聯發燒臘飯麵家

营业中

休息中

早前感冒, 咸胃罷了好幾天工；終於，某一天，路經聯發，忽然想吃一個叉燒飯 - 咸胃終於復工，證明病情也有好轉。聯發是區內的長龍叉燒店，每每師奶買餸時間，此店往往出現排隊買叉燒燒肉回家加餸的人龍。聯發的叉燒還不錯，肉質豐厚而鮮嫩，以區內燒味店來說，的確是最好。不過，我嫌味道和肉香太普通了點，沒有令人印象難忘的個性，區內街坊光顧還值得，專乘來吃倒也大不必。但無論如何，這叉燒的豐腴，加上叉燒汁和飯香，仍然教人吃得高興，仍樂意讓人為之瘋狂

假期理應留在家煮飯仔, 但趕緊計劃書, 不想再加添工作 (雖然自己煮餸好味啲, 健康啲), 旁晚剛完成初稿, 原想食蒸魚,...跟老公行下行下見無咩食客 (外賣例外)! 今次選了一人一碗雙併飯, 叉燒切雞骴飯, $33, 及燒肉燒鴨飯, $28, 叉燒太瘦...麻麻地, 切雞就達標, 又滑, 又有點雞味, 燒鴨燒肉又係略瘦...白飯點硬, 灼菜心, $7, 幾抵, 下次都係叫一碟例牌雙併, 貴精不貴花款多會較美味一點!

** 此 食 肆 的 第 一 個 喊 **今日(9-12-2008Tue)請假同爸爸出灣仔同紅磡整o野,返到荃灣餓餓地,問爸爸食唔食o野?佢話返屋企整,佢問買唔買燒肉返去?我答唔想返去整,我話o係o度食飯啦,佢答應.爸爸要一碟雞鵝飯,一個$6.00例湯同一碟生菜,我叫一碗半肥瘦叉燒瘦燒肉飯.湯o黎到,係白菜湯,爸爸飲o左一啖話係味精,我見啲湯淡白色咁.生菜到o黎,OK吖,冇問題.飯到o黎喇,爸爸畀o左件鵝尾我,我惟有只食皮,唔脆.我碗飯都到o黎喇,o衣o家係飯餸分開o既,我碗飯一啲汁都冇,叉燒同燒肉o既肥瘦都掉轉o左,畀o左半肥瘦燒肉同瘦叉燒.唉!食落,好彩叉燒唔硬,重有啲鬆軟,但味道偏鹹,而半肥瘦燒肉,皮就好脆,不過肉好鹹.而湯呢,我覺得算清,佢畀o左燒骨落去煲o既.但總括而言,今次令我好失望,真係唔明點解咁多人o黎買o野 .埋單: $72.00

今天晚上選擇的飯堂是這裡, 一入到去....地面很滑, 驚驚!二人叫了雙併 - 肥叉燒併燒骨, $60, 灼生菜 (全走), $7, 米粉, $5, 白飯, $4! 叉燒好好食, 之前叫半肥瘦....亞叔話即係肥叉, 都驚太肥, 食落係 4肥6瘦, 瘦既地方好腍, 未食過灣仔再興, 不過, 呢度都唔錯! 燒骨就好差, 好瘦, 肉好硬, 唔得! 暫時呢度我只推叉燒同切雞!

原本想求其去大家樂....失望地已沒有河粉, 於是行遠少少, 試下呢間新聞多多既燒味!二人叫咗切雞併腩骨, $60, 細細碟, 雞係脾位, 唔算太有雞味, 不過, 偏瘦之餘又夠滑既, 同一條街既太興切雞就肥美啲! 腩骨層皮好脆, 肉唔算好腍, 好在唔太鹹! 灼西生菜, $7, 夠爽脆, 不過全走都仲幾油下, 白飯, $4, 米粉, $5! 細細碗, 都夠食!呢間燒味店長時間都有人龍買外賣, 叉燒可以全瘦, 少肥, 半肥瘦, 仲有雞鴨鵝, 腸, 脷....

我一想起燒味，就會想起聯發，未吃過的人，一定要試，食完回味。我叫了個叉燒切雞飯一碟，雖然貴貴地，但係食得值架。味道有別於一般酒樓。

尋日老公屋企做節, 唸住買D燒同雞返去加料. SEACH到呢間燒味, 試下佢啦!$40燒–OK啦! 真係同灣仔再興差好遠,不過, 佢少D味精, 都有佢可取之處再買雞…叔叔話$100半隻, $200一隻, 我呆…$100半隻…. 好好X貴! 呆2分鐘(真的呆了!) 有小朋友…算啦! 貴都要買, 我驚佢外姓女無食. 返到去唔好食你就死! 我實寫死你! 結果係普通料!好啦! 又無下次啦!

聯發好好味，佢啲水準好平均，無論叉燒又好，鵝又好，雞又好，仲之樣樣都好好味，而且又無其他燒臘部食完之後勁頸口渴，除咗燒臘之外，仲有一樣必嗌食品，就係只係$5蚊雞無味精大大碗的白菜豬骨靚湯，我試咗嗌咗兩碗飯晒，但之後食唔晒個飯，基本上入去得去的客人，一定會嗌，掂！

中秋佳節無得放早,悶悶地走去荃灣買木頭包n斬料。街市街幾間燒臘店都排晒隊,去到十字路口見到對面馬路條人龍最長,走去八卦一下,聞到好香叉燒味,好~~我又排.....叉燒:一路排隊已經聞到好香叉燒味,一排排掛係度的確好誘人;半肥叉有蜜味,肉質唔un,叉燒頭稍焦又有另一種口感,的確唔錯,難怪咁多人排隊買。燒鴨:新鮮熱辣,師傅伯伯斬時仲有煙出,就係因為新鮮,比個盒焗一焗,脆皮變淋皮,可惜!!鴨鴨味道一般,唔太入味,肉質都唔un,都算ok。白切雞:雞皮表面飽滿好靚仔,雞肉都幾滑,都無血水流出;不過啤水稍利害,所以雞肉無乜味,稍為失色。環境方面就係一般舊式飯店,還可接受;而且店員、燒臘師傅都係上晒年紀伯伯,滿頭白髮黎招呼,自己都唔會有太多要求lu。侍應伯伯雖然年紀大但都好細心,我話要d酸梅醬,伯伯就抓一把比我;臨走就叫我"小心,唔好倒瀉呀!!" =p

9月9日(星期六)依到d 燒味真係好好味, 無論係雞, 鵝, 叉燒,燒肉都好正!不過d 衛生好似唔係咁好.p.s: 今日食食下, 聽到個伙計同個食客講無哂燒肉, 岩岩俾人一次過買哂, 真係勁!(果時中午黎渣)

係荃灣好出名o既燒臘舖, 真係由細幫襯到大, 最鐘意食佢地o既叉燒飯, 無得頂! 不過呢度環境比較污糟.

係荃灣好出名。店面非常馬虎亦不太光潔, 不過味道一流。本人每次去都會order一碟肥义肉飯,油菜同淨水。口感一流,一定要試。