興記茶餐廳

营业中

休息中

早上10點45分，想食個早餐等極都冇人招呼！只叫等等 不緊要的，包完一個外賣又一個外賣 我繼續等 街客來問 立刻答 立刻做 餐牌早餐到十一點 你不做堂食你跟我說！可能我唔夠令仔不招呼我

又係一大朝早去紅磡見客，去左一間係隆基大樓嘅【興記】茶餐廳食早餐，入面都坐咗8成滿既食客。叫咗一個健康之選早餐，意大利雜菜湯河粉，原嚟餐廳係用闊條粉做湯河，有質感唔似湯河咁腍啤啤，而食落個感覺又有啲似越南湯河，煎蛋就麻麻煎老左啲，個黃都有d死實實，但係都算係好香口，油包夠厚身，但冇比牛油而且有d乾身，呢間奶茶味濃香夠茶味，不過飲落有d苦澀味道，如果多加返少少奶更好，但係$30一個餐都根本冇野可以投訴。

在紅磡辦事, 就近找尋嘢食, 期間有很多茶餐廳, 一邊行一邊看, 最終見到一間茶餐廳 坐無虛設, 二話不說就入去試吓, 食物選擇相當多, 由於第一次光顧, 當然點選了乾炒牛河和凍鴛鴦, 等了一陣就送上乾炒牛河, 鑊氣冲天, 急不及待放進口裏, 味道不錯, 牛肉彈口, 河粉滑口, 加上適量芽菜, 爽口美味, 算不錯了; 飲杯凍鴛鴦, 也冲得好香, 帶有濃厚咖啡香味; 總結而言, 值得再次光顧的

餐牌寫豉汁蒸排骨！成個碟一粒豆豉都無都算，反正都係排骨，點知食落口豉汁冇豉汁，肉感似霉爛，完全食唔落口，仲有啲反胃星期六好多舖頭食市無開，見價錢合理，第一次幫襯就無下次，真係無諗過咁差；好彩餐湯同飲品正常。

公司樓下的茶餐廳紅磡實在太多選擇，想食咩種類都有。下午餐茶餐，簡簡單單又一餐。$21叫左個菠蘿油+熱奶茶這個價錢，掂啦！ 想搵個地方坐下，抖下氣，放空下，都係幾好的消費去處！😄菠蘿油唔係冷而唔掂個種。 最起碼是脆卜卜，熱辣辣的放在你面前。夠誠意！好味！熱奶茶都唔易失手。😄

行過興記, 被佢門口個餐牌吸引!五隻字....栗米肉粒飯!每個男人都唔同, 人地嘅浪漫係豆腐火腩飯, 我就係栗米肉粒飯.今次興記完美地示範咗一碟唔合格嘅栗米肉粒飯樣辦.1, 肉粒無味, 口感太硬, 而且 size 過大.2, 栗米汁只係普通雞蛋玻璃茨, 唔係金黃色嘅栗米汁.3, 栗米份量不足.係一個超失望嘅浪漫! ^(00)^

幫襯咗成20幾年嘅發記車仔麵突然玩裝修! 一時間都唔知食咩好, 又唔想行翻去街尾祟潔街食車仔麵, 見到興記冷氣足夠就沖咗入去先!好鬼熱嘛!點咗干炒叉燒河, 香茅豬扒飯.好多餐廳用嘅凍飲杯 size 細得過份, 興記先黎兩杯凍0茶, 見到個杯係屬於偏大 size 已經大樂無中伏感！干炒叉燒河炒得夠鑊氣, 份量適中無偷工減料, 屬水準之作.驚喜嘅係香茅豬扒飯.首先豬扒有兩塊, 其中一塊好鬼大件! 而且兩件都係厚切, 份量已經超滿足! 重要味道唔差, 咬落juicy 唔係煎得過火, 有當年澳門氹仔官也街豬扒包嘅質素, 掂!再加上我大愛嘅蔥蓉, 蔥蓉亦炒得夠惹味唔會太咸, 加埋豬扒一同入口的話更正.缺點係…. 香茅豬扒飯太油喇…

昨晚拉隊出城五虎戰的神，史棋雷杰成大敗，不經意失掉五千多白銀。隊足十幾杯大堅，再黎支香檳結尾，露魂出竅 ﹗斷片 AI 飛的都成 3 點先入到屋企，排除萬難 8 點半爬起身。晨早收到美女生日祝福，我都忘記今天是農曆生日，多謝啊﹗Happy lunar birthday to me ﹗大陸國產港鐵經常故障，今日再次出現，真係火都黎﹗還掂都遲到，慢慢嘆個早餐先返公司。轉眼已三年無踏足興記，再重回舊地，您地有否進步啊？朝早 9 點左右到達興記最舒服，食客少地方寬敞空氣流通，環境清靜乾淨，雖然食物質素真的強差人意，不過地方非常吸引。在 9 點半後能夠提供高質早餐，如果9 點前都煮得色香味俱全就更開心喇！ 細看餐牌，早餐價錢扺食到暈，平得過份 ﹗但質素如何呢？想食牛扒無牛扒、想食烏冬無烏冬、想食意粉無意粉，餐牌明明寫住喎，我心諗您個餐牌要黎仲咩架？明明寫住出前一丁、烏冬、公仔麵加$2 蚊，茶記罕有地會有三種即食麵，多年無食公仔麵，心血來潮想重拾回憶，點知都係無既﹗ 太陽蛋五香肉丁出前一丁，已經再比多次機會您地！丁麵依舊煮得地獄級難食，依舊白烚A4 紙味道與質地，預早煮定倒落滾水撈埋湯粉 30 秒送

新公司搬左黎依邊🤦🏼‍♀️樓下好多茶餐廳諗住一間間試下中午放飯緊係搵間唔洗排隊既啦，坐底餐牌飯麵連野飲個個都三十幾蚊超經濟🙌🏻有每日精選既，有餐牌上的豬、雞、牛、A、B、C汁抄麵抄飯唔個點解今日想食個滑蛋叉燒飯，好快就到，咁先係香港快餐👍🏻雞蛋唔算多，勝在多蔥，但個汁有點咸，叉燒係瘦叉差不多有二十塊，飯應該都有1碗半，食完都真係好飽啊加埋野飲四十一蚊埋單，依個年頭真係好小有，但個冷氣就⋯⋯⋯好似無咁，依幾日34-35度，食到焗桑拿咁依區餐廳都咁抵，下次試下第二間再寫食評