老闆娘雲南米線

营业中

休息中

以前返荃灣西 公司係佢對面馬路有幸由佢係重開果時 食左好幾次今次特登同朋友再黎食，5pm開門我地6點半左右開始排隊，等左差唔多個半鐘，中途有啲想放棄🙈好彩堅持左及我地碗米線冇再要等好耐。我地叫左麻酸辣湯底，朋友就叫麻辣胡椒湯兩個都係bb辣程度。今次冇叫到招牌炸雞球係有小小後悔🥹不過成碗米線愈食愈麻，完全食唔到其他味道，都幾失望🙍‍♀️朋友話佢果碗都冇咩胡椒味，得個麻字，搞到我有啲唔好意思要同佢陪我等左咁耐Overall黎講比以前差左🙈

位於荃灣香車街熟食中心3樓有間每日都大排長龍既米線鋪，作為米線控既你一定聽過呢間～主打炸物同埋酸辣米線，佢每日只會做晚市未夠17:00就會開始見到人龍，再晏啲先去可能要排個幾鐘🥲果日我17:15左右去到好彩唔算多人等左15分鐘到就入得，接近排到你果陣佢會比左紙你落左order先但唔洗比錢住，入到去地方唔大全部都係圓枱要同人搭枱，果陣見到好多人枱面都仲未有野食都知要等陣….佢既炸物係即叫即整所以要時間等～一開始佢會上晒炸物比你先，米線仲要等～但我其實唔係幾中意餸同米線分開咁耐先上，因為等到米線黎果陣啲炸物都凍晒，我果次仲要等左接近45分鐘先淨係上到炸物，仲要等半個鐘先有米線黎到啲餸都凍😞咁我都明白點解出面既食客要等咁耐先入到座🫢但我個人就唔太中意呢個安排～—————————————————————————————♦️ 反斗蝦膠豆卜配蒜香辣湯米線(BB辣)🍜：佢既豆卜係經過油炸，將啲蝦膠釀落豆卜再拎去炸，佢既皮係好特別好鬆脆，同出面既炸皮係完全唔同，但我唔係幾中意炸過皮既豆卜變左好浪口，不過蝦膠係好食既都彈牙爽口，不過個人覺得呢碗要接近$60係有啲貴唔太抵食…米線方面湯底有驚喜，好香蒜味但B

同朋友好耐無見，佢話呢間出名就嚟試下，都知要等位但無諗過情況會咁痴線😂6點左右到條隊已經由門口拉到出熟食檔嘅外面樓梯下面，時間越耐條隊越長，最後條隊應該排到落地下神唔出奇。排到去入座嘅時候係7點27分，店員話入討咗低涼下冷氣，野食要等，有兩間大房，我行入去第二間，但經過第一間時候見到仲有好多人都未食就知唔荒會快😂到最後我同朋友有得食嘅時候係8點13分，足足等咗2個鐘頭有多。佢如果唔係個場算乾淨冷氣又足，可以舒服咁等真係人都癲，但野飲只有入去前叫你揀嘅飲品，水/茶都無杯，基本上除咗冷氣無野蝕比你。碗米線係夠大嘅，我個餸揀咗肥牛，但啲肥牛浸到熟哂同硬咗，朋友食蟲草花湯，係幾特別同好味，但個反斗蝦膠豆卜就普普通通，隻蝦好細粒，成粒咁大都係酥炸個層，名過其實；至於炸雞球正常論都唔會唔好食。係幾好味嘅，$60幾蚊又唔係貴，但又唔需要吹捧得咁犀利搞到等成2個鐘頭，抵食比2星係因為等待時間同用餐時間唔成正比。

