興樂菜館

营业中

休息中

本身打左電話books位.點知第日去到佢話我冇book 到.跟住啲態度仲要好差.洗吾洗咁丫以後刀吾會去啲間餐廳啦.你冇幫我book 到位咁你啲態度刀好少少丫吾該.咁都有

公眾假期最後一日，一行5人入長洲行吓食吓，午餐當然要去興樂食海鮮啦，阿姐好醒一張長枱中間搵塊板隔一隔就坐哂椒鹽鮮魷：炸粉唔厚，熱辣辣又惹味，食完一碟唔夠喉要叫多一碟椒鹽九肚魚：九肚魚嘢味，魚肉柔嫩多汁，好食到唔停得口白灼海蝦🦐：蝦都算大隻，蝦肉新鮮爽口，而且多羔蒜蓉粉絲蒸扇貝：扇貝雖然比較細隻，但係加埋蒜蓉粉絲都好好食而且新鮮薑蔥炒蟹🦀：有一大一細兩隻蟹，因為係水蟹所以冇羔，肉也唔多，過下口癮啫豉汁炒蟶子：蟶子好大好肥，豉汁炒好惹味，而且數量都唔少豉汁炒蜆：呢個真係冇得輸，蜆肉唔算細，洗得乾淨冇沙我哋叫咗八個餸都只係$508，性格比非常高，市區呢個價錢有乜可能食到，便宜又好食，抵👍🏻

念住去離島少D人,食下野行下長洲出名食海鮮,不過唔係間間好食一排海鮮檔,選擇左一間人多既海鮮超平,不過可能一分錢一分貨海鮮size細都唔係問題但有d食落唔多新鮮...反而即炒小菜好好味,粟米更又平又大份仲好好味,建議大家去長洲點多d小菜會俾食海鮮更加開心

星期六入長洲，夜晚順便留喺度食海鮮。因為長洲出名多海鮮🦞碼頭附近有幾間海鮮餐廳，我哋求其揀咗一間。餐牌有好多款式，可以全部揀晒海鮮都得。蒜蓉蒸蟶子我覺得係10分推介 好新鮮 好好味😋避風塘炒蟹，蟹就比較細，但係就有好多隻

黎到長洲除左食大魚蛋、紅豆餅果啲之外我覺得海鮮都係必食既近碼頭一字排開好幾間都係叫餸食飯其實每次食完邊間下次都唔記得去過邊間就憑感覺揀左間人多多地咖啦****三個人四餸一湯 好似都只係三百零四百蚊有埋蒸聖子、椒鹽鮮魷魚湯好濃好好味食到捧住個肚走超滿足又抵食****聖子意外地好肥美而且份量都唔少蒜蓉蒸好香噴噴****椒鹽鮮魷都唔會炸到乾晒入口依然皮脆肉嫩同樣地都係好大碟****魚湯煲到奶白色雖然咸左少少但魚味都好濃****

三款海鮮小菜 $208 滿座，晚餐等一陣位#豉椒炒蜆 幾濃味🙈送飯不錯#蒜蓉粉絲蒸扇貝 細細隻，味道不錯。不過粉絲是一大堆擺落去，不是逐個分開#鹽水瀨尿蝦 新鮮，細隻，少肉，清甜。底下有浸滿濃蝦湯的粉絲😋少少咸ᶘ ᵒᴥᵒᶅ個人口味評分：7/10#food #hkfood #hkfoodstagram #hkfoodpic #hkfoods #hkigfood #foodiehk #yummy #delicious #foodie #hkfoodie #hkfoodieblogger #hkfoodies #黑貓食好西#興樂菜館 (長洲)長洲北社海傍路11D號舖

