聚點坊點心專門店 (已搬遷) 新店位置

有時工作經過上環, 見一家新開張的點心店, 外望店內裝修簡潔, 給人一種干淨的感覺, 但中午時總是很多人 (新張一個月左右吧) 今日星期日, 得閒經過, 即和太太一試.到時約6點左右, 冇乜人, 樓面4-5個人都好有禮貌, 雖然店舖有點細, 但第一印象感覺已經唔錯, 很好. 點菜樓面姐姐介紹每週燉湯都唔同, 今日係"花旗參燉竹絲雞", $25.00. 和太太每人一客吧.店內推介每様點心都係即叫即蒸, 為免等得太耐, 和太太都點了如下, 和大家分享一下.花旗參燉竹絲雞 - 正!! 真係有花旗參, 都唔算少, 夠味夠甘甜, 廿五蚊超值(有相) 馬拉糕 - 正!! 夠熱夠香, 點諗都係剛剛蒸起先咁正, 無得彈 (相片同上)生煎包 - 正!!! 夠熱, 剛煎起, 包軟而涵又不太濃, 剛剛好!!雪山叉燒包 - 正正 !! 推介必試. 老婆大人平時唔鐘意食叉燒包都話好!!! 燒賣 - 比一般酒家的好, 即叫即蒸即起係唔同d, 但未見驚喜.排骨 - 一般同上.雞扎 - 得兩條, 不過只係$18, 有鮑魚有雞肉有東菇有魚肚....好多料. 唯一美中不足之處鮑魚片好似腥佐少少.唔多人關係, 食得好舒服

自從在車氏吃過美味酥皮叉燒包後,每逢知道有供應此點心的都盡量一試,今次就是上環聚點坊。也許地區關係,在近期嘗試過的點心專門店中以這間面積最小,檯椅也放得密麻麻,真的不可要求有舒適環境了。每個座位已放好一套黑色餐具,那獨特的顏色設計,總令我誤會是洗不乾淨的油漬! 客人一就坐阿姐會問客人要普洱或壽眉,繼而放下一張選擇不多的點心紙,同是走貴精不貴多的路線。第一時間剔了雪山叉燒包和鮮蝦腸粉,可惜不足半分鐘阿姐就帶給我一個壞消息:"唔好意思,雪山叉燒包賣晒!!,最後一份啱啱賣左!" 唯有再選叉燒腸粉和蝦餃代替好了。週末下午三時已賣光,這種受歡迎點心何不多準備一些呢?? 心裡有點不是味兒,還是喝口熱茶算了。壽眉溫度夠熱,這是飲茶第一重要因素,今次總算飲到有茶味的中國茶了,算不上入口滑溜或有香氣,總算真的像杯茶。點心說是即叫即蒸,但14:58入單,15:05已送上兩款點心,即拉腸粉還可說得上,但蒸蝦餃又會快得如此利害?? 首先送上的叉燒腸粉活像迷你版,跟超市冷凍版本的大小相若, 師傅拉得相當"骨子"了吧!腸粉閃著油光半透明的樣子的確十二分好看,紅艷叉燒餡料一目了然,相當新式的腸粉做法吧。腸粉相當薄

蘇杭街又有新店出場!蝦餃-內有3-4隻蝦肉+筍粒,幾爽口,皮薄、味道剛好!才$18,叫抵食!野菌餃-啲餡好似油咗啲,個皮又好似無蝦餃個皮咁薄…但都OK嘅!牛肉腸粉-酒樓水準,幾好!但如果啲茶葉再靚啲就好喇!因為啲普洱稍為不太厚身!中午放飯唔想去酒樓迫,又想食點心;佢諗得過!

去上環食lunch, 行0下行0下見到有間新點心店, 入去一試兩個人叫左5樣點心: - 雪山叉燒飽 熱! 脆! 正!!! - 蘿蔔糕 普通 - 蝦餃 蝦甜皮薄 - 糯米雞 味道唔錯 - 煎蛋牛肉飯 好味道! 不太大碗

琴日LUNCH一下子想不到食什麼好, 於是跟同事走到街上行個轉, 見到有新店開張, 是賣點心的, 但因為上次添好運的經歷, 不多想試, 但比同事拉了進去, 誰知有意想不到的惊喜1. 雪山叉燒包上次去添好運,就是因為呢碟, 留低"深刻"印象呢到呢D雪山叉燒包真係"賣飛佛" 點都假, 夠脆夠熱, 一野食了2個2. 春捲可能我喜歡香口的食物, 春捲我都好喜歡, 又係夠脆夠熱3. 雞扎我向來飲茶都唔食雞扎, 我同事話好得WOR, 但夠熱係真既, 佢地話係即叫即蒸4. 盅頭飯好味抵食TOTAL: 422條友叫得3款, 試了很少, 但現在感覺十分良好, 值得一試

一家三口吃早餐，剛巧碰見店子開張，進去試試，裝修雅緻，招呼不錯，要了五樣點心：1.蝦米腸粉 腸粉頗滑，但蝦米未見鮮，卻有點過鹹，泡在豉油中的腸粉也鹹了。2.陳賢菜干粥 粥是夠綿，味道淡了一點，加點豬骨會更好。3.蝦餃 蝦鮮味不足，普通水平。4.野菌餃 味道不錯，餃皮像水晶膠，碰上甚麽都黏到爆皮。5.馬拉糕 行貨水平，份量細了些少。總體上唔錯，即叫即蒸夠熱，但是缺了獨門/自家/招牌點心，還有進步空間。

上星期六當大家都放假既時候, 我呢個只得勞工假既人心情十分底落. 放工既時候同同事2個行過蘇杭街見到一大埋花籃o係街, 原來有新店開張, 見咁熱鬧就行左入去試下. 點心款式唔算好多, 廿款左右啦, 好彩我鍾意食既都有齊我地試左既有:蒸鳳爪排骨飯 $18: d鳳爪同排骨都好好食, 而且d豉油好明顯係調較過, 唔會得個咸字 , 好味!雪山叉燒包 $12:見檯檯都叫咁滯於是都叫埋一份. 一客3個, 餐包叉燒包鋪左墨西哥包既皮, 裡面d叉燒一粒粒咁又夠多汁, 加埋新鮮熱既關係, 有d停唔到口….一定要試咸水角 $12: 一客3隻, 隻隻都漲卜卜, 好似好多年都未食過咁熱既咸水角, 一般酒樓o個d都凍冰冰架麻, 真係即叫即炸冇呃人喎埋單一共: $46 由落單到上菜都要差唔多10分鐘到, 不過都值得等既!! 總括黎講d食物都係好好味, d侍應仲好推介糯米雞同雞扎, 可惜今次得2個人已經食唔到啦.下次叫多d人黎一定要試晒所有點心!!