聚點坊點心專門店 (已搬遷) 新店位置

又一點心店，因想食盅頭飯，見不是太多人等位，可能星期六下午1:30沒有太多人。等了10分鐘有位。同友人共點了6款點心。鳳爪排骨飯：有點失望，排骨味精重了些，飯普通，但鳳爪good。蝦餃：幾好食，皮算簿，蝦亦好食。春卷：有驚喜，好香翠，不油，讚﹗雪山飽：都好食，义燒好食，飽底不油，讚馬拉糕：都有水準，sweet度適中，都鬆軟。春風得意腸：原來係腸粉包著春卷，幾得意，幾好食。服務好，加茶快，要讚。推介，下次會再去試其他點心。

早排睇雜誌, 見介紹呢間係女友屋企附近0既點心店, 約埋女朋友同佢細妹去試下。原來細妹已經食過好幾次, 話屋企無飯開0既日子, 都會黎呢到, 貪其不用等位, 又有湯飲, 又唔係貴, 0的0野仲幾好食。細妹推介盅頭飯, 腸粉同靚湯.我地就叫左一人一個湯, 係涼瓜湯, 清熱得黎又唔苦, 夏天飲幾好, 尤其0岩我呢0的成日生飛滋0既人。腸粉特選了食評推介的豬潤腸, 腸粉質地滑, 豬潤鋪滿整條腸, 而且起沙, 為上品, 唔係咁多地方有得食。最後盅飯我挑了窩蛋牛飯. 蛋是原隻煎蛋, 有點失望, 因個人喜歡用生蛋, 但牛肉餅口感甚GOOD, 爽爽地, 最怕入口就溶晒果種霉牛肉餅. 另亦試左我女友個雞飯, 不俗. 總括來說可以翻單!!

八月十日 (星期二)幾個月前發現了這家點心專門店,已經想試今日行過去,見到不用等位,太好了兩個人點了五款食物!煎蛋牛肉餅飯味道好,飯是硬身的,我喜歡吃牛肉餅亦做得出色,軟稔度剛好,富牛肉味蝦餃味道可以蝦不是太大隻,但尚算新鮮皮似乎厚了點...古法馬拉糕是焦糖做的,所以糖味較道重,與出面普通吃到的味道不同,較鬆軟流沙包很流,蛋黃味道好,比較甜义燒腸腸粉皮薄,义燒份量多而且即叫即蒸,夠新鮮整體做得出色,可以算是港島版添好運!而且價錢實惠...極力推介!

去開上環同舊同事食飯，佢地帶左我係蘇杭街開左幾個月的點心專門店，食落都唔錯~~紅油炒手：望落好似好紅，但唔算好辣，最好夾埋蔥食一口食哂。蜜汁叉燒腸：腸粉相當滑，叉燒份量都唔少。雪山叉燒飽：雪山外表好脆，入面叉燒就相當甜，我唔係太鐘意食甜所以覺得甜左小小。鮮蝦燒賣皇：都算大粒，無咩肥豬肉，入面舊蝦都好爽。北姑滑雞飯，雞肉都滑，而且飯入哂味，不過份量略覺細。荼錢每人2蚊，每樣點心十零蚊到，同酒樓差唔多，不過就唔駛等位等好耐，蒸點心都係等十零分鐘到，同酒樓差唔多。埋單一人三十零蚊到，唔算貴。

夜馬馬想食點心 見佢新開冇耐又係附近 就走左去食 ^^ 見到門口標榜 即叫即蒸 d野食黎到又真係出晒煙 蒸野都係即叫即蒸即食先正 3個女仔叫左:: 紅油抄手 - 紅卜卜 正~ 夠辣! 料夠爽 ^^ 好食!! 豉汁鳳爪 - 唔錯 唔會太咸 糯米雞 - 打開個蒸籠 d蒸汽蒸上黎果下真係好香.. 我地幾個又肚餓 好快就將佢分屍..哈哈 呢個真係好好食 雞亦滑 唔會乾爭爭~ 燒賣 - 非常足料! 有鮮蝦3大隻 =]!! 好食! 雪山叉燒包 - 呢個真係非常好食!! 上面層皮鬆鬆脆脆甜甜地 個包一咬落去又軟 加埋入面既叉燒 同埋汁 真係好正!! 蜜汁叉燒腸 - 皮唔算薄 但亦唔厚 料亦算多 =] ok的 北姑滑雞飯 - d雞幾滑 ^^ 飯軟硬適中 美中不足係..有多幾舊北姑就好啦! 仲叫左3個燉湯~ 涼瓜排骨呢! 美顏下火~ 火侯十足 d涼瓜唔太苦 ok wor! 唔係味精湯 真係足料 個湯都好正!! 茶款就少d 得2款 不過2蚊茶錢又唔收加一 ok啦! 價錢中位 好食 一個人黎食都唔錯

