興樂菜館

营业中

休息中

一家入長洲玩， 想吃埋晚飯才走， 上開飯找尋長洲美食，看到這間菜館的食評講得唔差， 咁就去試試啦。6時左右， 有冷氣， 無乜人。叫了五個餸的套餐， $278 。 菜， 肉 ，海鮮也可簡。有「京都骨」 幾大碟， 細細件易入口。「椒鹽鮮魷」勁好食， 好好食， 唔係一pat炸粉果d, 而且入口即溶。「粉絲蒸扇貝」粉絲好味， 扇貝細隻。「薑葱炒蟹」有一隻大， 一隻細。 大果隻啖啖肉，勁好食， 細果隻死or水野。「豉椒炒聖子」味道好好，但肉味怪咗少少。叫多三支汽水 $13 一支。埋單無加一。 三百一十幾。如果要求唔高，而且想食平價海鮮，可以去食。食食吓先影相，唔好意思 ^^下次会再去。

今晚黎左長洲行下，順便食個飯，就經過呢間餐廳試下佢地既手勢。由於天氣太熱，要等冷氣廳，所以就一直在外等，大概等左廿鐘就入座。我地簡左三份海鮮，包括海蝦，蒜蓉粉絲底扇具，同蒸海魚。個蝦份量其實有點小，但蝦都ok新鮮甜美，再配埋甜豉油都不錯之後到蒸扇貝，佢地粉絲都算多，但扇貝就有點細隻，同埋如果可以再多些蒜蓉就會更好。然後到海魚，其實個海魚係蒸得唔錯，夠滑嫩，但只可惜敗於佢個豉油，如果佢唔用甜豉油係會好味好多囉。

黃昏六點半左右 在街上閒置 撞到多年老友 咁啱 今天晚上冇飯開 決定前往北社海旁興樂飯店 開餐 在附近海鮮檔 買咗大蝦 斤零 一條立魚斤零重 200蚊左右 帶到呢個興樂飯店 豉油皇大蝦清蒸立魚 再買咗碟菜完先有 味道不錯 來了價錢又相宜 舉杯暢飲 不限時的晚飯

每次入長洲的指定節目，除咗週圍行行企企以及掃街之外。重頭戲當然係食海鮮啦！食興樂係哥哥的指定動作，因為哥哥係住長洲的。當然要信佢啦！因為尋日係一年一度嘅天后誕，所以整個長洲都彌漫住濃厚嘅節目氣氛。枱實在係太爆了，我地訂咗5時入席，食完可以他他條條咁走😊講返D嘢食先,白灼蝦（材料新鮮梗好啦）薑蔥蟹+米粉抵（D米粉索晒D汁點會唔好味呢）清蒸鮑魚（可以啦）一魚兩昧（炆骨、炒球。e條魚煮得啱啱好，相當嫩滑，無懈可擊）👍🏻粉絲蒸帶子（好味！但帶子稍為細咗D）炆魚肚（可以吧）仲有蝦醬通菜+蝦醬豬肉（可惜無腩肉，只有肉片。失色了）最後加上自來的靜岡蜜瓜，咁就劃上完美嘅句號啦😘

中午才剛剛試完街尾的另一間海鮮餐館，晚上就黎食番每次入黎長洲都食的興樂酒家再戰海鮮餐首先一道我最愛的椒鹽鮮魷，新鮮嫩脆的鮮魷配上香脆可口的外皮，配上喼汁，簡直一絕.第二道，與中午一樣的椒鹽瀬尿蝦（因為我先生愛吃），份量比之前那間多之外，也比較新鮮，味道上就真的是真正的椒鹽。第三道，清蒸鮮蝦，鮮蝦大小不一，但每隻都爽滑可口，配上微辣的辣椒鼓油，更添鮮味最後一道清蒸海魚，係黃立䱽黎既，肉質新鮮嫩滑，底下配合的豉油帶有少許蔥油香，能去腥提味其實已經黎過興樂好多次，每次都能盡興而歸。

長洲對我黎講係一個特別既地方，有著特別既記憶上一次黎係七月尾，非常多人又迫，而且好熱今次天氣唔係好凍，而且遊客少左好多，無咁迫上次因為時間太夜，無試到呢度既海鮮，今次做足準備，首選左呢度食由於兩個人，而且唔餓，所以點左個三餸餐($178)豉汁炒聖子分量好多，味夠濃，好送飯椒鹽鮮魷好多枱都叫佢，就知佢幾受歡迎我揀呢間都係因為呢個椒鹽鮮魷，因為朋友中意食佢炸粉相當薄，魷魚肉厚實又彈牙。魚香茄子煲因為天氣涼涼地，所以食個熱辣辣既煲仔餸但佢既味並唔係正式既川味，因為一啲都唔辣，鹹魚味都唔夠重。茄子分量相當多，兩個人都食唔哂另外，點左兩個飯(@$8)同一罐可樂($12)，埋單都只係$206 好抵食

