肥仔雲南小鍋米線

营业中

休息中

鋪頭座位唔多，而且很多外賣，上次中午一點半來到要排隊45分鐘，今次星期日6點半來到竟然唔使排隊，不過由於外賣多，坐低落單後等左超過20分鐘先有得食。蘿蔔腩肉小鍋米線(小小辣) $41本身唔食得好辣所以叫小小辣就夠，腩肉份量多係每次必點，蘿蔔煮得夠淋。湯底是帶甜的酸辣湯，可能唔係個個鍾意甜味，但係我喜歡的口味。松花蛋 $22同普通皮蛋分別不大，醬汁唔係好附到落啲蛋到，感覺蛋還蛋汁還汁，可以跳過試其他小食。

嚟開呢區過嚟朝聖，地點其實係德寶未入正門之前右手邊條巷仔(我哋兜錯路)，是日烈日當空，雖然唔駛排好耐隊，但咁啱油煙位喺正門口噴出，更加熱🥵坐落感覺係逼少少(一般米線舖都係咁㗎啦)，但幾乾淨喎🥰嗌咗豬頸肉雞腎酸辣小辣米線+腩肉魚皮餃麻辣米線+小食炸魷魚鬚餸：豬頸肉可能無分湯嘅關係，無嗰種微焦嘅香口，只係普通浸咗湯嘅豬肉😅鴨腎薄切，爽口得嚟有肉味，筋位都唔韌🥰腩肉少辣得嚟，索咗預先烹調嘅醬汁好入味，同坊間嗰啲比無乜肥肉，鍾意瘦肉嘅人會啱食👍🏻魚皮餸有3粒，正常👌🏾餸嘅份量有啲少，性價比唔高下次都係食返平餸算😬一開始以為無乜配料，原來喺曬底，芽菜為主👍🏻湯底：第一啖食係幾鹹，後調係甜，酸辣同湯底嘅甜味比較夾，湯底唔酸，主要酸味嚟自酸菜，喺曬底撈一撈先食就剛剛好👍🏻麻辣配甜嘅湯頭就有少少違和感，不過唔算麻呢點幾好(唔鍾意麻到嘴唇痺嘅感覺)。小小不自量力地嗌咗少辣(平時譚x嗌開5小辣)，越食越辣😅米線：偏幼身，滑帶少少煙韌，幾掛湯不錯，份量好多，最後食剩炸魷魚鬚用薄粉包裹住再炸，好酥脆，魷魚有返咁上下厚度，有咬口，就算凍咗食都仲係唔錯，推介！🥰🥰飲品正常，少冰/少甜嗰啲要求都滿足到水準中上，未至

九龍灣隱世米線舖 — 肥仔雲南小窩米線🍜▫️炸魷魚鬚($45)🦑魷魚幾好味😋爽口唔韌，炸粉唔算厚，可以一試。▫️小窩米線($32)叫咗一碗普通小窩米線，本身湯底都帶有酸味，酸味味道適中，都幾好飲，配料加左雞肉(+$6)同腩肉(+$9)，雞肉份量幾多亦唔鞋，而腩肉醃得好入味。▫️酸辣小窩米線($32)叫咗小辣，都有啲料到🥵！配料叫咗墨魚頭(+$12)唔係間間米線舖都有得食，呢度嘅墨魚頭係入口爽口彈牙🤤呢度嘅米線軟硬適中，唔會太淋，又唔會太爽，幾啱我口味😋▫️炭燒豬頸肉($42)口感有啲乾，蜜糖味重，但面頭冇脆皮，側邊位有點硬🤧▫️整體份量都大碗，味道都OK，不過真係味精好重😵食完之後一直都好頸渴，係咁想飲嘢🤧▫️地址：肥仔雲南小鍋米線 (九龍灣)九龍灣牛頭角道3號得寶商場地下37號舖▫️為食指數:6.5（10分為最多)抵食指數: 7.5▫️#goeat九龍灣#雲南米線#雲家過橋米線#酸辣米線 #酸辣粉 #老闆娘酸辣米線 #譚仔 #三哥 #譚仔三哥 #雲貴川 #米線關注組#荃灣米線#酸辣米線#九龍灣酸辣米線#唯一雲貴川風味#九龍灣好去處#九龍灣美食#肥仔米線#小窩米線#肥仔小窩米線#肥仔雲南小鍋米線#香港

