老媽拌麵 (屯門市廣場1期)

营业中

休息中

最近發現屯門市廣場好多舖頭都轉哂 新進左好多新餐廳 其中一間就係老媽拌麵(利申:可能係我太耐無去屯市🤪) 見佢地個裝修幾特別 而且職員好落力推介客人入餐廳 呢個位幾值得表揚川味紅燒三寶牛肉麵🐮🍜 ($82)個牛肉麵大到大過小編塊面 湯底有小小辣 幾開胃 同埋有濃濃嘅牛肉味同滲住其他香料嘅味道 飲落濃而不膩 另外值得一讚係所有材料都非常入味 牛𦟌煮到好淋 有種入口即融嘅感覺 清燉牛肉湯鍋🐮🍲 ($108)其實呢個鍋係可以兩個人食 因為同樣有好多配料 牛肉就正常 不過鍋裡面有台灣墨汁花枝丸 響鈴 蝦券 芝心豆腐 雞蛋等 非常豐富 重點係配埋佢地個關廟麵 質地好煙靭 一直煮都仲係好彈牙 推介九層塔打拋豬肉生菜包🐽🌿🥬 ($98)呢個係加左番茄嘅打拋豬肉 加埋九層搭同辣椒 唔食得辣嘅朋友可能要準備定杯水 值得一讚係佢地相對無咁多肥膏 對減肥嘅小編黎講一大恩物😂豆乳香香雞🐔 ($52)另一個恩物就係香香雞啦 蛋白質食物唔怕食😂😂(藉口) 配上腐乳食 味道幾特別 屋企人好欣賞鳳梨茉莉茶🍍🍵 ($26)飲落先黎甜甜菠蘿味 之後滲住淡淡茉莉味 估唔到咁香茶味 值得一讚冬瓜檸檬茶🍋 ($24)呢杯係屋企

早兩日約咗朋友仔去黃金海岸沙灘玩，佢之前，就去屯門市中心搵嘢食先！我哋揀咗想去最頂樓，食台灣嘢😍食飽飽先有力玩㗎嘛😝呢度主打食拌麵，媽媽就叫左個私房花雕雞拌麵，啲雞柳醃都入晒味，勁好食😋用埋啲酒汁伴麵，真係超正呀！呢到啲麵條好特別，不規則嘅邊邊，有助掛汁，令每一條面都掛滿汁醬🥰偽韓仔就叫左個車車造型既兒童餐🤩佢一見到車車餐盤，已經超級開心🥳選對的餐碟，真係可以吸引小朋友食多啲😝呢個照燒雞飯兒童餐，分量超多，拍得住一個普通成人餐嘅份量🤣偽韓仔麵食唔晒，佢仲附送飲品同埋沙律，仲有小食😅媽媽仲叫咗一個花枝丸同埋台式飲品，花枝丸非常彈牙鮮甜，好好食😋而荔枝綠茶，就係出面手搖店既質素，麵唔錯架🥳

屯門市中心又開咗間新嘅台式餐廳，老媽拌麵，相信大家都唔陌生。就係個款白色彎彎曲曲的闊條麵，超掛汁。椒麻半筋半肉拌麵 $82賣相好吸引，有2塊牛展同3件牛筋，仲有半隻雞蛋。我超級鍾意食呢度嘅牛筋，煮得好淋，帶少少煙韌Q彈，滷水味十足。店員好好，走來提提個麵要連同下面的麻辣醬汁攪拌食，清燉牛肉湯喎 $108牛肉湯底比較清淡，食到配料的原汁原味，大部份都係台灣直送的，有玉子豆腐、墨魚汁豬肉丸、蝦餃、赤目魷魚、芝士丸。當然點少得佢哋嘅主打 關廟麵。到最後個面加入少少豉油同辣椒油攪拌一齊食，正！燙青菜 🥬 $22係整整半個生菜，好得意，再淋上自家製嘅蔥油，生菜新鮮好爽脆，好味😋。鳳梨茉莉茶 $18甜度固定，但可以少冰。大大杯，茉莉茶味好香，唔會太甜，仲有一粒粒鳳梨果肉食，清涼解渴。仙草凍鮮奶抹茶 $38呢杯係特飲，雖然價錢有少許貴，但物有所值，味道很香濃，抹茶味🍵微甘帶乳香，值得一試。

