影片
完全無通知下突然全體同事展覽會後要出席晚宴，我仲不幸地工作中恤衫爆開了！夜麻麻係佐敦搵恤衫舖非常困難，是但買件不合身而且價錢昂貴的用住先。商會晚宴有得食我當然無任歡迎，不過唔好太突然呢！全晚主要不停飲紅酒，我要忍住忍住留肚食好野啊！錦繡乳豬拼盤：燒鵝、油雞、海蜇、燻蹄、乳豬⭐️⭐️⭐️燒鵝皮香肉嫩，油雞皮薄彈彈豉油清香，海蜇爽脆散發麻油香，燻蹄皮膠彈搭瘦肉咸鮮，乳豬肉嫩皮脆。夏果碧綠蝦球⭐️⭐️⭐️⭐️大堆頭蝦球大大碌豪不吝嗇，賣相大方得體。索一索蝦氣迫人流晒口水，搭著爽甜蜜糖同吃滋味無窮！芝士百花鮑粒球⭐️⭐️⭐️⭐️我最愛的菜色！雖然不太食到鮑粒，不過蝦脆彈牙結實鮮甜，就算沒有鮑粒沒有芝士已經十分高質。花膠絲瑤柱扒畤蔬⭐️⭐️⭐️⭐️花膠滑嘟嘟被乾瑤柱煨得入味香濃，就算跟我最討厭的小棠菜配搭，依然給到我驚喜！小棠菜除了爽外，沒有菜甜沒有味道。蠔皇原隻八頭湯鮑魚伴海蔘⭐️⭐️⭐️⭐️原隻乾鮑當然原隻啪入口，鮑味濃蠔味甜互相輝映，海蔘滑滑吸盡鮑魚蠔汁精華，作為配角的西蘭花爽甜滾滿鮑汁蠔汁非常惹味！清蒸花尾龍躉⭐️⭐️⭐️雖然不知道何謂花尾龍躉，食完先講！全身都係寶，由臉珠登食起，魚肚、魚背、魚頭、魚鰭、魚尾，啜到一絲不掛。龍堡炸子雞⭐️⭐️⭐️落味不過份不過咸，紅卜卜脆雞皮，胸乾髀嫩中規中矩。福建炒飯⭐️⭐️豐富的芡汁收埋大量材料在其中，最敝炒飯底偏濕不夠香口惹味。上湯水餃⭐️⭐️湯底淡茂茂，食到最後一道菜味蕾已有點疲倦，如果味道不夠濃就根本食不出味來！唯有勁落辣椒油提鮮提味，水餃有蝦有肉有木耳唔難食。
继续阅读
昨天晚上受邀出席某團體嘅周年晚宴，位於尖沙咀柯士甸道龍堡國際內的胡應湘宴會廳，樓底好高地方寬敞，可容納4-5百人，當晚先舉行致詞儀式，再進行晚宴。鴻運乳豬全體，豬皮好脆味道唔錯，係有啲肥。碧綠花姿蝦仁，菜好翠綠爽脆，蝦仁爽口。瑤柱羊肚菌響螺燉湯，湯好足料，湯味濃郁。蠔皇翡翠海參伴金錢，海參好腍滑，冬菇爽彈。清蒸沙巴龍躉，魚新鮮，調味適中，係蒸得有啲過火。薑葱霸王雞普普通通，無乜特別。上湯水餃足料。蟹肉海鮮炒飯，好多蟹肉同蝦仁，好鮮香嘅海鮮味道。合桃露真材實料，好香好滑好味道。
继续阅读
🥃尖沙咀龍寶國際賓館屬於為香港童軍中心的一部分，並由香港童軍總會營運。因此甫一進入大堂，便能看到正中央掛著國際童軍創始人Robert Baden-Powell的巨幅畫像。晚餐地點為香港為賓館內胡應湘宴會廳，著名商人胡應湘爵士曾是香港童軍總會名譽會長，亦是熱心贊助人之一。🥃菜式內容與一般飲宴相差不大，首先即是例牌乳豬、燒味拼盤，整體味道中規中矩，燒鴨入味、外皮酥脆，滷豬展不硬、不柴有嚼勁，其他如海蜇、乳豬也沒什麼必要評論了，都能過關。🥃蜜豆炒蝦球值得一說，蜜豆爽脆、鮮甜；蝦球爆滿、Q彈。🥃瑤柱海參扒時蔬同樣值得一提，海深軟糯、無水滲出，說明海深發製程度掌握比較準確；另外，海參完全沒有腥味，並且入味足夠，說明經過長時間烹製入味。但是此菜名叫「扒」，可是蔥油或花椒油的味道完全沒吃出來。🥃其他菜式不做過多評論了，總之達標飲宴水準、物有所值。
继续阅读