今日我去咗老闆娘米線舖，試咗佢哋嘅蟲草花清湯豬膶米線，仲有酥炸響鈴同埋酥炸鯪魚球，真係唔錯！首先，蟲草花清湯豬膶米線嘅湯底非常清甜，味道清新，唔會太油膩，正好襯托出蟲草花同豬膶嘅鮮味。豬膶煮到剛好熟透，口感滑嫩，咬落去冇腥味，仲有淡淡嘅香味。米線方面，煮得恰到好處，軟硬適中，吸收咗湯底嘅味道，食落去特別有滿足感。至於酥炸響鈴，外脆內嫩，炸得金黃酥脆，一咬即碎，口感十足，非常合適當小食。搭配上醬料食，更加美味。而酥炸鯪魚球，魚肉鮮嫩，外面覆蓋著一層酥脆的外殼，魚香四溢，食落去完全唔會覺得油膩，反而有一種清新感。整體來講，老闆娘米線舖嘅菜式都算唔錯，無論係湯底定小食，都令人滿意。服務方面就仍然有好多進步空間，因為舖頭比較細，人手又唔係好夠，但係又好出名，所以我哋都排咗好耐先食到。😮‍💨

排左一個鐘，比想像中快🙊今次都係叫佢最正嘅炸雞，仲有就係魚肉響鈴同反斗蝦膠豆卜🤪炸物熱辣辣，炸雞食落好juicy，間唔中一次排下長龍都接受到嘅🤣招牌炸雞🐥炸粉好簿，雞肉非常嫩滑，基本上有9成嘅檯都會叫嘅餸，就係擺耐左都仍然係好滑好juicy😆魚肉響鈴🐠腐皮包住大大舊嘅魚肉拎去炸，雖然魚肉食落就唔夠蝦膠咁彈牙，但勝在大大舊，食落啖啖肉，非常滿足反斗蝦膠豆卜🦐反轉嘅豆卜釀入彈牙嘅蝦膠，豆卜炸到好鬆脆，但是覺得會有少少油膩，用泥浸湯食就一流😋蒙古湯銀針粉🥘之前幾次食都無哂銀針粉，今次有就當然要叫啦🤣配埋每次必食嘅蒙古湯，湯底有濃濃嘅孜然味，係出面比較少見嘅湯底，有機會就一定會食佢🤣

昨天4:45分已到，見到前面第一條龍已經排左人，我係排第二條龍，到左5點10分點知入左頭一批，其實都係十幾人，之後就冇入到人，等到5:30覺得唔係好對路，問下其實等幾耐先入得，話起碼6:20先入得，咁你早講丫，未開鋪前等已經要個幾鐘，又唔派籌俾人，要人咁熱天時硬焗企喺到，聽到咁情況即刻走人，你食埋我果份啦！之前試過食過一次其實覺得一般，諗住俾多次機會，但真係太過份了

有日喺荃灣西做完嘢，諗起有間出名嘅米線舖未試過，突然興起，行咗過去香車街熟食中心探店！🤓🍜 米線 - 秘製豬腩肉 (酸麻辣湯 - BB辣) 😋😋😋😋😋酸麻辣湯做得好好 👍🏻 酸麻好突出，令舌頭👅好有感覺，刺激口水分泌💦 BB辣唔錯，唔會食到好辛苦，有惹味！六分肥嘅豬腩肉切成長薄片，每片都醃得好入味，鹹鹹地，同個湯幾夾！😚 米線都軟硬適中，大大碗 🤟🏻 🍽 招牌酥炸雞球 😋😋😋😋😋見到網上好多人都會加依碟餸，落單時跟住加！😎 大概即叫即炸嘅關係，喺米線到咗之後，熱辣辣上枱！兩舊半個小編掌頭大嘅雞球，炸之前亦都醃好咗，外表酥脆唔厚粉，內裡雞肉嫩滑，有肉汁！值得一試！🤗 晚餐 💵💵 約港幣$70/人💁🏻‍♀️ 依份量嚟講，一碗己經相當多！設有每人最低消費一碗(包一餸)$54，每加一款餸$14。多人時，大家需要喺門口櫃台排隊同落單，再由店員安排入座。🙆🏻‍♀️ 最後，喜歡嘅話，歡迎follow @foodirectory.hk！

