聚寶堂

营业中

休息中

藍田匯景廣場5樓聚寶堂小店格局ヾ(@^▽^@)ノ 雖然沒有靚打卡位無靚景比人欣賞但小店有的是人情味與相宜的價格唔係貴租地段唔洗比貴錢食cheap 野無論是糧尾定行過路過肚餓叫宵夜都唔會肉痛。-小店咩菜都有，喇沙台灣米粉肉燥飯，花枝丸台灣腸等等，仲有唔同的台灣特色飲品。-雞翼肉燥米粉，簡單夠大碗，o(￣▽￣)ｄ good雞翼滷得入味，肉燥比得多，食晒米粉仲有肉燥剩。-珍珠奶茶夠大杯，珍珠夠煙韌平民飯堂，我愛。(*๓´╰╯`๓)♡

🧡🤍💛格仔鋪旁嘅抵食街坊小店🤯天氣太熱，室內活動多咗🤣Shopping都多咗，除咗去商場行街 當然少不了格仔鋪啦😌喺格仔鋪內行 就好似尋寶咁😎依間餐廳應該好多人都有經過過/食過😳佢哋主打泰式台式，由主食到甜品都有！❤️手撕雞拌淮山麵❤️ 麻辣 $56份量睇落正正常常，但撈起先發現原來咁誇張🤯淮山麵份量應該都有1.5人份量，手撕雞肉嫩滑不乾柴🐥另外再加配麻辣鴨血，嫩滑入味，麻辣味道偏重口🌶下次試吓花生醬口味先！💜天造💜 凍 $48糖水真係好抵食🤣大大碗多料又飽肚，入面有烤地瓜🍠、珍珠、芋圓、紅豆、牛奶冰沙底🤩烤地瓜香甜軟綿🍠好鍾意佢哋嘅珍珠同埋芋圓，煙煙韌韌好好味😋牛奶冰沙底奶香味足🍼冰冰涼涼甜甜的😛🤍八寶團圓🤍 凍 $42心思思想試埋嗰喳咋底同埋湯圓，老實講依碗野真係好足料好飽肚😂作為主食或者甜品都係咁滿足！湯圓內餡為芝麻湯圓，偏甜嘅味道搭配喳咋都啱！🧡煎豬肉餡餅🧡 $22豬肉餡餅係即叫即煎，外層金黃香脆，內餡紮實🥙💛楊枝甘露💛 凍 $38新鮮即切嘅芒果🥭香甜多汁，西米露嘅部份選用中粒，口感滿滿！整體甜度適中🍹酸酸甜甜好啱夏天😙依間餐廳真係有好多嘢食🤣仲要成日都出新嘢，嚟幾多次都試唔晒😳不

呢日去藍田附近搵個fd，去cafe嘆杯咖啡之餘，再醫下個肚。咁啱經過商場見到呢間小店個水牌menu包羅萬有，東南亞地區嘅嘢食一應俱全，就同朋友入去試試。由於之前空肚飲啡，需要食啲澱粉質，叫咗個泰烤豬頸肉冬陰公米線($66)，首先湯底夠酸夠開胃，有泰式感覺；豬頸肉都燒得夠香脆，脆邊位好惹味。印尼海鮮炒飯($58)入面有魷魚粒、青口仔、紅腸粒、炒蛋及菜心等，足料大份之餘亦食落粒粒分明有鑊氣，幾抵食。小食就叫咗份滷水鴨腎($26)，鴨腎煮得入味爽口，滷水汁底都有質素。蒜辣雞串配海南雞醬都幾特別，雞扒肉整成串後，烤完再灑上蒜香辣粉，最適合點個佢哋自家製嘅海南雞醬，鮮味爆燈。嘢飲就揀咗好耐冇飲嘅紅豆冰、綠豆冰(各$26)，見到隔離枱飲到咁開心，搞到我都忍唔住破戒飲甜野。鍾意佢啲豆係較軟腍，有少少豆蓉嘅感覺，加埋牛奶冰，童年感覺返晒嚟。

好耐無嚟過藍田匯景商場行街，經常都覺得呢度其實係旺中、葵芳嘅縮影，細個真係成日嚟呢度買衫🤣唔記得咗呢間係新裝修定係以前都係呢個名，但依家換咗新招牌之後睇落光猛咗好多👍🏻menu:1️⃣ 雞翼喇沙($58)麵底配左新竹米粉，吸晒啲湯嘅精華🤭 而湯底方面揀咗BB辣，入口只有非常輕微嘅辣味，下次再嚟要試吓小辣或者中辣，果然喇沙真係唔辣唔惹味🤤 至於雞翼嘅份量都唔少，一共有四隻，食食吓先發現有一隻匿埋咗喺米粉下邊🤪🤪本身跟餐送咖啡或者奶茶，但無理由唔試吓珍珠奶茶㗎？所以嗌咗一杯少冰少甜，甜度主要來自佔咗飲品差不多三份之一體積嘅珍珠，而奶茶底嘅奶味幾香滑🍼

