肯德基家鄉雞 (KFC)

营业中

休息中

突然炸雞引起，近近地去KFC食吧，順便試下新口味。晚飯時段都多人等拎餐，好彩自助落單機又唔多人排喎。⭐台式三星蔥脆雞滿足套餐試新口味台式三星蔥雞，炸雞還好係熱的，皮夠脆肉也嫩，但個新口味好似某牌子嘅即食麵味粉，哈哈，下次都係食返巴辣雞得啦。仲加咗錢由葡撻轉做珍珠葡撻，珍珠確實係有咬口嘅，但驚喜不大，下次都係食普通葡撻㗎喇。個餐仲有蘑菇飯同汽水，又真係幾飽肚嘅。⭐巴辣雞腿包滋味盒朋友叫咗雞包套餐，包括薯蓉、薯條、飲品同炸雞一件，價錢上就幾抵喇，不過味道強差人意。個雞包唔知係咪做左好耐賣唔出，入面塊炸雞炸到又乾又硬，連嗰兩塊漢堡包都係硬班班，咬落去嗰下真係懷疑人生。薯蓉味道正常但微溫，薯條都仲熱嘅，但係發覺佢唔記得咗畀包辣粉，返轉頭問佢拎態度當然就好有性格啦，包辣粉都唔辣，落同唔落分別不大。意外驚喜係杯凍咖啡幾好飲，汽水就正常啦。間中食下ok啦。

是咁的，KFC曾經推出過阿華田葡撻，之前食過係好食既，所以見到佢人氣回歸就買左幾隻返公司同同事下午茶。點知同事食上癮，連續幾日Lunch都去食KFC，我就順便試下伏咁囉。① 麻辣口水雞排桶飯餐 $29桶飯餐一向都幾抵食，呢個桶飯有一塊炸雞扒，粟米以及兩個醬汁。將甜豉油同口水醬淋落炸雞上其實無乜違和感，因為食開黃埔間KFC都覺得炸雞唔夠脆，唔夠嫩滑偏乾身，加左醬汁反而較易入口。加上呢個醬少少辣，都幾惹味，撈飯幾唔錯。② 阿華田脆脆葡撻 $13$58/6個或者買其他食品加$10，價錢好似都無變，貴過普通葡撻，但我覺得呢個阿華田撻正啲。除左面層鋪滿脆脆，咬落仲有流心阿華田醬！見到我同事每日都食3隻就知咩料啦！不過都有另一個同事鍾意原味葡撻。③ Fing Fing薯條 $5呢個快閃價已經無左，其實推出薯條之後就無左薯格，人地出左咁多年Shake Shake薯條，口味又多，呢款卡真粉又幾好味，微辣帶香，幾似熱浪薯片，而薯條偏粗身，口感唔錯。.不過我成日覺得KFC食物質素好睇分店，公司附近呢間真係麻麻，之前食過早餐連鬆餅都唔夠鬆軟，炸雞就真係次次都伏咁濟。

KFC不時推出期間限定口味，不過我覺得中伏機率偏高，高到我有時都唔敢試，但今次推出蜂蜜芥末口味正正是我杯茶，一定好味架喎！① A2 蜂蜜芥末脆雞豐盛套餐 $552件蜂蜜芥末脆雞（配蜂蜜芥末醬）1件家鄉雞/香辣脆雞/狂惹香燒雞1客菜絲沙律（普通）1件經典葡撻1杯汽水(中）蜂蜜芥末脆雞是在炸雞上撒了蜂蜜芥末粉，食落唔係好覺有味。好彩今次仲有一包蜂蜜芥末醬！這個醬汁味道幾濃，點炸雞幾夾，普通家鄉雞加呢個醬都會加分。.另一方面，肯德基炸雞質素向來參差，不少店舖炸雞唔夠脆，有試過肉質又乾又柴，又或者食到成口油，但今次幾件炸雞都幾好，對得住個醬。

食早餐，正，9點多人，依間等得耐d 。 腸有腸味 可樂有可樂味 包有包味。日日黎其實寫kfc食評既人係咩心態😂😂😂😂 下次我會寫 m記/大家樂。 可樂好好飲😂😂😂

喺黃埔附近行下街…最後一站行到聚寶坊…已經體力透支喇…想搵個地方坐低咬少少嘢…見到kfc咁多位就入去坐啦…呢間分店座位都算乾淨…而且都唔係好多人…我哋決定叫兩個下午茶餐順便坐低抖抖…好耐冇食過kfc…估唔到而家下午茶都ok抵食喎…26蚊叫咗個巴辣香雞翼餐(惹味依然但偏細隻), 有一盒普通蘑菇飯(蘑菇汁水準正常但飯偏硬) ，兩件巴辣香雞翼，一杯百事可樂，一件經典葡撻！！ 對於唔係好肚餓嘅我哋嚟講…呢個下午茶都算夠食丫…

KFC搵Collar擔任最新代言人，分店內佈置同之前麥記搵Mirror差唔多，有Collar成員吊牌，隔板貼紙，海報以及其中一員的1:1人形紙牌。現凡惠顧爆脆雞滿足套餐$55送A3 size Collar海報一張！套餐有2件爆脆雞，格格脆薯塊（普通），經典葡撻及汽水（中）。講真，唔係為左張海報，我一定會揀平$10果個餐，有2件雞，辣汁蘑菇香飯加汽水。應該話唔係Collar我今日唔去KFC叫雞。我為左同Day一齊食，已經唔買外賣，但堂食個薯格都係唔脆，而個爆脆雞槌絕對唔係Krispy，雞胸好少少，但是最爆趣係呢個爆脆雞好似同平時辣味家鄉雞一樣，不過肉質無平時啲雞咁柴皮，不過今次重點賣點係「爆脆」咁就唔掂拉。至於葡撻保持一貫水準，係好味既。.其實我真係好鍾意食炸雞，但三間連鎖快餐店炸雞係最渣果間。.唯一值得讚係海報只得一款，大家唔使日日食同抽，另外張海報用膠套包裝，落雨唔怕整濕，幾細心。網上見到外賣送遞二人餐 $150 送既Collar卡只係同款A5 Size，都幾無誠意下。

