肥姐蠔餅婆

营业中

休息中

街外很難食到出色的蠔餅，要不炸粉過量、滿口油膩感；要不缺乏適宜火喉，沒有口感這次來到元朗的非常馳名的小食店 - 肥姐蠔餅婆店舖簡陋，而且位於臭河旁邊，但仍不減人氣，門外依然大排長龍點了小份量的蠔餅($35)，新鮮炸好的香酥氣味已足夠蓋過旁邊的臭河味炸粉、蠔、蛋的完美比例煎出惹味脆口、油而不膩的口感而且更食到內裡大大粒、柔軟鮮甜的蠔仔P.S: 從其他文章得知，原來肥姐蠔餅婆的蠔餅是煎出來，不是以炸粉快手炸的這樣才更能顯出肥姐的真功架

元朗好出名嘅蠔餅，之前係呢頭踩完單車就嚟試下。蛋煎很好香好脆，蠔都有好多，抵。我加咗佢地嘅秘製辣椒醬，令到成個蠔餅更香。呢個仲有好多芫荽，中意食嘅朋友仲可以加多啲添，爽！

肥姐蠔餅婆-呢間蠔餅係元朗都小有名氣係橫街的一間小店只限外賣，不設堂食，即時食話要企係路邊~-夜晚都幾多人排隊等等左一陣終於到啦~-當然要試試佢既蠔餅啦~一啲都冇失望佢係新鮮即叫即整食落口脆卜卜唔似得啲整定既會冧曬~-而且蠔仔既份量都幾足料有啖啖蠔既感覺唔會食落成口粉~好味! 得閒經過既話會再食~

//< 肥姐蠔餅婆 >呢間小店喺元朗非常出名，最出名就係佢哋嘅蠔餅😝小編咁鍾意食蠔餅又點可以唔試呢～ 呢間小店仲有一個感人故事，大家可以搜索🔍一下————————————————- 馳名蠔餅 $35 -呢度嘅蠔餅係即叫即整！大概等5分鐘就會有熱辣辣嘅蠔餅出嚟😆然後店員就會問要唔要芫荽！小編唔愛就無要喇～ 辣醬自己加愛落幾多就幾多😇蠔餅非常香口熱辣辣，仲要超級脆😆蠔既份量雖然唔算話好多，但係粒粒都幾大同埋肥美！食得出有調味，所以一啲都唔腥😎呢度嘅豪餅唔係台式嗰種，唔會有木薯粉嘅煙韌感，亦都唔係蠔蛋餅嗰種！😈 純碎好香脆有蔥啊蠔個隻～ 配埋佢嘅自家辣汁，酸酸辣辣幾開胃都唔錯㗎！而且一塊份量都唔細，兩個人share都好滿足😽————————————————評分：7/10地址：元朗教育路68號兆豐樓地舖營業時間：星期一至三；五至日14:30-01:00#肥姐蠔餅婆 #元朗 #元朗美食 #元朗蠔餅 #蠔餅 #香港美食 #美食博客 #香港美食地圖 #hkfood #hkfoodie #hkfoodblog #hkfoodlover #hkfoodshare #hkfoodpic #

There are two types of oyster omelettes. The Taiwanese type and the Chiu Chow style.  The Taiwanese style is more mushy as they add cornstarch to the egg and personally, I'm not a big fan of it. Where as the Chiu Chow style is just crispy egg with juicy plump mini oysters.This place called 肥姐蠔餅婆 is one of two oyster omelettes in Yuen Long. We decided to try this one. It's a small take away only place but you can eat at the side of the road and return the plate to her. Menu is in Chinese only and

呢度係一間專做蠔餅既小店，深受好多食客既追捧❣️肥姐既蠔餅係即叫即煎，麵粉、蛋漿比例岩岩好。蠔餅半煎炸到表面金黃鬆脆、入面仲好juicy👍🏻配上新鮮爆甜既蠔仔，聞到香味已流晒口水🤤如果鐘意食芫茜既朋友仔可以叫肥姐落多啲🌿，蠔餅同芫茜兩者既配搭點解可以咁夾😂食蠔餅又點可以少左辣椒醬呢😙肥姐呢個秘製辣椒醬辣度好夠，仲後勁十足🌶️辣得好過癮，點蠔餅食一流，超惹味💕

🔸蠔餅 $30由細食到大嘅蠔餅，即叫即炸，炸到金黃色，仲見到係重蔥重蠔，基本上行過已經聞到勁香，好難忍到口唔食～～/肥姐蠔餅婆 (元朗)元朗教育路68號兆豐樓地舖

有一次經過呢度，見到好多人排隊，雖然好香，但係唔想排。今日經過，得幾個人，叫咗一件蠔餅，叫佢多芫荽，香脆可口，冇油益味，仲叫咗佢個酸辣鳳爪，個鳳爪先有驚喜，好味道都唔記得影相，酸甜辣度剛剛好，我仲用鳳爪嘅酸醋汁去點豪餅，更加好食，除咗冇地方坐要企街辛苦少少，真係好食到不得了！個姐姐仲超級好人，會同你傾吓計，關心下你好唔好食，見到有一個食客食淨少少，佢即刻問係咪唔好食呀，唔好食俾返錢你。。個食客即刻答佢，唔係呀超級好食，只係因為我食完飯又掛住你個蠔餅，太飽食唔晒咋，真係好食到咁呀。可惜元朗太遠近啲就可以成日食。

