老三火鍋 (已結業)

第一次食老三火鍋， 雖然店舖位置唔係正正在旺角中心點， 但都不難找啊。 加上因為在在最繁榮的西洋菜街而在旺角道， 感覺還舒服得多， 不用迫人排長龍等電梯到火鍋店呢。。。上到老三火鍋， 裝修係親民式的有冷氣大排檔感覺， 十分好， 好隨性， 不用拘謹呀。我點了花膠豬骨煲湯底， 真係有一隻隻的花膠仔係湯底入面， 唔係碎濕濕的幾粒㗎。 豬骨都係大大舊，正呀， 好夠味呀。火鍋配料有好多唔同選擇呀， 我點左極上手切肥牛大碟， 牛肉粒， 脆炸魚皮打邊爐又點少得呢？ 十分鬆脆呀。蟹籽墨魚滑。。。蜂巢豆腐， 新鮮魚片， 蟹籽包， 炸支竹， 黑栢葉又點少得呢？ 碟碟都新鮮份量又多， 可以encore 呀！！！

喺香港，麻辣雞煲、養生藥材煲就食得多。唔食過都唔知道原來有鴨肉湯底打邊爐😀😂入到鋪頭已經聞到淡淡的鴨香味！開咗台之後侍應就先拎醬油配料俾我哋😉同時間就即刻點左鴨肉湯底先！🤣等左10分鐘左右滾熟之後，就試飲第一啖頭啖湯，清甜得來又唔會肥膩！野食方面就叫咗本地滑牛、手切肥牛、黑牛柏葉、蟹籽墨魚滑和津白😛其實兩個人食嘅話叫半隻鴨就啱啱好！鴨肉雖然是用來煲湯，但係肉質仍然很鮮嫩，一啲都唔鞋口！大概要多三至四樣嘢食嘅話就可以食到捧住個肚離開😆 係今日打邊爐嘅期間，我都不停咁飲邊爐湯底，因為實在太過好味😂😂😂值得一提嘅係呢度嘅服務非常之好，侍應係會主動幫你除油、放嘢食、加下湯底同埋換骨碟☺️買單睇返價錢都好合理，下次要多幾個朋友嚟食，除翻嘅話應該會仲抵😌—————————— 食物質素：7/10 環境衛生：7/10 舒適度：7.5/10 服務：8/10 性價比：7/10 總評分：7.3/10 ——————————

非常鍾意打邊爐嘅我，今日約咗個來自California嘅朋友去打邊爐。我哋揀咗位置好方便嘅老三火鍋，因為朋友話想試吓先鴨湯底，有朋友試過呢間話唔錯，所以我哋就揀咗佢！我哋揀老鴨湯底（呢個係重點），店員提示話飲完個湯先再開始打邊爐。我哋兩個都覺得個湯好有鴨尾，好清甜，真係冇揀錯。肉類方面，我哋揀咗本地手切牛，肥瘦啱啱好，好有口感之餘又唔會老，正！海鮮呢我哋就要咗個馬貝，3至4秒鐘就食得，非常鮮甜可口。另外我同佢都好鍾意食豆腐，所我哋叫咗腐皮同埋山水豆腐，兩樣火鍋料都好新鮮，再加埋番薯苗，呢一餐真係好好味同埋好健康！

