臻味冰室豬扒酸辣米線

营业中

休息中

中午lunch在九龍灣，呢一間豬扒米線超級多人，望落去應該唔差，入去試吓，點知就中咗伏。話咗出名豬扒米線，當然要試吓。豬扒米線（小辣）豬扒有三件，都好大件，炸得比較乾身，咬落去有鹼水味道。米線偏淋身，份量都頗多。豬潤肉碎泡飯：豬膶都是新鮮的，味道偏鹹。麻辣牛肉：份量不多，牛肉沒有牛味，落咗鬆肉粉，牛肉很滑。麻辣蠔仔：蠔仔份量頗多，但係食落口好腥，沒有蠔味。四樣食物，連埋一個凍檸蜜，一共$178 ，只收現金。可能各人口味不同，只見絡繹不絕有很多客人，外賣也是不少。只不過，個人是沒有興趣再來了。

食呢間米線唔好諗住係譚x既質感，反而我覺得似細個食過果啲車仔麵feel既港式米線😅🚩秘製豬扒酸辣米線（轉清湯）$42呢間最出名既就係豬扒🐷，炸豬扒肉質超淋，一咬即刻可以斷開😂不過份量好似少左，以前起碼有4-5舊，今次食得3舊同埋斬得有啲碎骨🦴唔想食辣既可以轉清湯，唔洗擔心清湯淡茂茂，都幾有味，味精感唔算重，可以接受點解我話似細個既味道呢，其實係因間佢啲米線係偏向肥嘟嘟😂各人口味唔同啦，我就幾鍾意呢隻質地多過扁身既🙈不過米線份量偏少，只係岩岩好夠女仔食🙈以九龍灣快快手手食個lunch黎講，呢間不失為其中一個選擇，地方夠大，就算等位都唔算太耐🙈不過豬扒米線唔包飲品，想飲就要再加十幾蚊，加埋就要成$60喇😮‍💨

觀塘呢間豬扒米線好出名，每次放飯都超級多人排隊買外賣同堂食，我都食過好多次，夠酸夠辣豬扒夠大件，米線大碗足料，簡直係打工仔糧尾恩物😆喺觀塘有三間分店，喺九龍灣有一間~🍴秘製豬扒酸辣米線 中辣多酸菜 $42 (8.5/10)正常係中辣，如果食唔到辣記得叫小辣。豬扒大大塊，好足料，米線份量都好多，表面有少量葱、香芹、芫荽、花生、自製酸辣菜。湯底酸辣帶有輕微麻辣，酸辣係來自佢嘅酸菜，辣度啱啱好，唔會辣到胃痛又有刺激感(同譚仔酸辣差唔多辣度)，酸菜爽口又好食，加埋花生配料，口感好豐富。米線比較粗，唔會煮得太淋，啱啱好。最出名嘅豬扒好大塊，有三大舊，豬扒有炸香過，軟身得來爽口，唔會硬或者太韌，美中不足就係豬扒用鹼水醃製得太勁，有啲乸口嘅味道😥但$42咁足料咁大碗，仲要超級飽，好高CP值！🍴麻香無骨鳳爪 $36 (8/10)一啲都唔辣，有麻香味，鳳爪都有十舊，好足料，有好多酸菜花生，鳳爪都爽口，冇異味，做小食都幾過癮，都幾唔錯~ 個人覺得酸辣牛肉好食啲。推薦指數: 8/10呢間嘢分店嘅質素時高時低，通常都係豬扒好食啲同埋冇咁好食，湯底酸菜米線保持到水準，個人覺得牛頭角分店總店係最好食嘅，次次都冇失

秘製豬扒酸辣米線 $40呢間嘢都算略有名氣，用秘製豬扒擺埋上店名，咁冇得唔揀豬扒啦🤔講下湯先～ 叫咗中辣，望落唔算成碗油；一飲落係五小辣度，但酸味呢？？失蹤了嗚嗚，咬到酸菜先會有少少酸；湯底就正常啦，唔特別香濃但唔係非常味精但唔知點解食食下佢有啲麻，個嘴痺痺哋，又幾爽皮，但整體食落似麻辣多啲😂個招牌豬扒又真係幾好食，調味適中，唔會炸到乾晒，又冇食到梳打粉味；有三舊大大塊，有啲厚度，都算抵食der （欣賞有厚度嘅豬扒，欣賞自己🥰）米線就正常啦～ 我幾中意佢面頭啲花生，炸到好香口，扑扑趣，開心仔；隔離枱個女仔夾哂啲花生落枱我心諗jm9？？整體覺得唔錯，抵食嘅，經過開可以一試，但唔需要特登嚟食（暫時覺得會特登去排隊食嘅只有老闆娘）另外一提嘅係另一碗嘅蕃茄湯都真係幾難食下，建議唔好試，伏過直升機；都係食返豬扒酸辣啦😂