呢間絕對係我既讀書回憶！！！以前讀書久唔久就會黎食出左黎做野之後都好耐無黎，今日約左中學同學聚舊，大家都話要黎懷念下我地先要一份炸物拼盤，款款炸物都有啲，適合開心shareeeee之後我地要左店主力推既新出品，無骨元蹄同海南雞我地兩款都要左半份，估唔到都幾大碟！！！兩款都係無骨，食落啖啖肉加上會配上店家自製既秘製醬汁，真係好正我地食得過癮，決定要埋同樣係新出既甜不辣甜不辣口感qq，係台灣夜市既味道呀～～～而呢度既喇沙都好有驚喜湯底香濃帶有微辣，椰香比不多不少，份量又夠，食得好滿足呢度仲有好多款特飲，價錢實惠又好飲

多款各式各樣食物，有甜品飲品小食湯粉麵炒飯麵食等對豬手米粉完全無抵抗力，豬手好淋身，好有膠質；荔枝紅茶有唔同顏色嘅點子，甜度適中；成日都好想飲番檸樂煲薑，已經唔係好多餐廳麵有，開心🥳好夠薑味！冬蔭豬頸肉炒米，豬頸肉夠爽身惹味，味道方面如果鍾意辣啲個人建議可以落單嘅時候叫中至大辣；叫咗個小食拼盤有鹽酥雞、台灣腸、春卷同花枝丸；整體都算幾好食，單食都唔會太咸，呢樣抵讚！最後埋尾一人一碗糖水作結：桃膠雪蓮子杞子雪耳糖水，腐竹雞蛋薏米糖水，原隻蛋上，滋補養生！

細個成日都去藍田，好耐冇食呢間聚寶堂。呢日同兒時好友一齊再食，餐牌新淨咗好多，亦都多咗好多嘢食。雞翼喇沙 $58湯底濃郁，有椰汁味。朋友揀咗BB辣，少少辣之餘好惹味。米線好彈牙，連埋啲湯食好滋味。雞翼有三大隻，滷水味好重，仲有豆卜同蔬菜。分量充足，絕對夠飽！炸花枝丸 $35有五粒，好味好有口勁，紮實又滿足。台灣芋圓 - 天造 $48 呢個好豐富，有烤地瓜、紅豆、珍珠、芋圓、地瓜圓、牛奶冰沙底。啲圓好煙靭，煮得啱啱好。紅豆夠甜，咁熱食沙冰都好爽快。老薑紅糖芋圓湯圓 $42我哋要咗花生湯圓，入邊嘅餡料係流心，好味。芋圓同地瓜圓一樣咁煙靭，想食熱嘅甜品可以試呢個。楊枝甘露 $38 超級足料，滿到就嚟瀉！有濃郁嘅芒果味，好似食多咗個甜品咁。

由中學年代，匯景商場已經是常常逗留的地方，有些小食店和茶餐廳已經轉手幾次，但聚寶堂的名字，卻一直不倒，街坊同學都常常光顧，除了位置方便，食物質素也穩定親民，一向都常常吃。 位於匯景商場的中庭位置，半開放式設計，主要用啡木色為主，主打食泰式粉麵，台式肉燥飯和小食，價錢十分親民，平均40幾蚊可以食得飽飽，特別受學生歡迎，而我平時會去飲台式飲品，同樣出色。 今日如常地放工去開餐，就食個泰式米線套餐，免費跟飲品或加錢轉特飲，好經濟。 =泰烤豬頸肉冬陰公米線 $66=豬頸肉數量多，經過燒烤過，外邊很脆，香味十足，肉質嫩滑，肥瘦均勻，是推介之一。另外冬陰公湯底自選辣度，小辣唔算太辛辣，帶點惹味，微微的酸感和香料味，當米線吸入湯底，味道不錯，加入豆卜和生菜，比外邊的泰式專門店更好，性價比高。 =凍羅漢果茶 跟餐送=跟餐有豆漿，羅漢果茶或轉其他飲品，羅漢果茶味道唔算甜，清熱解渴。