入長洲食海鮮是常識吧！懶人包就係叫個餐再去揀嘀海鮮收加工費，但我真心好耐冇食過嘀咁bb嘅海鮮，菜食嫩嘀就話食苗啫～可能海鮮食鮮都食苗啦！不過話雖如此，長洲成條海鮮檔大街，全部座無虛席！其實有時食氣氛啫！意思意思下又一餐啦！首先叫咗知雞軟骨同椒鹽鮮魷，港真！全晚最好食呢兩碟！鮮魷炸漿夠薄，雞軟骨調味出色！啤酒之最佳伴侶之後嘅海鮮就有嘀一言難盡.....蒜蓉開邊蒸蝦好有心機整，切得好靚，真係開晒花咁，但嘀蝦真係太細隻細到好似九節蝦咁，冇乜肉食細個聽人講，瀨尿蝦細隻先甜，大隻冇味！但我俾嘀成人瀨尿蝦種壞哂，食唔返轉頭啦！炒蜆夠獲氣！夠大排擋風味個蒸象拔蚌，火候就過咗龍，象拔蚌好韌，呢個係自己買黎加工㗎，所以大隻嘀！蟹都係果個問題啦！冇咩肉，但個薑蔥汁炒得幾香條魚買果陣話班，蒸完個樣好似倉魚，係咪移形換影，真係不得而知.....但佢最大問題係蒸老咗，好鞋，令食呢餐步步都舉步維艱係呢餐夾餸都困難重重嘅時候，咕嚕肉都變得鶴立雞群，不過算啦！兩圍餸未計外買海鮮加埋先千兩鬆嘀，人地走平價海鮮，食呢個size 好正常！起碼個製法冇敷衍過我，搵食啫！犯法呀！

今日我們去了長洲旅遊，順便品嚐美味海鮮。長洲也有浩楠飯堂，就是這家興樂海鮮菜館。能成為浩楠飯堂當然要滿足一定條件，價錢算長洲幾間之中最平，每碟都比其他幾家大碟，服務員也很親切有禮。我們兩個人點了4樣食物，包括有：粟米魚肚羮，豉汁炒蟶子，咖喱炒蟹，清蒸海魚。四款小菜套餐$268。粟米魚肚羮夠大窩，魚肚份量十足。豉汁炒蟶子，豉汁夠野味，蟶子只只大大只。海魚夠晒鮮，剛剛熟肉質夠晒滑。咖喱炒蟹，咖喱很香，花蟹算大只，有肉。

原來長洲嘅海鮮又平又靚又好食，價錢仲平過市區，真係好抵。下次都可以再返嚟食。有餐廳百幾蚊就有三個餸又送乜送乜，呢間係貴少少嘅$208先三個餸，但係質素就高好多。推介椒鹽魷魚，又大份又好食，炸得非常之酥脆，炸粉唔厚，剛剛好。由於已經食咗椒鹽魷魚，瀨尿蝦就食油鹽水啦。調味就麻麻哋啦，明顯食得到有味精或者係公仔麵調味粉味。但係肉質都唔錯嘅，唔梅。魚香茄子煲都不錯，送飯一流。三個餸兩個人啱啱好，叫多兩個白飯，正呀。

是日到長洲一遊，少不免要一試碼頭海旁的海鮮餐廳。在Openrice搜索一番后，發現這間中菜館是好評最多的一間，於是便決定前往一試。我和友人選擇了精選海鮮晚餐套餐，選了四個菜式，分別是豉汁炒聖子、蒜蓉蒸扇貝、清炒西蘭花和紅燒石斑塊。菜式份量十足，聖子及扇貝十分新鮮！石斑塊調味恰當，肉質鮮嫩可口。美麗的碼頭夜景伴着高質素的海鮮中菜，無疑是一種休閒的享受。到長洲的朋友，不妨到這一間海鮮中菜一試，渡過美麗的一晚。

黃昏晚霞嘅長洲大街，面對大海，岸邊有很多泊岸的小艇，別有一番水土鄉情。人流依然很多，沿途有很多海鮮小店燈火通明，紛紛叫喊吸引顧客，因為有很多遊客會在長洲食完海鮮晚飯才坐船回家。我建議如果大家想喺興樂菜館食海鮮，要預早訂枱，如果唔係入到嚟冇得食，會失望。我哋兩個人，選了五個海鮮，都係$308，真的很便宜。白灼海蝦🦐份量不少，約有半斤，鮮甜椒鹽鮮魷🦑炸到金黃色嘅鮮魷，未食已經垂涎三尺，咬一口新鮮熱辣辣炸起嘅椒鹽鮮魷，飲一口可樂，好味到唔想同個朋友講嘢。清蒸魚🐠都幾大條，魚肉亦嫩滑豉椒炒聖子生熟度啱啱好，豉椒炒好惹味油鹽水浸蜆朋友好鍾意食蜆，我見佢食得好快😆，個湯頭好鮮甜，加上蜆肉好新鮮肥美，正！我哋冇食飯，淨係食海鮮，因為想留少少肚去甜品老店「允升」。