一年四季都鍾意打邊爐😌聽聞有間樓上火鍋店好有香港特色風味，所以決定一於去探個究竟。環境有啲似港式大排檔，少少懷舊中佬味😂 叫左主打首創半隻老鴨鍋做湯底🦆 老鴨湯味道類似住家藥材湯，好有熟悉媽咪風味，夠哂足料滋補🤗-☆ 魚卜 HKD$38見到隔離枱叫即刻跟風😂 老實講依家已經好少地方有得打邊爐叫魚卜，皆因魚卜處理較麻煩，哩度有得嗌實在難得！哩度既魚卜好好食💕 外軟內脆仲要無腥味，同屋企食嗰啲一模一樣👍👍-☆ 黑牛柏葉 HKD$68黑柏葉無經過加工，果然特別爽口新鮮，淥10秒就食得，仲要價錢唔貴，讚！-☆ 安格斯肥牛(大) HKD$158有牛味，牛肉同脂肪比例均勻，一定唔會係雪藏牛。-☆ 順德魚腐 HKD$38魚腐味道香濃，即叫即炸，上碟時仲係微暖👍口感爽口彈牙，必點之選。-☆ 蟹子鮮蝦滑 HKD$62口感超級豐富，啖啖都有爽脆蝦肉，加上蟹子十分爽口，直情好似食緊粒粒蝦仁咁👍👍-☆ 招牌餃 HKD$38餃子厚實大粒，真材實料，夠哂飽肚😚-☆ 小麥草蘆薈汁 HKD$25/渣有粒粒蘆薈粒，味道清新鮮甜，消暑解熱，打邊爐一流！-總括而言，食物價廉物美，裝潢簡單直接，有本土風味，絕對

旺角是搵食好地方，今晚同朋友試試港人一年四季至愛的火鍋這家火鍋最有名是老鴨湯底，半隻已有很多肉，一定要先飲湯，湯底有少許藥材味，滋補養生啱我小食木耳麻辣味濃，味道偏辣，但辣得夠香材料未到，先試雞泡魚干，燒得香軟，送酒一流，唔點沙津醬都夠鹹香本地滑牛切到薄身，香濃有肉味，吸收左鴨湯後滑溜不鞋口，更添一份油香，嗜牛的我芝士丸夾心芝士香滑，喜歡芝士必點馬貝大隻馬貝已細心切開，每片滾3秒已可食用，鮮甜美味蟶子肉質爽滑彈牙，湯底令蟶子肉更鮮甜，啖啖肉滿足打邊爐必點凍飲，小麥草蘆薈汁，清新清甜，消滯解膩

朋友的生日聚餐，選了旺角的「老三火鍋」，雖然炎炎夏日，都一樣喜愛吃火鍋，因為最愛熱騰騰地把食物放進口的感覺。我們選了豬肺鍋做湯底，平時在家很少整豬肺，因清洗麻煩，外出食就最好。湯底的材料非常足夠，有菜乾、白菜和勁多的豬肺，先嚐一口湯，嘩！非常清甜，豬肺也軟腍好味。《本地滑牛》$68牛肉切得細細片，所以很快熟，只需幾秒，一轉色就食得。《黑豚肉》$68黑豚肉上枱時望落有D 肥，但煮熟後食落又唔覺肥，而有小小肥肉更好吃。《白鱔片》$78  《魚卜》$38平時很少去街市買鱔和魚卜回家煮，怕難整，這碟鱔片已切好，份量頗多，肉質有嚼勁，只是$78，抵食。魚卜煮熟後稍微偏硬，需要咀嚼較長時間。《鮮蝦雲吞》8粒 $58 《鮮滑腐皮》$26像乒乓球一樣大大粒的雲吞，和腐皮都很新鮮。《蘆薈蜜》$25怕熱氣的朋友可以叫一揸蘆薈蜜，清清熱。那麼夏天食火鍋就無有怕了。「老三火鍋」湯底正，食材新鮮，怪不得經常滿座。

聽說這餐廳的邊爐湯底好出名，喜歡飲湯的我特登來試試😋香茜皮蛋魚片湯底，芫荽控必點湯底一滾起習慣性飲左配靚湯先飲落湯底好清甜，湯底仲有皮蛋魚肉馬蹄系湯底，難怪個湯咁清甜啦，個湯底唔貴58蚊足料嘅湯底呢間仲有魚肉材料幾多算係性價比高落埋墨魚滑入去煮，個湯好似變咗海鮮湯底咁更甜墨魚滑好新鮮，非常之爽口彈牙，蟹子係即場拌入墨魚滑中蟶子有成隻手掌咁長，擺落去湯底度六十幾秒就可以即刻食啦，繩子的入口肥咪好爽口，值得encall雪花肥牛都算多 肉不會太薄，有口感的🤤牛柏葉好爽口

