聚寶食軒

营业中

休息中

Happy Friday 唔係唔食得豪D啊😎😎？！第一次去左一間親友介紹佢由細食到大既餐廳， 估唔到好有驚喜😍～安格斯牛小排 (大) $ 248牛小排又香，色澤唔錯，肉質唔會過淋，軟硬肥瘦都好適中，點解可以咁正！？👻海蝦 $98活生生啖啖鮮味，蝦好彈牙😝雖然睇落好平平無奇，點知食落好有驚喜😻😻💁‍♀️蟹籽蝦滑 $56非常推薦！特別加上足料蟹籽💛每片蝦滑口感爽脆，啖啖充滿蝦滑味。蟹籽墨魚滑 $56爽滑彈牙，加上蟹籽嘅脆嘅質感，啲蟹籽重神奇地黏喺墨魚滑頭上，令其口感更豐富，重有雙重鮮味，🈵足！麻辣烤鯇魚 ( 半條 ) $238巧辣🌶巧辣🌶巧吃巧吃醃得相當唔錯，真係加咗少少辣椒更惹味，最重要是吃完沒有覺得特別口乾✅✅仲有待應都十分貼心，讓我與家人同渡了一個愉快的晚上🥴

今晚同班姊妹聚一聚，慶祝其中一位升職，就簡咗係土瓜灣嘅聚寶食軒。😚上菜時間掌握得不錯, 食物有驚喜, 個個菜都好食！朋友話見到呢款🔅鮮嫩鴨血🔅好吸引，所以就嗌！肉身很嫩口，鴨血大小女生一啖放入都得。🔅鮮魚卜 $88🔅新鮮程度不用懷疑，味道鮮甜又肉質實正！🔅麻辣烤鯇魚 ( 半條 ) $238🔅入口細緻嫩滑，裏面的材料切得細碎，每樣材料size都一樣，睇得出師傅花了心機在切材料之上。🔅唐生菜 $30🔅爽脆鮮甜，放埋入麻辣烤鯇魚吸曬啲湯汁，呢下就真係絕配💕除了味道，還有手藝都Ichiban，可能呢間實食店在太出名，又太好食。所以長期都係好多人排隊❤️下次一定再同屋企人黎食

呢排做嘢好辛苦，放假就要一定要食返啲好嘢慰勞下自己！左揀右揀之下，我揀咗係土瓜灣嘅聚寶食軒到食飯！--脆皮BB夾  ( 2 隻 )--擺盤好靚，🦆乳鴿顏色炸得非常均勻！每一個位置都炸到又香又脆。完全睇得出廚師嘅功架👍🏻！咬開皮薄多汁，味道香濃。超級好味！--海蝦 --呢個🦐海蝦超級新鮮。肉質好爽好彈，每一啖都有濃濃嘅鮮蝦味。而麻辣汁同其他香料令到蝦嘅鮮味更加提升。食完一份覺得夠喉，要再叫多一份！😍--麻辣烤鯇魚 ( 半條 ) --雖然只係得半條鯇魚🐟，但份量一啲都唔惹少。鯇魚食得岀非常新鮮，肉質比較實同脆口。味道鮮味及魚味濃郁。再用🌶麻辣汁去煮，辣味同魚味配搭得好好。真係食到舔舔脷！我真係冇揀錯餐廳！呢到環境舒適，而且好乾淨。係到慢慢食嘢同休息一下，都係一個唔錯嘅選擇！最緊要嘅係，佢哋食嘢質素好高，全部嘢都大大份，仲要超級好味！值得推薦！

💨天氣開始涼涼地，係時候去食下羊腩煲。🔥脆皮BB鴿:雖然係BB鴿但每件都好厚肉，乳鴿皮脆肉嫩肉汁非常豐富，淨食唔點任何調味料都已經好足夠。❤️🔥豉油王炒鵝腸: 鵝腸好肥美，腸皮爽口有彈性，鵝腸充滿豉油的香味，而且鵝腸唔會切到好碎，好有𡁻口。🔥羊腩煲:本身太大煲叫左個細既，點知原來細煲都好多，羊腩多到密密麻麻，仲有最愛既枝竹同馬蹄，羊腩好入味肉質好夠淋，皮都幾彈牙好易咬開。👍🔥紅糖糍粑:每間鋪頭既做法有所不同，呢間既紅糖糍粑好軟糯，食落有小小黏口但味落係煙韌，紅糖部分甜度適中唔算好甜。👍🔥整體來說食物質素不錯，仲有驚喜。

最鍾意就係食麻甩嘢，特別係港式小炒同火鍋邊爐🙈🙈所以就試吓依間💥聚寶食軒💥嘅小菜同煲，睇吓夠唔夠重口味先👀👀📍羊腩煲｜淺啡色嘅羊腩炆得入味，一煲有齊比較肥同瘦嘅羊腩，可以食到唔同部位羊腩嘅質感。另外煲入面嘅冬菇好厚肉，好索汁🤭📍麻辣烤鯇魚 ( 半條 ) ｜唔好睇少半條魚嘅份量，食落其實有好多魚肉😝麻辣好香同有層次，見到其他人食完烤魚會用湯底打邊爐，下次都試吓先，一定好正👍🏼📍豉油王炒鵝腸｜鵝腸處理得好乾淨，每條鵝腸都爽脆有咬口，佐酒食一流，好快就清哂成碟😆整體嚟講3樣食物都係水準之上，絕對滿足到想食鑊氣同濃味嘢嘅朋友😚

