老爹茶居

营业中

休息中

已經幫襯咗好多年，好中意食喱個包，碎蛋沙律三文魚法包配薯條，好好食，簡簡單單已經好好。下午茶有餐就仲抵食，平啲再加埋野飲。未試過食其他野，下次再去試下其他野食！

今日同屋企人一齊吃呢間嘢，點知根本就搵笨嘅！首先,佢每一樣餸都係改DD嘢就當另一樣餸！例如:肉醬法包配炸薯條同吞拿魚法包配炸薯條有咩分別？！！！只不過係同一樣餸改咗啲嘢,唔該你認真啲做餸好冇！！！可能你只係想比多D餸客揀,但我寧願你唔好咁樣求其諗餐單lor...仲有,個司華力腸肉醬焗飯先係最唔抵😠我屋企人諗住有成條司華力腸或者半條司華力腸喺上面,點知淨係得四小塊司華力腸係喺度搞乜嘢！？？仲要買成七十幾蚊,我話畀你聽你呢個餐只值四十幾蚊好冇！！至於其他餸菜都係麻麻地,全部都係簡單易做嘅餸菜,呢間餐廳根本就冇畀心機做嘢,cp值超低😐我以後都唔會再去呢間餐廳,又唔平又唔靚又唔正🤮

老爹嘛…次次經過都要等位😴難得散完步行過見冇人排就直入👻{下午茶} ✓手作大蝦多士$37 - 香脆唔油膩、個什果沙律都幾好。跟餐+$8一配凍珍珠奶茶。✓鮮用棒棒餃子 - 食味一般、$35嚟講有啲屈機🤔 跟餐+$8配凍咖啡。全單+10%、其實有啲貴😅

馬鞍山出晒名係美食沙漠，不過都仲有啲清泉，呢間老爹茶居就係呢度數一數二嘅清泉，佢主要係食西餐，走平民路線，好多附近嘅街坊都嚟開飯。😋今次我揀咗一個好特別嘅牛仔骨同埋紅蔥頭Risotto，粉紅色嘅Risotto米飯真係好Fancy，粉紅控見到一定會心心眼😍，味道方面都幾特別，甜甜地幾好味，口感亦軟硬適中，😋牛仔骨肉質恰到好處，亦好入味，以呢一區黎講，唔知食乜好嘅時候，呢度嘅食物同環境真係一個好選擇！

本身見到這間老爹，還以為很特別，是有什麼特別的港式西餐廳嗎？亦都因為看了99台的節目，在測試這間餐廳的馬來夜香咖喱牛腩窩，但印象中評語是汁醬夠香，但牛腩炆得不夠軟林綿化，因此來到亦都未有嘗試。😏看到餐牌的選項，然之後還是點了鮮茄汁牛脷，鮮有的叫了意粉，因為想試試意粉如何，🤷🏾‍♂️反正近期晚上也常常吃飯。非常快就端來，賣相正常，幾片牛脷疊在一起，還有細細箸意粉，意粉亦都沒有撈汁，雖然不算是太過凍，😴但沒有什麼汁醬，又確實比較淡。果然，汁醬不夠多，意粉吃落甚淡，唯有用幾片薄牛脷意粉一起吃。 珍珠奶茶反而不錯，茶味夠，少冰也做到了，不會淡化了茶味；珍珠夠彈牙，不太軟林，茶味還帶有少許甘香。進店一時許，離店一時半，只坐在店內半小時，下單、端餐、端飲、埋單，四次服務，收費加一服務費，感覺不爽。店內的確有不少老爹，像銀杏館那些般，但是，究竟是先有此店還是先有上環店，此類老爹是店員還是老闆呢，不過服務態度也不錯的，挺為友善。

疫情期間自己煮多咗，但間中都要外出行吓，如果唔係真係人都癲。今日中午阿囡揀咗老爹茶居，限聚令二人一枱，不想等位惟有早啲，十一點幾到餐廳還有很多坐位。套餐冇嘢啱阿囡口味，所以散叫蟹柳鮮茄意大利飯，賣相不錯。阿囡話味道也可以。我點了套餐，有餐包、紅湯和飲品，主菜是鮮蝦什菌意大利粉。鮮蝦夠爽口，扁意粉略淋身，但味道不錯錯，分量也剛剛好，加埋餐包和飲品已經好full了。我點的是蜂蜜紅茶，個人覺得甜左D，但食物質素整體是不錯的。只是如要在戶外等位時遇上下雨和熱天的話，我就未必會等了

