老三陽 (已搬遷) 新店位置

我十分愛食生蟹,但醉蟹是第一次,之前都係食潮州式或是韓式這裡是用大閘蟹做,420蚊有4隻酒味勁重,重到我都被醉倒了呵呵大閘蟹的膏真係好多,很飽滿,食落去感到酒味的香醇,但欠缺了咸味,因此不太O岩我食,因為我認為要是咸味調起蟹的鮮(即係我食開O個D),從而令到蟹味更甜!這個酒味太強,,無咸味不太懂欣賞(個人口味問題)本身想買寧波搶蟹,但賣光了,希望下次來到有貨啦

正值大閘蟹季節, 當然要吃大閘蟹啦! 為了信心保證, 我便去了老三陽, 這個上海老店, 買了一共8隻大閘蟹!!!4隻細($60一隻), 4隻大(~$85一隻)!老三陽十分細心, 它附送了紫蘇葉, 薑, 糖和醋, 回家以後只需刷一刷, 蒸15-20分鐘, 便可以吃了!!老三陽的膏超多, 在蒸的期間就不斷湧出來 我個人最喜歡吃大閘蟹的蟹膏, 所以我比較喜歡吃乸 不過公的蟹肉確實比較好吃~ 所以如果你喜歡吃肉的話就吃公吧~那些蟹膏很鮮甜, 沾著配料(薑粒、赤糖、浙醋)一起吃就更美味 不過我也吃了一隻沒那麼鮮美的 要講運氣吧! 祝大家選中靚蟹最後, 附送大家一個大閘蟹食法：1. 烹煮前，先用刷及清水把蟹身、爪和鉗清洗乾淨2. 取數片紫蘇葉放於蒸鍋的水中煮沸 (由於蟹為寒性，而紫蘇葉有驅胃寒之效，更能去除腥味，令大閘蟹更鮮香)3. 將洗淨的蟹 (不用解水草)，待水燒開後，肚向上放入鍋中猛火蒸 15 – 20 分鐘 (可根據蟹的大小增減時間)4. 取出後，配以用薑粒、赤糖、浙醋調成的配料點食，倍覺鮮味

放工想食好些所買了些大閘蟹回家, 老三陽是傳統老店, 去這裡買因為信心有保證. 而且店員認真幫手, 勤快!蟹實心有重量, 生猛精靈, 附送紫蘇葉, 薑, 糖和醋. 還有剪刀供應, 所以回家洗刷完蟹就可以蒸食, 容易簡單.蟹很多膏, 軟軟香噴噴的膏真的很美味呀. 鮮甜多油, 濃郁. 極品! 就算肉也有不少而且鮮甜, 很好食很滿足.

每年這個時侯都會令一眾愛吃大閘蟹的人特別開心，包括我。等了一年終於又有得食。 今年到目前為止，已大大話話吃了7餐大閘蟹，滿足。其中一餐的大閘蟹是購自銅鑼灣老三陽。我們吃的是4兩半的太湖公蟹，$60隻。每只都好生猛。買蟹都包了紫蘇葉，姜、糖包和醋，全套齊全，回家只需洗蟹、蒸蟹和煲羌茶便可，簡單方便。大閘蟹水準不錯，很多膏，白膏很香軟。而蟹肉都鮮甜，美味。以這價錢有這貨色，的確不錯，而且到底是老店老字號，令人買得較有信心。

大閘蟹的季節又到了~~ 係團購網見到做緊139一隻6兩蟹公,一口氣買左14隻同家人分享 去到拎時,見哥哥係560蚊一斤到拎蟹俾我~嘩.. 好抵呀一返到屋企即煮 ....膏香肉甜,仲隻隻爆膏添呀 =)一晚KO晒14隻,SUPER滿足

網上團購買左6隻公3隻乸, $100三隻, 未拎之前經過見老三陽唔洗團購都係$100三隻, 覺得好似蝕左點知到拎時, 佢拎$50隻比我, 個心就舒服返晒, 拎到返屋企先知佢無比紫蘇葉, 即刻落街買出炵爐啦其中一隻D膏多到流晒出黎,已經反轉蒸都咁勁打蓋, 爆膏, 個腮白雪雪, 靚野先食蓋, D膏好好好香我媽本來諗住純粹食下,點知食到停唔到, 足足食左兩隻半而我....當然仲多~四隻半, 個人比較鐘意食公, 膏較香, 乸ge硬膏唔太鐘意幾隻蟹足足食左我三個鐘,食到呀媽唔等我開飯, D蟹腳要HOLD住, 食左飯先左食最後飲埋碗薑湯就好滿足

