至尊滿屋日本料理 (已結業)

聽聞旺角滿屋既放題宜家做緊優惠，我緊係即刻同朋友相約去試啦，話明放題款式就一定多，多到我地試唔曬，我地就揀左自己鐘意食既野食啦，有刺生類：呢到既三文魚、吞拿魚同帶子都好厚身，所以食到啖啖肉，唔好睇少蝦呀，佢都唔細隻架，食落口唔會有空墟感！因為未知好唔好食，初試只叫左少量，試過好味就即刻第二次叫多好多份量，食唔夠本就唔番屋企既氣勢係咁食食食，不過係到提提大家，呢到有唔浪費主張，如果叫太多食唔曬每100g食物要扣$50港幣，食橫食，食得曬先至好！第三圈我已經叫壽司食，因為想食飯落肚，叫左饅魚、三文魚、北寄貝、魷魚、鯖魚、芥末八爪魚、吞拿魚同蟹籽等等，不能盡錄，壽司類黎講不過不失啦，大細份量差不多，無出現飯太多肉太小既情況，我最鐘意食鰻魚，佢都算大塊一片，仲有種特色創意類鰻魚壽司都好好味！黎到呢到我們已經好好好飽啦，諗住最後食埋芝士焗蠔同芋丸波波就收手，點知已經冇曬芋丸波波，唯有下次再黎過食啦！其實佢仲有氣水櫃同甜品櫃，不過我就冇試到啦，因為真係食唔到甘多

去旺角食放題，有好多選擇，今次揀左至尊滿屋。我地6點入座都仲未係繁忙時間，但陸續都有人入座，到7點零已經差不多滿座。呢度有部分飲品同甜品係自助嘅，除左罐裝飲品之外仲有梅酒同清酒攞，另外有幾款飲品係可以落單叫嘅。食物方面，刺身類有三文魚油甘魚帶子赤蝦希靈魚等等。三文魚好肥美，赤蝦都好鮮甜。壽司叫左好幾款，推介松露拖羅壽司，好好味另外海膽手卷，蟹籽沙律，都係推介之一。熟食方面，鐵板雪花牛柳粒，牛肉火鍋，虎蝦天婦羅，呢啲都係推介之一食完哂之後每人一仲可以選1款雪糕作結，好正

拍檔因身體問題，決意離職，的確令我有點傷心，但知她好不容易才下此決定，作為同事兼好友，當然支持，就在臨別一天，一起吃放題Farewell。餐店地方很大，設有多張二至六人枱，亦有多排闊落的卡座，還有獨立房間，可讓大夥兒熱鬧一番。晚巿放題由5:00pm-11:00pm，星期一至日7:30pm前離座成人收費為($178+10%)；8:45pm後入座成人收費為($188+10%)，而星期一至四自選2小時成人收費為($208+10%)；星期五六日、公眾假期及前夕自選2小時成人收費為($228+10%)。我地揀了6:00-8:00pm ($208+10%)，任飲任食2小時。每枱都放了兩本厚厚的點菜紙，客人填好遞交便可，最傳統的方法。分別有刺身、壽司、卷物、火焰壽司、天婦羅、炸物、沙律、串燒、一品料理、和風料理、季節料理、炭燒、軍艦、手卷、小食和飲品。除甜品和飲品外，並沒有設其他食品自助區，客人可安安樂樂坐在等服務員送上食品。******************************自助區放有一個巨大兼放了極多款式的飲品凍櫃，旁邊就有熱茶水、梅酒和清酒，中間還有一個甜品櫃。我先要樽梅酒，淡淡梅味，

