聆渢咖啡廳

营业中

休息中

黃金海岸酒店入面既西餐廳，覺得主要係黎食個景既。溫室咁既設計，採光度足，望出窗出面係泳池景，幾有度假感覺🏖️。疫情關係，閒日lunch冇開自助餐，只有Set Lunch或者 A La Carte。頭盤小龍蝦芒果牛油果沙律，牛油果超生，一D都唔好食，不過擺盤係幾靚既。餐廳既松露忌廉湯好似幾出名，而呢個番茄醬意粉個底，都淋坐個忌廉湯落去，味道尚可啦。羊架係幾味菜式入面最好食既。+$30可以加個甜品，檸檬撻，仲可以寫埋happy birthday上去，無需預定。

有海鮮，不過普普通通，冇乜特別大致上都ok，味道平均價錢方面都可以餐飲無限添飲有茶和咖啡外面有BBQ咁啱想食BBQ住喺附近可以游完水就去食自助餐侍應服務態度ok

以一間4星酒店嘅自助餐來講，呢間自助餐都算係我暫時最差嗰間。唔知點解間餐廳嘅戶外位置係多過室內，我訂枱嗰陣時已經知要坐出邊，但冇所謂嘅都預咗。不過，個戶外座位附近竟然有好多燒烤區，個位勁大煙恭住哂都帶我地過去坐，明明附近仲有好多空位係遠離燒烤區。餐廳個安排真係好差。最後，我要自己要求換位。另外啲嘢食選擇真係好少，凍海鮮基本上得青口、蟹腳、蝦同螺。凍肉就剩係得三文魚同少少火腿。麵包就直頭冇乜，牛油得返一粒，又冇人加番。明明之前見啲人食咖喱都有薄餅，但又唔知點解冇。最好笑係唔知係咪因為疫情關係，所有嘢食係你自己行埋去等個員工筆比你，完全無辦法控制自己要食幾多，後面仲有成村人等緊，個員工淨係會一野筆哂俾你就算。等人筆比你都唔係問題，但一個人要負責幾樣餸，個個都要拎好耐，成埋人喺後面度排隊感覺好差。最驚嚇係佢個飲品吧！完全冇諗過佢嘅飲品選擇係小到咁剩係得茶或咖啡仲要等人拎俾你拎到俾你啲冰都凍哂又溶埋真係連果汁同汽水都冇好似話汽水同埋走要另外加錢但講真呢個價錢我覺得仲衰過食放題四星酒店呢個服務真係好差絕對唔會再去

其實黃金海岸酒店嘅房價都唔平，價錢同尖沙咀五星酒店一樣，但係早餐都做得麻麻地，好似求其整啲嘢食出嚟咁。飲品方面都幾好嘅，除咗果汁之外，有新鮮檸檬茶飲。一定要講嘅係點心真係好難食，啲蝦餃好似小朋友食嗰啲糊仔咁，個皮係溶埋一舊嘅。湯麵個湯底係好似滾水咁，完全冇味嘅，不過啲丸都幾好食。奄列係有廚師整嘅，整左好耐，整咗出嚟個雞但係又老又鞋。煙三文魚一片片切到爛蓉蓉，有啲就冇味，唔係好新鮮，水果切開一粒粒一份份，我唔係咁鍾意咁樣，有啲水果唔鍾意食都要拎埋嚟食。我覺得整體來講都幾差，唔係一間五星級酒店提供嘅食物水準！

早排去左黃金海岸食自助餐由於疫情關係，酒店餐廳改左用好像放題圈紙仔一樣，將你想食的打個「剔」就會有人專人送上，每場台會每人送上人數計算的海鮮拼盤，嗰日去係3月14號，咁餐廳啱啱改咗呢個制度去揀你想食嘅嘢，但係由於太少服務員嘅關係，有好多野都係漏咗同埋遲尼，但係我哋都食到飽嘅，見最後有餐廳經理買單嘅時候都有同我哋道歉，其實佢唔係淨係同我哋呢張枱道歉係幾乎張張枱都有投訴，不過呢一間野我哋都食咗好多次啦質素同埋價錢方面都好平所以我哋都唔會話有啲咩說話囉😘😘希望佢哋會有改善啦😊😊

春節前來到黃金海岸，主要是參與一個自助餐聚餐其實我已來過這家餐廳好幾次，但都是食晚宴，令人最印象深刻的是戶外的BBQ燒烤美食餐廳設於酒店地下一層，地方適中但座位有點窄食物方面以自助午餐來說著實不少，前菜的沙津、煙三文魚火腿等都俱全人氣最盛的就是海鮮，有海蝦、長腳蟹腳及青口等刺身壽司當然也不缺，而且也算新鮮小食類也有很多選擇，比較特別及人氣的是各式蒸點心主菜選擇充足，有來自不同國家的口味，其中咖哩就有4種，迎合不同人士甜品類也有很多，但味道只屬一般，另外還有自取的Häagen-Dazs雪糕以香港的自助午餐來說，此餐廳實屬種類多性價比較高的一家

今晚去食飯，對上一次去係2，3年前，上一次去仲有多小小款式，今次去發覺d野食小左好多，味道又唔見得係好，用左唔洗半個鐘已經試哂所有野618仲要加1服務費完全唔值，唔知點解會值呢個價錢，下次請都唔去，好小食野打評價，但呢間唔想人中伏

