肥姐蠔餅婆

营业中

休息中

🐭 米奇老豬Vol. 150 🐷［肥姐蠔餅婆］除左甜品之外老豬都超級鍾意海鮮🦞 所以食蠔餅一定要有海量蠔無論台式定潮式都係😎.🐖🐖《馳名蠔餅》$35 🐖🐖每一份都係即叫即炸有數不盡嘅蠔仔雖然唔算大隻 但粒粒爆汁 🤤粉漿比例唔算高 而且炸左之後好脆 有魚露嘅鹹香味 ～重口味人士之選 😏.配料方面 老闆娘會問你洗完洗走芫茜🌿我地就覺得加左芫茜之後有提鮮嘅作用 推薦❤️‍🔥至於辣醬就係自己任擠 雖然真係辣到出曬汗🔥但個辣味真係好掂 會忍唔住狂加係類似泰式酸辣醬➕辣椒仔🌶️ 係香辣 唔係麻辣🤩.❣️🐭總評分🐷❣️味道：8.3/10 服務：8/10 （睇見老闆娘都凳佢覺得熱 但都完全無燥地 👍🏻）環境：7/10 （要企街邊食或者附近都有d公園長凳可以坐）性價比：✴️ 中高 ✴️ ENCORE：✅.#米奇老豬_元朗區

好耐之前食過呢間蠔餅之後就會成日想食，記得佢係熱辣辣炸到好香脆，蠔份量正常，但個甜辣醬真係好match, 好解到油膩感，佢會有埋芫荽，咁就會清爽少少不過唔好既係唔係成日開，所以要撞岩時間去呀

今日出去行街，食完午餐。由於午餐不夠飽，在回家路途期間。太太和我幫襯了這間鋪頭。平時超長人龍。今日無人排隊。今次真係好好彩。鋪頭細細，只有打包或立食。可以免費要求多䓤。可能今日人少，我們去到是排第二位，蠔好多。另外老闆娘會講等涼左先打結，唔好立刻打結。怕細菌就打左先，唔怕就行多陣先。😬順帶一提不要落太多辣醬，因為少少已經好辣。飲好多水或奶都搞唔掂。另外， 老闆娘有沒有禮貌則見人見智。因為得一個人做。我個人來說算接受到。

炸蠔餅$40.元朗一日遊其中一站梗係要去肥姐蠔餅婆啦，用鴨蛋，蔥，炸漿，當然仲有最緊要嘅蠔即炸，係蠔餅上面仲會有返芫荽😊.炸蠔餅即叫即整，香脆可口，熱辣辣，蠔份量，但係食得出係新鮮嘅，完全冇腥味，如果啱食辣嘅一定要加埋佢個辣汁，酸酸辣辣啱啱好，而且佢嗰度仲有得叫紫貝天葵😃.蠔餅自己食過有幾款，一款係簿身似蛋餅，一款就係佢甘成底都係脆同簿身嘅，一款就係厚身有口感鬆軟得來又係脆口，呢間屬於成底都係脆同簿身嘅😗.提一提大家可以嘅話要避左啲旺嘅日子去，如果唔係會超多人😁.CP值及夠飽其實價錢都貴㗎 $40🤨.翻啅再去元朗一日遊經過開都會買，但係如果要排好耐隊就未必會買啦😂

📍肥姐蠔餅婆 - 元朗-今日繼續黎發掘元朗名物😆呢間蠔餅係元朗經營咗廿幾年 無論幾點去到都一定見到有人幫襯緊 仲要開到凌晨兩三點 係街坊食宵夜既不二之選🤩肥姐雖然睇落有啲生人勿近既感覺 但其實佢好nice好親民 成日都同街坊吹水講笑～每次有朋友入黎元朗國旅行 都會帶佢地黎食呢間😛好過食b仔呢啲721翌日都仲敢照常營業既舖頭啦☺️🖤-🔸招牌蠔餅 ($40)蠔餅每一件都係即叫即炸 新鮮製作蠔餅係用粉漿加鴨蛋調配而成 表面炸到非常香口脆身 但又唔會好乾炸粉恰到好處 唔會太漿口 裡面有好多粒蠔仔 非常足料！最緊要既係 啲蠔係一啲腥味都冇架 仲幾鮮甜爆汁 口感柔軟另外肥姐仲會問大家需唔需要加芫茜 建議唔怕茜味既大家可以嗌多茜 絕對可以提升味道😙呢間蠔餅既重點絕對仲有肥姐自製既泰式辣汁‼️食炸嘢最驚既就係飽膩感 特調既酸辣汁可以平衡既返炸物既油膩感 個汁仲唔會遮蓋咗蠔仔既鮮味 推薦唔怕辣既大家可以加多啲～-等候期間見到唔少街坊都有幫襯涼茶 聽到佢地話呢間啲涼茶幾下火幾足料下 配蠔餅一流呢到仲有賣特別既紫貝天葵涼茶😛

之前食過覺得麻麻......決定比多一次機會......咁啱過嚟元朗， 見到今日條隊短過上次所以即管試多一次不過說真的如無意外之後都唔會再買原因如下：1）喺度買嘢好有壓力，答錯一個問題or諗得慢啲都比人串2）老闆態度唔係人人接受（其實如果真係好食嘅話我唔介意佢串）3）排隊受氣4）貴本身諗住如果好好食嘅話以上嘅嘢我都可以接受，結果不外如是，overal感覺食麵粉+醬多D.....總結：未試過+條隊唔長嘅話可以一試，但要有心理準備老闆態度麻麻地

講起元朗掃街，個個肯定都會講起蠔餅，本身我係唔鍾意食蠔嘅人，但係久仰大名，都好好奇走左去食，居然一試沉迷↖(^ω^)↗真係好食，又大份，正到呢！大家入黎元朗一定要去試下啊