味道可以給3星，價格很便宜，200出頭三道菜，可以都選擇海鮮，包括蔥薑蟹，瀨尿蝦，蟶子，魷魚，蝦都可以，我覺得聖子味道還可以，蝦有點軟不算新鮮，還點了一個生炒骨，味道也可以，綜合是性價比還可以的小廚

係呢度食左超過5次，食物味道幾好，但員工唔係好公道，我地食左個十餸餐，飲左四支啤酒，三碗飯，因為我地拜神所以有燒肉我地問佢你可以唔可以幫我地斬開，係度食，都預左要收錢，但佢個陣話無問題我地幫你，佢無講話要收錢，都食飽比錢，佢收我地$777，我地計一計係計錯，十個餸$558，一支可樂$17，啤酒$33一支 x4=$132，一個飯$11 x3=$33，$558+$17+$132+$33=$740，即係$777係錯，我地同佢講計錯，可能計多左支啤酒，佢翻到去就話係喎你地斬燒肉都未計，收多你$60，一陣又唔知點計計到$810，好又比左錢佢，行出去又計下唔係喎計多左$10，我地又同佢理論，佢再計，又話張手寫單我寫燒肉係$70，就計70啦，計三次都錯？我同佢講你收我地斬燒肉錢唔緊要，但你可以同我地講聲先考慮斬唔斬，佢話我幫你啦，無講過話要收錢，okay fine我地比囉，但你一陣又話60一陣又話70，你講1000都可以架啦，我地都要比架啦。同佢講，佢話比翻$60你地，你地走啦。我同佢講而家係你錯你仲同我鬥大聲叫我走，你同我鬥大聲我咪大聲過你囉，當我好好蝦？惡人先告狀次次黎長洲都黎呢度食，但而家你咁

入到長洲，點可以唔食海鮮呢。可能呢日去係紅日，係晚餐時段真係排左勁耐隊！但聽朋友推介呢間藍格台布海鮮店係好好食，所以都乖乖地排左差唔多1個鍾隊。雖然我同朋友夾埋得2個人，可能排得太耐，變得太餓，所以我地叫左4個菜既套餐。粉絲蒜蓉蒸扇貝同平時係酒樓食開既味道一樣，略嫌唔夠入味，有點淡。不過以呢個價錢，有5個咁既SIZE既扇貝，都尚算佛心之作。豉椒炒蟶子呢個就好入味啦！有鑊氣之餘，D蟶子吸晒D味，食到唔停口，配白飯食真係一流。我見都幾多人都叫呢碟菜，睇黎都叫得冇錯。不過份量有點少，同埋多空殼。魚香茄子炒得好入味，茄子好軟熟，同炒蟶子既醬汁近似，送飯食真係一流。炒通菜最後都叫左點蔬菜清清腸胃，菜量非常多，差D食唔晒。可能期待太高，令到我覺得味道並非朋友所講既咁好。不過係咁便宜既價錢（人均消費百幾蚊），可以食到海鮮都算係咁。但會唔會用1個鍾再排隊食佢？我諗未必了。

快閃長洲一天遊！食海鮮套餐   炒聖子 椒鹽鮮魷 炒時蔬 蒜蒸粉絲帶時值太平清礁好多人入黎玩同睇搶包山之類活動早D出門上船比較好啦,中午後開始多人部份食店不賣肉食,但仍然有好多照賣,放心 同樣地,唔洗專登買野入黎,呢度同市區一樣,有齊便利店~長洲海鮮餐廳多數係以套餐形式去落單由3款小菜起,最多12款$188/3款$638/12款有菜有肉有海鮮類就算你12碟都係海鮮都無問題完全同樣收費好處係明碼實價,心中有底好過比人斬到一頸血唔好處就係菜式相對少選擇大約20款海鮮左右平均幾十蚊一款,其實合理價,份量也不少  有分戶外位同室內,有冷氣,夏天人多緊係入室內坐啦 豉椒聖子用平價印尼聖子,細隻但無沙味道無特別,就醬料都OK惹味既椒鹽鮮魷幾乎人人都點炸得夠脆身,加鹽食一流,無得彈,炸漿厚身一點而已 好食!  我地4個人,點多一款炒菜食下先! 除左海鮮,也有肉類 炒返個黑椒雞絲撈下飯先!雞肉嫩,厚身有質感,炒得香辣,撈飯聖品 最後就每人一隻蒜粉絲帶子濕身左一點,味道唔夠濃! 興樂菜館