小食叫咗餃子同蝦卷，中規中矩兩個冬陰公湯粉，餸係足既，不過唔建議叫海鮮，全部係細細粒咁既，有豆卜牙菜香茅配料ok，不過最人大鑊係個湯底，酸過酸辣湯，除左酸跟本係食唔到其他味，食左幾啖已經頂唔順，係酸到辛苦，唔係難食，係酸到食唔到！最後我地2個人都已經放棄左，改為煮個面食小食算，真係失望左d。同埋個湯都幾杰身，配湯粉有d漿住感覺，雖然外賣但有分湯。價錢係唔貴，小食都係30令蚊，下次有勇氣會試下佢既炒粉炒飯。

打完波去搵野食，呢間係匯景廣場嘅正中間，起碼有10幾年歷史啦，晏晝都有唔少街坊喺度食，就一於試吓。見到佢哋呢多數都係嗌小窩米線嘅。但係我就想試其他嘢啦。手撕雞撈淮山麵配花生醬 麻辣醬，呢個配搭非常唔錯，調味同埋用料都合格，幾好味道雞湯翅紅薯粉，我鍾意佢嘅紅薯粉份量唔係太多，味道都合格，落勁多胡椒粉幾好味好立克珍珠，店主無吝嗇到好立克粉，落咗勁多勁濃。呢個配搭珍珠係估唔到幾夾幾好味，我都係第一次飲。炸雲吞，算係皮薄餡靚，非常香脆。即叫即炸，配埋甜酸醬， 10分推介ps 小店播緊TVB 星夢傳奇

聚寶堂係我由細食到大嘅鋪頭，細個嗰時就會買佢啲雞蛋仔同珍珠奶茶🥰係好好食😆到大個咗都有keep住幫襯佢，次次都係食佢嘅米粉，雖然食清湯，但都覺得好好味😹可能慣咗呢個味道啦～今次就想試下新嘢😆😆就係🐔🍜手撕雞淮山麵啦！講真係幾有驚喜嘅，手撕雞份量都幾多下，而且嫩滑又有咬口👍🏻啲麵就幾彈牙，唔會一pat pat，加上仲有啲青瓜絲同蘿蔔絲，夾埋一齊食就好爽口👍🏻😹而且暖笠笠架🥰仲可以揀辣定唔辣，辣嘅話佢會放啲麻辣醬喺面比人撈嘅👍🏻唔算太辣，可以試下～另外飲品半價💕，加咗五蚊雞要杯熱夏枯草🥰清熱解毒👍🏻

之前出咗去藍田做嘢，收工嘅時候極之肚餓，就問客人附近有咩好食？佢介紹咗我上匯景廣場搵食，我咁大個仔都係第一次去呢個商場。。。入面有好多小食嘅舖頭，同埋台式飲品嘅專門店，最後我上咗五樓見到一間食肆寫住自己叫做喇沙專門店，好似好吸引，咁就坐低咗，但係一睇餐牌原來佢有唔同國家嘅美食，包括台式肉燥飯同埋日式烏冬等等。因為太肚餓，最後揀咗個台式雞髀肉燥飯再加杯珍珠奶茶。肉燥飯入面嘅肉燥味道一般，冇乜驚喜，但係肉燥都比較有咬口，唔會切到太碎，至於雞肶可能浸咗喺鹵水汁入面太耐，唔係好夠熱。不過四十幾蚊嘅價錢攞嚟醫肚，都可以接受嘅。

因為到附近工作，隨便搵左呢間食！雖然鋪仔細細，但食物選擇多，有麵有飯，有甜品～【肉燥豬頸肉飯】叫左碗肉燥豬頸肉飯，大約40幾蚊，包一小杯豆漿！燥豬頸肉飯有少少椰菜，3塊豬頸肉，肉燥份量多，夠撈成碗飯！ 但係味道非常之差，唔好食😣豬頸肉好油，唔爽口，而且雪藏味重肉燥味道奇怪，唔係台式肉燥味🌝 食落好港式🙈🙈 好唔正宗越食越難食，下次一定唔會再嚟食！

Went past this place three times and wondered whether to try it out or not.I deeply regretted it because it was a waste of money.The fish shaomai very too fishy for my liking and the chili sauce was strangely sweet.The mock shark fin soup was loaded with stuff like black fungus, glass vermicelli, weird pork mince but the thing that ruined it was SODIUM, it was soooooooooooooooooooooooooooooo salty!The bowl was weird too, it was those opaque plastic dessert bowls which are not designed for hot fo

與朋友兩人一起來食，點了一個集錦拉面和豬排肉躁飯，再加2杯飲品。其中飲品點了奶茶及珍珠奶茶，飲品還好，沒什麼問題。集錦拉面有3片豬脛肉，一隻鹵蛋加一隻雞翼，湯底很咸，整體難食。肉躁飯的肉躁完全有一舊舊，不知怎形容，難食。我們對飲食要求不高，但二人都覺難食。老實說，服務還好。但食物就……以後不會再去。