老三油渣麵王

营业中

休息中

炸油渣 佢話係黑毛豬整嘅食落都好juicy OK好正 湯底剛剛好 唔會太鹹亦都唔會太淡 南乳雞翼大隻香口味道一流有誠意 會再食 韭菜餃好新鮮真係自己包 雞翼很大隻我叫了中立夠辣很滿意而且蘿蔔都好林一定會再返轉頭食

提到土瓜灣嘅輕食店，呢間算數一數二出名，地點唔難搵，離遠就望到招牌。一直以嚟好鍾意食豬油渣麵（粉仔），好可惜近年嚟周圍搵都食唔返以前嘅味，難得呢度有間口碑唔錯，經過試試叫咗碗招牌油渣麵$36+自製韮菜餃子$9一望就知同傳統粉仔係兩回事，但放低前設去食，竟然試到一碗重新定義嘅豬油渣麵個湯清清地，反而有助帶出食材原本嘅味道：主角豬油渣份量唔少，偶爾有幾粒切得厚，個心冇炸到透，咬落啫出肥豬油，反而營造到外脆內軟嘅口感辣椒夠辣，菜甫細切好爽口蘿白甜，夠淋入味冇渣冬菇爽滑好香菇味自製韮菜餃皮薄，從表面可以清晰見到餡料嘅顏色，韮菜香，菜多肉少，肉屬於完全攪碎變成漿、食唔到肉質嗰種，但size偏細，$9得兩隻有少少貴粗麵結實，有咬口，長到要喺中間切斷先食得到整體份量偏少，作為正餐嘅話似乎要加多幾樣餸/小食先夠

土瓜灣地點實在唔算方便，但遲下沙中線開左應該唔同晒。呢間小店既油渣麵用心製作，話係用本地嘅黑毛豬去製成油渣。面底嘅上海麵，好有質感。又爭咬落趣卜卜，炸得非常之透！鬆化又好食！絕對值得一試！😍😍😍😍雖然有得揀唔同嘅辣度，但其實湯底都係唔多辣嘅，清清地咁。所以唯一美中不足，係你會覺得湯底偏淡。佢仲有一啲傳統懷舊小食，例如韭菜朱紅豬腸蘿蔔，都係好好食，但同一缺點都係湯底偏淡。對於我呢啲無辣不歡既人，係有少少唔習慣。😛😛😛😛😛

這間店已經來過數次，在這裏大概開了幾年。 油渣是香港的地道小吃 ，雖然很多人會覺得比較油膩， 但我很喜歡他的脆脆口感，配上粗的上海麵，是一個美味的平民美食。另外他的韭菜角也十分喜歡，店家是新鮮炸的，每次吃都很熨口。

本身唔多去土瓜灣既，友人帶過我食一次就返唔到轉頭，所以每次去親都一定留返個肚食呢間油渣麵，本身油渣麵已經唔多地方有，仲要好食喎，呢到一碗$36 可以另外加車仔麵餸，我唔大食，食一碗已經好飽。油渣麵(上海粗麵，走蔥，小辣)成日唔記得豬油渣另上唔好睇佢好簡單咁，佢d麵硬度適中，口感似粗d既烏冬，麵條順滑好易入口，蘿蔔夠林帶少甜，冬菇都係夠林仲超入味，主角豬油渣好似炸魚皮咁食法，浸一浸湯食，浸耐阻會林晒(所以記得油渣另上), 口感酥脆勁香口，冇豬酥味，正正！

今天星期六來到土瓜灣，無意中見到呢間食油渣麵既店，lunch time 都坐到滿哂，等左一陣就入得。叫左雙拼餃子麵，即係韮菜同鮮肉椰菜，我食左兩款餃子，發覺兩款分別唔大，因為佢韮菜餃都係有鮮肉係入面。我估佢都係自家制，幾好我個人喜歡韮菜餃多d，因為香d，濃味d味道幾好，價錢又平另外叫左秘製辣汁魷魚，我本身可能食譚仔小辣，所以我覺得唔係太辣，不過幾香幾好味，好濃味，我幾中意。我估佢應該對其他人黎講都幾辣，小心唷總結，我覺得如果行過經過開可以一試，老闆又好好禮貌，幫襯下小店

第一次食豬油渣！原來好好食架！呢舖肥仔啦....呢度既豬油渣無益味，標榜用本地黑毛豬，每日新鮮自家制，真係好香呀！真。豬油渣！招牌豬油渣麵 （小辣，米線）叫左豬油渣分開上，其實都要浸下湯先好食架！米線係喜愛既煙un質地 都好好食！秘製辣汁魷魚、豬皮、魚蛋（三寶）主要為試個辣汁而叫既，豬皮最入味最好食，另外兩樣一般啦，辣汁係小辣程度，惹味既。韮菜餃子原本想叫雙拼，不過是日只有韮菜餃！好新鮮呀，有媽媽既味道

上次經過此店時，因為豬油渣已賣完所以無入去食。今次終於食到啦，果然無令我失望叫了一碗招牌的豬油渣麵，豬油渣炸得非常香脆，點了小辣令整碗麵的香味再提升，它的麵是像上海麵的粗麵。另外叫了秘製辣汁魷魚小食三併也非常好吃，有魷魚，魚旦和豬皮，醬汁算是偏辣帶小甜，配上爽脆的魷魚店員也很有禮貌很好人，差不多關門時間，也讓我們慢慢吃，不用急而且看到牆上的海報寫著，凡穿校服惠顧麵食可以送飲品，是一間良心小店

