肥姐蠔餅婆

营业中

休息中

喺元朗食完嘢行過呢間蠔餅店，朋友話幾出名同埋幾好食，於是就叫咗一件share試吓。雖然食完晚餐，但都要買件嚟試吓先。冇人排隊，小店得一個呀姐，蠔餅即叫即煎，$40件，留意番叫4件都係$160即係冇平到😂所以我哋都係叫一件試吓算。蠔餅大小適中，都唔係太細件，2個人share都ok的，新鮮煎起熱辣辣仲好香。熱辣辣食落口就唔係太油，好多蔥好香，蠔肉幾鮮味，個蠔餅唔算太多炸粉，個蠔餅少少辣，不過都ok。

有一次入元朗既朋友仔屋企佢話帶我去買呢間蠔餅食過之後每次入元朗都一定要買呢個蠔餅呢間蠔餅即叫即整有一次去姐姐見我想影佢整佢仲慢慢教我就返個角度影會正d佢好食到就算元朗外賣拎返大角咀食都仲係好好食每次都要叫多芫茜😆

週末出遠門去元朗公園行吓，經過竟然發現中學食過嘅蠔餅舖頭竟然仲喺到😱🫶🏻唔使排隊但keep住有客人，依然都係有個平時幾cool嘅姨姨親手整雖然賣相平庸但係質素依然冇令人失望👍🏻 蠔仔好足料又夠肥，口感唔會太粉同過鹹。值得試完再試------------------------------The best Pan Fry Oysters Cake in Yuen Long! 🦪 This local shop has been running for more than a decade and so blessed that it survived the pandemic. The pancake is with a generous amount of oysters, which are so succulent that pairs so well with fried dough. And the saltiness is right on point. Definitely worth a try 🤙🏻

依間馳名嘅元朗好嘢食，曾經大排長龍〰️但我嗰日去老闆娘話因為嗰個都翻曬大陸，生意少，就嚟悶到瞓著🥹其實真係值得一試，支持下啲小店🤧蠔餅🦪 💰40 ❤️‍🔥9/10分皮薄又脆，有好多隻蠔，而且唔細隻💕如果多啲茜，平翻啲，同有辣味就更好（我唔食辣，但係發現加泰式鳳爪佢送嘅辣醬，有小小小小辣嘅都幾惹味）👍🏻泰式鳳爪🐔 💰40 ❤️‍🔥8/10分夠酸！好正！我連啲酸洋蔥都食咗唔少🤤但係40蚊有啲貴，所以無更高分🤏🏻

差吾多每次同朋友入黎元朗都會去肥姐度食一份炸蠔餅😚肥姐既蠔餅即叫即炸，所以要稍為等一等🤭 岩岩炸起要小心啲食，熱辣辣架👍🏻 蠔餅餅皮周邊炸得香脆，豐常有口感🥰 而中間較厚身所以食落就較為濕潤🫶🏻 蠔餅入面加左吾少蠔仔，又肥又鮮甜，好好味呀😋 重口味人士可以夾啲芫荽一齊食，非常吾錯架❤️ 當然如果吾鐘意芫荽既話，可以同肥姐講聲，走芫荽😉肥姐呢度既辣椒醬又係必試的，辣度十足好過癮🌶️🌶️ 食完脷尖好似噴火咁😂😂

😆フェイジオイスターケーキは、元朗の三大名物料理の一つです。 ドラゴンボートが怖がるのを見るのを恐れないでくださいええと、🥰この部屋は本当に並ぶ価値があります。 1個$40と少しお値段は高めですが、十分な量です!カキがたっぷり入っていて、超サクサク！ 買ってから買うのがオススメ😘! 付属のタイ風チリソースが、ズオハオの生臭さを中和してくれます。🥹骨なしの鶏の足は、酸味と辛味が食欲をそそります。🤔

今日喺元朗掃街第三站.人氣必食蠔🦪餅.其實呢度肥姐蠔🦪餅我哋食過好多次.我第一次幫襯肥姐應該四至五年前.我記得大概當時好似賣$26元一底.當時我已經覺得好好食.好抵食 ！經過幾年時間洗禮嘅通貨膨脹.由$26元.$30元.$32元.$35元.今時今日己經賣到$40元一抵.還是覺得好好食.亦都係好抵食！今次叫咗兩份共$80元.由落單起碼要10至15分鐘製作.蠔🦪餅粉漿唔厚.蠔🦪仔都算大隻新鮮.唔會腥！👍😋😋😋

肥姐蠔餅係元朗三大名樓之一。唔好見到個條人龍舟嚇走咗，呢間真係好值得排隊。一份要$40雖然價錢睇起身有啲貴但係十分之足料有好多蠔仔同埋揸得好超級超級脆口！建議買咗之後一定要落佢配嘅泰式辣醬可以中和左壕既腥味。無骨鳳爪都好好食，有啲酸辣開胃嘅感覺

被譽為元朗三大名物小食之一～蠔餅肥姐蠔餅婆喺元朗出晒名，平時無論星期一至星期五或者假期六日，都大排長龍，咁啱今日打風又落雨，所以冇人排隊、終於都比我食到了🥳新鮮熱辣，即叫即整，胡椒味比較重，外脆內嫩，強烈推介👍環境指數：🌟🌟🌟味道指數：🌟🌟🌟🌟🌟回頭指數：🌟🌟🌟🌟🌟推介指數：🌟🌟🌟🌟🌟

