聰嫂星級甜品 (已結業)

係銅鑼灣食完晚餐，朋友話聰嫂甜品正，所以就去左試。9點去到，人都吾少，要排隊，排左10分鐘度先到我地。入到去，位置比較迫，但冇礙我地食甜品既興致。我叫左芒果涼粉豆腐花，估吾到上面有芒果冰底。正！芒果又甜，呢個甜品又多口感，非常推薦！而朋友叫左芒果雙皮奶，芒果比較酸，可能未熟。但雙皮奶非常好味，又滑，令我不斷食朋友個甜品。另一個朋友重叫左荔枝冰，好重荔枝味。

係銅鑼灣食完晚餐意猶未盡，於是就同朋友黎食聰嫂甜品。唔知點解每次經過都好多人排隊，可能係太旺😂。我地都唔例外，都係出面等左廿分鐘先入到去。因為本來好鐘意食芒果，所以就叫左個芒果雙皮奶😊。一開始以為個芒果雙皮奶係芒果味道既雙皮奶，但原來係芒果同雙皮奶係分開😂 。不過芒果係幾甜，雙皮奶口感都幾幼滑。睇落去個芒果雙皮奶好似好細份咁，但食到最尾就勁濟，差d食唔哂😢。食完飯食雙皮奶有d漏，所以都係建議同朋友share黎食🙊。

跟朋友吃完正餐當然要去吃甜品！來到聰嫂當然必定要吃他們出名的冰！第一是蜜瓜冰配上椰果真的是一個很好的配搭，然然他們的芒果冰裡的芒果亦相當甜，最怕吃到很酸的芒果，所以這個芒果冰亦是必點的甜品！太好吃了！

之前朋友帶我食過聰嫂嘅龍眼冰覺得好好食，一直都想再搵機會食返同埋試用其他甜品。難得聰嫂有特價，平時要四五十蚊嘅甜品全部$15就可以食到喇，作為榴槤愛好者又一直想食多次聰嫂我就梗係要抽時間去啦。揀左元朗呢間，特價期間以為會好多人排隊，但放工時間竟然又唔洗等仲有好多位喎。可能大家都想晚飯後先再食甜品吧。終於食到我想試既榴槤水晶珠喇！係一個榴槤雪糕上面大冇啲榴槤肉打成嘅醬同水晶珠喺上面，雪糕都唔求其架真係好濃好香，食完成個甜品真係已經飽飽地，好足料超滿足

聰嫂的龍眼冰真的百吃不厭。龍眼肉很多，在夏天吃冰別無他選。我試過灣仔分店的龍眼冰都沒有那麼多肉。其他水果味的都無龍眼咁好食。如果撞正晚飯後的時間去一定大排長龍。

喺銅鑼灣食完晚餐，梗係去食甜品啦，雖然原本晚餐嘅餐廳有豐富嘅甜品，不過我哋想食傳統地道嘅，所以就去咗聰記星級甜品。其實一向都鍾意去聰記食甜品，貪佢夠創新，甜品又唔會過甜，好啱我胃口。不過佢嘅缺點就係太多人啦，動輒要等半個鐘先至有得食，好彩今次我哋早食晚餐，食完都未到八點，所以就博下運氣，去睇睇使唔使又要排長龍。真係好好彩，去到已經有位坐啦，於是即刻睇餐牌，叫咗一下芒果班㦸，香港唔算太甜，但係一啲都唔酸，好有水準。朋友叫咗個芒果涼粉，涼粉底，配上芒果冰同芒果肉，鮮甜又香，正！我叫嘅芒果珍珠冰都唔輸蝕，係依個咁熱嘅天氣，最適合食芒果冰，加上幾種唔同嘅珍珠同椰纖果，好口嚼，都係冇得輸。最後忍唔住要講講佢哋嘅服務，其實唔算非常之好嘅服務，員工欠缺笑容，但總算殷勤，不過這個也不是重點，相信這裏也可容納40-50人，老闆都安排左五至六個樓面，我見老闆非常重視服務效率，非常適合香港這個超速的都市。

聰嫂私房甜品我諗好少香港人未食過，今日同朋友去銅鑼灣行街，天氣咁熱🌞行左陣最岩去食碗糖水。聰嫂黎講我最欣賞佢個龍眼椰果冰。我本身唔太中意食刨冰，覺得冇乜味 但係將龍眼肉同冰一齊打碎，打成龍眼冰沙，加埋龍眼肉一齊食 簡直係消暑恩物！而朋友嗌既楊支金露同芒果西米露都好好味 唔會太甜 我有時仲會加埋豆腐花/椰果，自由配搭唯一缺點係 間鋪真係好迫，食完糖水就要即刻走了

上星期係銅鑼灣行，又熱又焗，即刻諗起去食一間好出名嘅甜品店-聰嫂甜品。下午4點幾，聰嫂門口竟然有6-8個人排緊隊，超誇張。（但係入面有幾張吉枱未有人汁）排左10min終於入到去，我叫左個哈蜜瓜冰，朋友叫左個榴槤冰，一碗依家竟然要39！（我第1次食果陣係26蚊），不過水準依家依然都係高質。今次埋單total:榴槤冰+哈蜜瓜冰=$78。價錢貴左好多，不過加價都好過食物水準變差，依家仲keep到做到好味嘅甜品都唔係咁易！