呀妹生日，一家人去左長洲玩兩日一夜。呢間嘅海鮮之前已經食左好多次，加上又抵食，成十個人的家庭樂，當然首選揀呢度！份量看似好少，食食下發覺都剛好。可能仲叫左其他餸啦！份量少到一人一隻都唔夠分，搞到要encore 一次先得，點嘅豉油係加左wasabi，一流！冇乜肉食...豉汁夠香推薦！超濃，足料！個個食左都話正！無甚特別，份量少夠酸！可惜一早炸定，唔係脆卜卜仲正！好香炸蒜味，食落彈牙，推薦！酸酸甜甜，味道剛好，餸飯最佳選擇意外好味，唔係得苦味，有回甘，加埋豉汁，餸飯食一流！Tips:呢間一過6:30一定大排長龍，記得book定位！

話說星期六同男朋友紀念日 係商場行到四點幾 男朋友話想食海鮮 即興決定入長洲食晚餐 5點左右先上船 5點35分左右就落船了 係附近兜左一圈 為食既我地一人食左一個特大芒果糯米滋和長洲大魚蛋因為預左八點先去食晚飯食完大魚蛋去海邊行左陣就出發食晚餐啦附近有好多間好似樣 不過一開始我地就簡左呢間先 因為7點個時勁多人排隊 所以就決定轉頭返嚟食呢間我地兩個人決定叫四個餸$218（3餸$178），嗌左我最愛既椒鹽鮮魷，ah b最愛既椒鹽瀨尿蝦🙈，雖然好似好熱氣，但難得入到嚟 唔係唔食自己最鐘意食個啲卦？清蒸海魚 同豉椒聖子可樂$15@1 大枝裝355ml 好多氣白飯$8@1椒鹽瀨尿蝦 有好多隻 都算大隻！我無咩點食 因為我唔好哈哈～男朋友就話唔夠味椒鹽鮮魷 好好食 嚟親必食 男朋友都大讚下次再嚟都會要叫！新鮮炸起 好左碟大舊得嚟唔係厚粉個隻先最正！！！清蒸海魚 黃立倉嚟無捻過咁大條呢個size街市平時賣$55-60條嫁超市冰鮮都賣30幾蚊仲要係細條蒸個時間岩岩好 所以啲肉好滑同埋好新鮮呀！記得上次係隔間個間食 唔記得叫咩名 價錢好似貴少少 有湯送 但條魚細到好細 所以一見到呢條個陣有驚喜最後就係

今日1:30左右去到餐廳，見有位就同男朋友2個人入去食啦，員工態度都冇咩問題，就好似普通餐廳咁，咁我地就叫左個$218 4個小菜既套餐啦！叫左椒鹽鮮魷，薑蔥炒蟹，蒜蓉粉絲蒸扇貝同埋椒鹽蝦。椒鹽鮮魷好好味，炸得好脆，又唔似其他店舖叫「骨肉分離」，值得推薦。蒜蓉粉絲蒸扇貝味道都普通餐廳冇咩特別大分別，不過5隻扇貝有一隻係BB size，有少少唔夠盡興。椒鹽蝦方面就唔夠椒鹽味，好似一碟炒過既蝦上撒一堆椒鹽，令到一d蝦好鹹一d蝦冇味。成餐最失望就係薑蔥炒蟹，蟹既size好細隻，不過就有一隻半既蟹，不過炒蟹時冇細細扑碎d蟹殼，d薑蔥汁滲入唔到蟹肉到，再加上薑蔥汁味道唔好食，令到成碟蟹都唔好食，唔值得去試。餐廳冇提供洗手水或濕紙巾，食完蝦蟹要洗手就要出公廁洗手，好唔方便。如果想食完就去玩，唔去公廁既話就要帶定濕紙巾啦！

長洲海傍有好多間海鮮餐廳 間間菜式差唔多 價錢亦分別不大 雖然呢一間小菜嘅價錢相對附近嘅餐廳貴2 30蚊但係碟頭比較大比較好味 今次兩個人叫咗三個餸第一個係西檸雞 嗰個芡汁酸酸甜甜非常好食雖然好快就上菜但係夠新鮮完全唔凍嘅 份量都非常多 第二樣叫咗白灼鮮蝦 選擇白灼因為諗住椒鹽蝦比較熱氣 上菜嗰陣丫姐俾埋一碟辣椒豉油 兩者配搭簡直係一流啲蝦好鮮甜 一啲都唔腥臭 仲都幾大隻最後叫咗蒜蓉粉絲扇貝 蒜蓉茄粉絲呢個組合係冇得輸 扇貝唔算太大但整體味道都不錯 食小菜又點可以吾飲汽水+白飯埋單數total都只係二百一十蚊 好抵食平時喺市區都未必食到呢個價錢