久不久都會有火鍋癮起，近排大多到訪台式火鍋店，很久沒有吃港式打邊爐🥢。想起友人曾經推介旺角附近有一間以老鴨湯底作主打的港式火鍋店，抵食而且免收加一，決定和夫君嘗試一番😉！地理位置方便，就在地鐵站🚉附近。店內環境一般，有點像港式大排檔feel！兩個人所以要了半隻老鴨湯底，及打邊爐必備的肥牛🥩和其他火鍋配料！正式打邊爐前，侍應先幫忙盛上一碗湯，湯底很足料，有香濃藥材味，味道清清地，亦帶有鮮甜的鴨肉味，不會太油膩，感覺清潤滋補！手切肥牛（細）- 牛味🐮甚濃，肥瘦均勻，而且切得厚薄適中！馬貝 - 侍應推介的當日精選海鮮！果然不錯，非常鮮甜爽口👍🏻！四寶餃 - 有椰菜餃🥟，韭菜餃，魚皮餃及細粒雲吞，真材實料，韭菜味香濃！醉雞丸併金沙蝦丸 - 醉雞丸很特別，是我們沒有嘗過的款式，中間會爆汁，有陣陣花雕味🍶，要小心食用！而金沙蝦丸中間側有鹹蛋黃蓉，蝦丸亦夠爽口彈牙！金菇 & 凍豆腐 - 味道正常，是包子打邊爐必備配料，這兩款都是很能夠索湯的材料！⁉️雖然這裏裝修不是特別堂皇，但是食物質素不錯，而且價格相宜，很適合一大班朋友來聚餐，一邊打邊爐，一邊喝啤酒🍺！店員服務亦很細心，會主動幫忙加湯和撇油，值得一

同好耐無見既好朋友聚聚, 朋友好鍾意食鴨腿湯飯, 記得之前同朋友黎過"老三火鍋", 所以就帶佢黎試下個老鴨湯底啦~ 一黎首先要揀湯底, 別無他選, 當然揀"老鴨湯", 因為我地得兩個人所以只叫咗半隻。 好快個湯底就黎到, 湯滾好就可以先品嚐老鴨湯, 真係好濃, 再一次飲都覺得好好味, 朋友都話果然無介紹錯, 我地都飲咗2-3碗先開始打邊爐😌唔好以為淆湯嘅肉就會好韌, 呢度嘅老鴨肉都仲係好嫩滑架, 朋友仲話如果可以配埋飯仲正😂🐂手切牛肉牛味夠濃, 肉質唔會好韌但有口感🦑墨魚滑上枱後店員會幫助撈好蟹籽, 好新鮮彈牙, 蟹籽份量都好多, 口感多層次🍡四寶丸新鮮制, 魚丸, 蝦丸, 墨魚丸同牛丸, 牛丸有陳皮好正, 其他都好彈牙🥟韮菜餃最緊要夠多韮菜, 皮又唔會太厚, 好味湯底其實都好夠味, 唔需要太多調味都ok, 最正係個老鴨湯, 半隻$78超抵, 仲有菊花茶一渣都係$20, 值得推介👍👍👍

老三火鍋沒有很華麗的裝修，但是空間很大，夠光猛，有種盡快開懷大食、暢飲暢談的氣氛。.市面上有很多麻辣火鍋啊、雞煲啊等等嘅火鍋，但以老鴨作為招牌湯底，這家「老三火鍋」應該是表表者。除了有半隻老鴨，還有其他滋補材料，例如紅棗、薑、杞子及素翅等等，很滋潤呢。飲落有種似老火湯的感覺，入口甘甜溫厚，有肉嘅鮮甜味，但卻沒有鴨的腥味。這個秘制老鴨鍋（半隻）才$78，非常之抵叫！菜單上也有很多不同的靚湯底，例如有花膠豬骨煲、水魚煲、醉雞煲等等，感覺上也是有很多材料的。全部火鍋湯底都不過$150，最便宜的才$58，都很便宜。值得一提，這裏還不收加一務費。.餐廳鼓勵我們先飲湯再打邊爐，我們每人飲了兩到三碗，湯底未打邊爐前都差不多清光呢。半隻鴨的份量也很多，有2隻髀，啖啖肉。肉質保持嫩嫩的，所以也可以當火鍋配料食，沾一點豉油食很好味呢。而且湯內有很多翅，湯底是十分的足料。.有很多不同的火鍋配料，例如牛肉及海鮮等等，亦有不同的小食。.右邊的是美國肥牛，左邊的是本地滑牛，很大碟每碟才$68。.煮熟後，美國肥牛呈一片片的，鮮嫩肥美，本地牛是呈條狀的，啖啖肉。兩者有香濃牛味。.雙併丸我選了（左）金沙鮮蝦丸及（右）醉