人多才可以試到多一點不同的美食，約朋友約了好久終於下定決心預約了一個晚上前來光顧🤣當中有些朋友已不是第一次光顧，未到餐廳已想好要點甚麼了。本身諗住咁多人啲嘢食應該要等好耐，點知落咗單之後野食好快就到仲香噴噴🥰黃金脆炸魚皮（ $68）簡直係鎮店之寶級嘅小食，好多鹹蛋黃🥚魚皮勁鬆脆。鹹蛋黃不會令味道過鹹，一口咬到要小心😜麻辣烤鯇魚（$238）超級足料🤩個人覺得小辣剛好香氣十足。對我略為偏辣🥵肉汁緊緊鎖在烤魚之中，勁正！蟹籽蝦滑 （$56）爽滑彈牙不在話下，蟹籽同蝦滑嘅味道絕配😚豉油王炒鵝腸( $98)味道特別好，成碟餸炒得好有鑊氣，一口咬下去非常入味，讓人幸福的感覺。總括黎講，呢度真係朋友散腳一個非常好嘅地方，仲要平靚正，平均人頭落樓都唔洗200蚊，大家記得多多支持💪🏻😎

呢排突然好想食辣野，知道土瓜灣有間唔錯嘅餐廳。即刻捉埋男朋友一齊去滿足我嘅慾望😋<🌶麻辣烤鯇魚 ( 半條 ) 🐟>嚟到第一時間要叫麻辣鯇魚！鯇魚好鮮味，而且魚肉又厚又彈牙。絕對係啖啖肉！魚肉吸晒麻辣嘅精粹😍😍，令到魚味更岀色！👍🏻<🍲羊腩煲 $268 ( 細 )🐑>除咗麻辣食物之外，我哋仲叫左羊腩煲。羊腩脂肪同肉嘅比例岩岩好，唔會覺得太肥。羊肉嘅油脂令到口感更豐富😋😋。枝竹勁爽口。同羊嘅味道好夾！令到成個羊腩煲超級滋味！<🌶霸皇辣子雞 (半 ) 🐔>食得辣嘢，又唔可以冇辣子雞。🐔雞肉鮮嫩多汁，辣味濃郁，食落去真係由喉嚨辣返上嚟🥵。真係又辣又正！<🍳黃金脆炸魚皮 🐟>呢個真係不得了。魚皮炸到脆卜卜，再比香濃嘅鹹蛋黃包裹住。咬落去香脆之餘，仲有好香鹹蛋黃味。超級香口🐟！食完又再encore !

最近天氣漸涼，心裡是否泛起食辣嘢同羊腩煲🤭呢？早幾日，得到朋友邀請，到了土瓜灣食聚寶食軒。我的選擇困難症又出現，因為真係好多嘢食簡😛霸皇辣子雞半隻上，用嘅係新鮮雞，雞隻亦比較肥美，很難得啊!炒得夠曬惹味，感覺更辣會會更加好味!整體辣得很過癮，辣椒炒得很香🔥羊腩煲由於係細份，相信自己一個人都可以全部吃掉。羊腩肉質夠曬入味同軟身，配料都好足✅豉油王炒鵝腸咬落去肉質滑又彈牙，味道一流！是一道大人、小孩都會喜歡的菜式，太好吃了😋ANYWAYS 食物鑊氣十足，水準相當高‼️❤️

老公生日打算今年吾去浪漫的西餐食大餐👩🏻‍❤️‍💋‍👨🏻反而想去試下不一樣的，所以決定去試土瓜灣聚寶食軒。入到黎見地方不大但人流不斷，勁！我有信心😤今晚餐飯一定希水準。果然，上菜速度超快， 唔使十分鐘首碟麻辣烤鯇魚😳呢份雖然話半條，但都大大份，單睇賣相真係好鬼吸引，魚肉質Q彈細緻無骨，差d想叫多碗飯黎送😂等食期間伙記叔叔話啱啱羊腩煲都好正，叫我哋ORDER，食完一定叫「好」! 上到台熱辣辣，香噴噴樸鼻而來，即叫即製！Yummyyyyyyy～相比其他食肆，份量同質素都超班，而且價錢比較貼地。今晚同老公真係吃得很開心，吃起來又有驚喜，下次一定再拍住拖黎食❤️

