老虎堂黑糖專売 (已搬遷) 新店位置

今日同朋友特登走入黎屯門食嘢同埋行街，走左入vcity見到一間塞滿曬人龍既嘢飲店。行埋去原來係叫老虎堂，專賣賣台灣黑糖的飲料店。我就買左一杯名叫黑糖波霸厚鮮奶，賣相十分吸引，成杯都係虎紋，飲落去好濃厚既奶味，黑糖味好重！

波霸厚鮮奶名副其實嘅招牌奶味濃珍珠夠煙韌 又有黑糖味值得推介另外亦都試過虎虎生風 有兩種唔同嘅珍珠 口感豐富🤤🤤而佢亦都係招牌嚟㗎！ 另外老虎堂員工態度良好 有唔明嘅地方都會解釋清楚飲咁多㗎好瘋狂係最值得飲

今日經過左老虎堂，買左杯招牌波霸厚鮮奶黎飲，啲人好親切，好快就整好左俾我，仲提左我要搖十五下，先好飲，個人覺得啲珍珠好味，有咬口，好彈，杯嘢飲可能因為係用純鮮奶整嘅，所以唔會整到我肚痛，平時我飲嘅都會搞到我肚痛。

今日去咗屯門v city 嗰間老虎堂，試咗佢哋嘅虎虎生風（即係大細珍珠）都幾好飲，啲珍珠都好Q彈，温同熱嘅雖然冇咗嗰虎紋，但係都好好飲，而且今日去嘅時候都唔洗等好耐，（等咗大約5分鐘就有），值得再去飲多次。

如眾不同既味道 黑糖味道濃郁 黑糖加奶 d奶特別香 加埋係3.9牛乳相反其他鋪頭既黑糖奶係好稀 冇奶味有特別既虎紋十分吸引 打卡一流我特別鐘意似咖啡個杯 佢係特濃咖啡加奶 苦味加黑糖 飲苦無咁甜 d咖啡總好香 good good

本人对貴公司的飲料，一致讚好👍，因為認為你們在飲品質素和外觀上，比其他茶店更勝一籌，別具風格，在服務上更加令人滿意，希望你們在將來更上一層樓，thank you…

眼見老虎堂越開越多，咁岩又放工時間經過屯門分店未見長龍就立刻排隊試下，排了10分鐘就買到一杯老虎堂最出名的珍珠奶茶。單靠外觀已經感覺好好味，感覺真係好似老虎紋，再飲落發覺奶味夠香夠順滑，黑糖珍珠味比坊間做得更香濃，而且珍珠口感夠Q，簡直完美，好值得推薦。

平時經過開vcity，都見到不少年輕在排呢間老虎堂，自問自己都好鐘飲呢個肥仔飲品，所以一都好想試下呢間黑糖珍珠奶茶的出品會是如何?! 點了招牌的虎虎生風-黑糖厚鮮奶$30，黑糖既掛杯做得好靚，賣相相當吸引﹗由於底部有好多黑糖同珍珠係度，加上熱既波霸口感偏軟，所以飲之前要上下均勻搖晃15下，令到波霸受冷，口感會變得Q彈，味道同口感就會係最好﹗飲落有香濃黑糖味，配搭鮮奶，甜度岩岩好，而且珍珠口感煙韌。賣相不錯，味道好，難怪咁受年輕人歡迎~~

我同好多香港人一樣都鍾意飲珍珠奶茶，除了會喺香港飲，去到台灣更加瘋狂，每日都去試飲不同brand嘅珍珠奶茶。其實喺台灣我都飲過老虎堂，前排屯門開老虎堂分店，都諗住一試，但見人流實在太多，所以一直未有機會。直至上星期，再訪屯門，可能是平日下午關係，排10分鐘左右就有得飲，真係超開心！今次試，揀咗波霸鮮奶，啲黑糖整成嘅「虎紋」好靚，同喺台灣完全一樣。雖然甜度無得揀，但珍珠就有大細，及混合大細珠。我見平時飲開都係大珠，今次試下大細珠。一飲覺得口感真係好特別，大嘅煙韌，細嘅就好似食西米一樣，兩溝效果出奇地夾，建議會去的朋友一定要試下！至於個味道，絕對無令人失望，超好飲，so far係我飲咁多間最好味，個黑糖加上奶，甜度剛剛好，奶又滑，一口氣差不多飲咗3分1杯。值得俾個讚嘅仲有幫手落單的員工，好禮貌，就算我企響度考慮左一陣（係喇！我認有少少選擇障礙症！XD），都好有心機介紹！而且由落單至杯波霸在手，只係10分鐘內，效率超快！下次都要再幫襯！