話說今日又有好朋友介紹，聽人講話旺角有一間火鍋店嘅火鍋係好特別嘅，噉所以我哋試食兵團又出動咯喎。這間餐廳就好似大排檔嘅格局，但係都算係企理嘅。今次嘅重點一定就係呢度招牌嘅老鴨鍋。啲侍應講話個火鍋其實係個老火湯嚟嘅，可以先飲湯，然之後再食，配料，同埋家打邉爐，噉就一於試下佢啦。上菜嘅時候就要煲一煲佢，服務員都好好嘅，會幫你裝埋湯。老火湯飲落真係好濃郁，好有鴨嘅味道，加上佢有杞子等等嘅藥材成分，飲落亦都順喉嘅，所以我一共飲咗兩碗。一來好好味啦，二來真係好特別，因為可以用老火湯嚟打邉爐。老鴨肉既質地就有如煲咗湯之後嘅肉，雖然味道較淡，但你加左配料之後其實都好食嘅。加水之後就繼續食火鍋喇。醉雞丸。呢個係餐廳嘅推薦菜，的確佢係有心做到好似醉雞嘅模樣嘅，首先軟方面嘅愛情都係厚肉嘅，明顯佢係用雞肉打落去，打開粒丸就有好多肉汁，應該係灌咗啲酒落去，但酒味唔重嘅。整體嚟講得幾遠都特別嘅，但醉雞嘅味道就唔算好突出。脆魚鯇。呢個都係值得叫嘅，魚無骨，輕輕一淥嘅時候就搞掂，食落去都非常彈牙，唔錯嘅。招牌餃。佢整嘅時候撈咗啲雞蓉落去，所以食落嘅味道都幾突出。蝦膠。呢個蝦餃又係好足料，基本上材料就祇有蝦同埋蟹子，

香港人四季都鍾意打邊爐，熱有熱食凍又有凍食，依排溫差都幾大，喉嚨成日唔舒服，有人話飲鴨湯比較滋補，對咳都有幫助，咁就專登嚟飲依個用老鴨做湯底嘅火鍋估唔到天氣熱都真係有咁多人鍾意打邊爐，依間店似乎除咗老鴨湯之外海鮮都係主打，魚缸有象拔蚌鮑魚等活海鮮人小小先點左半隻老鴨湯底湯底一上，見到冇花假有完整半隻鴨起個湯度湯底有啲鹹，應該有啲味精，飲完夜晚有啲頸渴，但係唔算好嚴重，隻鴨應該煮左好耐，用筷子一夾就骨肉分離，飲咗兩碗湯食咗啲拿之後就開始點火窩料見到佢有田雞，點完上枱先發現佢係新鮮田雞，雖然俾人斬開咗幾件但係隻腳仲喺度跳緊煮落又真係線條個肥牛唔貴，質素都OK，脆肉鯇魚骨腩，真係非常之脆，四寶餃子，皮薄