我係第一次難食到食淨左野🥲叫咗碗和牛拌麵（肉碎）首先雖然話係肉碎，但係我冇expect到真係剩係得幾粒🤣其次 佢個麵煮得好淋！完全冇咬口！一pat野咁！食拌麵半年最精華嘅應該要係個醬汁！但佢個醬汁淡到不得了😂好似係加咗幾滴鼓油嘅水！一碗咁難食嘅嘢連埋+1都要80幾蚊越食越嬲！最後淨咗一半😀😀😀見到我食淨嘢證明佢真係好難食。然後再聽其他朋友嘅評語，話係其他分店食，都係話好難食！ 勸大家可以唔使試呢間咁伏嘅嘢😂

地獄麻辣牛肉拌麵 $72(可選 ： 粗麵 / 幼麵)日曬關廟麵是老媽拌麵品牌的招牌，J妹選了粗麵 (關廟刀削麵)，形狀彎彎曲曲、添空氣感又容易掛汁。牛肉，肉質軟腍，麻辣味香，半熟蛋，蛋黃軟糯、漿口🤤蔥油嫩雞拌麵 $62(只供幼麵)成碗麵連埋雞肉都充滿葱油香！幼麵，質感細密煙韌，半熟蛋，蛋黃軟糯、漿口🤤炸地瓜條 $32香脆，本身已經有天然蕃薯甜味，面層再灑上梅粉，增添味道變化，好食！澎湖花枝丸 $32有7粒，每粒外層都炸得金黃香口，質感扎實而彈牙，內有墨魚粒，蘸上台式酸甜醬，又另一種口味層次～老媽黑糖珍珠鮮奶茶 $33奶茶滑，黑糖珍珠甜甜的，口感煙韌，Q彈！_______________老媽拌麵 (屯門市廣場) (屯門)屯門屯順街1號屯門市廣場1期3樓3223及3225號舖_______________

曾經於網購平台及超市上買過老媽拌麵的即食麵，驚喜見到原來有實體餐廳，而且仲要在好多區都有分店，於是入內一嚐。個人認為食飯除了品食物味道亦要品餐廳氣氛及裝潢，可是今次經過的是屯門市food court 的一角，但已見餐廳亦有努力去為開放式的空間佈置及添加自己品牌的色彩。食物價格不算便宜但尚可接受，因價錢反映麵條的品質以及製作食材的功夫。我點了個川味紅燒半筋半肉牛肉麵，湯底的味道確實並非個人慣常食開的口味，有點偏重，但麵的品質是煙韌的，牛筋咬口剛剛好，牛肉亦嫩。配了一杯蘋果蘇打，但我更欣賞那杯冬瓜檸檬，值得一試。既然叫得拌麵舖，怎可以不嚐一下他們的拌麵？故亦點了個和牛炸醬拌麵試下，不知道和牛是否已融合了炸醬，但味道是不錯的，更合我的心意。另亦點了個香煎蔥抓餅，香煎程度剛剛好，只是感覺味道可以多一點層次，例如在伴菜或伴醬上可下點心思。

🍜我的老媽拌麵👩🏻‍🦱屯門市中心多嘢食台式美食你又識唔識♪( ´θ｀)ノ寬敞舒適唔擠逼我最鍾意溏心egg🥚🍳哈哈～～上到屯市三樓嚟到一個台式corner梗係食下台灣過江龍老媽拌麵啦🥢川味紅燒三寶牛肉麵🥢私房花雕雞拌麵好多麵食都可以揀麵種粗粗幼幼任君選擇🤗🥢黃QQ地瓜球内有花生碎～～香香甜甜🥢鳯梨氣泡酒( ´▽｀) cheers真係來自寶島㗎🤍📍老媽拌麵 @momsdrynoodles 屯門屯順街1號屯門市廣場1期3樓3223及3225號舖#招牌牛肉麵 #老媽拌麵 #花雕雞 #台灣 #甜不辣 #關廟麵專門店 #屯門美食 #香港美食