耐唔耐就會有好想食米線嘅心出現，最後說服同事一齊去食，之前lunch 都有嚟食過，所以知一到12點幾就會爆晒場，一放lunch 即刻衝嚟，果然轉個頭就爆晒要等位。呢度最出名就係豬扒米線，同事就叫咗酸辣豬扒米線，要戒口嘅我唯有叫清湯豬扒米線，每碗都係$40。我地有兩個人唔知點解姐姐淨係俾一杯水我地😂，所以拎嚟洗筷子算🤣 一開始嚟錯咗，兩碗都嚟咗酸辣，等姐姐幫我換返碗清湯。同事個酸辣真係好吸引，不過我個清湯都唔差，清湯仲有幾舊白蘿蔔。豬扒都大塊同埋幾淋幾香，同事就話個湯夠晒味又唔會話太辣。整體就係不過不失，今餐算係解一解個米線癮，希望下次嚟唔駛戒口可以食返酸辣。

去臻味冰室午餐🥢，位於九龍灣常悅道13號瑞興中心地下A號舖。 之前在觀塘食過一次， 印像是份量少， 味道正常。 今次到九龍灣分店， 點了秘製豬扒酸辣米線$40、 鮮蠔仔上湯米線$38、 熱鴛鴦$7、凍咖啡$8。 📌秘製豬扒酸辣米線🍜 ～ 豬扒有幾塊， 口感鬆軟， 酸辣湯底辣度適中， 帶點酸酸的🤏🏻好開胃， 米線份量多。 📌鮮蠔仔上湯米線🍜 ～ 蠔仔粒粒飽滿肥美， 上湯味道清清地。 📌熱鴛鴦☕ ～ 好耐沒有飲鴛鴦， 味道正常。 📌凍咖啡🧋 ～ 香濃好飲。 米線的酸辣湯底和上湯湯底都幾好， 價錢適中， 間中食下亦不錯😉。

話說當天朋友在九龍灣附近工作，於是順便找我吃午餐🙊他說很想吃米線，然後就給了我這間餐廳的地址，讓我去等位😂 我在九龍灣工作多年，其實都沒有發現過這間餐廳，看著openrice各食客的美食圖片，愈看愈肚餓，愈看愈想快點試一下這間午市都大排長龍的米線 等了大概10-15分鐘左右，坐下看了餐牌就決定要叫招牌豬扒因為我很喜歡吃雞翼，所以最後還加了雞翼🙊 再加上個人不喜歡吃米線，於是把米線轉了做上海面。 米線到了，看樣子真的是非常好 不過吃下去便知道龍與鳳了。首先，我叫豬扒加雞翼，雙併，最後雞翼沒有了，跟店員說沒有給我雞翼，她想把我整碗米線拿入廚房幫我添加兩隻雞翼，我說，你還是用碗裝給我吧🙂 先不說雞翼,他們家的招牌秘製豬扒,咬下去是真的很軟的，不過一吃就知全都是鬆肉粉，味道真的很不好，我吃了兩啖就沒有再吃了😣雞翼無味，好乾，不值一提。 湯底全部都是油，根本完全不值得去試，最後，我幾乎全碗都沒有吃過就離開了。 總括而言， 湯底不辣不酸又很油😥豬扒沒有特色，全都是鬆肉粉味，雞翼又乾又無味，絕對是不值一試😣

