老三火鍋 (已結業)

是日生病日，但係同男朋友慶祝紀念日，一早交左比男朋友發板。當佢同我講我地係會去打邊爐既時候，真心有D擔心，係傷風感冒狀態下仲要打邊爐。。。不過，呢一餐係有驚喜，首先要比個好評男朋友去到鋪頭，男朋友同我講呢度個老鴨湯好出名，咁岩我又病左，又係好鐘意藥膳既人，於是諗都唔諗就揀左呢個湯底。眼見佢都有好多款唔同既湯底可以揀，不過我覺得一場黎到點都要試呢個招牌既湯底既！啲姐姐都幾好服務態度，不停地問洗唔洗介紹野食同解釋落單方法。呢度既調味料都係基本既幾款，亦有碟小前菜。湯底到，一煲滾姐姐就行過黎幫我地「不」兩碗湯。男朋友平時唔鐘意飲湯，但都認同個湯好甜好夠味，但唔係味精。眼見佢真係有成半隻鴨係入面，飲左落肚之後成個人暖返哂，結果我地一人飲左兩碗先再加水打邊爐，我覺得比起同類型sell湯底既火鍋店，呢個湯底算係性價比好高！安格斯肥牛紋理好靚，肥瘦適中，我鐘意食唔太熟既牛，落煲10秒就食得！佢牛味唔算大濃，呢一碟我地兩個人食岩岩好，所以如果多人，可能要叫兩碟啦！其他火鍋料我地都係雙拼半份咁叫，覺得咁樣可以食多幾款野。有午餐肉、芝士腸、魚皮餃、鮮椎山、枝竹、稻庭烏冬、手打牛丸同埋醉雞丸，最後仲加左個雜

蟶子王鮮甜嫩滑，更有每日唔同海鮮推介，保證食到即日最鮮。另外醉雞丸同金沙墨魚丸個種醬爆既感覺，絕對稱得上鎮店寶丸（不過食既時候記得小心燙到脷）。重點今次叫左蕃茄鮮魚湯底，酸酸的更增加食慾，鮮味令其打火鍋食材更上一層樓。最重要係侍應們貼心服務，不但提醒「卓」海鮮既時間，更會幫手隔泡👍🏻而且店鋪夠哂闊落，同朋友傾咗成晚都無俾人趕走，可以同朋友慢慢聚舊，good!! 旺角店都幾多大枱，如果一大班朋友唔知去邊好，呢間係不錯選擇

係ig見到朋友去咗一間好正嘅舖頭打邊爐， 湯底係用滋補的老鴨燉湯製成。 我都唔執輸一於去試下😋😋😋睇返facebook資料 ，原來招牌老鴨湯底，係用1歲大的老鴨，加埋沙參、黨參、松草花、紅棗、杞子和圓肉等藥材燉gei。湯底會同預先蒸熟gei鴨一齊上。 唔怪得之個湯咁好飲😋😋😋😋😋秘製老鴨鍋（半隻）安格斯肥牛(大)牛肉好似雪花， 肥瘦非常均勻， 放喺湯入面 ，輕輕咁樣灼熟， 嫩滑又重肉味🐂🐂🐂 鍾意食牛肉嘅一定要試😁😁手打墨魚丸新鮮手打墨魚丸，爽口彈牙有鮮味😍😍😍墨魚丸入面仲有少許墨魚粒， 好有咬口☺☺😚😚四寶餃椰菜餃、韭菜餃、魚皮餃 、招牌餃脆鯇片番薯苗蕃薯苗非常新鮮，但略嫌比較老身， 不夠嫩會有渣。😅😅麒麟一番渣搾(大樽)咁大支啤酒只係29蚊非常抵飲。

呢間火鍋店比人嘅感覺幾舊式酒樓，但座位都幾闊落，枱與枱之間唔會太迫，有幾張大枱，都適合一大班人黎gathering、啤兩啤吹下水。呢到最出名係個秘制老鴨鍋（$78）我湯底一上就聞到陣陣藥材味。老闆話飲完湯食埋隻鴨先加湯打邊爐。碗湯飲落去真係好濃，好似似緊老火湯咁。鴨肉好嫩滑，一入口d肉絲就化開。湯入面仲有好多翅，真係好足料架！我哋係加湯前加咗一轉生菜，d菜吸晒d鴨湯味，勁正！！然後我哋叫幾款邊爐料，有肉有餃子有丸有菜，最推薦呢個醉雞丸同金沙墨魚丸（$62，雙併+$10）！兩款都食有餡嘅手打丸，一咬開就會爆汁嗰種出面食唔到架