💛💛💛肥仔雲南小鍋米線💛💛💛呢排熱到無晒胃口…涼拌撈米線$34叫咗三樣餸(每款送都唔同價錢）豬頸肉、豬大腸、雲吞成碗份量都好多咁熱焗既天氣食冷伴就最爽豬大腸滷水夠入味，夠淋雲吞好大隻足料豬頸肉就相反比較遜色呢間成日都排長龍😵‍💫早少少去會好d🌟

聞說呢間九龍灣德寶肥仔米線，店外長期多人排隊，而且米線湯底好正。今日襯著uber eat 有張快到期的優惠要用，於是點了!草子點了小鍋酸辣米線 BB辣，跟雞絲，雪花咁多!BB酸辣湯底帶少少甜，唔算油膩我則點了清湯，另外點了豬軟骨和豬紅豬紅有陣臭味，好難食。清湯湯底偏甜，米線軟硬適中，豬軟骨都整得幾好食，肉質唔散而且軟骨位好淋，可以點!整體來說，這間米線又未特別好味到要去排隊食，如果住九龍灣可以試下...

好鍾意食酸辣唔理天氣熱辣辣都要食🤣今次嚟九龍灣食呢間米線關注組好多人推介嘅肥仔米線聽講以前舊舖係荃灣嘅時候已經好出名而家搬咗嚟九龍灣近近地就嚟試下呢度環境細細係商場巷仔側邊如果唔係見到人龍我就真係行過咗主手打酸辣/麻辣小鍋米線勁多餸揀 除咗米線 仲有啲小食酸辣小鍋薯粉（包一餸/小辣）32蚊包一個餸都算幾抵而且份量都幾大碗！一碗小鍋包咗肉碎 酸菜 韮菜 芽菜叫咗酸辣小酸似譚仔二小辣再辣啲啲湯底聞到好香酸味食落都夠酸 濃得嚟偏甜比較重口味但我好鍾意🤤（重口味人士）我幾鍾意呢度嘅辣辣得好過癮愈食會愈想追住個辣個種😆薯粉份量好多質感好煙韌好吸湯 酸辣揀薯粉係正啲！餸方面我就揀雞絲雞絲份量幾多本身乾掙掙但索滿哂啲酸辣湯食就超正另加咗墨魚頭呢個就正正常常啦冇特別炭燒豬頸肉見到好多人都叫就試下佢份量都唔少 而且都算厚切豬頸肉邊位有啲焦驚喜地肉質又會好乾口感爽口而且唔會好油膩配甜酸醫食唔錯！炸雲吞炸雲吞亦都係大大甩非常有誠意地用咗菜肉雲吞去炸食落係多餡唔會有空虛感🤣炸得脆卜卜但有啲油仲有幾粒燶咗啲但味道合格！

在OpenRice 見過呢間米線，店舖有少少入， call職員先知道位置抱住過來試下的心情，小氣謹慎地叫咗一碗雞翼尖小窩米線先加杯凍檸茶，估唔到真係好啱我口味微甜的湯底再加上入味的雞翼尖，辣辣地掃走了我沉悶的心情一邊吃一邊流汗的感覺真係好，后來再加多個小吃松花蛋，口感都係小驚喜，下次再過來

假日同女朋友特登去食，1:40到場大約排半個鐘落單兩個小食，兩碗米線，一杯野飲首先黎左蒜泥白肉：普通野無特別第一碗：大辣多酸墨魚頭+豬軟骨+牛柏葉湯頭一食落去同雲貴香陣味有九成似，跟住見到碗野無蔥花問個侍仔佢九唔搭八唔知同我講乜，簡單講蔥花要加$6，我真係#%+€¥£，墨魚頭牛柏葉過火左，一個變咗少少擦子膠一個唔見緊一大堆，啲豬軟骨煲到爛晒在碗中分體炭燒豬頸肉：我覺得可以嘅呢碟野第二碗：撈米線，小辣+芽菜普通野，真係無乜好講話說排隊女友已經肚餓，入左去落單碗野成廿幾分鐘先上，個侍仔又無乜禮貌，一句求其答煮緊啦埋單共188講真，住嗰邊唔洗排隊食下可以嘅，普通野，但加蔥要錢成世仔第一次聽，成碗同雲貴香一樣味咁滯，但雲貴香唔洗排隊，又唔洗坐到土地問題咁，而家日日3X度，企係條後卷度天體日光浴，無必要囉

