聚燒遙

营业中

休息中

今日嚟到呢一間位於深水埗嘅聚燒遙，呢間餐廳好友港式風味，而且佢除咗可以食火鍋燒烤之外，仲可以食雞煲、烤魚得唔得，喺門口就已經聞到好濃烈嘅香味😊。。首先坐低Menu都未睇，第一時間叫咗個麻辣雞煲(半隻)😂。其實除咗雞煲之外，都仲有烤魚嘅，不過睇相就雞煲比較吸引啲，烤魚就留待下次啦🙈。我哋叫咗中辣，味道非常之濃郁，越食越惹味，而且啲雞肉煮得好腍，幾好食😝。。我仲叫咗好多燒嘢食，叫做秋刀魚、牛舌、茄子、韭菜、台灣腸、原隻燒雞翼等等。燒得好惹味，火候啱啱好🤪。我特別鍾意佢嘅牛舌同埋原隻雞翼，調味粉味道濃郁🤤，又唔會話太鹹，而且肉質燒得啱啱好，有咬口得來又一d都吾韌👍🏻。。

今日同frd食左間新既燒烤店😋 呢度有得食烤魚同唔同既串燒🤤今日唔算好肚餓，所以我地專攻唔同既串燒款式都幾多燒牛舌、燒雞軟骨雞軟骨燒得勁香脆，加埋少量嘅雞皮同油脂，邪惡得好滋味🤤牛舌都幾厚身，食落香軟多汁，都幾好燒安格燒牛小排粒燒豬頸肉好好食，肥瘦適中，肉味香濃而口感爽脆，值得encore燒多春魚有5條，入面都幾多蛋燒煙肉車厘茄卷幾有驚喜既配搭，食材好似好簡單，但味道很唔錯，香甜多汁嘅車厘茄中和左煙肉嘅油膩，又甜又香味道豐富焗娃娃菜加咗芝士更惹味燒翠玉瓜、燒牛油蜜糖粟米都好甜燒白鱔魚肉爽口彈牙，好食

麻辣雞煲（半隻）🐔（$128）🌟推介🌟份量好足，雞煲夠哂鑊氣🔥揀咗小辣，麻辣有後勁雞件大大件又入味，最鍾意配料紫洋蔥，煮熟之後甜甜地，配埋麻辣醬汁，好滋味😋**********💥點可以錯過優惠💥🌟推介🌟元貝（試食價$20）原隻大大粒，燒到剛剛好，唔會過熟好韌有少量粉絲一齊燒，吸哂蒜香同鮮味-生蠔🦪（試食價$20）厚肉鮮甜，脹卜卜，唔會燒到乾-風味羊架🐑（$56/2件）🌟推介🌟好抵食！好內蒙風味，羊肉唔羶-雞腎🐔（$17）🌟推介🌟彈牙有嚼口-安格斯牛小排粒🐮（$68）軟腍，有油香-秋葵（$18）食咗咁多肉…要食番啲蔬菜平衡吓秋葵燒完仍然保持水潤，爽脆👍🏻

今晚同朋友仔嚟到🚇深水埗呢間聚燒遙食烤魚🐟同埋串燒，喺深水埗港鐵站🚶‍♂️行過去3分鐘左右都好方便，呢度地方☺️乾淨企理，啲枱唔算好大，但服務唔錯👍，如果係食🔥烤魚，佢哋會主動比拍埋2張枱比客人，🪑坐得都幾舒服，而且💰性價比高好抵食。招牌🇨🇳重慶烤魚🐟小半條鉗魚，仲可以揀清湯🥣走辣，魚肉吸收咗🥰湯底嘅味道，入口嫩滑鮮味😋。而且入面😍配料豐富，有白蘿蔔、金菇🍄、莞茜🌱同埋洋蔥頭🧅等等，風味一流👍，加埋厚切🐖午餐肉正呀。另外響鈴🔔同出前一丁🍜，吸收咗個🥣湯底同🐟魚肉既鮮味，令人回味🤤無窮！串燒🐷豬頸肉肥瘦比例👌啱啱好，口感仲有少少🤏爽，而且唔會好油膩😋。串燒🔥韭菜火侯👍恰到好處，香口得來又幾嫩☺️。🍯蜜燒🔥芝麻雞翼🐓皮脆肉嫩，又有少少🤏蜜糖香，而且啲芝麻令雞翼🤤香味更上一層樓。串燒🔥迷你甜蕃薯🍠，細細粒一啖一粒，糖度足，🔥燒完仲有少少🤏焦糖香好甜美😋。