食完晚飯，得七成飽， 就諗住去食宵夜。行下行下， 未諗到食乜， 就見到肥姐蠔餅婆！ 係喎， 呢間嘢好出名㗎！ 我哋都未食過，於是就去幫襯。佢係即叫即做嘅，好彩唔算多人， 所以唔使等好耐就有得食。我地就咁喺佢店門口張枱食（企位ONLY）。 一份35蚊， 唔算好大個， 但好足料 。粉漿唔算好厚而係比較薄脆，同埋蠔仔份量唔少，幾乎每啖都食到蠔仔嘅肉， 熱辣辣又好味道！好正！於是乎好快就食曬啦， 呢個咁酥脆嘅蠔餅我真係好推介 ！聽講平時好多人等㗎，如果多人等嘅時候我就可能要諗諗，因為堂食始終要企喺度食都唔係太方便嘅。

成日聽到啲人話呢一間好好食，不過次次經過都排長龍好多人等，所以一直冇機會試吓佢嘅手勢，今日機會黎嘞飛雲，經過竟然無人排隊,雖然已經食咗晚飯,不過見佢$35一件蠔餅，估計應該唔會好大件，所以決定一試。基本上蠔餅係即叫即煎，冇錯，係煎唔係炸，由於好怕啲人貪快有煎蠔餅變成炸蠔餅，所以呢個位即刻加分；佢係跟傳統做法一樣嘅鴨蛋蠔餅，所以一煎好已經好香。總括而言，呢間野嘅蠔餅係好食嘅，不過如果要排長龍，就唔係好值嘞！

講到蠔餅，唔使諗一定係肥姐既最好食！每次入元朗都一定會去食。呢個係蠔餅好足料，粉漿唔算太多，但蠔就好多！仲要加埋芫茜係入邊，煎香之後更加好食，唔識芫茜嘅你都唔會抗拒。而最畫龍點睛嘅係佢個汁，唔止係魚露，係佢特製的醬汁，配埋蠔餅食真係一流！

食過肥姐蠔餅之後返唔到轉頭肥姐蠔餅價錢係唔算特別平我印象中好似$3x蚊一塊不過佢落蠔一d都唔緊手，落好多。而且蠔唔會有腥味。成塊蠔餅好好食佢炸出黎好脆好正有一日肥姐無開我地食左隔離一間鋪既蠔餅佢落好多粉漿令到唔夠脆同埋唔好食成口粉搞到我好掛住肥姐既蠔餅肥姐有佢既家庭故事有興趣上網自己搵啦幫襯小店，支持小店肥姐蠔餅既辣漿好好食。配埋蠔餅簡直一流佢上面仲會加大量既（鹽）茜係皮唔太好（鹽）茜既我完全唔抗拒

今日有d夜，先喺元朗出發返屋企，行都有啲餓，忍唔住都係要去買個宵夜先再去搭車。經過教育路附近，聞到好香蛋味，先醒起肥姐蠔餅，即刻買返件醫下肚。叫咗個細蠔餅 $35，唔算貴，仲要即叫即煎㗎！等左10分鐘左右，就煎好啦，蠔餅一啲都唔油膩，外面好脆卜卜，內裏非常有口感，帶點煙韌，蠔仔粒粒都脹卜卜，好新鮮，一啲沙都冇，正呀。雖然只係叫咗個細，但size一啲都唔細，都成隻碟咁大，一個人食絕對夠飽，點埋啲辣椒醬就Perfect池。

🔥元朗人氣小食 肥姐蠔餅婆🤤❤️有無人同我一樣好中意食蠔餅？😛難得嚟到元朗特登去肥姐蠔餅婆朝聖一下知道好出名個個都話好食 果然名不虛傳!!! 😋蠔餅$35一件即叫即炸 粉唔會太厚之餘我未食過咁酥脆嘅蠔餅😱😍火喉真係岩岩好 炸得夠乾身👍🏻多蠔仔 夠肥 仲可以叫多芫茜 茜友至愛😏另外仲有個類似泰式辣醬嘅酸辣汁比你任加個人覺得食原味最好味👍🏻因為辣汁幾濃味會蓋過蠔餅鮮味 我就麻麻地我去個日咁岩唔洗排隊😎就算要排隊都絕對值得嚟食😎推介!!

星期六晚同老公入黎元朗掃街，見到呢檔得蠔餅，鳳爪同涼茶賣都有好多人排隊，所以就跟人排下，由於太多人既關係，所以唯有叫外賣。叫左份蠔餅多芫茜（$35），即叫即炸，蠔仔好大隻，炸得非常脆，再配佢既秘製辣汁真係好惹味！秘製辣汁有的似泰式酸辣汁既味道，我唔小心一次倒曬落去，對本人黎講都幾辣下😂，即刻要搵便利店買維他奶解辣，今次係我第一次食蠔餅唔係落魚露，原來落辣汁係禁加好味嫁～～以後入黎元朗一定會再黎叫反份蠔餅食。