作為一個米線控當然要試吓各區米線名物啦據聞佢同荃灣老闆娘米線有得揮於是放咗工特登去九龍灣試吓七點鬆啲去到九龍灣已經見到有五六個人排左喺門口等咗半個鐘頭終於有得入去食小窩米線配蘿蔔（唔辣）$32第一下飲落去個湯底甜甜地幾得意但食到一半真係甜到頂唔順米線都係爽口蘿蔔吸啲湯汁都好甜好好味而且米線份量都比較多$32抵食嘅但個人真係唔係太鐘意太甜嘅湯底所以都麻麻地食到一半左右已經唔太想食落去加咗杯凍奶茶$7凍奶茶都係正常發揮一般茶餐廳質素淨菜肉雲吞 （唔辣）$37份量有成7粒每粒都大大粒味道正正常常冇特別驚喜燒豬頸肉 $42見到好幾枱都有叫豬頸肉就試吓啦果然佢嘅豬頸肉係幾出色喎豬頸肉厚切，入口爽滑又唔會覺得好油膩配埋呢個酸甜醬汁真係好好味總括嚟講都OK嘅但如果要排隊就唔值得建議大家如果同我一樣唔太鍾意甜湯底嘅話叫麻辣嘅米線比較好可以中和少少湯底嘅甜味

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎呢間米線係荃灣好多年，今年先搬左黎九龍灣。位置比較偏僻，而且不定期休息，去既話可以先上𝘧𝘢𝘤𝘦𝘣𝘰𝘰𝘬 𝘤𝘩𝘦𝘤𝘬左呢個月休邊幾日，避免摸門釘🥺🥺🥺今次中午時間去，都等左20分鐘先入，入到發現餐廳都有好多外賣單要處理，堂食出餐就比較慢☹️🌟 腩肉金菇酸辣米線 （小辣） $41明明係小辣，但碗野比想象中紅，飲一啖湯，味道好濃郁同埋唔算太油😍偏咸同埋都幾辣（不過我係重口味既人，所以覺得好正）🤣腩肉份十量都幾多，又唔會太瘦，幾有咬口而且好入味，辣中帶甜勁好味！平時食米線都好鐘意叫米菇，吸晒湯既精華好味道呀。米線就算爽口，唔會煮得炆，而家掛滿晒湯，兩樣野個味好融合🥳不過食完之後下午有𝘥口渴😅📍肥仔雲南小鍋米線九龍灣牛頭角道3號得寶商場地下37號舖

聽人推介肥仔米線就聽得多，今日終於有機會嚟試！今日係平日，12點左右到，店舖內不算十分多人，可能係落大雨嘅關係。店鋪位置有啲隱蔽，唔熟呢區嘅朋友仔（我）要兜一兜先揾到🙈我係鍾意食辣但唔食得好辣嘅人，所以嗌咗麻辣小窩米線（微辣），餸就係螺旋藻 + 雞絲 + 豬紅。米線質地係我好鍾意嘅，煮得夠淋得嚟但仍然煙韌彈牙，又吸收咗湯嘅味👍🏻（最怕某啲米線好似同個湯無關係咁）個湯好香好夠味，又唔會太油，微辣對我嚟講食到後期都有啲辛苦🙈但辣得好過癮，唔係死辣嗰種螺旋藻同雞絲都好正常，但豬紅就有啲失色，完全無味，下次可以不用嗌呢樣。份量對正常食量女仔嚟講好足夠總結：性價比得高的米線，會再次光顧，亦值得推介🙌🏻