#老三火鍋 今次唔食雞煲，轉食鴨湯火煱🍲這個秘制老鴨湯好像老火湯一樣，先飲湯後火煱🥣湯味很鮮甜，原來是加了沙參、黨參、松草花、紅棗、杞子和圓肉等藥材燉4至6小時而成，有清熱降火和恢復元氣之效，煮好的湯底加入半隻鴨，鴨肉很滑，怪不得不像一般的火煱湯底只有味精味👍👍👍👍🔹老鴨湯底 半隻$78 超抵食✌️✌️🔹椰菜餃子 $38 比較少有，味道不錯，大大雙，一碟有9隻，簡直cp 100%高😃😃😃🔹炸腐皮卷 $38 新鮮即炸，都係$38 有6條，完全平到飛起，不放湯即食好脆好鬆化，最好加上甜酸醬，風味更佳😋😋😋其他的火煱料也是幾十元，超級街坊價，可以看圖每款都是大大碟，總之食得happy，好過食任食😍😍老三火煱地址: 旺角旺角道33號3/F樓全層

在新田地街睇裝修用品都睇左大半日，入黑時候擡起頭見到有間叫做老三火鍋未試過，膽粗粗入去試下。這裏的招牌湯底係老鴨湯底，得兩個人就叫半隻老鴨湯底試試，湯底來到的時候要完全再滾起，熄火後先飲湯再食鴨之後再著返火翻滾起就可以打邊爐了，老鴨湯湯底是深啡色，湯面飄浮著應該係中藥的配料，裡面還有一些素翅，鴨濃湯底飲落非常特別不帶中藥味濃濃香的鴨味，非常之有特色，鴨肉非常之又香濃，加上素翅好似食鴨翅湯，不錯不錯。開番火之後滾起可以打邊爐了，我地叫了炸魚皮，黑豚肉，內蒙羊，四寶丸，山水豆腐及油麥菜，炸魚皮非常新鮮又薄又脆 , 黑豚肉油脂極香，內蒙羊騷味剛剛好，四寶有牛丸，墨魚丸，虾丸和鯪魚丸，每款都非常之新鮮彈牙，以山水豆腐及油麥菜也是非常質鮮嫩，特別的老鴨湯是這鋪頭的重點推介，希望下次同更多朋友來試一隻鴨的老鴨湯湯底。

成日都會去打邊爐， 食雞煲都食到悶。 今次朋友介紹之下去咗試下老鴨鍋，其實之前冇食過嘢都唔知係乜嘢嚟。其實間嘢都係喺旺角，不過就喺冇咁逼人嗰邊。朋友介紹之下，見到價錢咁抵就試下，老鴨玻璃到嘅時候店員建議我哋飲一碗湯先， 飲落去有少少藥材味有少少肉味，都幾好飲。見到餐牌有金沙蝦丸， 原來係包心丸入面有鹹蛋黃嘅餡料， 咁我就叫咗半份金沙蝦丸， 半分手打墨魚丸試下。 兩隻丸都非常之彈牙， 因為之前試過有啲餐廳啲手打丸好淋，所以都有啲驚， 但係呢度嘅手打丸完全冇呢一個問題， 就算入麵包咗金沙都好， 唔會食落口一pat嘢咁。 彈牙得嚟又食得出佢用新鮮食材整出嚟， 所以建議大家可以試下。店員推介之下， 試咗兩隻蟶子因為28蚊就真係好抵， 我哋唔識整蟶子放咗落去一段時間， 個店員即刻提我哋要撈起即刻食， 味道新鮮。不要嗌咗個順德炸魚腐， 雖然係油咗少少， 但係個口咁其實好似生巾入面有魚肉， 炸到脆卜卜其實個味道有啲似響鈴。食到一半嗌咗一壺烏梅汁， 25蚊一壺超級大，而且個味道係清甜嘅好好飲，用嚟中和返嗰一啲油膩感覺真係一流！總括嚟講我絕對推介去食大大份既火鍋！

經朋友既推介就一於去食老三火鍋， 位於旺角道一d都唔搵。去到老三火鍋， 裝修係大排檔感覺， 夠晒隨性， 無拘無束我點左乾隆醉雞鍋湯底，雞，係新鮮既， 唔係得骨冇肉。 湯底係正既！好夠味！而配料亦有好多唔同選擇， 特別推介佢地既雲吞，真係好足料！一咬落去全部都係鮮蝦海鮮亦好新鮮！每碟既份量都幾多！讚！老三火鍋-九龍旺角道33號凱途商業大廈3字樓