想不到福華街隱藏了一間誠意烤魚串燒專門店，各款串燒均有水準，絕不欺場，全部即叫即燒，火喉控制得好，調味亦出色。餐廳環境不俗，整潔企理，還有大電視邊吃邊看。不得不叫招牌重慶烤魚，我們選了酸菜湯底配鉗魚，酸菜份量很足，不會太酸，湯味夠濃郁，酸酸甜甜的湯汁配搭魚的鮮味更添惹味。鉗魚頗大條，魚肉浸久了都不會霉，肉質十分嫩滑。再加入大份的薯粉，吸收濃郁酸菜湯汁，口感煙韌亦很入味。燒牛舌十分大件又厚身，肉質非常嫩韌爽口，肉味香濃，油香豐滿。燒白鱔大有水準，肉質夠嫩滑，帶點爽口，淋上美味濃郁醬汁，十分滋味。燒雞軟骨好脆口，又不會好乾或好油，好惹味。燒蒜香茄子超大份，燒得恰到好處，完全不會乾巴巴，茄肉和外皮非常腍嫩又多汁，灑滿蒜泥味道好濃郁。燒蜜糖司華力腸燒得外脆內軟，吃起來滿滿肉感，配上香甜蜜糖，非常滋味。

今日係深水埗見到一間有雞煲、烤魚以及燒烤既餐廳，仲有啤酒、電視提供，岩哂成班人一齊黎聚餐，因此就入去嘗試下。😌店舖都有十幾張枱，位置都夠闊👍🏻坐得還算舒服，衛生環境都唔錯。我哋揀左個雞煲做主食，加少少燒烤，夠我地兩個人食。🫣香辣雞煲我地揀左小辣，全隻雞，啖啖肉，不過我個人口味覺得可以重味多啲。🙈燒烤叫左：燒韭菜、雞泡魚干、雞腎、雞軟骨、翠玉瓜同埋一隻燒生蠔。韭菜唔會老，雞泡魚干都夠香，翠玉瓜燒得很好，外干內里多汁，以為佢地既調味粉都好香。👍🏻👍🏻👍🏻

上次經過福榮街發現開左幾間串燒店，今日去開黃金商場，就入去試試，睇睇餐牌，價錢不太貴，生蠔元貝試食價，既然$20一隻試食價，一於點來試下生蠔灑上蒜蓉，蠔味香有口感，粉絲伴元貝，吸收元貝味道更加好咪安格斯牛小排粒，入口牛味濃郁，肉質鮮嫩，雖然有點肥膏但牛脂香口煙肉車厘茄卷，新鮮車厘茄減去煙肉的油膩感豬頸肉，肥瘦適中，又燒得香口， 十分美味雞軟骨香脆爽口雞泡魚干，火喉控制得恰到好處，不會太乾，點埋沙律醬味道又有另一番滋味，佐酒一流風味雞全翼和蜜汁雞中翼，各有特色台灣蜜糖腸，開邊方便進食，燒得香脆，咬落充滿蜜糖和油香墨魚丸咬落彈下爽口，仲要食到墨魚粒，又幾真材實料，塗上蜜糖，好有B B Q風味最鐘意食燒菠蘿，燒過的菠蘿十分清甜，切成圓型狀份量多，可以幾個朋友一齊開心食這裏的食物用料新鮮，雖然只是簡單的蜜糖B B Q風味，但吃得舒服，就好似去咗B B Q樂園吃燒烤感覺