在觀塘區說是頗有名氣的臻味在九龍灣開張，經過見到午餐時間幾受歡迎，今天下午茶時間去試試。餐牌上的選擇多，而酸辣湯米線跟豬扒比較受歡迎，因此我點了這款來試。米線不包餐飲，但下午茶時間點餐飲可享半價優惠，我點了一杯凍咖啡。要求少冰少甜的咖啡味道濃郁，也做了少甜給我，奶的份量亦剛好不會太多得蓋過咖啡味。秘製豬扒酸辣米線($40)，辣度我選了小辣。雖說是小辣，食物才放進口裡就感覺到辣勁在蔓延；辣度對我來說還好，但這裡整體是偏辣的，如你只能吃少少辣，那可以問問會不會有BB辣，或者走辣了。湯的表面有層辣油，是麻辣的那種，嘴唇會感覺到麻痺咁，但是酸就不太感覺到，然而我是比較喜歡食酸辣多於麻辣。撇開辣油，看到底下有清湯，可是沒有甚麼味道，有少少鹹又稱不上是豬骨湯，更不要說是有層次了。米線份量普普通通，男生未必夠飽，而米線的質地偏淋易斷，都幾掛麻辣油但就沒有口感。秘製豬扒有三塊，部份有骨。說是秘製豬扒，除了湯裡的辣味，我卻食不到其他味道。肉質淋得沒有牙齒都可以輕輕撕開，明顯地是過度使用鬆肉粉，肉味也沒有，也顯然是食材很不新鮮；老實說我都不知道究竟我吃了甚麼進肚裡後來跟朋友說起，她食過觀塘店食物是同樣的問

見好耐無食過「臻味」，咁岩放假係Megabox附近搵食又見到依間「臻味」既新分店「臻味冰室豬扒酸辣米線」就走左入去食。依間「臻味」既門面應該係咁多間分店入面最大間，啲位都幾闊落下，幾多卡位可以坐。雖然我去既時候係平日既兩點幾，以為應該無咩人食野，但唔知係咪附近都多寫字樓，竟然都差唔多full曬。食物方面，間野叫得豬扒酸辣米線就緊係要點豬扒，另外我本身中意點鮮牛肉所以就加埋鮮牛肉😋麵底方面，今次就揀左上海麵，唔洗另外加錢。好多人會覺得開左分店餐廳既水準好多時都會下降，但暫時覺得佢地仲keep到水準，豬扒仲係好香口，鮮牛肉都熟得岩岩好，食麵果時記住連埋湯食👍🏻 個人評分（滿分為5）味道：😉😉😉😉😉環境：😉😉😉😉員工友善度：😉😉😉😉CP值：😉😉😉😉😉

日日lunchtime都有好多人排隊食臻味冰室，唔想等位所以就叫咗外賣。佢主打酸辣米線，但都有好多唔同款式既餸可以揀。我叫咗大辣既鮮蠔仔酸辣米線($39)。雖然我叫咗大辣，但都唔算係好辣，反而係食落去有啲酸味，之後個口先會感覺到個種麻痺既辣。麵就普普通通，蠔仔既數量都ok。不過都係覺得可以再辣啲xdd。呢間舖既酸雨辣米線多款式揀又唔算貴，想平平地食餐飽既可以試下。插曲：叫外賣個陣見到有舊大黑雲飄緊過黎，又開始行雷，好驚就快落大雨。結果落完單5分鐘之後就有得拎，真係好快😂。

🥢觀塘工廠區內必食驚喜招牌豬扒酸辣米線🥢在觀塘九龍灣一共有三間分店的米線店，最出名係佢地的秘製豬扒，之前食呢間都一定點豬扒米線，今次就試埋佢地的雞翼睇下好唔好食🥢秘製豬扒酸辣米線（小辣）$40 大大一碗的豬扒米線，味道夠酸辣，呢度嘅酸菜係切成一粒粒的，爽脆幾有咬口，米線幾滑溜，重點豬扒醃到好軟腍又入味，薄薄一塊咬落幾軟熟🥢脆香雞中翼米線 (中辣）$40雞翼有經過滷水有滷水香，size 大大一隻幾厚肉，但唔算好脆，同豬扒比豬扒真係出色好多，下次都係叫返豬扒好了📍 臻味冰室豬扒酸辣米線 (觀塘)觀塘創業街15號萬泰利廣場地下B號舖