是日放假，去開上環順手約返舊同事食飯。平日最鐘意一班人去酒樓食點心，不過時間有限無得慢慢飲茶，不過舊同事話蘇坑街有間食專食點心的都不錯，所以去一試。這間在蘇坑街的小店位置不甚顯眼，不過都多人幫襯，都要等十分鐘先有位。這店主打即蒸點心，我地三個人，都叫左6籠點心2個飯先夠。鮮蝦燒賣皇：燒賣大大粒，售價16元，相等於一般酒樓的大點、特點，但燒賣的豬肉夠份量，蝦都十分爽口，一口食係食唔哂，同埋個燒賣皮都好滑。紅油抄手：我最愛菜色之一，這兒的紅油抄手雖然貌似好辣，不過食落其唔唔算好勁，對於我這種愛辣的人顯然不足，不過同行的女孩子就覺得可接受。雪山叉燒飽：外面的皮很脆，內裡的叉燒很甜，配合得相當不錯，值得推介。蜜汁叉燒腸：最大的特點是腸粉，是極之滑，有種很特別的口感，而叉燒方面中規中舉。埋單一人都是三十多元，可以再試，不過唯一值得留意的是因為是即蒸，也需等十多分鐘才有得食。

老公一向都鍾情一盅兩件，係上環番工的我發現咗“聚點坊點心專門店”，lunch行過幾次都有人等位。襯老公上月尾有幾天假期可以陪我食lunch，就帶佢到這裡嚐嚐點心及嘆嘆茶。今日老公番晏，佢等登又約我到這裡再嘆茶了，雖然只有兩款茶選擇﹝潽洱及壽眉﹞，但係茶位只是$2一位，而這裡的點心質素及價錢真的非常合理又不用加一收費。品嚐過的點心及食品如下：黃沙豬肝腸粉腸粉好薄好滑，豬肝夠熟又唔會過火。雪山叉燒飽即叫即焗，皮脆、飽軟、餡料又多汁。生煎菜肉飽飽皮又薄又軟滑，菜多肉少的比例我最喜愛。四季豆欖菜餃皮薄餡料豐富﹝有欖菜、四季豆、蝦等等﹞。香蒜炸春卷鬆脆春卷皮包著蒜香味濃的饀料，真係好好味。蛋白千層糕蛋白做的糕皮夾著奶皇，薄薄的一層疊一層，非常精緻。﹝但是今次吃時低層位置有點兒濕，要待改善。﹞煎蛋牛肉蒸飯牛肉味道有點兒像山竹牛肉，放在盅頭蒸飯上再加煎蛋，非常美味。鳳爪排骨蒸飯惹味的鳳爪排骨放在盅頭蒸飯上，飯粒軟硬適中，心水選擇之一。燒賣皇無特別不過都夠鮮味。桂花紅豆糕一層桂花一層紅豆，又清涼又好味，真是一個夏天的好甜品。生滾肉丸雞球粥粥低綿滑﹝像是媽咪煲的那樣﹞，雞球鮮味，肉丸餡料有蝦及冬菇，整體

而家賣點心不再是酒樓嘅專利。開到成巷成市嘅點心餐廳，越嚟越多！喺上環都有一間，不過，點心款式不多，久唔久轉吓 Menu !今次係我第二次幫襯，發覺已經轉咗 Menu ! 四季豆欖菜餃 $14 有潮式風味，餃皮係粉果皮，透明又帶點黏性！皮薄，一睇就知道有好多餡。大約 $5 隻。係物有所值！有四季豆、欖菜之外，仲有肉碎同埋1細粒蝦(咁大把)！ 有欖菜調味，味道唔會差得去邊。果然無錯！係惹味之選，好開胃！四季豆爽口，各樣配合底下，口感豐富！北菇滑雞飯 $18之前，我食過鳳爪排骨飯，當時，只係一兜仔！一個 OL 食都窄窄地，可能呢度想大家幫襯食點心，又可做多啲生意啦！今次，買個北菇滑雞飯試吓。Oh! 終於有成個飯盒嘅 Size ！不過，返到公司一打開個飯盒，真係「雞飛狗走」。完全一 PAT 嘢！我執一執先影返張相見人！一件大北菇片好珍貴，到最尾我先食！都好入味！雞唔係咁滑亦唔係咁"鞋"！算 OK 啦！飯夠哂多汁，唔會乾珍珍，好味！

1) $18元一籠蝦蛟,好似公仔點心細細粒,無味道, 2) 蒸飯(鳳爪排骨)$18我覺得飯好油和用急凍肉 3)茶位收2元但無茶味.坐位不舒服,天氣熱冷氣又開得細,但就開大風扇,節約都唔應該在生意生財工具上.