其實每年都有幫襯老三陽買大閘蟹，結合多年經驗，發現越大嘅蟹，瀨嘢嘅機會越高。以今年為例，咬實牙根，買咗$400一隻嘅大蟹，9隻裡面有2隻唔新鮮，所謂唔新鮮就係蟹羔點樣蒸都係水汪汪，重帶啲腥味，蟹肉亦唔實。真係食有驚肚痾，唔食又白蝕。其餘5隻就好似張相咁，有帶微黃而油甘極香嘅蟹羔，但份量唔足，反而充斥住嗰啲白白哋色半透明狀，據說係蟹公荷爾蒙嘅嘢。又唔可以話唔好食，不過咁貴，我會期望爆唒羔囉，不過都好彩，有2隻符合預期，勁爆羔！講到尾，呢啲真係高風險買賣，自己又唔識揀，又無得換，更加無得退錢。所以一定要揾間口卑好，老字號都係參考下嘅啫。

是日與友人途經此店，蟹癮又作。店員哥哥推薦東太湖大閘蟹，又說現時要食蟹公。問不是九月圓臍十月尖咩？ 他說不是！心想：老字號唔會為散貨而推薦唔好品質與客人啩！ 即買了四隻東太湖大閘蟹公及芝麻湯丸。大閘蟹：蟹身蟹爪肥美肉鮮，蟹油滲透蟹肉，入口鮮甜甘香。蟹膏肥腴軟滑，黏口甘香。完全不用蘸點醬醋，嚐其鮮味！芝麻湯丸(小粒裝)：湯丸皮軟滑煙韌，難得餡料不太甜。配薑茶一流！

上海粽味濃芳香, 老三陽每年都有各式口味, 整整齊齊的放在門口開賣, 每隻都好結實~這次試的是紅棗粽($12) 和 蛋黃咸肉粽($24) 紅棗粽是白糯米包着兩三顆紅棗, 要吃到中間才會嚐到紅棗的香甜, 如果是紅棗蓉混黑糯米來包, 味道一定更均勻甘香 咸粽則先用醬油浸過糯米, 裹着上海咸肉和蛋黃, 味道濃而不過咸, 豬肉有咬口, 加上蛋黃, 實在好香好滋味上海粽只用糯米而沒有綠豆, 比廣東粽更飽肚也更易膩滯, 愛綠豆者也或會不太喜歡上海粽總括來說算不錯, 但價錢比一般街買的廣東粽貴上兩三倍值不值是見仁見智, 但還可以一試

今年端午節我的食粽quota給了老三陽，買了最愛的紫米豆沙粽和蛋黃金華火腿粽。除卻紫米粽，我不愛食甜粽，鹼水粽更是敬謝不敏。拆開紫米粽，整條深紫色的，簡直紫得反光。是紫米混入了糯米，紫米遠較糯米煙韌，同樣難消化，不過食開三色米的我自然沒問題，不過全用上紫米的話就真的會對腸胃造成負擔。豆沙餡香甜又軟滑，和較淡但有嚼勁的紫米確是絕配。豆沙味道不會一味死甜，分佈較很多店的出品平均，不會僅僅集中於中間，很細心。蛋黃金華火腿粽更為出色，甫翻開粽葉，香氣撲鼻，糯米全被醬油染成淺啡色的，煞是吸引~切開後看到火腿粒和蛋黃，蛋黃帶些許油份，火腿粒還帶著半溶的油脂，是較重口味的粽，與我向來口味不同，但食起來鹹香又豐腴，既邪惡又滿足，實在難以抵抗。配上杯清香的綠茶或者香片，便可消除膩滯。如果怕味道太濃的話，可以試試其鮮肉粽，食起來沒那麼膩，但同樣吸引。平素食家裡包的粽，最愛加大量綠豆，這裡的出品雖然沒有，卻別有一番風味。最好的是這店不僅端午時節有粽出售，平日亦有，嘴饞的我有福了~ ^^