元朗蠔餅　已經成為小吃地標接近傍晚開店　附近的居民已經湧去叫份其實出餐很快　大約幾分鐘就好可以要求多芫荽　想必這是我的最愛另外老闆娘有自家辣椒醬偏水點　辛辣味挺嗆40塊錢份　適合2人分食本來我們不包太大期望　會有少驚喜酥脆的餅皮　咔咔的每顆蠔肉都很大很完整炸的時候不會讓他們變老　依然鮮嫩肉質滑溜溜的　蛋香不強不過整體會油膩剛炸好吃　特別酥脆

晏就2點幾開門，夜晚太晏去又會賣哂 (有幾次夜晚先去，都賣哂，肥姐就叫我下次黎之前打定電話黎問）所以我今次決定一早就去等開門 好多人排隊🧍‍♀️🧍🧍‍♂️每一份都係即叫即炸又唔油脷，加上 肥姐既粉漿係酥脆 kakakaka雖然蠔仔唔算大粒 不過啲蠔仔唔腥 而且份量係多架～順帶一提，肥姐係會問你需唔需要架芫茜架！我自己就覺得加左茜之後，係會有小小帶出鮮味既💚💚💚

入到黎元朗，一定要做吓遊客咁捐窿捐罅搵嘢食，發現喺大坑渠隔離有間專賣蠔餅嘅小食，嗰日佢啱啱開舖冇幾耐就唔使排隊，聽聞黃昏至夜晚會好多人蠔餅🦪 ($40)即叫即整，保證新鮮👍🏻，小食嘅份量$1足以夠兩個人share，炸到金黃色，粉漿同蠔嘅比例適中，鬆脆之餘仲每啖都食到有蠔仔🦪，鬆脆夠乾身唔會油膩，出色過唔少打冷店😊，仲有好芫荽喺面，增加香氣。最重要係肥姐自家製辣汁🌶️，超級酸辣，好惹味，令到蠔餅嘅咪更加有層次，一定要落🤩📍 肥姐蠔餅婆 (元朗)元朗教育路68號兆豐樓地舖

元朗｜肥姐蠔餅婆開業已久耐嘅小店，除咗元朗嘅街坊，相信住其他區嘅市民都會慕名而來🤓即叫即炸嘅蠔餅🦪，香脆可口，蠔仔唔算好細粒，咬落幾爽口，仲好有蠔🦪嘅香味🤤完全唔腥，亦都冇沙👍🏻👍🏻鍾意食芫荽嘅朋友，可以連埋蠔餅🦪一齊食，別有一番風味🥰唔食芫荽☘️嘅朋友亦都可以落辣椒汁🌶️，又酸又辣，好開胃～🤣肥姐蠔餅賣緊40蚊一件，80蚊兩件～經過元朗嘅大家，可以幫襯下🤪溫馨提示：夜晚會好多人排隊，唔想等咁耐嘅話可以下午茶時間嚟幫襯，唔駛等好耐就有得食～同埋即場食先正，外賣就差好遠喇😝整體而言▪️味道 4.5 / 5▪️環境 - / 5▪️抵食 4 / 5📍元朗教育路68號兆豐樓地鋪-

肥姐蠔餅婆 (元朗)山長水遠入元朗，去大坑渠(👈🏻👈🏻👈🏻元朗人會咁樣叫）試食蠔餅當時接近20人排隊，大家都好乖拍着大坑渠邊排隊，唔好影響到路人， 塞住條路🚶‍♀️🚶🏻‍♂️🚶🏻🧍‍♀️🧍🏻🧍🏻‍♂️🗣肥姐中氣十足會問你要幾多分呀？要唔要芫荽？新鮮熱辣嘅蠔餅，蠔仔🦪份量算多，size都幾大粒下，粉漿一啲都唔厚，配埋芫荽食一流😆👍🏻👍🏻叫咗一份$40，share食，蠔餅份量都幾多，當然入到元朗要留肚再食多幾間啦😋😋我覺得暫時以蠔餅小食店嚟講係世一👑題外話: 見到肥姐小店，係冇冷氣，得幾把風扇，一個人獨自對住爐去炸，夏天少啲毅力都唔得🙏🏻🙏🏻大家夏天嘅時候排隊真係唔好催好味指數:👅👅👅👅👅📍肥姐蠔餅婆 (元朗)元朗教育路68號兆豐樓地舖📍

星期日下午4點幾經過，見到大排長龍就打算試吓！由於係老闆娘自己炸自己賣，所以一塊一塊炸都需要少少時間！先排隊，後order！先跟人龍排，當差不多到你嘅時候，老闆娘就會問你要幾多塊同外賣定即刻食！想趁熱食，所以就叫咗一塊即刻食！唔食芫茜所以走咗茜！$40一塊炸蠔餅，份量剛好！到手後等咗5分鐘先食，略嫌似翻炸所以有少少硬，不過其實個粉漿都好好味！加上好多蠔，所以都好正！重點係佢個自家秘制辣汁超辣，但拼埋蠔餅食就超惹味！極力推介！此外，仲點咗一份泰式鳳爪，佢包酸辣汁係另上！除咗鳳爪好似食極都有，伴菜仲有醃洋蔥！本來好怕食生洋蔥，但估唔到洋蔥加酸汁可以醃到無洋蔥嘅青味！所以呢份泰式鳳爪$40都好抵食同好推介！