今日同同事係土瓜灣做野，做完當然要去聚寶食軒到食飯！餐廳位置方便，而且食物質素高！座位同環境又大又舒服！岩晒做完野可以休息下下面係侍應推介俾我哋嘅特色美食，等我介紹吓佢哋！🐓霸皇辣子雞 (半 )🌶。呢度嘅辣子雞超級美味。廚師將雞肉切到細細粒，再用大量嘅辣椒去炒。🌶辣椒嘅味道滲哂入🐔雞肉。每一粒都有勁香濃嘅辣味。真係辣得好過癮！😋🫙豉油王炒鵝腸 🦆。炒得勁有鑊氣！🦆鵝腸超爽口，仲要一啲都唔韌。雖然每一條鵝腸都沾滿豉油喺上面。但食落去唔會覺得好鹹。非常香口！呢個我真係十級鍾意！😍🐑羊腩煲  ( 細 )🥘香噴噴嘅羊腩煲賣相勁吸引，見到已經流晒口水。🐑羊腩肉質超腍。咬開嘅時候唔會覺得好硬。加埋煮到入晒味嘅枝竹。咩都超晒班咁好食🥰

今晚同一班朋友一齊嚟到土瓜灣呢間街坊小店開餐👫🏻👭🏻👬🏼為咗食呢一餐，我晏晝專登食清啲，留番啲quota食大餐呀嘛😆🐑羊腩煲 $268 ( 細 )羊腩嘅皮非常有彈性，有羊味但唔羶，好高質👍🏼加埋個南乳湯底好入味，尤其係啲腐竹吸收哂羊腩煲嘅精華，好好味呀❤️‍🔥🐟麻辣烤鯇魚 ( 半條 ) $238一見到有咁多乾辣椒就知啱味😎湯汁仲有好多大蔥，令到成盤烤魚更濃味🤤我哋仲加咗鮮魚卜同蟹籽墨魚滑落去，自製麻辣海鮮鍋，真係識食😆🐥脆皮BB夾 $110 ( 2 隻 )乳鴿又係100分嘅味道💯皮薄肉嫩，每一啖鴿肉都流哂肉汁，一人食2隻先夠喉✌🏼🥚黃金小饅頭隱藏食法可以將炸饅頭沾麻辣汁/羊腩煲汁食，會有意想不到嘅美味😋

📍土瓜灣多野食好多人都知，但邊間好食又抵食，你又知唔知? ❤️呢間餐廳食物有水準，環境亦好舒適。🥘麻辣烤鯇魚係呢到既招牌，一端上來所有人都呆哂，我地叫左半條但份量都好多，鯇魚無乜細骨啖啖肉，🤤魚肉沾上麻辣味的醬汁好好味，先辣後麻後勁都幾強，不過就愈食愈過癮。👀食烤魚一定要叫其他配料一齊食，我地叫左海蝦同鮮魚卜，海蝦好鮮甜每隻都好彈牙。而魚卜記得要早D放，💃🏻魚卜慢慢索哂麻辣的精華，魚卜質感好滑加上淋淋地，值得一試。👍💖來呢到真係要食烤魚，一試會愛上!

今日夜晚大概9點幾，黎到呢間餐廳到食小菜，點知黎到已經好熱鬧，好多人👩‍👩‍👧‍👧👨‍👨‍👧今次專登帶埋另一位朋友嚟食，三五好友大快朵頤，一定能盡興。甘多人甘開心，預先叫左大大杯Hoegarden，方便一陣食麻辣烤鯇魚解辣🌶️我地仲為健康人士叫左份萵筍🤣相對沒有那麼肥，脆脆甜甜的，勝在好新鮮！到主角出場啦，麻辣烤鯇魚 ( 半條 ) ，$238超平，絕對係必食既菜色！熱辣辣炸出黎勁正，魚肉外內軟滑，唔多骨，真係好滋味😋餐廳成功煮出好味而大眾化的街坊菜式，加上愈來愈多香港人是喜歡吃辣的，聚寶食軒的確為香港人提供一個吃辣的好去處。平時唔會打食評既我，食完呢間既麻辣烤鯇魚之後，好想開心SHARE推薦大家去試下。🙈

去開土瓜灣做嘢，又到午飯時間，買返個外賣食完繼續開工。蝦仁炒蛋，火候控制一流，蝦肉口感彈牙，雞蛋嫩滑。鹹蛋肉餅啖啖肉，大大件，送飯一流。咖啡味道香濃，咖啡同奶嘅比例完美。

放咗工同同事去公司附近既烤魚店食晚飯順便聚下🥰有四款野食真心值得一試🤗「青花椒烤鉗魚」：味道好足夠又辣辣地，再加上店員會放喺電磁爐上面咪，即是慢慢食都唔會好快凍哂，啱晒一路傾偈嘅我哋。條魚唔算多骨而且浸住係大盤汁上面，超級好入味。🤤「孜然牛仔骨」：平時食開串燒都知道加埋孜然係幾咁搭😜而家配埋落個牛仔骨做簡直絕配，牛仔骨煮得啱啱好唔會overcook。大家都知道牛肉如果煮過龍係完全唔好食，但呢個烹煮時間掌握得好好，又Juicy又好味。🙌🏻「椒鹽墨魚餅」：墨魚餅好爽口彈牙，個個同事都爭住食搞到唔夠分，最後我哋加單加咗一碟。🥺黃金脆炸魚皮:待應推介我地要配烤魚汁一齊食 呢個組合絕配，脆卜卜嘅魚皮就算點完烤魚汁食落口都會chop chop聲。😍店舖既店員好nice而且好有效率 餐飯食得好開心阿🤗🤗