舍 (已結業)

話說網上見到有人推介這間食中式點心下午茶set,見到每款點心造型精緻，又未食過這類下午茶，仲要喺IFC入面，就諗住去試試。點了 ”仲夏野餐下午茶”二人份只是$388每款點心都有兩件，剛好一人一件，只是個糖水楊枝甘露得一碗，入面有兩條椰汁金魚。整體來說，食物是正常點心的味道，不是特別好食，只是個樣做得幾靚，無乜特別驚喜🙃想講吓間鋪個位置，好隱蔽，喺連卡佛入面，外面完全見唔到有指示牌，所以要問職員先知點行，一入到店內，見到好多老友記，以為入咗間舊式茶樓，真係一次幾⋯特別⋯的體驗😬

太差！完全無心情影相！兩位枱好細，講明會叫得多餸，要求比張大少少嘅枱，結果話全部4人枱book滿！😡😡走嘅時候依然未坐夠一半客！叫咗黄金鱈魚，一食就知嚟錯，我問伙記呢碟係咩，佢呃我係黄金鱈魚，我轉頭問第二個伙記，佢話係椒鹽鮑魚，根本係完全錯晒！結果再嚟番碟真嘅黄金鱈魚，好鹹！蟹肉炒桂花素翅，完全無味！連汽水都係溝嘅，無氣！真係離晒譜，仲要係一啲都唔平喎！咁嘅質素居然可以响IFC生存到？失望到極！

見社交平台 有人share左個廣告，仲送護膚試用裝就決定黎打咭， 間野係有啲難搵， 去到企喺門口一陣， 諗住啲服務員醒目會問你係咪訂左枱等，點知佢地望完你當無野喺度傾計，服務真係麻麻，之後我入去話訂左位要坐出面， 佢地話出面好熱，好多人都唔會坐又曬，我都係堅持坐出面可以影相，外面有風扇，都唔會好熱嘅，我地坐左之後，好多人都坐出黎，影相靚啲， 點心好快到，份量都幾小，食完唔會飽嗰隻，但幾好食嘅，樣樣都唔錯，飲品我就覺得一般般啦，無咩特別， 一個鐘都唔洗我地就埋單，見佢仲未送護膚品就問佢啦，點知佢話無貨叫我留低電話到左打比我黎拎，等左三個月都無人打黎，無貨就唔好出廣告話送護膚品，又話到左打黎又無左件事，好似呃人咁，所以我遲左咁多先post 係一路等緊佢打黎， 點知無左影，所以無下次

同媽咪試過好多唔同嘅西式下午茶，今次難得平日放假，就試吓呢間既中式afternoon tea呢間餐廳位於IFC連卡佛入面，有啲隱蔽，最後問一問職員，好快就搵到了，原來係化妝品部旁邊。我地今次坐喺近窗邊既梳發位置，都見到少少靚景。可能係平日嘅關係，餐廳都較少人，坐得好舒服。Contemporary Chinese-styled Afternoon Tea 🌸🍵呢個tea set係一個盒咁上 裏面既點心係一件件由鹹至甜，由內到外放。盒旁邊有另一碗好似金魚既湯餃，仲有手袋同紅蘿蔔型既炸物。好難得成個tea set每件都好味又精緻。每一件都好有創意，特別係炸點嘅外型，咬開好有驚喜，有啲唔捨得食。唯一美中不足嘅係杯茶帶少少苦味，而且幾細杯。

放工即興同朋友飯局，上網見到這間仲可以book到位，加上仲有折扣，唔想四圍行，四圍搵之下就決定試下其實這店都幾難搵，行左一圈都搵唔到之下唯有問下人，原來就在連卡佛入面店舖唔算大，但原來可望到海，望到摩天輪🎡，夜景都唔錯。今晚二人飯局，所以不能叫太多嘢，兩小食加兩主食。魚子醬蝦多士- 只有三件，蝦膠打得幾好，幾爽口，加上鹹鹹嘅魚子醬，炸得脆而唔油膩嘅多士椒鹽魷魚鬚- 一樣唔油霖霖，條條魷魚鬚都唔會好銀，一口就可以咬開，但味道就淡了點沙嗲牛肉粉絲煲- 勁香嘅沙嗲醬加入粉絲上，再配上超軟滑嘅牛肉，勁黑松露XO醬撈麵- 黑松露味好香，但就食唔到xo 醬味，整體比較鹹以這價錢食這樣質素嘅餸菜cp值唔算高，但加埋個環境都可以打個和嘅

食物OK賣相靚適合打卡環境佢有個戶外seating area，度門打開了不會自動關門 (可能壞左)，staff又唔會理會，所以食食下會有熱風湧埋黎服務Staff唔多見人並不是佢book位時咁話係外國人全部廣東話的好處是佢唔會清你台可舒服傾計壞處係要拎menu叫埋單要等到有staff見到好費時在Openrice訂台時有寫明主餐牌85折，在埋單時見佢冇輸入，就叫佢改返，佢第一反應係唔想改 (因為佢出左單，但改都好容易者)，最後當然要佢改返先比錢，但呢個處理好扣分

一入到去啲粉紅色梳化位已經坐滿左，不過現場嚟到嘅環境比網上睇相嘅有點落差，地方較暗沒有打卡的感覺。下午茶鹹點味道尚可，不過甜品就普通。勝在嘢食造型精緻可以影吓相。

Nice view but sadly disappointed by quality of food and poor service. We had lunch. Dimsum wasn’t that great, noodles were too oily. .Food 6/10 (I was rather disappointed)Price 6/10 (not cheap for this quality)Service 6/10 (not very friendly)Ambience 8/10 (great harbour view)