老媽拌麵以前成日係超市買老媽拌麵食，估唔到屯門都開咗間，今日就同男朋友去食個晚餐。餐廳既裝修好簡約，以淺木色為主色調，有種屋企既感覺。門口掛咗佢地主菜既名牌，好有台灣既風格。今日可能夜咗少少收工，一去到排咗冇耐就入到去了。餐牌設計得好靚仔，第一頁有介紹唔同種類既麵條，菜式有好多選擇，除咗拌麵之外，仲有好多台式小食，令人非常回味以前去台灣旅行既時光。咁夜食飯又唔想肥，唯有叫多啲小食啦。我地揀咗酥炸甜不辣，外皮炸得好香脆，而入面又好煙韌，外內口感形成強烈對比，加上辣中帶甜既醬汁，非常醒胃。第二樣係台灣香腸，肉汁好豐富，食得出好香既豬肉同油脂味，配上刺激辛辣既生蒜，好惹味。我地見隔離枱既韮菜豬肉水餃好飽滿，好吸引咁樣，咁我地都吹咗一客。水餃火候掌握得好好，外包有咬口，餡料屙多好新鮮，意想不到咁好食。黎到主菜，我地就揀咗佢既人氣推介，花雕雞拌麵。首先，麵條係關廟麵，比較闊身同埋有好多波浪紋，形狀感覺上會比較掛汁多啲。雞肉有四大件，酒味都好突出，雞件亦都好滑。醬汁味首濃郁，但唔會過咸，真係幾好食。最後我地叫咗個花生地瓜球作結，口感同能灣夜市既有啲唔同，但口感軟糯，加埋一粒粒既花生中和甜味，唔錯呀

➖地獄麻辣牛拌麵 $72千其唔好比「地獄麻辣」🌶嚇親🤣其實一啲都唔辣 反而係好香麻油 麻辣既味 拌面我揀咗粗麵(刀削麵)麵質較為闊身之如 都比較有咬口啲 🐮牛肉份量好多 嫩肉 同埋都好接受係台灣食拌麵既味道〰️🙌🏻➖私房花雕雞拌麵 $78原本睇錯以為係花鵰醉雞面，黎到睇番先知係台灣傳統花鵰雞🤣🐣味道都幾濃香 雞件幾滑同入味 好岩配麵食😝👍而撈麵汁就應該係麻油加醬油汁 岩哂唔食得辣既朋友食〰️☺️➖仙草凍抹茶鮮奶 $38飲品方面超多選擇🧋🥤🍹🍵除咗珍珠奶茶之外 但有鮮奶茶 涼茶 水果茶 花茶 汽水 強烈推薦一定要飲 #仙草凍抹茶鮮奶 😳！綠色雲石feel好靚💚🍵😝味道好重抹茶味 而且唔會太甜 仙草飲到最後仲剩好多🤣〰️➖豆乳香香雞（小食）$52有驚喜的香香雞😚賣相望落同台灣夜市既炸雞好似😗唔好睇佢望落好乾身咁 入面雞肉好嫩 仍然有保留肉汁 點配豆乳醬都幾特別 我自己都幾中意豆乳😝！➖黄QQ（黃地瓜球＋花生碎）$56好耐無食 #地瓜球啦🟡🟣🟡🟣除咗配花生碎 仲有朱古力同芝士選擇 地瓜球咬落好軟熟 暖粒粒 令我諗起炸湯圓😗〰

勞動節去慰勞下自己可能侍應大人們五一要番工唔多開心，小人入到去有少少受氣…先講杯珍奶真係好夠凍…不過冰真係有點多變相溝淡哂味道肉燥撈麵，味道正常，唔伏不過無咩驚喜常言道餐廳嚟講，好食係基本不過服務都係重要一環唔該留意下

是日午餐叫左清燉牛三寶麵同川味半筋半肉牛肉麵，等左廿幾分鐘野食先到，嚟到啲湯係凍嘅，堂食啲湯竟然都可以係凍，真係唔知碗麵放咗喺度幾耐，還是將有人棄單嘅俾我哋！牛三寶麵又俾少咗牛肚，叫佢加返牛肚，又唔知喺度做乜，碗麵差唔多食晒先嚟，啲牛肚仲要好鬼咸，明明當時客量都唔多，啲店員都好似乸手唔成世咁，服務態度又差！食過今次之後真係唔會再去老媽拌麵，屯門市廣場咁多美食，質素咁差嘅餐廳都仲可以繼續做真係奇蹟。