九龍灣•「隱世」雲南米線🍜經常係社交平台香港米線關注組見到呢間肥仔米線榜上有名，今日路經附近決定嚟試一下------------------------------肥仔雲南小鍋米線，位置隱蔽，環境與普通港式餐廳/米線店分別不大，自家製雲南小鍋米線作主打，另外可以加配餸料。#九龍灣#隱世#雲南米線#九龍灣米線------------------------------🔺雲南小鍋米線_酸辣（中辣）配 腩肉🍜湯底味道偏甜，（甜的不太自然），略帶酸，湯底辣油比其他雲南米線算是少，味道不太辣(已點中辣)，湯底以甜味為主少辣略酸。🥢米線較爽口硬身，有點像未煮熟一樣。🐖腩肉不錯，肉質較肥膩，夠淋夠入味，充滿醬油和醃料的味道。配料：肉碎肉味很濃，不辣但帶甜。甜酸菜味道偏甜略酸，非常爽脆。整體與平常食到的雲南米線🍜味道有點不一樣，較特別、偏甜。------------------------------味道指數：⭐/5抵食指數：⭐/5個人推薦：⭐/5------------------------------地理位置偏僻，味道沒有什麼驚喜，不難吃，但比它更好味的不少。如果專誠去就不太建議，個人認為一試就

以前想食米線就必定會去荃灣食肥仔米線，一食就食咗十幾年但係而家...就真係要搵機會同時間先去到食，畢竟九龍灣都實在太遠🥲星期日，終於抽到時間，揸車過九龍灣未夠中午12點，剛好去到唔駛食，即刻有位坐低諗都唔諗就落單～～未有得食就周圍望下，比荃灣嘅座位少咗一半有多，座位之間比較擠迫，但都坐得舒服嘅等咗一陣就有野食喇～～我點咗 <腩肉豬耳小鍋米線>老公點咗 <腩肉豬腸小鍋米線>米線 - 軟硬度剛剛好腩肉 - 比以前厚咗、大件咗，辣味夠香，同以前分別不大豬耳 - 皮軟、骨爽脆豬腸 - 滷水好入味，炆得夠淋湯底 - 點咗小鍋唔辣，又點咗腩肉，因為腩肉本身有辣味，變相個湯底有甜酸辣 三個味喺入面，呢個正正就係肥仔米線嘅味道喇～～講真，米線呢家野真係好睇個人口味～～我自己就好鍾意食肥仔嘅味道喇，十幾年都無變過～～有時間會再返嚟食～～

最近肥仔米線火紅好多人推呢度既米線搞到我都心郁郁黎試我地已經兩點先黎到都有一條人龍排隊等左大約20 分鐘先有位點左~酸辣小鍋, 微辣, 生菜, 墨魚頭之前睇食評見有人話個湯底偏甜我今日第一啖食米線時都有呢個感覺但係可接受既唔會覺得怪呀同埋同朋友都覺佢個微辣都幾辣下佢下一層仲有個BB 辣建議第一次黎食時唔好叫咁辣呀生菜正常墨魚頭幾爽口推介呀另外要讚朋友點既麻辣小鍋碗米線黎到我已經聞到麻辣香味呢個真係好少有下次黎可以試下麻辣

呢排見咁多YouTuber介紹忍唔住同老公過去試吓食↘️我叫咗⭕️酸辣米線BB辣⭕️配料有🟡豬大腸+豬紅🟡首先米線係好食嘅，軟硬適中配料豬大腸份量OK但係有d硬豬紅就幾好食，有4-5舊個人覺得湯底係靈魂而佢呢個酸辣米線個湯底係好甜亦得少少酸味，我覺得好難飲😭↘️老公就叫咗⭕️酸辣米線中辣⭕️配料有🟡豬軟骨+腩肉🟡豬軟骨份量好少，但係幾好食，有一舊係好淋嘅軟骨，食落都好入味腩肉就唔好食，好硬同好細舊佢呢個湯底辣度OK↘️總括嚟講米線好食，但係湯底同配料麻麻哋湯底太甜但夠熱同濃價錢適中