今朝屋企停電3個hour, 所以一早就出上環去報工聯course, 而因為早, 冇咩人報, 所以超快! 反丕有時間, 就到附近ge地方找下點心食~行行下見到呢間野好似新開ge, 就試下new things喇~~一入去, 呀姐就介紹我地坐 個cool d ge 位, 都好好笑容呀~~ 我地叫左一個春風得意腸, 一個beef rice with egg, 一客雪山叉燒飽個牛飯好快就來, 好得, 個牛好滑, 有d爽爽地ge野, 個飯底又唔油, good~~~ 11點前仲要$14蚊jar!! (原價$18)個春風得意腸都ok, 夠hot夠crispy~~ 包住條好hot ge 春卷, 口感都幾特別至於個雪山叉燒飽就反而唔係太特別, 味道正常ge, 都係夠hot ge, 只係冇surprise... 結果2個人都係食左48蚊都已經飽飽lu, 見有d人食糯米雞, 都幾大件~~下次可以試下

自從添好運摘星後，成為一個成功的典範，市場立即有人爭相模仿出現一批 copycats，這間開張不久的聚點坊便是其中之一，選址位處食肆林立的蘇杭街，一直都想來試下。 星期天起床時已差不多中午，家人早上巳出門去了飲早茶，肚子正在打鼓，不想臨時約朋友食晏，怕一拖再拖、又遲大到、甚至放飛機，白白浪費寶貴時光，只有一個人想飲茶食點心，最啱去聚點坊這種點心店。 聚點坊是小店格局，店中大慨只有廿個座位，抵達店中時只有很少客人，但不久便坐滿客人，還有客人專誠揸車來買外賣，以公眾假期在上環區來說都算幾夠人氣了。 店家聲言是即叫即蒸，保証所有點心十五分鐘內上枱，點心紙上的點心大約有三十多款，而且大都有相片在點心名旁，方便外地遊客挑選。 由於只有一個人來吃，我先叫了兩款點心，之後再追加一籠山竹牛肉，以防點心一齊上枱，後尾才吃的不夠熱度。茗茶 ($2)一坐底侍應便問要普洱還是壽眉茶，我選擇飲普洱，不久侍應便送來一杯普洱，原來是沒有茶壺給客人自斟自飲，這裹茗茶不是免費提供，每位要收兩蚊，但每次飲光一杯後伙記都沒有主動來添茶，總是要客人主動要求才加茶，在我離去前才有人拿着茶壺主動斟茶，有點服務不周的感覺。

We came here as an alternative to the Western Market, which had some wedding on. Points to note:1. Relatively empty on a Sunday Morning and opens relatively early. Good when you just want a dim sum fix. 2. totally pain free ordering. You get an order chit with photos and English and Chinese descriptions. It's the full menu, so you don't have the problem of wondering what's been left out of the English version. Mark it out with the pen they give you. 3. Good service that looks family-run. They ke

如果兩個人想飲茶，這裡是一個不錯的選擇。茗茶有兩個選擇：普洱及壽眉。腸粉是一個值得推介的點心，叉燒腸晶瑩剔透，皮薄餡靚。欣賞完外在美就開餐，一食落口，是暖的，很奇怪，不是說即叫即蒸，等15分鐘嗎，點解腸粉會唔熱呢？午餐要飽肚，點了聚點坊的招牌糯米雞，幾乎每一枱客都有叫，味道很好，唔油唔鹹，不過很奇怪，裡面包的是瘦肉 (所以個糯米雞唔肥)，肉質ok，唔「諧」。生煎菜肉飽細細個，餡料菜多過肉。甜品是蘆薈椰汁糕，啖啖都有蘆薈粒，味道清新，亦唔太甜，正。

見今日好天，先行過嚟買外賣！單張有蒸點類、煎炸點類、腸粉類、餃點類、飽點類、蒸飯類、粥品類及其他、甜品類。我最鍾意食蒸飯！我見單張 mention 即叫即蒸(需時15分鐘)！係咁，預早20分鐘打電話叫外賣(自取)！費時太陽太哂等得太耐！我叫咗鳳爪排骨飯！落去見到門口幾多人等位！一睇到個膠袋，Oh! 咁細嘅！！！返到公司，好失望！因為，見個鳳爪排骨飯！俾我預期細！怪不知賣咁平啦！但係鳳爪同埋排骨，仲有飯夠多汁！好惹味！唔好意思！太肚餓，無影到相！

見d食評幾好所以趁放假就買個外賣試一試試左以下幾樣:牛肉腸- 夠滑,香茜夠香!雪山叉燒飽- 名不虛傳,外皮香脆,咬落鬆軟!蒜香炸春卷-蒜味夠香,好味燒賣+蝦餃-幾精緻,蝦都新鮮,但無咩驚喜野菌餃-餡好味,拍得住富臨個個野菌餃!