約咗個朋友喺旺角食飯啊，我哋兩個都好耐冇食過放題啊，於是就去左瓊華七樓間放題道食飯啦。入到去間餐廳其實都幾大嘅，我哋點咗三文魚刺身，三文魚刺身好肥美，好新鮮。另外有一樣嘢值得推介，就係燒海蝦和鹽燒鯖魚，肉質鮮嫩啊。甜品方面，呢度嘅雪糕就點咗Dreyer紅豆味，同埋Haagen Dazs朱古力味 我哋六点鐘去去到呢間餐廳，食咗一個半鐘头已經好飽喇，於是七點半之前埋單，收費188元，性價比都算幾高喇呢間放題。

食開滿屋的放題都知佢D壽司款式特別又好味，200一位凈係係壽司放題都抵,更何況有其他好食的選擇，仲有沙津、甜品、湯、粥粉麵飯、刺身、串燒炸物樣樣齊! BTW串燒一定要食鹽燒牛舌!!壽司我特別推薦呢幾款:白松露中施羅壽司千島醬燒帝皇蟹棒壽司燒芝士三文魚腩卷醬燒三文魚壽司好食到係會瘋狂ENCORE既>,<另外其他小食都好正,除左香口、厚薄適中既鹽燒牛舌,仲有北海道焗廣島蠔同芝麻雞翼我都十分推薦~主食類推薦:至尊蟹皇海鮮粥(份量頗大),有蟹同好多元貝粒粒,好足料~黑蒜叉燒拉麵MINI SIZE岩岩好可以咩都食下，湯底香濃~最後當然唔少得甜品啦,仲有Movenpick,Haagen Dazs雪糕包你食到好滿足~

好耐都冇食過放題了，見今日交通情況都許可下，就去左旺角食放題，今次我地就去左瓊華中心到食，一如以往，好多姐姐係樓下派傳單，有好多食物選擇，有邊爐放題，也有日本料理放題，最後我地揀左至尊滿屋放題~是日收費: $218加1,任飲任食2小時門口有餐牌show左出來，都幾多野食，好吸引仲以為今日係閒日會小d人，點知都好多人下😮雪櫃都幾多飲品，另外仲有熱茶、柚子蜜 、薑蜜和其它特飲~放題Mode啟動好興奮呀，鐘意食咩就食咩，呢個就係放題既樂趣🤘先來個刺身先，我地叫左大赤蝦、甜蝦和帶子~刺身好鮮甜冰涼，再點埋豉油wasabi 食🤤北海道焗廣島蠔好香沙律醬和千島醬味，廣島蠔好肥美吉品鮑汁燴花膠盛宴呢個比想像中好食，起初仲以為佢會好咸，因為見佢都幾多汁，但食落就剛好，唔會太咸花膠完全係索晒鮑魚汁既味道，好淋身，淋得來又有個種"張住張住"既咬感，感覺好重骨膠原咁~牛肉火鍋呢個係我既大愛，因為佢係壽喜燒湯底，甜甜地，好好味牛肉鍋入面有娃娃菜、金菇、豆腐、牛肉、雞蛋和芋絲,夠晒豐富佢地仲有其它多壽司同炸物可以食~甜品除左有蛋糕和生果外，仲會有埋雪糕，但雪糕就不是任食，只限每人一杯~雪糕我地就揀左Movebp

今日去左旺角瓊華中心7樓既至尊滿屋日本料理晚市放題原來依家食放題比之前平，如果7:30前離座或者9:15後入座就只需要$188一位，勁抵😍上網睇到其他人介紹有支裝hoegaarden飲，不過我呢晚黎就無。不過無hoegaarden都唔緊要，仲有好多其他選擇，另外又有sake 可以飲食物方面，主力介紹幾款必食既！刺身油甘魚最正，夠肥夠厚切夠新鮮夠凍！海膽手卷！紫菜係平時四州紫菜既size, 加上得少少飯，屬於bite size!! 海膽夠新鮮，正！encore左好多次羊架唔會燒得過火，一件都十幾廿蚊，回本必食其他熟食同壽司質素都ok除左有haagendazs同movenpick可以揀之外，另外仲有甜品櫃可以拎甜品同水果我就揀左haagendazs既季節限定口味Zesty Yuzu & Orange, 有淡淡既柚子味，正

