翰林茶館 (已結業)

因為有要事一早過嚟尖沙咀海港城一趟，所以，事先搵咗個地方可以食早餐，打打躉，又想試吓啲未去過嘅餐廳，故此，揀咗由台灣過嚟嘅「翰林茶館」。由於喺一大清早，隔幾個鋪位又有家「大家樂」，所以，餐廳得我一個客「包場」。其實，如果坐滿人嘅話，實際上喺幾逼吓。從外面已經見到店內地方唔大，但裝修幾骨子企理，最殺食喺對住海景，就算無落地大玻璃，天然光嘅透入，已讓人感覺寧舍醒神。雖然店名叫茶館，但唔喺淨賣茶飲，亦會提供啲台食，當然，應以茶飲為其亮點。而早餐嘅款式唔太多，初時諗住試試蛋餅，不過，最後見張餐牌嘅粢飯幾好樣，就改咗，當然，實物嚟到就唔喺咁啦。順帶一提，雖然無咩服務可言，但早餐時段都一樣收加一服務費，要留意喔！粢飯 + 鐵觀音奶茶 $30好似三文治嘅粢飯，色淡淡嘅鐵觀音奶茶，以木托盤盛上，感覺喺有幾分雅氣。粢飯話時話，都好似好耐無食過粢飯喇！有別常見嘅長條圓柱形，而喺包到成件三文治，中間夾咗啲豬肉鬆、榨菜及油炸鬼，睇落好似好多，其實得薄薄一層，味道都OK嘅，不過，男生食嘅話真喺有啲唔夠飽。鐵觀音奶茶雖然都喺叫奶茶，但唔好用港式茶奶去比較，根本喺兩樣嘢，唔喺嗰種濃香、幼滑嘅感覺。入口，其實喺茶味淡

聞說翰林茶館係台灣奶茶既始祖，食完LUNCH路過就試下買杯台式飲品解下渴，MENU上面可供選擇既好多，最後揀左熊貓珍珠奶茶，細細粒既黑白珍，咬落韌韌地，好有口感，茶味唔算太重，$35一杯值得一試。

上次吃了脆脆雞腿飯不夠飽，所以今次吃厚切豬扒面線和加多個bacon抓餅，豬扒味道和份量ok, 面線份量真的給胃口細的，所以叫多個抓餅是正確的，而且抓餅煎得香，有水準。另外同事叫的紅燒牛腩面線都吃得好清淡，他加了10元的蔬菜還可以。套餐的茶都加了糖，其中一個同事話ok, 另一個話甜，下次一定會叫走甜。

垃圾，食品垃圾，飲品垃圾，價錢就五星級！款式種類唔多，食品製作唔繁複，等待時間長到阿媽都唔認得，最慘係唔好味，連最基本茶品，好似飲奶水咁！我知你租金好貴，但係唔使又貴又難食，讓出個鋪頭俾人啦！

現在限聚令，海港城果然殺出一條新血路，我由兩點開始在海港城到六點，每一間食肆都是人山人海的，因為coupons 實在是十分抵吃，等於半價一餐。本身打算吃西式的J.S，但人龍太長，排到可能由tea time 變晚餐，但相比之下翰林人龍短啲，而且又想念台灣味道，於是決定回味一下。和朋友點了些食物和飲品，但很多已經售罄，於是下單滷味：豬紅，豬耳和豆腐，炸花枝丸，蔥油抓餅。食物質素真的不錯，每樣都是新鮮熱辣辣的。特別一提是花枝丸十分爽口及鲜味。而滷味方便，滷水汁十分出色，豆腐豬紅正，但豬耳比較肥很多肥膏。蔥抓餅1脆口，但不會太油膩。

一人晚餐有小食/甜品，一個主食 加一杯飲品價錢好似係一百零幾同老公兩人 每人一個晚餐飲品好快到 味道係不錯落單時間係19:10然後就開始漫長等待小食等左十幾分鐘 竟然係一粒半炸左嘅貢丸點解我地知係一粒半？因為係三件半粒嘅丸....仲要係凍凍地完全唔熱去到呢到已經🧐然後又等左好耐 隔離枱又係兩個餐，一個食完另一個都未到....佢地都開始追單跟住....佢地竟然係我地兩個主食都未到嘅時候上晚餐嘅甜品，係一粒朱古力糯米糍！！個時已經過左19:30我地見每一張枱嘅客都追單...佢地係基本上每一張枱都漏單我個晚餐係19:37 終於都到見到都呆左細份到我當下午茶都嫌少😑味道係好嘅....另外一個主食要19:45 先到雖然飲品同主食味道係好，同事態度好好但呢價錢同份量都完全唔得唔會再去👋🏻

星期六晚7時多到海港城晚飯，人龍處處，小孩餓了就選最少人的這家輪候，等了十五分鐘左右入座。7:32分下好單了想要杯水給小孩喝，侍應回覆「唔好意思，10元一杯」，心中非常驚訝，但也罷了。7:50 - 飲品送上，沒有驚喜但不過不失。7:55 - 侍應走到我們的附近，向每枱說「唔好意思，單好多，食物要等30分鐘，如果唔ok，可以退款」。當堂咀O ... 我不是要什麼訂制菜式，你餐牌的set dinner 而已。肉隨砧板上，也唯有等。8:05 - 紅燒牛腩新竹米粉送到，牛腩尚腍，米粉也滑口，最驚訝是，蘿蔔還未煮熟，筷子也插不入！8:15 - 脆脆雞脾麵送到，看圖，無特別。總結：無下次系列！今時今日疫情令飲食業雪上加霜，難以明白此等食肆何解可以生存其中？聽說是老誌號台南過江龍，今日一試無服務無質素可言，還一杯水索價10元我只看到賺要賺盡的營商之道，倒不如將樽裝礦泉水放到餐牌我心甘情願付錢，現在這樣索價未免太小家。配菜生Out Out，任你杯珍奶會飛，也大打折扣！不！了！

