。

今日去金鐘廊 shopping, 午餐選了 翡翠拉麵小籠包, 地点好方便, 如果搭地鐡可以直上, 落大雨都不怕濕.  店舖裝修同他連鎖餐廳相約.  裝修整齊, 光猛, 部份座位是卡座, 及方枱, 舒適闊落.餐牌內容豐富, 介紹清晰, 圖文並茂, 價錢大眾化.餐具整潔 OK.   我們点菜了.甜酸青瓜簾：很健康的小食, 外觀整潔吸引, 每卷用切薄的青瓜卷成, 青瓜清脆爽口, 加檸檬黑醋. 美味尤甚.小籠包~~~是真的好, 点菜後於五分鐘便送到, 皮做得夠薄,  餡肉鮮甜, 熱烘烘,  湯汁量足, 滿有水準厨藝好, 不容易"穿", 好食抵讚. 要了一客山東手抓餅, 送上枱熱騰騰的, 很酥香好吃, 大家撕開, 入口質感軟棉, 香口。菜肉雲吞湯拉麵, 菜肉雲吞一般水準, 麵條很滑而不失彈牙, 口感佳, 湯底也有鮮肉味, 不錯.這食店很多捧場客, 必要等位.

今天來金鐘同朋友食飯，因為朋友之前腸胃炎想食得清淡D，就選擇了金鐘的翡翠拉麵小籠包。我office在中環，12點準時出門到金鐘已經是12:15。排了30分鐘隊終於到我們，坐落點菜望見菜牌D價格O咗咀⋯⋯估唔到幾個月無來光顧，價格漲了這麼多⋯因朋友身體不適，我們點了一個菜肉餛飩湯，一個蒸鮮肉包和一個原盅雲吞雞湯。菜肉餛飩上到來，D餛飩明顯浸得太耐，餛飩皮已經脹到就黎溶食落去又無味，果一刻真係灰到呀⋯然後原盅雲吞雞湯上菜，望見個Size我亦係幾乎暈低⋯個湯盅，差唔多係茶樓D茶杯咁細⋯呢餐飯等咗30分鐘，食咗$178⋯我真係想暈低⋯