讀書時期，是人生中吃得最多放題的一段日子！自從出來社會工作，放題都已經很少吃，有時真的會掛念一班同學，一齊搶食的日子！今天和朋友兩人來回味一下！不用多說，刺身是回本之選！ 三文魚，吞拿魚，帶子和蝦都是必食，而鮑片則是我個人喜歡的，每次都會吃！除了用紙點的食物，這裏還有自助沙律吧，餐有些小食，如炸薯格和薯蝦等！這間放題有些比較特別的菜式，如糯米飯釀蟹蓋，避風塘炒蟹和花膠都有，而且味道不錯呢。還叫了一些串燒，例如燒羊架，燒菠蘿等天婦羅有蝦，南瓜，蕃蕃，還有特別的龍躉！ 個人特別喜歡天婦羅蝦，炸皮夠脆，很香口！芝麻雞翼，炸薯餅和炸榴槤球，今晚就不理卡路里，盡情吃！飲品除了一般汽水，還有和種罐裝果汁酒。更連清酒和梅酒都有，這裏的飲品選擇真的很豐富！最後還叫了一份朱古力waffle試，而且每人還有一杯雪糕，我們就要了哈根大師的！真的吃到非常飽！

今日同朋友到了旺角食放題，今次就來到呢到食飽飽！一入到來就緊係叫野食啦！不過實在選擇太多 9格都show唔晒🤣🤣🤣不論刺生、壽司，卷物，炸物、燒物、炒物，等等 都應有盡有，仲有甜品同飲品都幾多種類：飲品任飲，甜品任食！仲有日本酒飲～不過在下就唔好酒，所以先唔飲ja! 鍾意飲日本酒的朋友不防一試！😋來到呢到食放題當然唔少得刺生同芝麻雞翼啦！刺生都好新鮮～甜蝦係最值得一讚！真係芝麻雞翼就好似每次新鮮炸咁～熱喇喇，外皮香脆 肉質滑 多汁！當然唔少得其他的燒物！都燒得好不錯啊！仲有我最愛的腐皮壽司🍣有芒果、玉米、蟹柳口味！正丫！店員服務都幾好，好快咁幫你收走台上已食完的東西，咁就夠位放新的食物，雖然兩人坐位就比較窄，但整體而言很好啊

已經有一段日子沒有與朋友吃放題了，今天終於約到朋友一起來吃。這間位於瓊華的放題餐廳之前都有聽朋友推介過，最重要是有梅酒和清酒任喝，不是很多餐廳會提供免加錢就可以任喝梅酒和清酒的，這點對於我和朋友都喜歡喝梅酒來說真的很吸引。餐廳食物選擇很多，刺身、不同款的壽司、小食、一品料理和季節料理等。刺身都很新鮮，甜蝦大隻，鮮甜。點了多款壽司，整體而言都不錯。小食方面，我們覺得最好吃的是雞翼和炒芥蘭，雞翼外皮炸得很鬆脆；炒芥蘭也很脆口。

食放題最開心嘅就係款式夠多，樣樣野都可以試吓。 嚟到旺角瓊華中心食放題，淨係刺身已經有12款選擇，隨便叫啲，都算係厚切，不過擺盤就未夠精緻。鹽燒牛舌好彈牙，調味做得好好！燒菠蘿每次放題必食，開開胃！泰式天使蝦比較少見，微辣夠惹味。吉品鮑汁燴花膠估唔到有咁多花膠，養顏，要食多啲！鹽燒雞翼皮脆肉嫩。北海道焗廣島蠔啲蠔太細，幸好個醬汁好味道。鹽燒海蝦算係大隻，但唔係鮮甜。炸蝦天婦羅即炸熱辣辣，好食。蜜桃炒蝦球超大份，蜜桃加蝦仁有十幾件，好飽鐵板雪花牛柳粒比預期出色，香口惹味，牛肉油脂豐富。最後一人一杯貴價雪糕。每人$218算係幾抵食，啱晒成日都諗唔到想食乜嘅朋友。