疫情下見餐廳都多人，為減低風險決定買外賣！叫了午餐set, 日式麻醬拌麵同芒果綠茶加黑白珍珠～日式麻醬拌麵 是好食的，不過肯定係台式，個名misleading wor.. 同埋份量激少... 下午茶份量吧😅黑白珍珠有質素 杯茶好飲！外賣要加錢 但無俾餐具，問聲需唔需要都好丫

台灣殿堂級珍珠奶茶店🇹🇼 聽說利害到用來招待國宴貴賓🤩..🐼 熊貓奶茶 $35翰林茶館用了上等的茶葉沖泡 所以茶底十分濃厚😍 入口順滑👍🏻👍🏻 而熊貓其實是指一杯入面有正常size 的黑珍珠 再加上小巧的白珍珠😝 一杯珍珠奶茶有兩種口感 ✨ 正(´∀｀)..可惜店舖開在海港城一個不起眼的角落🙈 人流感覺好像沒有太旺😅 所以來港已經兩年多 我還是第一次經過才發現到呢不知道有沒有人和我一樣都是珍珠奶茶控呢🙋🏻‍♀️？.

今天lunch試下這間台灣茶舍，坐的環境舒服，餐牌上的種類選擇都ok, 我吃了個脆脆雞腿飯，我覺得菜名應該是雞鎚而不是雞腿，size有点細，炸豬扒size是比較好，食物飲料質素可接受。留意一下，單點不叫套餐，之後不能加飲料，想要一杯水就要10元。

二零二零年三月一日中午黎到海港城"翰林茶館"係港威商場二樓 近中港城作為台灣控嘅我緊係要叫自己最喜歡"奶茶"咁就當然要叫台灣出名嘅奶茶啊唔該鐵觀音奶茶走甜茶味重干貝蔥油拌麵拌麵都係用鐵觀音麵干貝絲同蔥油好香 加埋麻油味脆脆雞腿 脆卜卜 而且好大件炸粉唔會太厚鐵觀音麵就無乜茶味 顏色就似茶色湯底幾清淡 小小麻油味 仲可以飲幾啖配埋麵食加埋半隻滷水蛋蛋餅係台灣都係必食加左煙肉蛋餅 好大塊兩條煙肉夾蛋餅好Q 好多蔥粒好似去左台灣食早餐咁海港城都有中價平食 唔好放過台灣菜 無得去旅行 都可以返下"鄉下"

就因為你哋平日早餐係唔會蒸定d燒賣，下下要等7-10分鐘 🙄今朝，我特登打定電話去話定我會落嚟買早餐，要燒賣，回我話好，而家幫你整定，我係系海洋中心果面，行到嚟時間就差唔多啦，點知我落比去，竟然話買咗比人 🤬🤬🤬🤬🤬 叫我等多7分鐘好快有！！如果要等，點解要打定電話嚟？？！😤😤你賣比人時唔係賣d新蒸嘅，叫佢等7分鐘？而係叫一個「已經知道你哋無蒸定而要等，所以先叫你哋蒸」嘅客人去等7分鐘！🤬🤬而家咁嘅疫情，係到等多一分鐘，都增加危險嘅風險！咁樣。。。仲點繼續幫襯呀？好嬲呀！點解你賣比第二個時無問下，就比d已蒸嘅，佢就減低風險，我打定嚟就要我增加風險？🤬 非常嬲！！！！！😡😡😡😡😡

海港城裏面，飲咖啡嘅有好多，珍珠奶茶嘅亦有，今次揀咗一間專係飲茶嘅試下，去到睇個Menu，又有白珠又有黑珠， 心諗乜嘢嚟嘅呢？原來黑豬珠即係我哋平時飲嗰啲，無論size同埋外型都係！ 而白珠呢。size就係比較細，同埋有咬口！有驚喜！今次由於食完飯仲好飽嘅關係。所以就冇加珍珠啦！今日揀咗嘅就係烏龍茶！當然甜度同埋冰度都可以揀！今日食得有啲飽， 有少少膩！所以就叫咗原味， 希望可以解一解！呢個凍頂烏龍茶都幾Fresh ! 都有啲偏甜！啱晒我今日嘅口味！

翰林茶館係尖沙咀覓食係件難事，見到午市套餐都唔錯，就去左試下。叫左個綜合海鮮套餐+鐵觀音奶茶加黑白珍珠（$106）海鮮套餐有細細地既八爪魚、蜆肉、生菜、烏龍茶麵。中意食細條既麵試下，綜合海鮮套餐既價格同材料不太成對比。但湯底濃郁，烏龍茶麵吸收左濃郁湯底既精華。觀音奶茶配上大小不一既黑白珍珠，勁煙韌。朋友就叫左個紅燒牛腩鐵觀音茶麵，加鐵觀音奶茶白珍珠（$104），本身見到個湯底錦紅，以為會好spicy,點知試左啖湯,剛剛好，怕辣既人都食到，牛腩肉比想從象中有出入，但整體好食過海鮮套餐。

經過海港城五點，一陣食飯時間要開會，某間知名美國咖啡店不想幫襯，行多兩步見到間台式餐廳，入去試試先。1. 厚切豬扒茶麵，豬扒唔乾身，炸得唔油，但冇乜豬味，個麵湯底唔錯，配茶都煮過有味道，但茶麵本身冇茶味2.鮮奶鐵觀音，有茶味奶味又唔會太重，半甜啱啱好總結：係尖沙咀這個價錢食呢種味道同質素算係咁上下，好好味就未係，但都叫可以一試，其他麵就未試，試左有機會再報告