聰嫂星級甜品 (已結業)

星期六5點去左銅鑼灣，趁朋友未黎到又未夠鐘食飯，就去左聰嫂食番個糖水先……雖然5點幾，但鋪頭內已經坐到8成滿……黎到“聰嫂”，如果你係龍眼控，就必食龍眼椰果冰！每一口都有濃濃的龍眼肉既味道，是必食之選！※店內某些風口位，冷氣直吹，吹到真係幾唔舒服，如果可以改善下會更好！

聰嫂聽就聽得多，不過次次都勁長龍，今日下午經過銅鑼灣，行去睇下冇人就食，咁岩過左tea time 又未到放工時間，堂食都好多位，就入去試下喇。當然必食龍眼椰果冰啦。好好味，未試過有一種好似食緊真龍眼肉gei感覺，好似係張龍眼肉雪凍再搞碎做冰咁，再加埋真椰果同小一粒粒爆珠，好有口感，真係好好食。另外個蜜瓜豆腐花，佢都有小小蜜瓜冰再加真蜜瓜肉。都係一樣好香蜜瓜味。只能夠講佢所有水果都係真水果味而唔係溝糖水個種人工味道。食得出真材實料👍🏻

被小伙伴推荐了好多次！一直说是她真爱…找了一天终于吃了一下！第一次点了打皇冠推荐的一些～都挺好吃的！最喜欢黑糯米榴莲的那个～最喜欢这个！那个双皮奶奶味很够…芒果的话自己觉得还可以，一起去的小伙伴觉得很好吃…下次还会再去！

今日終於都試到聰嫂喇，因為次次行過佢門口都大排長龍，跟本多人到唔想等，因為本人最怕排隊，要排隊有龍肉都唔會食囉今次行經過竟然無咩人，仲唔係行運了，當日放工自己一條友都要入去試下，在餐廳睇佢餐牌都睇到眼花撩亂之間，最終還是點了我最愛的龍眼味嘅龍眼椰果冰，因為我比較偏向清新唔太甜嘅甜品而個龍眼冰食落每一口都係都係非常濃郁嘅龍眼清新味道，碗入面仲加入爆珠同椰果令口感更加豐富，爆珠都有少少甜味，而個椰果都幾煙煙韌韌，整體不錯

晚上接好友文工，已經晚上11點，交啲嘢比佢後建議食甜品，呢間在銅鑼灣幾出名，又開得夜啲，去到綠色招牌搶眼，場內枱仔細細，座位幾迫，已9成滿，店員招呼我哋坐近門口位置，基本上同旁邊嘅人無間距！食品款式多，中西式都有，落單後食品好快到！龍眼椰果冰（$36）一碗淡黃色嘅冰，啖啖都係濃濃嘅龍眼味，每啖中間夾雜啲爆珠同煙韌椰果，口感豐富，以龍眼做主角嘅甜品唔多，淡黃色賣相唔搶眼，不過味道一流榴槤水晶珠（$39）朋友食，好攻嘅榴槤味！店員好爽手，唔廢話，大家食碗甜品時間唔耐，好快走一轉客，店員無停手！甜品幾有特色

素來都係捧場客，店時時滿座，一個人比較容易有位，今次叫了薑汁鮮奶燉蛋白，怎知原來溫吞吞的鮮奶，只是倒在燉蛋上面，有小小薑味，佔1/2，既水汪汪的，又很稀的，而下面1/2是燉蛋白，是兩樣分開做的，不是混合一起燉的，很奇怪的烹調-味道不佳，絕對難吃！失望！

聰嫂而家越開越多本身偶爾會去銅鑼灣買個外賣不過自從灣仔開左之後好耐無去過銅鑼灣分店今次去完係勁勁勁失望唔知係咪因為初三仲係無乜人返工...去到門口無員工係到你想入去都無人想理你但係入面係有位的入到去店員是旦指左個位叫我地坐張枱咁我地就坐左廁所門口張枱之前個客人岩岩走啲碟都未執咁就見到之前個剩返兩大舊芒果無食(估計佢帶芒果班戟)我就勁奇怪因為多數芒果唔會食淨不過我食完之後完全明白點解咁我地就睇下食咩點知因為新年得大約15,16款甜品同埋佢又加左價！咁我地嗌返平時食開既龍眼冰同芒果冰係野食未到既時候我已經唔多開胃因為有好大陣廁所味係一有人開門就會有勁大陣味奈何不停有人出入所以喺未食野之前同埋食緊野嘅時候都有勁大陣廁所味呢個位以前都有坐過以前係無味的野食好快就到左咁我就食芒果冰男朋友就食龍眼冰首先野食一放低已經有好大陣漂白水味龍眼冰比之前稀左無左個龍眼既鮮甜香味芒果冰個冰本身其實無咩事不過點都估唔到出事既係啲芒果啲芒果熟到就嚟爛咁唔怪之得之前個客人食剩兩大舊係廁所味同漂白水味之間食甜品我食到差啲嘔其實食物質素問題不太大最大問題係個環境我哋食緊嘢嘅時候佢有員工會喺廚房拎一大堆垃圾去廁所條路本身