今日放假約咪屋企人行街，係旺角比我發現左呢間餐廳，一入去唔使等位就入到，之後慢慢就多人起黎。呢道最出名係鴨做湯底，但係因為家人食鴨過敏，所以就選左豬肚鍋，放左啲胡椒粒調味，湯底好正，唔會好油，最岩我啦。啲豬肚煲左好耐，所以非常入味，煲到好林，好易入口。之後我地叫左個手切肥牛，厚度岩岩好，放入滾湯道十幾秒就食得，一啲都唔肥，我食到好放心。我地叫左個白鱔片，好快就熟，好爽，口感一流又好新鮮。再黎就係脆骨腩，要煲耐小小，魚骨腩係硬身既，食落去爽甜。之後黎左碟順德魚腐，呢碟係我既最愛，好香好脆，唔會有千年油既味道，值得一試。跟住有蟹子鮮蝦滑，店小二馬上幫我地攪拌均勻，入口淡淡既鮮味，好爽口，點小小醬油食一流。之後叫左個招牌餃，食落都幾好味。再叫多個烏冬，係好彈牙，好有口感，唔同平時食個啲。之後有鮮滑腐皮，家人鐘意食，所以叫左。再黎係蟹柳棒，係阿妹鐘意食既，唔使煮太久就食得。我好鐘意既係炸魚皮，浸一浸湯就食得，好脆好新鮮，值得一試。緊係唔小得既係生菜，都幾新鮮，唔會發黃。重有叫多兩炸小麥草蘆薈汁同咪椰果鳳梨汁，有啲jelly都幾有口感。家人都幾鐘意呢間火鍋店，食完到最後啲湯底都唔算好油，冷氣又夠

前陣子在網上看到老三火鍋有全港獨創的秘制老鴨湯底，平常吃多雞湯、豬骨湯，這次抱著嚐鮮的心態特地來試試！店舖地點位於旺角地鐵站附近，交通非常方便～老鴨湯可以先喝靚湯再打邊爐，老鴨湯濃料足，把鴨肉煲出來的精華喝完後還可以吃到很多鴨肉！火鍋配料選擇非常多，店家還特別提供半份雙拼搭配，即使人少也不用怕點太多吃不完！配料的部份點了手切牛肉、幾款丸子餃子都很新鮮，還有好多還沒吃到，下次要叫多點朋友可以吃到更多款式～

老三火鍋今日帶屋企人黎試下位於旺角既老三火鍋我地大約七點到場內人數唔多 到左七點半八點時人愈來愈多入座我地諗左好耐 先落左個湯底店內靚姐極力推介老鴨湯底可惜我係唔食得鴨既所以點左個酸菜糊椒豬肚湯一下單 湯底一分鐘內送到 認真快手～跟住我地選埋配料 呢間店既款色算係好多我地點左約十款配料 同樣係落單後快速送上 好有效率呢個時候先得閒撈下醬酒 主要可以加青蔥 蒜蓉 干蒜 辣椒粒一揭開個蓋 糊椒撲鼻而來我地二話不說每人飲左一碗先 豬肚亦入哂味 醬油都唔駛點滾得起勁時涮涮新鮮手切肥牛牛味十足 而且切得好薄 小妹都好耐冇食過新鮮肥牛了脆骨腩好抵食 一碟有成十舊 食起來極爽口只有些少草腥味 薰點醬油後完全完美鱔片係我既至愛 涮起來即刻自動捲起 單憑呢點就知道係新鮮 食落仲爽爽地不得不讚下順德魚腐 靚姐特別同我地講係即炸 勁脆口 我第一次食到即炸既魚腐 十級推介蟹柳棒一碟都有十條 抵食 係日本果種蟹棒呢！招牌餃子🥟係豬肉餡 味道不錯👍🏻另一味值得推介既係鮮蝦滑 靚姐好貼心幫我地將蟹子同蝦滑撈勻 好爽口彈牙呢！炸魚皮脆口 浸一浸湯就食得鮮枝竹不過不失啦就仲有雲耳小食 食到最尾先記得未食辣辣地幾爽口咁打