鍾意飲黑糖珍珠鮮奶嘅朋友一定要試吓屯門v city新開既老虎堂！雖然要排一陣隊但都值得既！當日老虎堂嘅員工親切友善，同我地詳細講解唔同飲品嘅特色⋯平時飲開黑糖珍珠鮮奶既我，最後決定初嘗‘虎虎生風’黑糖厚鮮奶，入面有大珠同細珠咬落更有口感！QQ嫩嫩，冲出黎既虎紋好漂亮！，黑糖分布平均，味道濃郁，一個字‘正’！一試愛上！就算怕肥既我，都會心思思想返去再買一杯飲！如果大家都想試嘅話，值得推薦V city嘅老虎堂！

今日去屯門見到新開既老虎堂，馬上點了一杯波霸，第一次飲佢既飲料，令人期待，因為佢大穫好評！到手啦，賣相絕對吸引一定要打卡啦！飲之前要搖幾下先好開始飲，因為底部有滿滿黑糖同珍珠係度，搖好先飲味道就最好既！味道果然係好味，珍珠微甜剛剛好，陪襯返黑糖既甜味道剛剛好，因為味道以設定好哂無得減甜度，但所設定既甜度我個人覺得剛剛好！加上有鮮奶既味道，成個配搭好正！一杯波霸30蚊，以一杯黑糖珍珠黎講係中上價錢！

老虎堂都唔係第一次飲，好鍾意佢地波霸既質感，咬落好QQ今日去屯門搵完朋友準備搭西鐵返屋企，經過竟然見到門都有老虎堂心思思又想飲，一向都飲開佢地波霸厚鮮奶，但知道佢地都冇得少甜或少冰，不過都想膽粗粗問下可唔可以少甜，我真係怕肥🤣點知結果當然係唔可以啦！當我糾結緊點咩好，店員小姐主動同我講，如果想飲冇咁甜可以試下佢地既茶類，有茶係入面既類別係可以揀半甜或走甜我一直都唔知原來茶系可以減糖，聽到實在好興奮🤣咁我以後久唔久飲多一兩杯都唔怕喇！我立即點左佢地既紅茶厚拿鐵加埋波霸都只係加多$3蚊估唔到佢地既茶都好好飲🤩半糖又唔太甜，真係超正

今日既🐯老虎堂🐯竟然無人排隊等候！真係好神奇，唔知真係個熱潮過左，定我咁好彩，一行埋去就比錢買到，好快手，想影多幾張照片都唔夠時間！波霸冷知識：飲之前要上下均勻搖晃15下波霸熱既時候口感偏軟，飲之前上下均勻搖晃，可以令到波霸受冷，口感會變得Q彈，凍太耐仲會變到比較硬！飲虎虎生風厚鮮奶〔奶霜〕$30黑糖既掛杯做得好好，佢既黑糖好濃郁，所以就算搖匀左都仲會有掛住係杯邊，第一啖飲落口勁重黑糖味，好香好濃！然後珍珠有大有細，好有咬口，唔同既口感！果然係風靡一時既黑糖飲品！

今日晏奏經過屯門老虎堂見到好多人排隊就諗住唔買啦跟住朋友就同我講話試下啦好飲架！我就聽左朋友講排隊買啦畢竟都未飲過就諗住試下啦我第一次買唔知邊隻好飲個friend就同我講叫我嗌波霸厚鮮奶啦然後個店員同我講呢個就係招牌我就問個店員有冇奶茶架之後個店員就推介我紅茶拿鐵綠茶拿鐵咁我最後都係揀左杯招牌黎試🤭試完發現真係好好飲30蚊一杯有咁既質素算平啦❤️下次試下拿鐵先🤤老虎堂好似真係唔錯👍🏻店員啲態度又幾好好有耐性☺️

喺屯門V City行行下街，忽然想飲杯波霸厚鮮奶，但係因為天氣已經回暖，所以搵咗三四間嘅飲品店都搵唔到黑糖黑糖珍珠，於是心諗不如放棄，咁啱就係地鐵附近有一間, 於是就決定試一試，黑糖加鮮奶, 顏色及紋理十分吸引, 加上珍珠有濃厚既黑糖味與鮮奶混合, 甜度又剛剛好, 對於唔鍾意飲太凍又或者太熱嘅人來講呢個溫度真係啱啱好.