台灣人氣飲食品牌 - 老媽拌麵台灣人氣飲食品牌老媽拌麵除左有推出即食拌麵外，係台灣亦有關廟麵專門店，前年更登陸香港，先後係將軍澳、荃灣及上環開設分店。係2020年，老媽拌麵亦終於宣布開設香港第4間分店，新店選址屯門，其實已經開始營業一段時間啦，住屯門既CK我當然唔可以錯過啦喇！餐廳唔算好大，大約只有20個坐位，不過空間感十足，唔會有被困住既感覺。老媽拌麵專門店除左有唔同口味配料既麵選擇外，亦有飯類、台式小食、甜品及飲品等提供。由叫野食到到餐都唔洗10分鐘，都算有效率既 ! 咁就簡單講下我同朋友叫左咩野食啦~和牛炸醬拌麵 : 和牛炸醬好惹味，而且餸既份量都唔少，仲有一隻脆邊蛋，好少食店係真正做到脆邊蛋，好驚喜 ! 炸雞扒飯 :  雞排飯係一道簡單易做既輕食料理，入口之後，先嘗到既係醬汁既酸甜，然後嚼出既係雞既脆香，最後食一口米飯，胃口得到極大既滿足 !酥炸甜不辣 : 以家傳既手工甜不辣切條，炸至宛如餅乾般既酥脆口感，真係太正啦！澎湖花枝丸 : 選用新鮮花枝製成，顆顆紮實飽滿，一食就能品嘗到果種爽口Q彈既好滋味！新鮮又美味，令人一口接一口停不下來！晚餐料理最佳首選！老媽拌麵專門店地址：屯門

Many Taiwanese restaurant opening oversea branches in hongkong, and this one not missing, just let’s have a try and this turned out not badOrdered Fermented Bean Curd Flavor Deep Fried Chicken Rice, i didn’t notice this is fermented bean curd which is chinese sauce oh my god, i thought that’s milk sauce instead the taste is so different, though not too bad, just a new taste for me, i didn’t expect that large portion and i’m surprised when it comes. There are around five big pieces of fried chick

今日同屋企人去市中心辦年貨，行到攰見到呢間係超市有上架品牌既實體店，印象中係台灣人氣伴麵。由於我哋2點幾先去食嘢，所以店內唔算多人，亦無需等位。店內環境寬敞而且舒適，冇小店個種壓迫感先睇下個menu，好多選擇，由於太肚餓所以決定叫兩個套餐，一飯一麵咁Share食。屋企人叫左個「麻辣老鍋麵」，一上枱，滿滿的餸已經非常吸睛，幼麵彈牙，湯底濃郁帶點辣，餸方面有肥牛/響鈴/墨魚丸/豬紅，份量十足而我叫左個「九層塔打拋豬飯」，有個涼拌豆芽作前菜，主菜就由蕃茄+豬肉+九層塔嘅配搭，酸酸辣辣好醒胃，飯上面加左隻荷包蛋，撈埋一齊送飯好正野飲就叫左「老媽黑糖珍珠鮮奶」+「老媽黑糖珍珠朱古力」，值得一提既係珍珠好煙韌，令成杯飲品提升層次！總括嚟講，環境、食物質素同店員服務都唔錯！

現在能做的就是對朋友好一點❤️好朋友成日都好鍾意食麵，偏偏遇上不愛吃面的我。老媽拌麵係台灣一個出名嘅牌子，而朋友成日都網購買佢嘅麵，咁啱俾我知道我哋附近開咗間老媽拌麵嘅分店，啱啱好可以等佢放工然後同佢食。見到餐牌，我哋竟然不約而同咁簡左大家既決定。簡左暖在心一人鍋，佢有兩款選擇，清燉牛肉湯同老媽秘製麻辣鍋，無辣不歡既我緊要試試麻辣既，最緊要佢有台灣出名既鴨血係入面。我覺得佢個邊爐湯底其實就係佢麵嘅湯底，雖然啲辣唔算話好勁，但佢個湯底都幾濃郁唔錯。入面除左鴨血，仲有墨魚豬肉丸，蝦餃，爆濃蟹子丸，赤目魷魚，麻辣豆腐，肥牛，雞蛋同關廟麵。整體黎講都多料，天氣凍就岩曬打邊爐，而佢既配料都係邊爐必備既食物🥰另外叫左佢既川味紅燒半筋半肉牛肉麵，麵可以簡刀削麵或幼麵，朋友話中意食佢係因為粗麵，所以緊係簡刀削麵啦！牛筋好淋，肉都唔錯，最好食緊係個麵，我秒間食完成碗，朋友心諗我咩事，係唔錯既，令我中意左食麵。豆乳香香雞係香港期間限定，當然要試試，原來豆乳係有啲麵豉醬既味黎，佢唔係淨係個醬有呢個味，個雞都有味架，值得一試。野飲簡咗黑糖珍珠鮮奶茶同冷泡茶，呢兩個係台灣都係好有名。黑糖珍珠唔算好甜，幾好，茶更加