🫓肥姐蠔餅婆🦪話說睇完文迪vlog介紹元朗國內少有名氣嘅肥姐蠔餅就一直好想試下所以就加咗入去我哋元朗巡禮嘅其中一站啦( •̀∀︎•́ )✧︎買嘅時候已經有幾個人喺前邊排緊隊等攞入元朗國要較錶較慢39分鐘等蠔餅好彩唔洗咁耐（大家記得排隊一定要靠欄杆企唔好擋路呀）我諗蠔餅口味係得一款只有多唔多茜嘅分別識食蠔餅嘅一定食多茜咁先最香口！(σ･з･)σ蠔餅都幾大份同外圍幾香脆唔太油叫一份兩份食都算幾滿足不過老老實實係有啲overrated 蠔仔份量唔算多同大粒同埋粉漿略嫌厚身食到中心位似食粉餅多過蠔餅講好食以前太安樓間廚房佬仲正可惜都執咗笠了(꒦ິ⌑︎꒦ີ)值得一讚係佢嘅秘製泰式辣汁非常惹味同配搭蠔餅仲有支真材實料紫貝天葵酸酸甜甜又唔太甜食完熱氣嘢飲真係無得輸～

之前因為帶九龍frd入黎食我又未食過就食下啦只能話蠔仔唔夠多粉漿本身個味正正常常 好似食粉多過蠔啦店員姨姨又好豪氣啦可能普通人會唔習慣佢地語氣又要排隊等啦 元朗為食街好食d同埋價錢都係偏貴左完全自費食評啊拿

係我食過最好食嘅蠔餅 元朗肥姐真係世一☺️🔥呢間人情味十足嘅小店由肥姐一人經營，製作需時，即叫即整，大概都要等10至15分鐘左右，等緊途中仲可以同肥姐吹下水☺️嚟到一定要叫馳名蠔餅 (HKD35/塊)粉漿炸左出黎唔會好厚粉，又薄又鬆脆，入面蠔仔好足料，大大舊而且鮮甜，每一啖都食到有蠔仔咖。配埋佢自家製嘅辣醬真係絕配，更加惹味👅🔥美味程度(5/5):👅👅👅👅👅CP值(5/5)：⭐️⭐️⭐️⭐️⭐️回頭指數(5/5):🌟🌟🌟🌟🌟

一講到蠔餅🦪元朗肥姐真係NO.1🔝由肥姐一人經營 製作需時🕓請大家耐心等候喔💭〰️等緊途中可以同肥姐吹下水 佢好nice的〰️💕🦪炸蠔餅 $35炸蠔餅即叫即做 熱辣辣🔥建議即場食 凍咗就唔好食架啦！😣住得近既 可以外賣 加餸或者當宵夜🤪肥姐炸蠔餅係港式風味重啲🇭🇰食落脆口 同台灣既蠔餅唔同 我個人就中意肥姐蠔餅 好足料😋啖啖大大隻🦪而且⚠️多芫茜〰️超正呀！記得 記得 要加辣醬🌶惹味好多 但都幾辣架〰️💓發現大家都幾中意街頭小食 • 小店既介紹 其實我自己都係 雖然唔係咩貴價食材 但就有份人情味係到💕

可能係我食過最好食嘅蠔餅🦪呢間蠔餅喺元朗好出名！粉漿炸左出黎好薄好鬆脆，蠔仔大大舊而且一啲都唔孤寒，每一啖都食到有蠔仔🤤配埋佢自家製嘅辣醬味道啱啱好，個辣醬雖然都真係有啲辣，但仍然係接受範圍之內🌶️.馳名蠔餅 HKD35/塊 即叫即整，大概都要等10至15分鐘泰式鳳爪 HKD35同場加映無骨鳳爪，份量超多，一碗起碼有七至八隻😍酸酸甜甜加少少辣，凍冰冰真係超級開胃！.

🔸蠔餅（一份）馳名蠔餅，即叫即煎💯 勁酥脆😂 唔會太厚粉，蠔仔都算多，仲好creamy同濃郁🦪 食得辣嘅話，記得加秘製泰式辣醬，酸辣酸辣，開胃開胃💯📍#肥姐蠔餅婆 (#元朗美食)元朗教育路68號兆豐樓地舖🌟Follow Me on Instagram - Eatistruelove.hk🌟

：「名號就叫馳名——既然味道擔當得起，口氣大一點也無妨。」《製》肥姐蠔餅婆《號》馳名蠔餅《貝》$46《品》【麵衣】🔸蠔餅即叫即炸，熱辣奉上，香氣飄散，已是先聲奪人。🔸色澤金黃，黃中間綠蔥，綴香菜，灑胡椒粉，賣相吸引。🔸整份麵衣皆是酥脆，粉漿薄，令漿感不重，且不油膩！🔸胡椒粉調味，香口惹味，微辛刺激，但不算重口。————————————————————————【蠔與配料】🦪蠔仔多而頗大，啖啖有之，口感軟軟，不會有粉感。🦪泰式酸辣醬別有風味，老饕雖偏好原味，但一試無妨。🦪老饕對芫荽不愛不恨，拌一棵而嚐，頗特別——🦪但依然鍾情原味。————————————————————————🔎#老饕鑑鹹_上下品🗂#老饕品_港式；#老饕品_中菜📍#老饕赴_元朗🗺️元朗教育路68號兆豐樓地舖

次次去親元朗都無時間排隊食或者落雨唔方便買，今次終於搵到機會去食，比完錢等咗唔夠5分鐘，因為排係我前面果3個人都叫咗幾份而咁啱淨係整好咗1份，反而我先拎可以先食