我們經「團購」訂了半籮老三陽的陽澄湖大閘蟹，正好用來賀JJ生日。半籮共29隻，雄蟹每隻重五両多，雌蟹每隻重四両多。半籮售價為2400元，平均每隻85元。 除了大閘蟹外，我們還準備了約800元的火鍋食材，這頓晚飯實在是非常豐富呢！我們九個人共分得每人三隻蟹有多，膽固醇勁升(>_<) 連我這個拆蟹高手都覺得拆到有點累！食到有點漏！雌蟹的底部呈圓形，體型較小，但蟹黃量較多，呈固體狀，甘香美味。雄蟹的底部呈三角，形體型較大，蟹鉗也較巨，蟹黃較少，呈流質狀，肉厚鮮香。個個都食到笑逐顏開，非常飽足。咁就一口氣吃光了三千多元的食物，JJ這個生日派對實在是花費不靡呢！總括我的經驗, 每人食2隻剛剛好, 食3隻OR MORE 實在太累了, 口又累, 手又累

今年試過係幾個不同的地方買大閘蟹有些店品質不一，蟹膏會苦苦的..這間的品質暫時係最好的...漿糊般的黃膏...買左約五両重的蟹公，每隻大約$110送紫蘇葉+醋+薑+赤糖

11/06/2011, SAT數天前跟媽咪倆到太平館吃過晚飯後順道來買幾隻上海甜粽回味一下，而且那個時候又是端午節所以也來應應節吧！光是以紅豆為主的甜粽就已經有好幾款，買來了紅豆豆沙粽 (HK$20/隻) 及桂花紅豆粽(HK$18/隻)。自己較喜歡有豆沙餡的所以先嚐個紅豆豆沙粽吧！紅豆豆沙粽糯米軟滑黏糯，蒸過後傳來陣陣香葉的芳香。而內裡的紅豆豆沙餡實在是討得我滿心歡喜呀，豆沙餡很清甜又不過膩，吃得出沒有加入大量糖份，所以紅豆本身的食味非常突出，而且豆沙質感相當細滑香軟，加上混合在糯米內的原粒紅豆粒同吃實在是口感豐富。是相當好味道的豆沙粽呢！

今天是公眾假期，先不厭其煩恭祝各位食友端午節快樂，既然佳節當前，也順勢談談粽子，今次就不談粵式的出品，而是一些屬於江南的風味。如有拜讀過金庸先生的鹿鼎記，當知道韋小寶初遇其可愛的丫環雙兒之時，就能品嚐到她親手包製的粽子，單憑文字敍述已教人垂涎，書內所言的是聞名的湖州粽子，經網上考證之下，應該是指現今的上海粽。身為祖藉浙江的查大俠，除了有深厚的文筆之外，私底下也是老饕一名，對其飲食心得，應有一定的可信性。正值無心算有心，週六下有事去了銅鑼灣一躺，記起區內有名的南貨店老三陽，因扺受不住業主的大幅加租，最後要放棄了原本位於利園山道的舖位，轉戰於附近的白沙道。雖然有點無奈，這傳統的南貨風情總得以倖存，不致淪為超市的上架貨。既然有點時間，也就到了這新舖買上一至贡兩隻。購客比想像中為多，更出現了一條小人龍，當中不少更屬年青一族，好應驗「古老當時興」這句老話。看門口處置有多種味道款式，有嘉慶鮮肉、桂花、鹹肉、甚至貴價的鮑魚瑤柱等。既然要吃傳統的風味，就依照當年韋爵爺的心水口味，先來一隻梘水豆沙，再選一隻金華火腿味，期間侍者也落點咀頭，也揀了有鹹蛋黃的，兩雙承惠共四十四元。隔天找家人翻蒸作早餐之用，看

雖然我係一個廣東人, 但就好鍾意食上海糭, 所以每年呢個時候都要去一去老三陽; 佢地其實一年365日都賣糭, 但總覺得端午去買會好食D, 而實際上, 佢地端午其間的種類, 的確係會多D嘅。今次買左3 隻, 上海咸肉糉(HKD20)、金華火腿糉(HKD22)、嘉湖鮮肉糉(HKD20) , 味道依然, 唔落豉油都夠味, 點小小塘就已經好好味, 雖然料唔似而家嘅糉咁豐盛又瑤柱又鮑魚, 但傳統啲上海糭就係咁單純 。過兩日再去買幾隻甜糉先