I had saw this afternoon tea set a few times and finally found the chance to try it. You could enjoy the Harbor View even from the inside. Of course, if you can tolerate the heat, you can choose to eat outside as well. The tea set came with our drinks and it was really like a summer garden.For drinks, we upgraded them to cocktails Letter for She and Geisha Punch. Letter for She is a bit more on the tarty side.You can try most of their signature dim sum in this tea set, including the Rose Gold Sh

Lunch試新嘢，點知完全體現「浪費」2字——係浪費本小姐食嘢嘅quota。首先，食物熱度一般，喜歡食物熱辣辣上枱嘅朋友，唔好浪費時間金錢同腸胃嘅空間。第二，茶，真係普通過普通。我甚至懷疑係普通茶包沖出嚟嘅茶。第三，環境嘈到不得了！2個人，坐對面都可以聽唔到對方講嘢。第四，作為一間位處IFC連卡佛入面嘅中菜酒樓，有酒供應是咪應該供應中式酒配合返餐廳？ 北京樓都有花雕提供，仲有年份揀。呢間莫講話酒，普通醬料都冇 而且侍應人手不足，絕對唔配收呢個價錢。

舍 SHÈ Lunch Review 💭Executive Lunch $1,288 (Sharing for 4) This lunch set includes 4 soup (1 per person), 4 main courses to share, 1 rice and 4 dessert (1 per person) Mix seafood and egg soup (海鮮蛋花羹) Viscous and silky. The egg white dropped beautifully into the soup and makes for smooth bites. I couldn’t detect which seafood was used as I was distracted by the sheer taste of the soup but there was a heavy taste of fish bones and reminds me of the big bowl ones you get at a traditional 酒樓. There

之前和朋友食過下午茶，當時覺得唔錯。今日是第一次在這裡吃晚餐。已經提早一日訂了香檳金蝦餃，鮑魚撻及上湯金魚餃。點心非常精美，尤其是金魚餃就最有驚喜，味道好，賣相靚，阿仔非常鐘意隻鮑魚撻，讚不絕口。另外 order 咗椰皇蟲草花湯，蟹肉粟米羹，菠蘿咕嚕肉，蟲草花上湯芥蘭。兩個湯都好好飲，但飲完至醒起無影相。咕嚕肉味道唔錯，菠蘿面仲有溶咗嘅焦糖，賣相比味道出色。全晚最高分係就係點心，第二是美麗的海景，第三位是湯。下次會再來試其他菜及打咭。

被這個粉紅色精緻的下午茶吸引到位於中環IFC ，She 舍環境唔錯坐得舒服今日我哋揀咗坐出邊而且食物也不錯粉紅色嘅蝦餃好精緻味道唔錯，打卡一流菠蘿包好好味，外脆內軟⋯⋯

一直都想帶老媽 來這裡品嚐 精緻美美的 大馬士革玫瑰花園 下午茶 👒👒這兩天剛好 到了四季酒店 Staycation 離開時就非常方便 因為位置就在 國金商場 連卡佛內 👜👜餐廳設計時尚摩登 以大自然為主題 擁有室外露天座位 面對無敵維港景緻 ⛱⛱每天下午三時 就可吃到這個 新派精緻巧手 中式點心 每人咸點 4款 甜點 5款 熱飲或凍飲 1杯 🍹🍹香檳金蝦餃粉紅菜苗帶子餃花之戀（炸春卷）雜菌手袋酥迷你燕窩撻莓莓糯米糍紫薯玫瑰水晶糕天鵝綿花糖金魚楊枝甘露養生花茶莓莓檸檬梳打這個下午茶 剛推出時 與土耳其 大馬士革玫瑰 護膚品牌 gülsha 合作 當時會送 體驗禮品 2套的 但這趟惠顧 優惠已完結了 沒有護膚品送 🛍🛍整個 Tea Set 部份款式已改 上湯玫瑰金魚餃 換成 金魚楊枝甘露 甜蜜玫瑰饅頭 換成 天鵝綿花糖 🦢🦢感覺甜點多了些 質量只是合格 沒有驚喜 相反咸點心 水準較高 亦好吃 店家可能要改變下 Tea Set menu 才可讓客人 回頭光顧 😜😜影相打卡 絕對能夠滿足 但也要顧及客人 喜歡食物質素的需求 🌹🌹

平日放假同父母去ifc行下街shopping下，行到晏就有少少肚餓，西餐同日韓國都唔岩老人家胃口，國金軒同利苑又食過，見到有新式點心即刻決定黎試一試。間店係連卡佛入面，沿途完全冇指示話裡面d餐廳係邊，如果唔問商場職員或者睇地圖，第一次黎一定搵唔到囉，呢間商場不嬲設計都奇奇怪怪，唔止一次約人黎食野搵約定果間餐廳都搵勁耐，不過呢點唔關間餐廳問題，純粹想吐槽下間商場設計。平日晏就唔會滿座，所以理應一黎到就可以入座，但餐廳明顯人手不足，得一位身穿可能係部長既人負責招呼係門口既客人、又要指揮其他店員溝通、仲要自己執枱同餐具，另外2、3位員工都全程無停過手，有客人揮手會即刻回應，但係都需要隔一陣先過到去睇下客人咩事，全程講野好快、做野要用飛奔既姿勢，乜都好趕，呢個仲係未滿座既情況，我唔知假日多人會唔會都係咁既情況，定會多返少少人手，就我今日體會到既，好似去左街邊茶餐廳咁，設計同位置suppose係chill既氣氛同環境，無可否認係有被破壞到，仲要客人俾既唔係平係價錢，咁既服務環境，我覺得需要扣分，唔係員工問題，係餐廳安排人手問題。由於我地有三個人，一個下午茶只夠兩個人分，散叫又太貴，直接叫左2份下