這一天，在附近吃過豐富的火鍋晚餐後，老婆仔還想吃點甜品，於是便漫步來到耀華街，幫襯一下名頭甚響的「聰嫂」。「聰嫂」的甜品一向有名，當然生意滔滔，這晚也不例外，店子門外是大批拿過籌號，等候入內的客人，幸好這天我們只得夫妻兩人，所以只是等了兩分鐘左右，便可以享受我們的飯後甜品了。老婆仔的「淨湯丸配薑水」（$18）與我的「生磨杏仁茶」（$21）其實不算十分出色，不過也絕不難吃，以二十元不夠便可有六粒湯丸和二十元多些便有味道不差的杏仁茶可吃，作為飯後的一點甜，還是不錯的。

作為一個「芒果甜品控」曾經好鍾意“XX山”嘅甜品。呢次同朋友行街經過，朋友推薦話呢間甜品又便宜又好味。咁襯著人唔多梗係要試下啦，排幾分鐘就有位了。落單雖然複咗一次都有疏漏，不過最後有加翻。點咗「什果涼粉」、「芒果雙皮奶」同「糖不甩」，份量都唔細，下午茶可以兩人share，最推薦「芒果雙皮奶」。以後有機會希望可以再嚟試多其他幾款芒果甜品。友人埋單後抱怨服務態度欠佳，不過有甜品嘅品質搭救所以瑕不掩瑜，以後依然會幫襯。

聽講新出咗款新嘢「紫薯豆腐花」，係紫薯控就唔好放過啦。今日行大運，排咗10分鐘隊就有得食啦。- 紫薯豆腐花（$39）咦.... 熱嘅？我諗凍嘅會好味啲！不過熱嘅都幾好味，食曬就有啲漏啦。 - 榴蓮水晶珠（$34）雖然有新嘢，但係榴蓮水晶珠永遠都係我至愛，次次都會哎，真係一啲都唔厭㗎。

紫薯心太軟$58不太愛好心太軟的我，除了紫薯和抹茶囗味的，我是不會點的。這甜品是餐廳另一招牌哦。充滿紫薯粒的心太軟，蛋糕體看到紫薯形狀，切開流岀淡紫色漿。整個甜品，囗味純朴，是原始紫薯的味道。

一行6人 週日晚上8點25分黎到，門外都大排長龍，基本上都好理解。由於入面客人食糖水快過食快餐，所以等左幾個字就有位。呢張近走廊嘅4人枱，居然叫我地4男兩女坐落去由於另一邊係走廊，所以只可以喺圖中女人嘅位置坐兩個人。我想問下侍應，你傻的嗎？最後旁邊有5位客人見我地根本坐唔落，就埋單。呀侍應諗都冇諗過調位俾我地，就想放門外嘅4人飛入黎！呀姐安排座位係咁做的嗎？糖水？係好食呀，咁又點？服務0分，唔會再黎呢間分店。20:40坐低光速落單光速食完20:53分收哂你啲碗唔係想坐呀？

Dec 2016聰嫂星級甜品☆ 龍眼椰果冰＄36（又加價）龍眼冰上有椰果同埋一啲珠珠我覺得銅鑼灣的龍眼冰比灣仔的榴槤冰好食 但之前聽人哋講話榴槤冰係最好食🤔究竟是銅鑼灣水準較高？灣仔的較淡味？🤔定還是其實是龍眼冰比榴槤冰好味、較濃？？冰的問題還是分店的問題？🤔😂😅總結好食：唔錯😋龍眼味濃抵食：又加價，由＄32加到＄36🙄唔算貴，但加得太密，加幅太高等候時間：15～30分鐘到達時間：9～9：30p.m.

QT終於食到聰嫂個紫薯豆花😌幾次去問都過賣晒～ 今次經過再問～ 終於有～ 但好爆人要排隊15mins ! 紫薯嘅部分做得好！唔會過甜都有過稀～ 仲有紫薯粒👍🏻但個豆花就⋯⋯夠滑嘅但係零豆香味～都係龍眼冰穩陣～ 清清地甘又有咬口～ 其實芒果冰同蜜瓜冰都正～ 不過都係個句～ 我食糖水都想舒舒服服！但每次去聰嫂除左排隊耐都算！仲要你食得快，食耐d都俾人眼神叫你快走又好無謂！話晒d野唔平囉！俾d d 時間我享受都得掛？其實我都拍左甘耐隊甘嘅態度真係會有點嬲

食完晚飯同朋友去食糖水傾下計，掛左陣隊終於有得食，我地叫左三碗糖水share食，樣樣都可以試下！楊枝甘露單單睇賣相已經好唔錯，食落去芒果甜甜地，有dd奶味，西柚肉有dd苦，不過整體還可以。但係食食下，食到一塊異物，同朋友研究完覺得唔對路，叫個店員過黎睇下，問佢咩黎，佢話換過碗俾我...我好想問，如果我撈屎俾佢食，佢食左我再話換過碗俾佢得唔得？如果有小朋友唔知食左會點？我發誓以後都唔會再食！出名多人食又點？食左咩落肚都唔知！另外龍眼椰果冰既冰係龍眼味，龍眼味幾甜，不過椰果既份量就偏小！面層有我好中意食既爽口珠，成個甜品都唔錯～仲有個淨湯圓配薑水，薑味重，唔食得辣既人未必食到，湯圓皮都偏厚。點都好，做飲食既衛生係好重要！希望佢地會正視！