這間小店隱藏在土瓜灣裡面 外表是黃色的招牌很容易就會看見得到😏 所以就入去一試才行對於老一輩來說 一定知道是什麼食物來的但年輕的你們又知道是什麼嗎?油渣面要好食 是要花一定的功夫製作才行我想想店主肯定花了不少心思從食物的味道就看到他的用心·招牌油渣面 HKD$34油渣是與面分開送來的 油渣經過特別處理沒有傳統的油膩感 食起上來還像食蝦條的感覺用來配面食是絕配🤭 面質很煙韌好有咬感·懷舊小食三拼 HKD$30數到香港的懷舊小食 怎樣可以不食這幾樣豬腸/豬紅/蘿蔔是香港傳統車仔面的小食相信有很多朋友都會對此情有獨鍾❤·秘製辣汁魷魚 HKD$21是街頭小食之一 秘製醬汁是它的靈魂所在這裡的魷魚不會煮到剛剛好 少少辣挻不錯·南乳雞翼 HKD$28雞翼有誰不愛? 無論是什麼時間也會見到雞翼雞翼有很多不同味道 南乳味道就很少食喇味道不錯 可以再來多一份🤭🤭大家經過的時候不妨來這些小店探店一下可能會令你們有意外驚喜呢

次次去老三都食豬油渣，今次試下三寶（豬虹，蘿蔔，豬腸），其實佢係有埋韮菜架，加埋韮菜就係四寶了！先講講豬虹，係真豬虹黎架，好爽口，好有質感！蘿蔔真係最正，唔知點解好好好鮮甜，簡直係成碗野既亮點！豬腸肥美好吃充滿油香，有啲肥膏在內壁，但又唔會食到成口油！如果唔想食太飽，呢碗野真係tea time 好選擇！

幫襯左兩次都唔記得要求豬油渣同麵分開上，因為豬油渣好易淋。豬油渣上海麵38蚊，另外加雞翼尖9蚊，滷水豬大腸11蚊，附送蘿蔔同菜譜，共58蚊唔算平，但係餸嘅份量算多，另外佢地好似冇水吧，見有七蚊支細裝豆漿，不過我想環保所以就算。以前喺花園街食過豬油渣冇咁脆口，呢間似炸豬皮條，都好味，而豬大腸好肥美(有普通大腸$9我未試)，雞翼尖都好入味，而蘿蔔好到爽甜唔苦。地方細細都算乾淨，我已經避開中午繁忙時間，兩點幾去到都算多人，好多都係熟客。

土記臥虎藏龍大師級的地道美食，必須要進入小區，老三油渣麵便是其中之一。位於土瓜灣新山道的老三油渣麵，店面一點也不起眼，門口細細，坐位也很緊密，但只要吃過一次他們的油渣，一定永遠記住。他們主打菜-油渣麵 （有辣有不辣）油渣咬下去外層很鬆脆，內富空氣感，好鬆化！沒有油溢味。店舖聲稱是採用黑毛豬作為油渣的主要食材，鮮肉味十足。配菜用白蘿蔔，咬下去香滑無渣，清甜（如圖）店舖還有其他懷舊美食。這店早前也被無線的東張西望訪問過，還有週刊，蘋果等... 不過未被採訪之前，我已經是一名常客。聽說油渣是限量天天炸，先到先得。不過他們星期日休息，平日開到晚上10:30。

因為返工的原因，我又要開始喺譚公道一帶附近搵野食，見到油渣麵王，就想食，其實我都鍾意食豬油渣平日唔見人籠，但我今日去有兩家人排我前面，當然我一個人就搭枱直入，值得一讚係店員的態度，好有禮貌，由入去到出去一直都話唔好意思地方淺窄，吃唔單止食物，仲有小店人情味，唔似其他地方多人就好似唔休做咁，想趕你走咁樣。我淨係叫左碗油渣麵（上海粗麵丶中辣）我無諗過就叫中辣，但其實都幾辣，我下次會叫返小辣，我聽店員講仲有小小辣，所以想食辣又唔食得，就叫小小辣。重點當然是豬油渣，大大片，脆卜卜，好香正，又比得多，麵就正常。值得去試一試

猶記得兒時油渣麵豬油渣是脆口，現在都甚少可以食到，普遍是浸到淋欠口感又無味，近期聽朋友介紹說土瓜灣老三油渣麵非常出色，今日正好要來土瓜灣交貨，就特意安排個中午試一試。👏👏🥢油渣麵是整碗麵靈魂，剛炸起香脆可口，果然是兒時的回憶，除了豬油渣別忽略配角鮮甜蘿蔔都非常出色，入口清甜無根，厚切蠔油冬菇非常入味口感更是淡淡肉，粗麵彈牙有口感，整體來說滿分💯真正豬油渣是香脆乾身無油。😋💯餐牌小食中的南乳翼雞應該都不錯，看到對面哪位小朋友吃得津津有味，從他臉上已找到答案，南乳惹味即叫即炸一定吸引，可惜我不食雞翼少了份滋味！

油渣麵以前細個聽到覺得好肥好恐怖大個咗變咗吃貨唔理lu！試試呢間以前食過大角咀英記不過不失無太大感覺所以抱住純粹一試既心態$34一碗 都幾抵食！我嗌咗個油渣麵加椰菜鮮肉水餃（$34+$9）一食不！得！了！油渣好脆好香個小辣岩岩好冬菇又厚！羅白又多！（雖然唔太甜）好好食啊！油渣多到食唔哂！！我見人地會油渣另上就唔會林哂我下次又要另上不過咁！佢又唔係全部好食咁神個椰菜餃無味.........係菜味肉味乜味都無我食咗一隻放棄咗千其唔好嗌好伏！我食緊個陣好多人嗌祕製魷魚外賣！！！我下次又試下先！！！雖然地方細細既小店但姐姐都有禮貌而且咁好食又抵食油渣麵！個笑笑抵呀