終於都比我去食老闆娘啦～今次我簡係平日開門前30分鐘就去我地排到第1呀～過左10分鐘後面就開始有人排隊聽講炸物好出色🥰即刻叫啦～湯底有好多特色仲有得簡辣度🤤🤤單餸+蒙古湯(bb辣)米線 $54簡左外出比較少有既湯底真係有啲似孜然粉既味但幾特別喎🤤2餸麻辣胡椒湯(bb辣)米線 $68入口好重麻椒味飲一口舌頭已經麻痺咗但夠哂刺激呀～叫左3款炸物類魚肉響鈴 蒜香麻鹽雞翼 酥炸鯪魚球即叫即炸😍所以會湯麵到先黎到熱辣脆口 出哂煙唔咬開都唔知原來係魚肉響鈴🤣🤣另外+ $18飲左花果茶金羅漢果雪梨茶真係好清甜洛神花茶好少可我會鐘意飲呢個真係混合得岩岩好👍👍總結 如果想食特色湯底加勁香口炸物就一定要試下老闆娘果然不同凡響走嗰陣門口已經排咗一大堆人老闆娘雲南米線 荃灣曹公街8號香車街熟食中心3樓28-29號舖#Foodie_aki #yum_yum #foodie_aki荃灣#荃灣美食 #荃灣米線 #米線關注組 #米線#老闆娘雲南米線 #老闆娘 #蒙古湯 #麻辣胡椒湯

出面排隊等左十分鐘，13分入座，但坐低仲要等超過半個鐘、59分先黎齊餸同米線。過程仲要有上錯餸、嗌牛肉變雞肉。地方唔大、得圓大枱為主、要同其他人搭檯。個員工先將一碟兩舊炸腐皮卷直接放起我地面前，之後再比左一碟兩舊炸腐皮卷+3舊炸鯪魚球我地，全程都係直接放檯無問過我地。食到中途，個老闆娘過來當住成檯人面前、態度極不友善咁質問我地嗌左咩，我同佢講有嗌腐皮卷同鯪魚球，跟住佢問點解會有多一份。當時我地淨係食左第一碟腐皮卷、食剩一舊；另一碟既腐皮卷我地掂都無掂。想講第一次食、客人係唔會知你啲餸有幾多，60幾蚊米線，但原來炸餸得2舊。自己員工擺錯位，變左係客人責任同問題咁。我地唔知比咩反應個老闆娘，佢一直企起到望住我地一定要我地回應。好啦當我地話：「其實我地未食，你可以拎走佢」，佢話唔洗無收走碟野，再無視我地直接同隔離位講依家幫佢地炸返，好似我地突登食埋隔離檯客野咁。想講成件事客人都係好被動，本身亦都唔知隔離人地點左咩(因為入座前已經落單)。做老闆唔係檢討吓點解員工做野咁混亂，而係起到當眾令到個客難受。最後剩返果碟腐皮卷我地係無食到、而我碗米線食到一半都無心情食落去。臨走出到舖頭，忍唔住同個老闆娘

服務態度極為惡劣！連自己上菜既問題都可以怪客人，客人點小食自己前後腳上錯雙份搞錯枱，客人本身都掛住傾計無為意未掂無食你，到發現貴店上錯都未曾食多過未身叫既，你解決問題既方法唔係即刻去講返聲抽返起一份俾返啱既一枱客，反而去怪客人唔出聲？衣家貪心動筷食咗你哪？由始至終都無食多過自己付款買既野原來都要因為你既錯誤受你怪責？識煮好野食都好，麻煩分下是非黑白諗下件事先好去責怪客人！澳牛態度唔好但都講道理，老闆娘不知所謂！

相信鍾意食米線既人一定有聽過老闆娘既大名，每次去到都一定大排長龍。喺出面排隊既時候已經填好想食啲咩，交俾前頭既人拎埋野飲就可以入座，安排流暢。之前睇過訪問，米線係逐碗逐碗咁煮，所以入到去其實都仲要等一陣子先有得食。湯底試過麻酸辣同埋酸辣，個人口味鍾意麻酸辣多啲，好重口味麻得黎好過癮。炸物今次叫咗酥炸炸鯪魚球、魚肉響鈴、野菌腐皮卷、反斗蝦膠豆卜。上菜既時候全部都熱辣辣，而且炸到好脆，咁多款入面最推介野菌腐皮卷。值得一讚係入面冷氣好夠凍，就算碗麵幾辣都好，都唔會食到出曬汗！