深水埗區美食多..今日又來走一趟聚燒遙聚享美食..食完一碟又一碟串燒款式又夠多..雞煲魚煲吃多個😂😋👍—————————-好抵食的即開新鮮元貝及生蠔🦪：仲有超抵試食價20元一隻👍😋1⃣️燒蒜香（即開）生蠔🦪：新鮮即開，燒蒜香的熱辣辣味道，鮮甜新鮮又好味😋——————————2⃣️燒蒜香（即開）元貝：又是新鮮厚肉鮮甜，蒜香🧄粉絲蒸👍😋——————————-3⃣️燒牛舌：又厚又大串，軟熟——————————4⃣️燒五花腩：又係我最愛吃的，又爽又嫩的，又有肉汁➕有口感👍——————————-5⃣️燒羊肉：羊肉的飄香又軟又嫩的肉質😋—————————-6⃣️燒蒜香茄子🍆：原條的風味，🧄蒜香茄子的烤香，陣陣傳來的好味道😋————————-7⃣️燒京蔥：爽口清新、清脆嫩香————————-8⃣️燒秋葵：健康的蔬菜🥬————————-9⃣️燒韭菜：燒得夠香又夠嫩又夠水份————————🔟燒豆卜：又香又脆————————-1⃣️1⃣️燒多春魚：好香好脆，咬落口脆卜卜的魚春更好吃———————-1⃣️2⃣️麻辣味雞煲一隻：麻辣雞煲好好食..色香味美人賞識秘製味道夠特色.. 吃得滋味又出色👍😋————————飲品：雞骨草：夏枯草：食完串燒雞骨草…清清熱氣夏

今次👦🏻👧🏻就揀咗間又有得食烤魚、雞煲、串燒嘅聚燒遙，食物質素比預期高，味道亦比較重口味😆，岩曬👦🏻嘅口味！🌟香辣雞煲全隻(小辣)雞肉多汁滑嫩，大件份量多同幾入味。用左麻辣醬烹煮，配上芫茜、紫洋蔥、蒜頭、蔥、辣椒、花椒等香料，撈埋芫荽令到味道同埋層次都更豐富，夠過足癮又唔會飽。小辣嘅辣度比十小辣更溫和，嗜辣嘅朋友仔可以大膽啲叫辣啲！串燒🌟生燒原塊雞皮雞皮脂肪多，食落去香口脆卜卜，油脂豐富的口感，食落去唔會太咸。🌟濃汁豬肉丸豬肉丸其實就係平時食開嘅冬菇豬肉丸咬落去肉汁豐富，彈到👦🏻件衫都好多肉汁，口感彈牙。🌟韭菜燒韭菜極重孜然味，燒得香而且唔會好乾，完全顯示到串燒師傅既功架。🌟燒牛舌牛舌厚薄大小全部岩岩好，咬落去唔會太韌，唔講以為食緊牛舌芯，可見一樣火候適中。🌟豬頸肉/五花腩一串豬頸肉/五花腩🐷都有大概3-4舊，豬頸肉爽口充滿油香，肥瘦均勻。至於五花腩算係厚切再燒，唔會覺得Dry/韌，表現幾好。🌟明太子雞翼其實就似平時日本餐廳🇯🇵/氣炸鍋食物，表現正常。🌟雞泡魚干雞泡魚干燒得香軟🐟，再點埋蛋黃醬岩岩好👍🏻。

大食妹最愛食串燒，每樣食少少，可以食好多都唔怕飽，川式串燒風味好鬼惹味，唔系好多地方做到個種地道的味道旺角福華街有間細細地串燒鋪，位置唔系好起眼，要D眼力先搵到入到去裝修好有中國風味，價錢親民，叫多幾串都唔心痛沙律燒生蠔極級推介，價錢除番開廿零蚊一隻好抵食，味道唔腥仲有陣陣海水味墨魚丸燒完落左層蜜糖，甜甜地好有中學BBQ的感覺雞軟骨夠爽脆，落左少少辣粉，個味好match 食串燒唔少得燒金菇，用蒜蓉燒就最香最好味咖喇記得叫飲品，如果唔系食落就差咁D🤣

呢間餐廳有好多款式的食物，有烤魚、雞煲、火鍋、串燒等等，而最可以吸引到我就係麻辣小龍蝦。一個鍋有20隻小龍蝦，份量都算多！餐廳好貼心提供埋手套俾我哋，自己剝係特別好味！當然要配搭埋麻辣汁，咁樣先食得過癮！半隻雞煲x香辣味。呢隻辣冇「麻」，所以食完不會感到個嘴腫、脷腫！惹味之餘，仲會heat住，保持熱辣辣先越炆越入味。個火要盡量校到最細，如果唔係雞肉會好快煮到overcook!另外，啲配料蒜頭同洋蔥索晒啲汁，食落好正。串燒方面生燒原塊雞皮真係好大塊，食落有彈性又帶點脆卜卜嘅口感，牛仔骨肉質鬆軟，加上調味粉後少少辣好入味。