好耐無食放題，無漏單，服務又幾好，野食又吾錯，就去返上次呢間。刺身方面大赤蝦同甜蝦就最出色，夠哂爽滑又甘甜。燒物方面鹽燒海蝦肉質幾彈牙，吾會燒得過火，仲保留到肉汁，不過呢個出菜好慢，叫第二round野食都未有。炸物方面一個人食左8粒榴連炸彈，呢個係我既最愛，香脆既表層內裡軟糯，加埋熱辣辣既流心榴連肉。好似比之前仲好食，大粒左，榴彈肉多左。和風料理方面日式牛乳廣島蠔鍋，湯底幾奶滑又清清地，不過就蓋過左d蠔既鮮味。

今晚同幾個朋友去開旺角，又到晚飯時段，大家都喜愛食日本放題。食物種類又多選擇。去咗旺角依間叫至尊滿屋日本料理。入店內冷氣也充足，坐位又夠舒服，環境及裝修也很好，给我很舒服的感覺。店員也有禮貌。看完餐牌，食物種類很多。個人認為食放題上菜速度很重要，點完食物，送上來都快，又沒有漏單的情況。首先講刺身，又新鮮，尤其是三文魚和北寄貝。一食再食，口感十分好。另外炸物也十分有水準，個人認為天婦羅炸蝦是必食的，是即炸的，又脆脆地。非常好味。另外叫咗個滑蛋牛肉鍋，牛肉份量又多，湯底又入味，牛肉質感很好，口感很好。各款的壽司也很有水準。尤其鳗魚壽司，鳗魚好新鲜又入味道。至於飲品方面，有很多選擇，而且任你飲。又有豆腐花食。而且又有我最愛的哈根大師雪糕。绝對是物超所值的一餐。

忽然好想食放題，朋友話呢間放題質素唔錯，即刻book位試吓啦。一入門口已經見到琳瑯滿目既飲品，真係你講得出既都有，仲有個好大個甜品櫃，好多選擇。坐低即刻落單叫刺身，刺身都好新鮮，夠曬凍，特別推介蝦刺身，好鮮甜，啖啖肉。朋友重點推薦呢度個海膽手卷，果然好食，海膽無怪味，入口即溶，手卷細細個，食幾個都唔怕。牛舌有驚喜！爽嫩有嚼勁，肉味自然，整體屬水準之上！蒜片炒牛粒都好有水準，唔係平價貨。天婦羅即叫即炸，熱辣辣勁好食。蕃薯仔夠甜夠軟燒蝦甜品勁多選擇，係出面個甜品櫃到拎，雖然好多人左揀右揀，但職員補給都好快，瘋狂掃食！仲有特別口味既雪糕，超正。二百幾既放題，意外地每道菜都好有水準，絕對值回票價。

去咗旺角食放題，店都算係新開張，人唔算多但係都坐滿左7成左右服務好，上菜夠快，而且店員都很helpful的，唯一就是台比較細張，叫多幾樣野都沒位了刺身都新鮮，最喜歡的還是三文魚等等的，鮮甜兼且新鮮。泰式生蝦好爽口，肉質爽口有彈性，一個字，鮮。壽司很多人都不會點，但係味道卻是很好吃的，除了基本壽司外，辣汁三文魚是我最推介的！鮮甜又好味點了有炸雞翼和燒雞翼還是炸的最好味！！！除了點餐紙之外，仲可以到外面去拿甜品吃的！！大部份都好好吃可以encore最後係可以點選雪糕吃! 有我最喜歡的movenpick士多啤梨味，最鐘意係佢有士多啤梨果肉係入面，作為飯後甜品真係一流。