聰嫂而家已經好出名，而且愈開愈多分店，而家變到好多遊客，想寧靜地慢慢坐低食都已經冇可能啦。而且員工做野無停手，服務水準唔會有，只會由提供服務變到只係做緊傳餐同埋收野。今日咁啱黎開附近，我地就過左黎食個糖水先去睇戲。我叫左士多啤梨椰果冰，味道仍然咁清新美味，好鍾意食椰果，爽口硬身配合士多啤梨冰既口感，再加上水晶珠珠可謂啱啱好唔會太甜又有好感。老公再叫左份芒果既甜品，佢就話真係好好食喎唔怪之得咁多人啦人怕出名豬怕肥，一間甜品出咗名真係好多人排住隊去食，出左名仍然維持喺水準都唔容易，希望下次嚟到聰嫂都仲食到咁嘅水準啦

每次有海外朋友來港，我總會帶他們去食榴槤🤣🤣😋不論亞洲或歐美朋友愛或不愛吃榴槤，我都會帶佢哋嚟試香港地道特色甜品。😁😁😁😁雖然不是人人會喜歡榴槤，但愛吃榴槤者必定會選擇去聰嫂私房甜品。無論中午或晚上，人流都滔滔不絕。食品品質有保證，材料新鮮，不會太甜，沒有一種假甜嘅感覺。聰嫂皇牌之選👑榴槤水晶珠及榴槤班戟，真是令人齒頰留香，榴槤香滑無比，而且榴槤班戟很快售罄，想食就要快😏😏，美味指數一定冇得輸😎

平時經過聰嫂都要排隊今次都唔例外。店子小少，入面啲枱櫈仲小，有少少迫。不過，糖水好味，排一陣迫一陣都願意。之前都食過佢地地既椰果冰呀，啫喱呀，甚至榴槤冰都食過，佢地fancy類形既甜品都幾好味。但最得我歡心既係佢地既傳統糖水 - 熱既椰汁芋頭西米露。 味道唔會太甜，椰汁味足夠，唔會話加左好多水而冇乜椰味，芋頭粒好林，唔係好生好硬既芋頭粒，非常軟綿綿，再配上椰汁，好夾，雖然份量唔多，但舖頭位於銅鑼灣，$24蚊都接受到。

士多啤梨豆腐花賣相精緻 上枱有少許驚喜 原來除左粒真士多啤梨仲有士多啤梨冰 落單前都無為意成份甜品印象最深刻都係果份冰 幾有士多啤梨冰味 冰都唔會太硬身容易舀黎食 主角豆花反而遜色啲 可能因為被搶味 又或者凍食 又或者本身唔算滑 而且覺得冰同豆花唔算太friend 如果再叫我會想試士多啤梨椰果冰椰汁椰果西米露主打既榴蓮同芒果唔太岩所以叫左份傳統糖水 其實糖水愈普通愈難突出愈考功駕呢份西米露價錢唔算平 好在椰汁味算出無偷工減料 椰果量都收貨 size一碗仔勉強接受 如果價錢下調啲就好 不過見咁多客出出入入咁旺 可能係因為銅仔中式糖水選擇唔算多 坐到逼逼地價格貴貴地大家都超殺

路經銅鑼灣，便見到一間甜品店！這店是第一次來，有很多不同甜品。今次我選擇咗榴槤味雪糕加水晶珠，雪糕好濃滑的榴槤味道，外似食緊榴槤一樣，份量也不少，一碗也和飯碗般大

今次一行4人諗住食完晚餐直落甜品+ girls talk 今次就黎咗呢間聰嫂！因為淨係知呢到有糖水店仲要排哂長龍一入到去勁迫，坐得唔係幾舒服，想睇睇menu 諗諗食咩 都要催催催！d店員煩死 ！然後好不容易叫咗呢個士多啤梨椰果冰 ，仲要果日佢地冇哂真士多啤梨係面都算啦！左邊冇咗成「忽」。然後咁我地一邊食一邊傾計都正常啦係咪先？但又再一次被店員催我地食快d ⋯⋯好係有點差。我想話唔明點解成日排長龍，甜品係多款式，但是貴....好唔抵又唔係真係好好味我朋友都話佢地食果個勁甜，唔好味！！失望 嗚嗚嗚.......

平時自己都冇乜食開甜品、糖水，所以所認識的甜品店不外乎都係許乜乜呀、乜記物記個d啦。今日約左朋友出銅鑼灣時代廣場，行行下見到咁多人排隊，朋友先話係明星開的糖水舖，真係第一次見識咁多人排甜品店，所以就湊下熱鬧咁。排左十幾分鐘就入到去，地方唔大，但又坐左好多人，好墟冚。望左餐牌一陣，都係試下佢個榴連珠啦，本身自己冇話好鐘意榴連，但見好似幾有名，就試一試囉。上菜速度好快，但賣相亦精緻。食落去勁重榴連味，似係食緊榴連雪糕，加埋d榴連肉都係幾飽肚滿足。不過如果可以下次都係空閒時間先去，有點太多人太逼，我鐘意靜靜地品嚐美食，哈哈。