深水埗果然係個平民美食好地方~ 平時食烤魚郁D二百幾蚊條, 估唔到今次搵到好野, 烤鉗魚全條都係$198, 仲有得揀半條, 岩哂d一兩個人黎食既!另一個驚喜係有得揀烏頭($138), 做法同烤魚一樣, 先煎香左魚身, 再用湯底浸泡, 估唔到烏頭用依個方法黎食都好好食wo! 揀左酸菜湯底, 酸辣度唔算好強, 唔會遮哂魚味, 條烏頭都好大條多肉, 冇泥味, 好食!食烤魚叫多份烏冬是常識吧, 佢真係用原個稻庭烏冬, 不是cheapcheap烏冬! 煙un口感索左湯酸酸辣辣好味。串燒都係比想像中好食, 唔係一味落調味粉, 好似牛仔骨咁仲食到牛仔骨焦香同埋牛既油香, 羊架香而不酥, 加上辣辣勁惹味!焗西蘭花好鬼大份! 香辣味加上蒜香食唔停口。

路過間串燒店幾平，幾乾淨又吾多人，入左去食飯大部分都系$20 左右，2个人点左12样野食加一枝apple cider 都系$300 ，真係勁平1.貴妃蚌2隻，雖然細細隻，但d 肉好彈牙好新鮮，蒜蓉勁香2.牛舌，厚身，小少軟身但有嚼勁3.白鱔，好鮮甜，好熱又香，但皮吾算好脆4.蒜蓉什菌，好大份，好多蒜蓉，勁抵食5.燒豆卜，勁脆，有10粒，正6.燒尖椒，夠淋，辣辣地，size 好大7.墨魚咀好彈牙8.豬頸肉好厚身，好好味9.雞軟骨好爽彈10.多春魚燒得岩岩好，夠乾身又香口11.雞柳，夠軟滑12.煙肉鵪鶉蛋，煙肉脆脆地，包住鵪鶉蛋好有口感大部分都好滿意，性價比好高😋

抵食烤魚+串燒+🥃🍷放肆嘅第二日，我想食啲刺激吓味蕾嘅食物✌🏻喺深水埗行咗一陣街，見到好多街頭小食，啲串燒香味撲鼻🤤即刻去搵返間堂食串燒chill 下，最正係有埋我哋想食嘅烤魚🫶🏻🫶🏻舖頭入面一直播住90年代嘅歌，飲住啤酒，同老公❤️談吓心，孜然粉配串燒真係一流，越食越開胃，越叫越多，價錢好抵食，CP值好高😍🙂😍咁岩遇到生蠔、元貝$20試食價,舖頭入面雖然唔係好大，不過都坐滿晒人，非常之熱鬧，個個飲完酒講嘢都大聲😂😂😂超級relax🤪🤪可以做返自己唔使咁拘謹😇⭐️串燒必食生蠔🦪，元貝（自家制蒜蓉醬），燒茄子🍆，韭菜，雞全翼，爆汁牛丸，豬頸肉🐷⭐️鉗魚大半條$168叫咗BB辣，所以味道都唔算太重🥰重點係唔會越食越鹹😇清清淡淡都幾好❤

老友吹水夜，同我黎食串燒，係一間意料之外整潔抵食嘅串燒店！唔洗就住就住，一邊食一邊吹水一樂也！肉類正！牛仔骨、安格斯牛小排粒、風味羊架，夠淋夠味，羊架大件又抵食，$56有2件；牛仔骨有牛油脂香味，肉味好重。小牛排粒就好juicy，香得黎輕輕嘅辣，回味無窮！蜜汁雞全翼都幾似自己燒烤嘅味，蜜糖司華力腸因為切件上，每片腸都沾滿蜜糖，又脆又香！食芝士年糕真係小心燙咀，表面燒到乾身，咬落去個下芝士心流哂出嚟，真係要叫多round！好多款式，菜類例如鮮露荀、土豆片、秋葵、韮菜，都好惹味！食串燒一定要飲野啦！啤酒、王老吉、雞骨草、夏枯草、汽水都有，認真快靚正！