中學時期 同屋企人間中會去老爹食晚飯個陣老爹仲係新港城中心入面🤭 (暴露年齡系列🙈)幾年前 老爹搬左去地鋪之後 淨係幫襯過一兩次 覺得無以前細個咁鍾意食..今日媽媽提議去老爹 見咁耐無幫襯過 加上最近又有聽過一個住附近既小朋友話佢最鍾意既餐廳係老爹就俾次機會佢啦💁🏽‍♀️我地去個陣係下午茶時間 本身諗住會有少少mini size意粉既option但原來冇(午市餐牌有既 但價錢double!)最後同媽媽不約而同咁叫左有豬扒既茶餐👇🏽老爹豬扒法包配炸薯條 ($30)芝士豬扒手抓餅 ($33) 豬扒有陣陣香茅味~~略嫌手抓餅個個既無咩芝士味 應該淨係落左無咩味既芝士醬 如果落真芝士應該會好好多!下午茶唔包飲品 +$8有冷/熱飲品(左)凍水蜜桃綠茶; (右) 熱檸檬綠茶凍水蜜桃綠茶太甜 最後叫左店員俾兩杯水我地 我前前後後落左一杯半水溝淡佢🤭唔係用糖漿沖既熱檸檬綠茶易入口好多!雖然好耐冇幫襯過老爹既晚市但相比佢既下午茶 我對晚餐既質素有高少少既記憶點~~

以前佢喺新港城入面嘅時候覺得意粉幾好食，但之後搬咗位就冇乜再食喇～最近又去試返，連set餐都幾唔錯啵，可以繼續支持下！因為疫情關係，所以今次都係叫外賣，叫咗個烤雞麻醬烏冬套餐，幾十蚊就包晒餐湯、麵包、牛油、main course、嘢飲。湯我揀咗紅湯，夠味飲完唔口渴，可接受；麵包同牛油都正常；烏冬值得讚，因為入面好多菜，感覺好健康，麻醬調得啱啱好，唔會過咸，而且烤雞都夠大份，啖啖肉，外賣拎走返到屋企都唔乾，整體嚟講作為平民西式飯堂都合格有餘，喺美食沙漠有呢啲質素算係好好架喇。作為馬鞍山人會再去支持！

純粹路過趕6 點前入舖安安定定食個餐。以為係一般茶餐廳，點知要加一🙈豬扒法包薯條上枱熱辣辣，法包亦都唔太硬，但個沙津就好dry，無沙律汁。奶茶OK，茶味香而且珍珠帶點甜味唔un，唔錯

位於馬鞍山既老爹茶居Daddy’s Kitchen 餐廳入面既環境都幾有情調幾舒服 有西式既感覺咁都有好多選擇 我地就叫左咖哩牛腩鍋 咖哩汁好香濃加埋有小小香蔥香噴噴個賣相都唔錯 咖哩薯仔都好入味 牛腩唔會好靭 青瓜玉子芝麻醬撈冷面好好味凍凍地 本身芝麻醬就一定冇得輸 牛仔粒味道就一般般不過不失不過都嘗算幾大粒 個中湯同西湯都幾好飲 西湯幾creamy 幾滑 但係餐飲就唔建議叫珍珠奶茶😂d珍珠好膠都好硬 飲落去好奇怪 奶茶亦都唔甜

之前聽馬鞍山嘅客話有間餐廳叫daddy's kitchen，話好值得試一試。咁聽到哩個名，作為一個為食貓，當然想挑戰下哩個餐廳啦， 話曬mommy kitchen 似普遍多啲，daddy嘅話真係未聽過 見今日去開沙田個區，就去附近覓食一下啦。 黎到餐廳，一黎就叫左個客推薦嘅珍珠奶茶，再加個餃子豬骨拉麵去試。味道方面， 個珍珠奶茶相當唔錯，唔係死甜，啲珍珠都有啲口，唔係軟腍腍，而且價錢平，好過好多西餐廳嘅質素 而個拉麵亦非常唔錯，個豬骨湯底濃郁，份量大，大食嘅人一定夠食，而且餃子煎得驚訝地剛剛好，個底脆脆地又唔太乾，食完哩餐相當滿足，daddy's kitchen 真係名不虛傳嘅其實餐廳仲有好多野食好吸引嘅，例如有扒餐，有意粉，仲有各式嘅甜品，奈何本人細食，惟有下次搵埋朋友一齊過叫幾樣野去試，滿足下食慾，哈哈