呢一間由觀塘開到嚟九龍灣嘅豬扒麵，聽講好出名又好抵食，今日同一眾同事去試一試，結果等完45分鐘，都係有一個麵冇黎到，所以有冇得食都係睇彩數 不過眼見周圍嘅人都好鼓躁，有啲忍唔住走咗，自己有得食都唔知算唔算好彩 🔔餐廳入座人數極多，建議可以捱餓同埋lunch hour有1.5小時以上嘅人去食 韮菜餃酸辣上海麵($40) 雖然豬扒係主打，但作為餃子控，當然要試餃子啦。叫咗配料全走，最後黎左個正常配料俾我，店員仲話係我食錯🤷‍♀️唔知點解酸辣味其實係麻辣，食到嘴都麻哂🤪上海麵條粗粗的，幾飽肚。韮菜餃算大隻，餡料都好足，仲有6隻咁多㖭，不過可能太辣嘅關係，大家都食唔哂 好味指數 🌕🌕🌕🌗🌑抵食指數 🌕🌕🌕🌕🌑打卡指數 🌕🌑🌑🌑🌑推介指數 🌕🌕🌑🌑🌑

臻味豬扒米線本身係觀塘區有一定名風，唔單只有YouTuber介紹過，仲每日都好多打工仔支持！今個月終於進駐埋九龍灣工廠區啦🙌🏻係人流超多嘅常悦道開咗一大間分店，目測坐到100人呀，卡位為主，坐得舒服又乾淨，價錢仲要十分平價，單餸米線先40幾蚊，搞到呢排同事們成日話要去食xd😋講講嘢食先！💫秘製豬扒最值得試，坊間好多浸咗湯嘅豬扒通常冇乜口感、或者好乾身好’鞋’! 偏偏臻味做到 「肉質好 又入味」，真係稱得上係第一豬扒！臻味仲一d都唔孤寒，次次叫豬扒到有兩、三塊，滿到都食啲豬扒先見到d米線，哈哈💫另一個重點係湯底，個酸辣好特別，重酸反而唔係太辣，有同事叫到大辣都仲要自行加辣椒油，個酸主要來自秘製酸菜粒👍🏻好味道酸辣以外仲會食食下feel到麻，會食到條脷痺晒，唔中意麻辣嘅朋友可能要試下其他湯底！💫米線偏硬冇乜彈力，應該係成碗米線唯一扣分嘅地方除咗豬扒，我仲有試過自製韭菜餃、牛脷，呢2款配菜都值得一試，牛脷唔會硬，都幾入味！九龍灣嘅打工仔如果諗唔到放lunch食咩，絕對可以一試👍🏻

無下午茶， 吃豬腸酸辣米線要大辣。 上餐白水湯底，無味精， 唔辣唔酸，問大媽點解， 拿來一碟辣招油，全倒入湯再試，唔辣唔酸，再問大媽，唔酸？ 拿來小碟辣招油，油裡有小小酸菜，全倒入湯，再吃無味， 台上無鹽，無豉油， 算了。 腸淋但無味。42元包熱奶茶。 地方還可以， 有電視看。

公司附近間茶餐廳執咗無耐，本身以為會開返茶餐廳，但竟然係開喺觀塘有幾間分店嘅酸辣豬扒米線。喺觀塘返工嘅朋友話呢間好好味，所以由第一日見到個招牌就期待佢開張。平日lunch食米線都係幫襯兩間大型連鎖店多，終於有多間選擇。Lunch time十二點幾唔使等位就坐低咗，坐低咗等一陣先有人落單。餐牌以米線為主，有湯米線同撈米線，另外仲有泡飯同小食選擇。由於午飯時間好旺場，落單後等咗大概十五分鐘先有得食。米線可以自選辣度同酸度，點咗酸辣豬扒米線，正常辣多酸。酸味係來自酸菜，所以嗌多酸有好多酸菜，酸菜好味又爽口湯底係豬骨清湯，以麻辣米線嚟講，湯底算係唔油膩。辣味係嚟自麻辣醬，花椒嘅麻味好突出好香嗌咗正常辣度對我嚟講唔夠辣，下次會試下嗌大辣。炸豬扒呈金黃色賣相唔錯而且份量唔少，一共有三件，就算只係嗌一餸都夠食。豬扒帶骨食落軟腍好惹味，唔會炸過火炸得太乾身。估計有落鬆肉粉醃過，但鬆肉粉味道唔明顯可以接受。米線比一般食到嘅粗身，口感滑溜唔會過份腍。但如果鍾意食爽口米線呢間就未必啱口味喇。整體嚟講豬扒米線味道唔錯，豬扒同米線份量都多。只係辣度可以再辣啲，希望下次幫襯時嗌大辣會夠辣。但豬扒酸辣米線始終都係我