今日用KFC app入面嘅優惠券買咗個$60二人套餐。套餐包四件雞、兩碗細飯、薯格同埋兩杯嘢飲。雞來講我覺得比平時失色左，啲皮炸得有少少乾，肉亦冇之前咁嫩滑。兩碗飯就正常。薯格食落唔脆，可能擺耐左。另外覺得驚喜就係KFC嘅凍檸茶都幾好飲，糖係另外加嘅，可自行調節甜度，唔錯。

KFC都幾勤力推出新口味，呢期聯乘Tabasco推出辣椒仔蜜糖香脆雞腿包 $50包菜絲沙律及汽水。個包有塊脆雞扒，煙肉同洋蔥，都幾多料，加埋個辣椒仔醬汁都幾正，辣辣地幾滋味。而且麵包有烘過，比老麥啲包有誠意得多，連賣相亦都唔差。另外一提，其實我幾鍾意KFC個菜絲沙律，以前在外國KFC必點的！不過香港的沙律汁稍為過多。剛剛讚完KFC做包比老麥出色，但反而KFC最招牌的炸雞我就覺得渣過老麥，肉質唔夠嫩滑同Juicy，呢個新口味辣椒仔辣脆雞 $48配蘑菇飯及汽水，感覺只是灑了辣椒粉在炸雞面（底部是沒有的！）食落完全唔覺有辣椒仔的味道！利申: 我最愛的炸雞連鎖店是快樂蜂 Jolibee.另外仲有試左幾款近期推出新品，不過真係好難影得靚，因為當堂食都用外賣盒裝，個賣相真係非常麻麻，好彩食落都唔差。美祿恐龍迷你鬆餅 跟餐加配$10/4件，冷食鬆餅食落幾好味，美祿味幾濃。仲有個大阪燒一口脆雞跟餐加配$11/3件，醬料味道幾似大阪燒，但吃一兩粒還好，吃得多都相當膩。

原來KFC有茶餐食真係大鄉里價錢唔貴！選咗T1蜜蜜燒雞全翼茶餐($24)由於WeChat有$5 coupon所以更加底不過覺得佢哋嘅餐牌唔太清晰都無顯示有嘜飲品由於平時好少幫襯KFC！除咗汽水外都唔知仲有咩選擇尼渡只得一個收銀！態度又好一般所以只叫七喜！雞翼比想像中細，不過味道都OK蘑菇飯～好味葡撻～好似比以前細咗

鹹蛋黃薯片鹹蛋黃魚皮就試得多😂，今次就試咗新出嘅鹹蛋黃黃金脆雞餐，鹹蛋黃味幾濃郁。鹹蛋黃金之翼，全隻雞中翼都沾滿鹹蛋黃醬食落幾滋味呀😂 另外試埋鹹蛋黃雪糕，食落口又估唔到鹹蛋黃同雪糕可以咁夾嫁！ 😂

其實一直都鍾意食KFC炸雞 炸雞有誰不喜歡吃呢～ 本身KFC嘅炸雞味是不錯的 疫情少左出街 有時便hea hea地買下外賣拎返去食 客人疫情呢段時間來講唔算好少 但剛剛叫完就執好俾我拎走 真係超快叫咗個呢排做緊嘅黑松露炸雞餐: 兩件黑松露炸雞配蘑菇飯同葡撻與一杯奶茶始終自己本身鍾意黑松露嘅嘢 都算係特登來試佢個黑松露炸雞 都有少少期望 佢個黑松露醬係幾好食的 不過整體上就覺得冇乜特別Lu 黑松露的味道唔算突出 冇期望中的好食呢個價位算係咁吧 與此同時都係好食嘅 幾香脆可口其他嗰啲都冇咩特別 一如既往 葡撻幾鬆脆 水準保持係kfc一如既往的程度

口痕但係又唔想自己煮，就求其落街買咗個KFC外賣，29蚊就有鴛鴦汁桶飯加兩件雞🐔，無包飲品。鴛鴦汁桶飯包括左蘑菇飯同埋雞皇飯，不過蘑菇汁味道較重，蓋過咗雞皇飯嘅味道。雞方面可以選擇一件雞鎚一件雞胸，款式可以任選家鄉雞、香辣脆雞或者狂惹香燒雞，同時滿足左兩個願望😋

地方大，座位多，裝潢設計有風格，好有現代化感覺。小朋友係附近玩完剛剛好下午茶時間。小朋友最愛芝士扭扭粉，薯蓉同埋香蜜鬆餅，好岩食。香蜜鬆餅外脆內軟，小朋友最愛～

今日路過kfc想試下呢一個新出嘅特濃朱古力雪糕新地 盛為十四蚊 價錢就唔算貴 雪糕好濃 唧出來質地偏硬 有啲似食雪葩 朱古力味好重 苦苦地有啲傾向 dark chocolate 雪糕筒偏遠 夠脆 但係好容易碎 每個加多一條蛋捲仔畀你 味道還好

咁啱見過kfc 口痕去買外賣回家 葡撻回家能保持鬆脆內軟 但係汽水已叫了小冰 依舊味道偏淡 炸雞保持應有的水準 外皮十分脆口 內的雞肉多汁 十分不錯 應該是新鮮炸起的 比較其他分店 的確做得不錯