食物種類繁多，熱食、冷盤、刺身、甜品齊全。海鮮方面，長腳蟹味道鮮甜，不會過咸，螺肉青口同樣鮮味。熱身種類都多元，有中式有西式有印度式，食物不過不失。甜品種類都算多，pancake同waffle 即叫即整，味道不錯，另外雪糕係haagen dazs，味道約2-3款口味。食物Refill速度快，每次取食物都有足夠份量食物，服務員收取空餐盆速度都快。餐廳面積大有室內同室外空間，環境不錯，不會太過擠逼，如果喜歡室外風景，可以訂枱時request。

好耐冇食過自助餐，聖誕唔知食咩好，最尾揀咗黃金海岸，全家人一齊黎！環境幾好，檯櫈都擺得叫疏，有小小私人時間，成間餐廳面積都頗大，仲有部分係室外，中意自然風嘅人bk位時記得request 啦！嘢食方面，選擇都頗多，冷盤，熱餸，刺身，燒烤，泰式粉麵，都唔洗點排，refill 得又及時！自助餐嘢食好多時大同小異，呢度有個驚喜，d燒烤全部即埸燒，係室外有個頗大嘅燒烤部，海鮮，肉類都有，仲有即燒乳豬！最推介係燒蝦，蝦大隻得黎，肉又彈牙！煎鵝肝，差少少，間唔時一舊煎得過熟！冷盤熱餸不過不失，印尼薄餅有驚喜，又係燒烤部即整即上碟，配咖哩一流！大部分甜品都係得個樣，反而即整嘅pancake，waffle 幾岀色！Ice cream 有Haagen-Darz 同movenpick 揀，雲尼拿，士多啤梨，朱古力！總括黎講，嘢食唔係十分之岀色，但自助餐黎講，都叫多嘢食，環境都幾舒服，服務幾好，可以一試！

星期日同屋企人食 buffet 選擇唔多，因帶住👵🏻👴🏻老人家不愛出市區，唯有向屯門食。黃金海岸係其中一個選擇。又有老人優惠，老豆生日仲加左隻寫字碟🍽$38， 俾老豆吹下🎂都有長腳🦀無限量供應，仲有🦐都幾新鮮，肉質爽脆，但唔記得影📷另外甜品雪糕多選擇Haagen dazs, Dreyer's, 仲有 Movenpick, 我同屋企人，每人至少2杯🤭啲牛有兩條，一條5成熟，一條7成熟，最好就係有選擇，尼個係個讚位👍食物都較基本無咩驚喜咁。但環境尚算乾淨和舒服。食完又可出户外影下相，仲有星期六日係11:30開始食，可早啲到👍

我地下午12點度就去到門口，望入去已經見到入邊好多人，好彩都安排左四人卡位座位俾我哋。不過我覺得枱同枱之間太迫，同隔離枱坐到咁近好似唔係咁習慣。同埋成個場都係好密嘅枱，感覺好似去咗夜市咁。食物都可以，三文魚可以要求要三文魚腩，雪糕有Häagen-Dazs，甜品都幾好食，特別一提係啲芝士都值得食嘅，海鮮有長腳蟹，熟食唔算多。因為價錢要$298，另外+1服務費。個人覺得唔算太抵食，大把酒店lunch buffet，差唔多價錢都已經有生蠔。不過去開黃金海岸玩就順便食埋囉。

食物有質素，但係個人覺得款式不夠多。有長腳蟹都幾吸引，幾好食已經係平日去食，但全場好多人。。芝士蛋糕🍰食完冇再補。。雪糕剩係得兩種味道只係去黃金海岸玩，附近冇乜特別嘢食，見阿女又唔使錢，所以先順便去食。

今次黎到黃金海岸食自助餐，順便同仔仔放下電。呢間自助餐種類算多，而且味道好好！最欣賞係甜品，但係食完先發覺自己掛住食，無影甜品😂沙律方面，我覺得比較少選擇，配菜唔夠多。冷盤，海鮮係新鮮，長腳蟹係好味嘅。熱食，我比較喜歡中式點心嘅迷你紫薯包同小籠包。紫薯包好迷你，一口食哂，重重紫薯味，正！小籠包估唔到都有啲水準啊！充滿肉汁，可以試下！甜品，有個朱古力蛋糕超級好食，忘記影相🤦🏼‍♀️朱古力蛋糕係有一層一層嘅味道，濃濃朱古力加朱古力海綿蛋糕，層次口感非常好！整體，我覺得抵食又好食！

不知道給予好評的人什麼時候去，大多都給好評？！我對上一次是3年多前家庭晚餐聚餐，雖然沒有龍蝦鵝肝等的貴價食材，但食物整體味道及質量中上，大家都有好好的評價。3年後的今天，再次重臨，滿心期待，加上有熱龍蝦鵝肝等我最喜愛的食物，可惜期待愈大，失望愈大。羊架：味道不錯，但醃料太多，可能肉質素低？！鵝肝：沒有鵝肝味，切得太少太薄，可能質素問題，都煎得很熟很乾熱龍蝦：感覺像冷盤龍蝦上鋪上芝士放入爐加熱，熟到太硬，難吃蟹腳：沒有蟹味，只有咸味刺身：爭鮮的質素比他還要好熱盤：不吸引，沒有試水果：蜜瓜，哈蜜瓜完全沒有味道，淡如水甜品：我會覺得美心東海堂好味D雪糕：只有4款味，沒有我喜愛的M字雪糕整體來說：只覺得羊架OK，吃水OK，雪糕OK (苦笑）慶幸不是原價去，是以優惠價420（6折）去食。給大家參考。

First, with the newly renovated lightings, the room looks like a university canteen. ><Food is very good as usual, though there are fewer choices than before. Service is nice. Staff are friendly , efficient and professional. One bad thing is the ice cream choices. well, there is no 'choices' as there is only one kind of ice cream --- Nestle Taro ice cream.