上個月黎過一次，見到啲職員態度真係麻麻地，落單呀，serve 嘢食呀，都係黑口黑面。珍珠奶茶冇茶味又冇奶味又唔夠甜，都唔知自己飲緊啲咩，啲食物都算ok la ，果時仲諗，又唔係太差，下次黎都可以再試下。今日經開，所以決定俾多次機會。點知，今次啲態度仲差過上次好多，黑晒面口，我完全唔覺自己係個客人，由坐低落單開始，都好似受緊罪咁，問佢地嘢又唔係唔答你嘅，不過個樣話到俾我知佢唔想做囉，其實戴住口罩只係遮住咗個鼻同埋咀，一個人嘅態度仍然係表露無遺㗎！結論就係唔會再黎，拜拜！

係限制人流聚集新措施實施之後（3月28日下午6時起，持續14日），所有餐廳只能招待正常供應座位一半的客人，而每張枱嘅間距至少需要1.5米，每張枱亦只能招待最多4名客人。唔通遲啲同朋友聚會只能夠用ZOOM見面😂😂😂？是日中午我同2個朋友去左Daddy kitchen開餐醫肚。印度天多尼雞扒飯配雜果燒汁（$78）👉🏻包左餐包、餐湯同嘢飲👉🏻我覺得呢塊雞扒幾好食，啲雞皮幾脆口，同埋個醬汁都好特別。印度天多尼雖然食完都唔知係乜嘢嚟，但係感覺上唔係普通超級市場可以買到嘅醬料，呢個可以encore😂😂😂星洲椰香喇沙豬軟骨煲配飯 （$82）👉🏻包左餐包、餐湯同嘢飲👉🏻呢個豬軟骨煮得好腍，呢度嘅骨全部都煮溶晒，全部都係骨膠原🥰🥰🥰。但係美中不足嘅係我覺得呢個椰香喇沙有點重口味，有啲鹹同重味精，食完之後要係咁飲水😅😅😅。👉🏻佢個飯其實用黎撈汁係幾唔錯，啲飯係比較硬身同粒粒分明鮮茄扒鹹牛脷飯（$54）👉🏻包左嘢飲👉🏻自己其實都好鍾意食牛脷，我覺得呢個飯牛脷略嫌不足得四塊，可能自己鍾意食餸多過鍾意食飯😅😅😅，如果佢多幾塊，我會幫佢加分

朋友住馬鞍山🏔️，茶爹茶居簡直是佢的飯堂，幾乎每星期都吃，佢鍾意呢度有好多選擇，而我最鍾意E度嘅珍珠奶茶🥤⋯⋯加上價錢平，係勝價比高的美味西餐廳！叫咗個蒜香雞翼🧄，脹卜卜脆脆的.....炸走晒D油、不肥不油膩.....仲夠晒蒜香㖭，yummy choice.🤗仲有🐟芝士菠菜龍脷柳配薯茸花🥔，最出色是薯茸花樣子可愛，而且夠晒creamy 沾上D菠菜一起吃，是歷久不衰的好配搭👫🏾美國豬扒🐷意粉，🐖的質素不錯⋯⋯肉嫩多汁，而且勁大塊！最後，讓QQ彈的珍珠奶茶作結！🦦

司華力腸拉麵：拉麵軟硬度適中，湯底自選豬骨湯底不錯，拉麵配有粟米粒、半條蟹柳、一片日本魚蛋和少量芽菜，可惜司華力腸切片上，份量太少，不覺得有一整條腸，吃完整碗拉麵也不覺得飽肚。餃子拉麵：餃子有五隻算是合理，湯底自選豬骨湯底不錯，拉麵配有粟米粒、半條蟹柳、一片日本魚蛋和少量芽菜。餃子味道不錯！焗芝士肉醬意粉：這個意粉分量足夠，肉醬不少，而且味道酸酸甜甜，非常開胃！已粉面還有一些芝士，令口感更為豐富，相信這個是招牌菜。午餐包含台式飲品，我們點了珍珠奶茶、甘香奶茶、金桔檸檬，每一款都好味。