已有一段時間無去長洲了，襯週末與女友到長洲逛逛，遠離一下繁忙的都市，都是一個很好的活動。由中環上船到長洲都只是短短的半小時，確是方便，落船後的第一個活動當然是"醫肚"啦，我們選擇了"興樂"這間食店。價錢合理，提供3餸，4餸......不同選擇，平均都只是六、七十元/碟。椒鹽鮮魷魷魚肉質彈牙，而且份量多，味道也很好，但略嚴外皮炸粉鬆散。豆腐魚湯湯的顏色是奶白色的，單看顏色已估到味道應該不錯。魚湯應是即做的，味道好，沒有魚腥味。豉汁炒聖子聖子新鮮爽口，醬汁鹹度適中，好味。

黎過長洲既人…都應該知道海傍一帶係食海鮮既地方…云云舖頭當中競爭不少…近球場呢邊一帶看似比較抵食…睇到198有4款海鮮…就坐低試下…其實除左海鮮…仲可以選小菜…不過既然一場黎到…梗係殺殺殺碟碟都海鮮啦…>，<…瀨尿蝦雖然細隻…都有d肉…十數隻…夠香口好味…相信唔係咁多人鍾意食九肚魚…一來要食埋魚骨…二來感覺滑潺潺…我比較少食…但都要讚一讚…九肚魚幾大條…皮薄香口…不過要趁熱食…凍左就會覺得好腥好難食…扇貝有4小隻…例牌生熟蒜蓉加粉絲蒸…鮮味多汁…聖子係中小型…都有十隻八隻…新鮮好肉…一般都係選豉椒炒…唔知係咪之前兩碟椒鹽太香口…呢碟豉椒反而變得好淡味…整體黎講…198無加一…包4碟海鮮…貨真價實算係幾抵…食個西式午餐都要咁上下價錢啦…

完全無搜尋邊間好食, 純睇人流, 人多就去食, 幸好過了午市時間, 間間都有位, 係呢間人仍然多, 就揀佢。套餐三餸$158 , 四餸$198一個價錢, 清單上所有都可揀, 唔會肉類一個價, 海鮮類又一個價,收費好分明。入到黎長洲, 就當然食海鮮餐, 兩個人都有少少瘋狂, 揀左4餸, 因為海鮮一般食唔飽, 哈哈白灼東風螺- Size 非細隻, 無沙, 有口感之餘又乾淨, 配上甜醬食, 味道層次比原本的鮮甜多一份咸香, 一粒接一粒, 好快就食完紅燒斑片- 呢個都有少少誤導, 這個明顯是菜遠炒斑塊, 魚塊已不脆, 炸漿亦多, 入口淡而無味, 炸前應該都沒有調味。下茨太多, 食到一當半都要沖沖水再食, 當係一個菜類食會恰當些。薑蔥炒蟹-  呢個又得喎, 有2-3隻的份量, 小腳當然無肉, 但身同鉗都有不少, 啖啖肉, 醬汁雖入不到去肉內, 但薑蔥的辣香都好好, 加上落過糖煮, 味道又多個層次。豉汁炒蟶子- 欣賞, 一般先入為主, 50零蚊一個餸, 點會俾大蟶子, 所以揀左炒, 原本佢都俾中size既蟶子, 每隻都分明, 不會因過份整茨毋汁而變糊, 而且清理好內臟, 入口爽口鮮香, 鑊氣十足。

是日天朗氣清…見天氣唔係好熱…就約埋馬騮仔同埋兩個朋友去長洲郊遊一下去長洲點少得食下海鮮我哋今日叫左8個餸…聽落好似好多…個其實知道呢度啲份量不嬲係細碟啲…所以叫多幾款試下 豉椒炒蜆：蜆就唔算大隻…但個味都幾夠亦無好似出面有啲餐廳咁炒完出嚟得個殼…無哂啲肉 椒鹽瀨尿虾+炒菜虾就唔係太新鮮同細隻…椒鹽亦唔夠入味…無乜蒜香 椒鹽鮮魷+薑蔥蟹蟹雖然細隻啲…個味道炒得幾好鮮魷唔會太多粉…不錯不錯 白虾虾虾明顯比瀨尿虾新鮮…中虾size蒜蓉蒸蟶子蒸得有點過火了…其實有8隻但口快過隻手…已經食左了總括來說係抵食嘅4個人8樣嘢飲埋啤酒汽水先四百幾五百蚊…平食海鮮來說算唔錯

之前上網揾下長洲有乜好食！見咁多人讚咪試下囉！唔知係中伏定師傅當日輸左馬呢？？？我地—行四人！第一様來個蒜蓉粉絲蒸元貝！Ｄ元貝好似比人，切走一半先蒸咁様第二様，來個椒鹽瀨尿蝦，Ｄ蝦冇肉…… 第三様，豉椒炒蟶子！味道ok,但太辣！第四様，再來個炒通菜，味道ok正常！第五様，再來個粟米魚肚羹！ 味淡…比水好ＤＤ……試過之後，都係不外如是啫！