兩個人想打邊爐烚吓烚吓，呢度就最抵食！招牌老鴨湯底，足料有埋半隻鴨，都係$78 ，認真抵食。店員推介，首先飲咗碗湯先，藥材味香濃，蓋左鴨嘅酥味，滋補養生。鴨肉好淋好入味。食晒都幾飽㗎！ 呢度最好嘅就係，部份同價配料可以加$10雙拼。人少少都可以叫多幾款啦！平平哋嘅本地手切牛已經好好食。牛肉新鮮。肉質夠淋又重牛味，抵食之選！招牌醉雞包心丸，肉丸爽口彈牙肉質鮮甜，裏面包住啲酒，一咬酒同肉汁流晒出嚟，超好食！加$10拼埋墨魚丸，同樣爽口彈牙！點埋四寶餸同 珊瑚蚌拼貴妃蚌 ，加加埋埋十款配料。2個人，$400埋單，抵食！店員仲好好服務，不斷換碟加湯，仲會幫你隔油，好細心呀

同朋友聚會，我地最鍾意就係打邊爐，因為每個人都可以食自己鍾意食既野，而且一年四季都可以食，我地今次去左呢間用鴨做湯底既舖，坐底之後店員會拎火鍋醬料俾我地，簡簡單單有蔥、蒜、辣椒粒等四款醬料，之後揀湯底，店員主動同我地介紹佢地既招牌湯底-老鴨鍋，個鍋滾起之後店員同我地每人裝左一碗，話飲左湯先打邊爐，個湯好足料，好清唔油膩，鴨肉已經煲到骨肉分離，肉味濃郁，飲完湯就可以開始打邊爐啦!蟶子皇雖然食到尾有少少沙，但都幾大隻肥美，好新鮮。魚卜好新鮮，個個都脹卜卜，店員拎到出黎會幫我地剪開，膠質重，唔錯。炸魚皮好大碟，每塊都又大塊又脆，唔會太咸，好好味。鮮淮山每次打邊爐都會叫既鮮淮山，夠新鮮爽口。蟹柳棒呢度啲蟹柳唔係出面啲cheap cheap 假蟹柳，味道係好正常架!油麥菜個樣好靚仔，好新鮮，而且個份量都幾多。稻庭烏冬食到最後一定要食返個烏冬，佢地會提供埋"罩呢"俾你裝住個烏冬，烏冬吸收哂湯底既精華，好好味。優質蘆薈蜜我地叫左一渣蘆薈蜜，清清地唔太甜。值得一提既係，呢度係免加一架，而且呢度啲店員都幾細心，會經常過黎同我地加湯，而且又會主動幫我地撇走面嗰層油，值得一讃。

平凡既我地就去左老三火鍋打邊爐，佢唔係任食火鍋，不過啲火鍋料都唔貴。打邊爐既精髓就係個越滾越濃既湯底，所以黎到老三一定要試試佢個老鴨湯底🦆，好香藥材味，飲落甘甜順喉，仲好補身💆🏻‍♀。我地仲係正式打邊爐前，叫左個炸腐皮卷，即係炸響鈴，佢新鮮炸，拎到出黎仲熱辣辣，浸落老鴨湯，吸晒啲湯汁，真係好滋味😋叫左手切靚肥牛🐮，肥瘦適中，厚薄均一，就牛味十足，滾到全熟都唔會un到咬唔開，不過當然就梗係灼佢十秒左右就最好喇😌仲叫左羊肉片同雞件，羊肉片好重羊羶味，大愛羊肉既我地就好like🥰。一份雞件都有差不多半隻雞🐔既份量，好夠誠意，仲無雪藏味💯之後叫左新鮮黑牛栢葉，出面好多都係加工漂白既白牛柏葉❌，所以識叫一定叫黑牛柏葉，口感彈牙好多架㊙另外叫左四寶丸同韮菜餃，四寶丸有牛肉丸🐮， 蝦丸🦐，鯪魚球🐟同墨魚丸🐙，每款丸類都係手打，食落口感都鬆軟爽口又彈牙。而韮菜餃🥟就係佢地人手包，真材實料，好香韮菜味🤤去到最後，點少得叫蜂巢豆腐同蔬菜🥬，佢哋吸哂個精華湯底食落真係好甜好好味，食晒之後我地仲食得唔好嘥😏，拆埋啲鴨肉食🙈老三火鍋賣點係價錢實惠，材料新鮮，估唔到服務都好貼心，有打邊爐經驗既你地一定知道打邊爐打