店名: 老闆娘雲南米線地址: 荃灣曹公街8號香車街熟食中心3樓28-29號舖1.麻辣酸湯米線2.蒙古湯米線3.招牌酥炸雞球今日行開荃灣，又係香車街街市附近，記起老闆娘娘米線好耐無食過，一直都係超多人排隊，決定拼拼運氣睇一下多唔多人排隊，今次幾好彩，約1800左都係10個以內，等候時間尚可接受，約等候半小時左右，已可以坐得，入去前再望下人龍已經大排長龍🙈🙈我一直覺得老閣娘係一間被炸物耽誤嘅米線，就好似壽司郎一樣係一間比甜品耽誤嘅壽司店一樣，炸物頂呱呱一定要試，特別推介佢個招牌酥炸雞球，炸得啱啱好，大小適中，咬落去重有肉汁，真係唔做米線，改行賣炸雞都無得輸。如果覺得熱氣可以試下佢地自己煲嘅茶賣。米線就不作介紹，湯底就試左一個麻辣酸湯，一個蒙古湯，蒙古湯味道其實好得意，孜然粉嘅湯底，食落去第一啖可能好唔習慣，但繼續食茖去又OK，所以未試過可以先試一下。

1）招牌酥炸雞球酸辣湯米線招牌酥炸雞球大大舊，一咬落去啲雞汁出晒嚟，外脆內嫩，超級好味，好香口，配埋佢嘅香葉，真係一試難忘，必叫之選。酸辣湯米線，湯底好好味，米線好滑，食到停唔到口。2）酥炸陵鯪魚球蒙古湯米線食完招牌酥炸雞球太高質，相對上對鯪魚球嘅期望會大咗好多，所以一食落去，覺得冇雞球咁完美咁正，正正常常嘅味道。蒙古湯米線，湯底好好味好特別，第一次食哩款湯，好正。配埋米線好夾。3）魚肉腐皮卷同樣，食完招牌酥炸雞球太高質，相對上對魚肉腐皮卷嘅期望會大咗好多，所以一食落去，覺得冇雞球咁完美咁正，正正常常嘅味道，唔錯。

在2024年7月9日前往晚餐,去到時見到有人排隊,所以我去服務人員問問,我當時只是我一個人,所以就好快就可以進入食用,我叫了一個小辣蒙古湯底的米線,另外叫了魚肉腐皮卷、反斗蝦膠豆卜及吉列豬扒作餸,等了大約20分鐘送到我面前,炸野食好脆卜卜,口感豐富,值得一試。米線湯底味道濃厚同小許辣,所以叫了一支花茶飲,整體該食店是值得一試的。

荃灣出名食嘢，專登過嚟食老闆娘，有定心理準備預咗要排隊,,今次等咗30分鐘到 ，加上因為排長龍覺得一定好味道，期待已久。上網見到話服務態度差，都預無期望，畢竟一碗車仔麵，但求味道好其次性價比👍坐低之前已經交咗張紙，叫咗三碗，📍兩碗酸辣湯底 (Bb 辣)，湯底偏酸完全冇辣味，而且酸菜有啲鹹，米線都叫正常另外加咗豬軟骨同埋招牌炸雞同炸腐皮卷.炸雞食得出係有醃過，肉質偏嚡🥹 陳皮魚蛋正常.食咗一半已經覺得好失望，埋單$82/碟📍蒙古湯底，因為出面比較少見，所以朋友試咗呢個味道，冇乜驚喜，有啲似三哥某一個湯底，配料份量唔算多，但係勝在湯夠多望落去大大碗。呢一碗冇叫餸，但係叫咗兩份小食炸雞粒同埋腐皮卷。 $88總括嚟講唔會再食，連鎖適應店嘅酸辣米線都好食過佢哋，頗為失望