香港人一年四季都喜歡打邊爐，這家以獨門的老鴨湯起家，無論是湯底或食法，都屬全港首創。招牌的老鴨湯用上逾1歲大的老鴨，連同沙參、黨參、松草花、紅棗、杞子和圓肉等藥材燉4至6小時而成，鮮甜暖胃。湯底更會與預先蒸熟的嫩鴨一同奉上，非常鮮甜和滋補，可以先渴湯，後火鍋。嘗過老鴨湯和嫩鴨肉後，就可以加入口味較清新的豬骨湯，用來涮不同的火鍋配料，既能保留鴨的鮮味之餘，味道亦不至於過鹹。安格斯肥牛 $138/小十分新鮮，油脂分布均勻，切成厚薄適中的肉片，只需輕輕涮至變色便可品嘗。順德魚腐 $38係新鮮即炸，上枱還熱烘烘，有十多件，非常抵吃。總括火鍋料新鮮，位置方便，價錢合理。

火鍋已經變成左四季都受歡迎既菜式，三五知己最合適既活動之一。我地圍內最鐘意就係試下唔同既火鍋，貴既試過，平民既又試過，放題既都試過。總結就係貴唔一定最好，平既又唔一定係中伏，總之就係百貨應百客。今次黎到呢間老三火鍋，位於旺角道33號既商業大廈3樓，好似主打係湯底，檯面既餐紙都建議湯滾左之後可以飲碗再食火鍋。今次我地點左花膠筒豬骨鍋，一黎到已經見到大大舊豬骨，知道用料十足，湯底果然出色👍👍👍脆鯇魚片大大件，新鮮手切靚肥牛脂肪分佈唔錯，靚牛冬瓜片蜂巢豆腐牛柳粒自家製菠蘿汁👍👍湯底名副其實，其他配料都新鮮，好食。呢間可以encore, 不過記得要book 位先。

同朋友好耐冇見，例牌見親都係打邊爐，貪佢可以慢慢烚傾下計咁。誤打誤撞上左嚟呢間感覺好大排擋嘅舊式火鍋店。因為佢出名嘅係老鴨湯底，好似幾補下，仲要打住先飲湯後打邊爐嘅旗號，喜歡飲湯嘅我當然要試下啦。個湯飲落真係好似飲緊屋企煲嘅湯咁，飲完個身暖笠笠，好正。湯底真煲冇半隻鴨喺入邊，同攞土啲好似醃左嘅蘿蔔。老實說，我幾欣賞個湯底。打邊爐當然唔少得牛肉啦，我地嗌左個細嘅手切陀地牛，都算腍，唔錯。另外仲嗌左個招牌餃同四寶丸。招牌餃細細粒，一啖一粒，好足料，係白菜木耳豬肉餃。餐前小食就嗌左個雞泡魚乾，佢唔會乾到硬晒咁，好好食👍🏼最後隆重介紹嘅就係海鮮，我要讚嘅係呢間火鍋店將所有海鮮都泡得好乾淨，真係自己屋企都冇佢洗得咁乾淨，白雪雪咁。蟶子皇真係好鮮甜，一灼即食👍🏼正另外老闆介紹左我地食馬貝，細路女見識少唔知咩嚟，熟左好似北寄貝，又係好鮮甜，好正👍🏼而飲品嗌左個椰果鳳梨汁👍🏼未飲過未見過，台灣製🤣幾好飲，唔會太甜。最後要讚嘅係呢度職員好好人，主動幫你加湯撇油，絕對係大排擋環境但親切服務。👍🏼

好耐都無返過深圳打邊爐，最近發現旺角原來有間大陸好出名嘅老三火鍋，睇落價錢都唔係差好遠，咁梗係喺香港食方便啲啦！我哋揀咗佢最出名嘅老鴨鍋，佢係一個用鴨肉煲成嘅老火湯，可以先飲湯，再食鴨肉，之後先開始打邊爐！個湯幾好味，好夠火候，同平時食邊爐d味精湯底啲好唔同！而配料方面，我比較鍾意脆皖片同埋墨魚滑，皖魚片新鮮無骨又爽口。墨魚滑有蟹子，店員會幫忙撈勻，食落好彈牙另外肉類方面，本身想叫鴕鳥肉，可惜當日剛剛賣晒，所以我哋就轉左叫羊肉，羊肉片好滑啊，唔算好騷，推介！餐牌上仲有好多種餃子可以選擇，我哋就叫咗招牌餃， $38有12粒，好抵食！